ബെറ്റിസിന്റെ തട്ടകമായ ബെനിറ്റോ വില്ലാമെറീന്‍ സ്‌റ്റേഡിയത്തിലായിരുന്നു റയലിന്റെ തോല്‍വി. പത്താം മിനിറ്റില്‍ തന്നെ വലകുലുക്കി ബ്രഹീം ഡിയാസ് റയലിനെ മത്സരത്തില്‍ മുന്നിലെത്തിച്ചെങ്കിലും 34ാം മിനിറ്റിലും 54ാം മിനിറ്റിലും വലകുലുക്കി ബെറ്റിസ് ജയം പിടിച്ചു വാങ്ങി. ജോണി കാര്‍ഡോസോയും മുന്‍ റയല്‍ താരമായ ഇസ്‌കോയുമാണ് ബെറ്റിസിനായി സ്‌കോര്‍ ചെയ്തത്. മത്സരത്തില്‍ ബ്രസീലിയന്‍ താരം ആന്റണിയും നിറഞ്ഞു കളിച്ചു.

26 കളികളില്‍ നിന്ന് 54 പോയിന്റുള്ള റയല്‍ പോയിന്റ് പട്ടികയില്‍ ഇപ്പോള്‍ മൂന്നാം സ്ഥാനത്താണ്. ഇന്ന് റയല്‍ സോസിഡാഡിനെതിരെ നടക്കുന്ന മത്സരത്തില്‍ ജയിച്ചാല്‍ ബാഴ്‌സലോണ 57 പോയിന്റുമായി ഒന്നാം സ്ഥാനത്തേക്ക് കയറും.

രണ്ടു പാദങ്ങളിലായി നടക്കുന്ന പ്ലേ ഓഫ് മത്സരങ്ങള്‍ ജയിക്കുന്ന ടീമുകളാണ് അവസാന പതിനാറിലേക്ക് യോഗ്യത നേടുക. നേരത്തെ ഗ്രൂപ്പ് റൗണ്ടില്‍ ആദ്യ എട്ടിലെത്തിയ ടീമുകള്‍ നേരിട്ട് നോക്കൗട്ടിലേക്ക് യോഗ്യത നേടിയിരുന്നു. അര്‍ധ രാത്രി 1.30നാണ് സിറ്റിയും റയലും തമ്മിലുള്ള മത്സരം. പോയന്റ് പട്ടികയില്‍ ഒന്നാംസ്ഥാനത്തുള്ള ലിവര്‍പൂള്‍ നേരത്തെ തന്നെ റൗണ്ട് ഓഫ് 16 ലേക്ക് യോഗ്യത നേടിയിരുന്നു. കൂടാതെ ബാഴ്‌സലോണ, ആഴ്‌സണല്‍, ഇന്റര്‍ മിലാന്‍, അത്‌ലറ്റിക്കോ മഡ്രിഡ്, ആസ്റ്റണ്‍ വില്ല തുടങ്ങിയ ടീമുകളും അവസാന പതിനാറിലെത്തിയിട്ടുണ്ട്.

ഗ്രൂപ് റൗണ്ടിലേറ്റ അപ്രതീക്ഷിത തിരിച്ചടികളാണ് റയലിനെ പ്ലേ ഓഫ് കളിക്കുന്നതിലേക്ക് എത്തിച്ചത്. മറുവശത്തുള്ള പെപ് ഗ്വാര്‍ഡിയോളയുടെ സിറ്റിക്ക് തൊട്ടതെല്ലാം പിഴക്കുകയാണ്. 2022/23 സീസണില്‍ ചാമ്പ്യന്മാര്‍ ആയിരുന്നു സിറ്റി. പ്രീമിയര്‍ ലീഗില്‍ നിലവില്‍ അഞ്ചാം സ്ഥാനത്താണ്. സിറ്റിയുടെ തട്ടകമായ എത്തിഹാദ് സ്‌റ്റേഡിയത്തിലാണ് മത്സരം. കഴിഞ്ഞ ഒരു ദശാബ്ദത്തില്‍ ചാമ്പ്യന്‍സ് ലീഗില്‍ മാത്രം ഇരുടീമും നാലു തവണയാണ് പരസ്പരം ഏറ്റുമുട്ടിയത്.

