ഇടുക്കിയില്‍ 30, പത്തനംതിട്ട 25, വയനാട് 22 എന്നിങ്ങനെ റോഡ് പ്രവൃത്തിയാണ് റീബില്‍ഡ് കേരളയുടെ ഭാഗമായി സര്‍ക്കാര്‍ പ്രഖ്യാപിച്ചത്. എന്നാല്‍ പദ്ധതിയുടെ പ്രവര്‍ത്തനങ്ങള്‍ അനന്തമായി നീളുകയാണ്. ആകെയുള്ള 77 പദ്ധതികളില്‍ 21 എണ്ണത്തില്‍ മാത്രമാണ് പദ്ധതി റിപ്പോര്‍ട്ട് സമര്‍പ്പിച്ചിട്ടുള്ളത്. തെരഞ്ഞെടുപ്പ് വിജ്ഞാനം അടുത്തമാസം വരാനിരിക്കെ ബാക്കിയുള്ള റോഡുകളുടെ നിര്‍മാണ പ്രവൃത്തി എന്നുതുടങ്ങാനാകുമെന്ന കാര്യത്തില്‍