കഴിഞ്ഞ വര്‍ഷം ചാമ്പ്യന്‍സ് ലീഗ് ക്വാര്‍ട്ടറിലാണ് ഇരുവരും അവസാനമായി ഏറ്റുമുട്ടിയത്. ഇരുപാദങ്ങളിലുമായുള്ള പോരാട്ടം 4-4ല്‍ സമനില പാലിച്ചതോടെ പെനാല്‍റ്റി ഷൂട്ടൗട്ടില്‍ 4-3ന് റയല്‍ ജയിച്ചു. മികച്ച ഫോമിലുള്ള റയലിനെ തോല്‍പ്പിക്കുക സിറ്റിക്ക് വെല്ലുവിളിയാകും.റയലിന്റെ താരങ്ങള്‍ക്ക് പരിക്കേറ്റത് വന്‍ തിരിച്ചടിയാണ്. മറ്റ് മത്സരങ്ങളില്‍ ഫ്രഞ്ച് ചാമ്പ്യന്മാരായ പി.എസ്.ജി മറ്റൊരു ഫ്രഞ്ച് ക്ലബ് ബ്രെസ്റ്റുമായി ഏറ്റുമുട്ടും. യുവന്റസ് പി.എസ്.വി ഐന്തോവനെയും സ്‌പോര്‍ട്ടിങ് ലിസ്ബണ്‍ ബൊറൂസിയ ഡോര്‍ട്ട്മുണ്ടിനെയും നേരിടും.

മൂന്ന് മിനിറ്റിന്റെ ഇടവേളയില്‍ പിറന്ന രണ്ട് ഗോളില്‍ മുന്നിലെത്തിയ ശേഷമാണ് ഗ്വാര്‍ഡിയോളയും സംഘവും പി.എസ്.ജിക്ക് മുന്നില്‍ തലകുനിച്ചത്്. 50ാം മിനിറ്റില്‍ ജാക് ഗ്രീലിഷും 53ാം മിനിറ്റില്‍ എര്‍ലിങ് ഹാളണ്ടുമാണ് സിറ്റിക്കായി വലുകുലുക്കിയത്. 56ാം മിനിറ്റില്‍ ഡെംബെലെയിലൂടെ പി.എസ്.ജിയുടെ ആദ്യ തിരിച്ചടി.

60ാം മിനിറ്റില്‍ ബര്‍കോള പി.എസ്.ജിയെ ഒപ്പത്തിനൊപ്പമെത്തിച്ചു. 78ാം മിനിറ്റില്‍ ജാവോ നേവസ് പി.എസ്.ജിക്കായി ലീഡെടുത്തു. ഇഞ്ചുറി ടൈമിന്റെ അവസാന മിനിറ്റില്‍ ഗോണ്‍സാലോ റാമോസ് കൂടി വലകുലുക്കിയതോടെ പി.എസ്.ജിയുടെ കംബാക്ക് പൂര്‍ണമായി.

80 ശതമാനം നേരം പന്ത് കൈവശം വച്ചിട്ടും 30 ഷോട്ടുകള്‍ ഉതിര്‍ത്തിട്ടും തോല്‍ക്കാനായിരുന്നു ബയേണ്‍ മ്യൂണിക്കിന്റെ വിധി. ഫെയ്നൂദിന്റെ തട്ടകത്തില്‍ വച്ചരങ്ങേറിയ പോരില്‍ കളിയിലും കണക്കിലുമൊക്കെ ബയേണായിരുന്നു മുന്നില്‍. പക്ഷെ വലകുലുക്കിയത് എതിരാളികളാണെന്ന് മാത്രം. സാന്റിയാഗോ ജിമിനെസിന്റെ ഇരട്ട ഗോള്‍ മികവിലാണ് ഫെയ്നൂദിന്റെ ജയം. കളിയവസാനിക്കാന്‍ നിമിഷങ്ങള്‍ മാത്രം ബാക്കി നില്‍ക്കേ അയാസെ ഉയേദയും ഡച്ച് ക്ലബ്ബിനായി വലകുലുക്കി. ഓണ്‍ ടാര്‍ജറ്റില്‍ ബയേണ്‍ ആറ് ഷോട്ടുകള്‍ ഉതിര്‍ത്തെങ്കിലും ഒന്നു പോലും വലയിലെത്തിയില്ല. ഫെയ്നൂദാവട്ടെ ഓണ്‍ ടാര്‍ജറ്റില്‍ ആകെ അടിച്ച മൂന്ന് ഷോട്ടും വലയിലാക്കി.

സാന്റിയാഗോ ബെര്‍ണബ്യൂവില്‍ ഇന്നലെ ബ്രസീലിയന്‍ നൈറ്റായിരുന്നു. വിനീഷ്യസും റോഡ്രിഗോയും ഇരട്ട ഗോളുമായി കളംനിറഞ്ഞ മത്സരത്തില്‍ കിലിയന്‍ എംബാപ്പെയും വലകുലുക്കി. 71 ശതമാനം നേരവും പന്ത് കൈവശം വച്ച റയലിന്റെ സര്‍വാധിപത്യമായിരുന്നു കളിയില്‍ കണ്ടത്. കൂറ്റന്‍ ജയത്തോടെ ചാമ്പ്യന്‍സ് ലീഗില്‍ റയലിന്റെ പ്രീ ക്വാര്‍ട്ടര്‍ പ്രതീക്ഷകള്‍ സജീവമായി.

എമിറേറ്റ്സ് സ്റ്റേഡിയത്തില്‍ എതിരില്ലാത്ത മൂന്ന് ഗോളിനാണ് ആഴ്സണല്‍ ഡൈനാമോ സാഗ്രബിനെ തകര്‍ത്തത്. ഡെക്ലാന്‍ റൈസും കായ് ഹാവര്‍ട്ട്സും ക്യാപ്റ്റന്‍ മാര്‍ട്ടിന്‍ ഒഡഗാര്‍ഡുമാണ് ഗണ്ണേഴ്സിനായി വലകുലുക്കിയത്. പോയിന്റ് പട്ടികയില്‍ മൂന്നാം സ്ഥാനത്താണിപ്പോള്‍ അര്‍ട്ടേറ്റയും സംഘവും.

മറ്റു മത്സരങ്ങളില്‍ എതിരില്ലാത്ത ഒരു ഗോളിന് എ.സി മിലാന്‍ ജിറോണയേയും ഇന്റര്‍മിലാന്‍ സ്പാര്‍ട്ടയേയും തകര്‍ത്തു. റഫേല്‍ ലിയാവോ എ.സി മിലാനായി വലകുലുക്കിയപ്പോള്‍ ലൗതാരോ മാര്‍ട്ടിനസാണ് ഇന്റര്‍മിലാന്റെ സ്‌കോറര്‍.

ജയത്തോടെ ബാഴ്‌സലോണയെ മറികടന്ന് റയല്‍ പോയന്റ് ടേബിളില്‍ രണ്ടാംസ്ഥാനത്തേക്കുയര്‍ന്നു. 18 മത്സരത്തില്‍ 12 ജയവുമായി 40 പോയന്റാണ് റയലിനുള്ളത്. ഒരു മത്സരം അധികം കളിച്ച ബാഴ്‌സ 38 പോയന്റുമായി മൂന്നാമതാണ്. 18 മാച്ചില്‍ 12 ജയവുമായി 41 പോയന്റുള്ള സിമിയോണിയുടെ അത്‌ലറ്റികോ മാഡ്രിഡാണ് തലപ്പത്ത്.

സ്വന്തം തട്ടകത്തില്‍ തുടക്കം മുതല്‍ മികച്ച നീക്കങ്ങളുമായി കളംനിറഞ്ഞ ലോസ് ബ്ലാങ്കോസ് പത്താംമിനിറ്റില്‍ തന്നെ വലകുലുക്കി. റോഡ്രിഗോയുടെ അസിസ്റ്റില്‍ കിലിയന്‍ എംബാപെ വെടിയുണ്ട ഷോട്ട് പായിച്ചു. സെവിയ്യ ഗോള്‍കീപ്പറെ അനായാസം മറികടന്നു പോസ്റ്റിലേക്ക്. സീസണിലെ താരത്തിന്റെ പത്താം ഗോളാണിത്. 20ാം മിനിറ്റില്‍ കമവിംഗയില്‍ നിന്ന് ലഭിച്ച പന്തുമായി മുന്നേറിയ ഫെഡറികോ വാല്‍വെഡയുടെ ബുള്ളറ്റ് ഷോട്ട് തടഞ്ഞുനിര്‍ത്താന്‍ സെവിയ്യ ഗോളിക്കായില്ല. 34ാം മിനിറ്റില്‍ കൗണ്ടര്‍ അറ്റാക്കിലൂടെ റയല്‍ മൂന്നാം ഗോളും കണ്ടെത്തി.

ഇത്തവണ ലൂക്കാസ് വാസ്‌ക്വസിന്റെ അസിസ്റ്റില്‍ റോഡ്രിഗോയാണ് വലകുലുക്കിയത്. എന്നാല്‍ തൊട്ടടുത്ത മിനിറ്റില്‍ ആദ്യ ഗോള്‍ മടക്കി സന്ദര്‍ശകര്‍ പ്രതീക്ഷ കാത്തു. സാഞ്ചസിന്റെ അസിസ്റ്റില്‍ ഇസാക് റൊമേരോയാണ് ആദ്യ ഗോള്‍ മടക്കിയത്. രണ്ടാം പകുതിയില്‍ കിലിയന്‍ എംബാപെയുടെ അസിസ്റ്റില്‍ റയലിനായി ബ്രഹിം ഡയസ് നാലാം ഗോളും നേടി പട്ടിക പൂര്‍ത്തിയാക്കി. എന്നാല്‍ 85ാം മിനിറ്റില്‍ ഫെര്‍ണാണ്ടസിന്റെ അസിസ്റ്റില്‍ ഡോഡി ലുകെബാകിയോയിലൂടെ രണ്ടാം ഗോള്‍ നേടി.

മത്സരത്തിന്റെ സമ്പൂര്‍ണ ആധിപത്യം റയലിന്റെ കൈവശമായിരുന്നു. 37ാം മിനിറ്റില്‍ എംബാപ്പെയാണ് ഗോളടി ആരംഭിച്ചത്. വിനിഷ്യസിന്റെ ക്രോസില്‍ നിന്നായിരുന്നു ഗോളിന്റെ പിറവി. അവസാന രണ്ട് ഗോളുകളും രണ്ടാം പകുതിയിലായിരുന്നു പിറവിയെടുത്തത്.

53ാം മിനിറ്റില്‍ ഫ്രഞ്ച് സൂപ്പര്‍ താരത്തിന്റെ പാസില്‍ നിന്നു റോഡ്രിഗോയാണ് ഗോള്‍ നേടിയത്. വാര്‍ പരിശോധനയിലാണ് ഗോള്‍ അനുവദിച്ചത്. ഒടുവില്‍ 83ാം മിനിറ്റില്‍ റയലിനു അനുകൂലമായി ലഭിച്ച പെനാല്‍റ്റിയാണ് മൂന്നാം ഗോള്‍.

റയല്‍ താരം ലുക്കാസ് വാസ്‌ക്വസിനെ പച്ചുക്ക താരം ഇദ്രിസി ഫൗള്‍ ചെയ്തതിനാണ് റഫറി പെനാല്‍റ്റി അനുവദിച്ചത്. ഏറെ നേരത്തെ വാര്‍ പരിശോധനയ്‌ക്കൊടുവിലാണ് റഫറി പെനാല്‍റ്റി അനുവദിച്ചത്. കിക്കെടുത്ത വിനിഷ്യസിനു പിഴച്ചില്ല.

സൂപ്പര്‍താരങ്ങളായ കിലിയന്‍ എംബാപ്പെ, വിനീഷ്യസ് ജൂനിയര്‍, ജൂഡ് ബെല്ലിങ്ഹാം എന്നിവര്‍  റയലിനായി വലകുലുക്കി. ചാള്‍സ് ഡി കെറ്റെലറെ, അഡെമോളെ ലുക്ക്മാന്‍ എന്നിവരാണ് ഇറ്റലി ക്ലബിന്റെ ഗോള്‍ സ്‌കോറര്‍മാര്‍. മത്സരത്തില്‍ 10ാം മിനിറ്റില്‍ ബ്രാഹിം ഡിയാസിന്റെ പാസില്‍നിന്ന് സൂപ്പര്‍ താരം എംബാപ്പെ റയലിനെ മുന്നിലെത്തിച്ചു. ചാമ്പ്യന്‍സ് ലീഗില്‍ താരത്തിന്റെ 50ാം ഗോളാണിത്. സീസണില്‍ റയലിനായി താരത്തിന്റെ 12ാം ഗോളും. ഇതിനിടെ താരത്തിന് പരിക്കേറ്റ് കളം വിടേണ്ടി വന്നത് റയലിന് തിരിച്ചടിയായി. 36ാം മിനിറ്റില്‍ പകരക്കാരനായി ബ്രസീല്‍ താരം റോഡ്രിഗോ ഗ്രൗണ്ടിലെത്തി.

ആദ്യ പകുതിയിലെ ഇന്‍ജുറി ടൈമില്‍ (45+2) ചാള്‍സ് ഡി കെറ്റെലറെയിലൂടെ അറ്റ്‌ലാന്റ സമനില പിടിച്ചു. ബോക്‌സിനുള്ളില്‍ സീഡ് കൊലാസിനാക്കിനെ ഫൗള്‍ ചെയ്തതിനാണ് അറ്റ്‌ലാന്റക്ക് അനുകൂലമായി സ്‌പോട്ട് കിക്ക് വിധിച്ചത്. എന്നാല്‍ രണ്ടാം പകുതിയില്‍ കൂടുതല്‍ ഉണര്‍ന്ന് കളിച്ച റയല്‍ പരിക്ക് ഭേദമായി തിരിച്ചെത്തിയ ബ്രസീല്‍ വിങ്ങര്‍ വിനീഷ്യസ് ജൂനിയറിലൂടെ വീണ്ടും മുന്നിലെത്തി. 56ാം മിനിറ്റിലായിരുന്നു ഗോള്‍. മൂന്ന് മിനിറ്റിനുള്ളില്‍ വിനീഷ്യസിന്റെ അസിസ്റ്റില്‍നിന്ന് ബെല്ലിങ്ഹാം ടീമിന്റെ മൂന്നാം ഗോളും നേടി. 65ാം മിനിറ്റില്‍ ലുക്ക്മാന്‍ അറ്റ്‌ലാന്റയുടെ തോല്‍വി ഭാരം കുറച്ചു.

എംബാപ്പെ 79 ചാമ്പ്യന്‍സ് ലീഗ് മത്സരങ്ങളില്‍നിന്നാണ് 50ാം ഗോള്‍ നേട്ടത്തിലെത്തിയത്. ചാമ്പ്യന്‍സ് ലീഗിന്റെ ചരിത്രത്തില്‍ ഗോളുകളില്‍ ഫിഫ്റ്റിയടിക്കുന്ന ഏറ്റവും പ്രായം കുറഞ്ഞ രണ്ടാമത്തെ താരമാണ് (25 വയസ്സും 356 ദിവസവും). ലോക ചാമ്പ്യന്‍ ലയണല്‍ മെസ്സിയാണ് ഒന്നാമത് (24 വയസ്സും 284 ദിവസവും). പി.എസ്.ജിയില്‍നിന്ന് സീസണില്‍ ക്ലബിലെത്തിച്ച എംബാപ്പെ ഫോമിലേക്ക് ഉയരുന്നതിനിടെയാണ് താരത്തിന് പരിക്കേല്‍ക്കുന്നത്. പരിക്ക് ഗുരുതരമല്ലെന്നാണ് ക്ലബ് അധികൃതര്‍ നല്‍കുന്ന സൂചന.

ഡാനി കാര്‍വഹാല്‍, എഡര്‍ മിലിറ്റാവോ, കമവിംഗ എന്നിവരെല്ലാം പരിക്കേറ്റ് ടീമിന് പുറത്താണ്. ആറ് മത്സരങ്ങളില്‍നിന്ന് മൂന്ന് ജയവും മൂന്ന് തോല്‍വിയുമായി ഒമ്പത് പോയന്റുള്ള റയല്‍ 18ാം സ്ഥാനത്താണ്. ആറ് മത്സരങ്ങളില്‍നിന്ന് മൂന്ന് ജയവും രണ്ട് സമനിലയും ഒരു തോല്‍വിയുമായി 11 പോയന്റുള്ള അറ്റ്‌ലാന്റ ഒമ്പതാം സ്ഥാനത്തും. ആദ്യ എട്ട് സ്ഥാനക്കാര്‍ നേരിട്ട് നോക്കൗട്ടിലേക്ക് യോഗ്യത നേടും. ബാക്കിയുള്ള എട്ടു ടീമുകള്‍ പ്ലേ ഓപ് കളിച്ചുവേണം അവസാന പതിനാറിലെത്താന്‍.

53ാം മിനുറ്റില്‍ അലഹാണ്ട്രോ ബെറന്‍ഗ്വറിലേൂടെ അത്ലറ്റിക് ക്ലബാണ് മുന്നിലെത്തിയത്. എന്നാല്‍ 68ാം മിനുറ്റില്‍ അന്റോണിയോ റൂഡിഗറിനെ ഫൗള്‍ ചെയ്തതിന് റയലിന് അനുകൂലമായി പെനല്‍റ്റി വിധിച്ചു. എന്നാല്‍ കിക്കെടുത്ത എംബാപ്പെക്ക് പിഴച്ചു.

ഏതാനും ദിവസങ്ങള്‍ക്ക് മുമ്പ് ചാമ്പ്യന്‍സ് ലീഗില്‍ ലിവര്‍പൂളിനെതിരായ മത്സരത്തിലും എംബാപ്പെ പെനല്‍റ്റി പാഴാക്കിയിരുന്നു. 78ാം മിനുറ്റില്‍ ജൂഡ് ബെല്ലിങ്ഹാമിലൂടെ റയല്‍ ഒപ്പമെത്തിയെങ്കിലും വെറും രണ്ട് മിനുറ്റുകള്‍ക്ക് ശേഷം അത്ലറ്റിക് ക്ലബ് സമനില പിടിക്കുകയായിരുന്നു.

റയല്‍ പ്രതിരോധതാരം ഫെഡറിക്കോ വാല്‍വെര്‍ഡെയുടെ പിഴവില്‍ നിന്നായിരുന്നു അത്!ലറ്റിക്കിന്റെ രണ്ടാം ഗോള്‍ പിറന്നത്. തോല്‍വിയോടെ 15 മത്സരങ്ങളില്‍ നിന്നും 33 പോയന്റുമായി റയല്‍ രണ്ടാമതാണ്. 16 മത്സരങ്ങളില്‍ നിന്നും 27 പോയന്റുള്ള ബാഴ്‌സലോണ ഒന്നാം സ്ഥാനത്ത് തന്നെതുടരുന്നു. 16 മത്സരങ്ങളില്‍ 29 പോയന്റുള്ള അത്‌ലറ്റിക് ക്ലബ് നാലാം സ്ഥാനത്താണ്.

ഇന്ത്യൻ സമയം ഞായറാഴ്ച പുലർച്ചെ 12.30നാണ് മത്സരം നടക്കുക. ഇരു ടീമുകളും യുവതാരങ്ങളുടെ മികവിൽ മികച്ച ഫോമിൽ യൂറോപ്പ് വാഴുമ്പോൾ ആവേശമുണർത്തുന്ന മത്സരത്തിൽ കുറഞ്ഞതൊന്നും ഫുട്ബാൾ ആരാധകർ പ്രതീക്ഷിക്കുന്നില്ല. ലാ ലീഗ പോയിന്‍റ് ടേബിളിൽ 10 മത്സരത്തിൽ നിന്നും 27 പോയിന്‍റുമായി ബാഴ്സ ഒന്നാം സ്ഥാനത്തും അത്രയും തന്നെ മത്സരത്തിൽ നിന്നും 24 പോയിന്‍റുമായി റയൽ രണ്ടാം സ്ഥാനത്തുമാണ് നിലകൊള്ളുന്നത്.

അവസാനം നാല് തവണ എൽ ക്ലാസിക്കോയിൽ ഏറ്റുമുട്ടിയപ്പോഴും നിലവിലെ ചാമ്പ്യൻമാരായ റയലിനായിരുന്നു വിജയം. 2020 മുതൽ ഏറ്റുമുട്ടിയ ക്ലാസിക്കുകളിൽ 10 തവണയും വിജയം റയലിനൊപ്പമായിരുന്നു. അതോടൊപ്പം ബാഴ്സയുടെ മറ്റൊരു റെക്കോർഡ് മറികടക്കാനും കൂടിയാകം റയൽ കളത്തിലെത്തുക. ഒരു കളികൂടി തോൽക്കാതിരുന്നാൽ സ്പാനിഷ് ലാലിഗയിലെ അപരാജിത റെക്കോഡിനൊപ്പമെത്താൽ റയൽ മഡ്രിഡിന് കഴിയും. 42 തുടർമത്സരങ്ങളിലാണ് ടീം തോൽവിയറിയാതെ കുതിക്കുന്നത്.

എന്നാൽ, ഈ റെക്കോഡ് നിലവിൽ ബാഴ്‌സയുടെ പേരിലാണ്. 2017 മുതൽ 2018 വരെയുള്ള കാലയളവിൽ 43 മത്സരങ്ങൾ പരാജയമറിയാതെ കളിച്ചാണ് ബാഴ്‌സ റെക്കോഡിട്ടത്. റയലിന് ഈ റയലിന് ഈ റെക്കോഡിനൊപ്പമെത്തണമെങ്കിൽ ബാഴ്‌സയ്ക്കെതിരേ തോൽക്കാതിരിക്കണം. എന്നാൽ മികച്ച ഫോം തുടരാനും ഈ റെക്കോർഡ് കാക്കാനുമായിരിക്കും ബാഴ്സ ശ്രമിക്കുക.

ഈ സീസണിൽ 10 മത്സരത്തിൽ നിന്നും ബാഴ്സ ഒമ്പത് മത്സരം വിജയിക്കുകയും ഒരെണ്ണം തോൽക്കകയും ചെയ്തപ്പോൾ റയൽ ഏഴ് മത്സരത്തിൽ വിജയിക്കുകയും ഒരു മത്സരം സമനിലയാകുകയും ചെയ്തു.

സാന്‍ഡിയാഗോ ബര്‍ണബ്യൂവില്‍ നടന്ന പോരാട്ടത്തില്‍ ബ്രസീലിയന്‍ സ്റ്റാര്‍ സ്‌ട്രൈക്കര്‍ വിനീഷ്യസ് ജൂനിയര്‍ ഹാട്രിക്കാണ് ഡോര്‍ട്ട്മുണ്ടിന്റെ കഥകഴിച്ചത്. 30 ാം മിനിറ്റില്‍ ഡോണയല്‍ മലെനിലൂടെയാണ് ഡോര്‍ട്ട് മുണ്ട് ആദ്യ ലീഡെടുക്കുന്നത്.

34ാം മിനിറ്റില്‍ ജാമി ഗിട്ടന്‍സിലൂടെ ഡോര്‍ട്ട് ഇരട്ടിയാക്കിയതോടെ കളിപൂര്‍ണമായും ഡോര്‍ട്ട്മുണ്ടിന്റെ കൈകളിലായി. എന്നാല്‍, രണ്ടാം പകുതിയില്‍ റയല്‍ പ്രതിരോധതാരം അന്റോണിയോ റൂഡിഗറിലൂടെ റയല്‍ ആദ്യ ഗോള്‍ കണ്ടെത്തി(21).

രണ്ട് മിനിറ്റിനകം വിനീഷ്യസ് ജൂനിയര്‍ നേടിയ ഗോളിലൂടെ ഗോള്‍ നില തുല്യമാക്കി (22). 83ാം മിനിറ്റില്‍ ലൂക്കാസ് വാസ്‌ക്വസും ഗോള്‍ കണ്ടെത്തിയതോടെ റയല്‍ ആദ്യമായി ലീഡെടുത്തു (32). 86ാം മിനിറ്റില്‍ ഡോര്‍ട്ട്മുണ്ടിനെ ഞെട്ടിച്ച് വിനി തന്റെ രണ്ടാം ഗോള്‍ കണ്ടെത്തിയതോടെ റയല്‍ ലീഡ് ഇരട്ടിയാക്കി (42).

എന്നാല്‍, വിനീഷ്യസ് അവിടംകൊണ്ടും നിര്‍ത്തിയില്ല. നിശ്ചിത സമയം കടന്ന് 93 ാം മിനിറ്റില്‍ വിനിയുടെ ഹാട്രിക് എത്തിയതോടെ ഡോര്‍ട്ട്മുണ്ട് തരിപ്പണമായി. കഴിഞ്ഞ മത്സരത്തില്‍ ലില്ലെയോട് ഒരു ഗോളിന് പരാജയപ്പെട്ട റയലിന് ചാമ്പ്യന്‍സ് ലീഗില്‍ ഗംഭീരമായി തിരിച്ചുവരാനായി. എന്നാല്‍, ഡോര്‍ട്ട്മുണ്ടിനാകട്ടെ സീസണിലെ ആദ്യ തോല്‍വിയാണിത്.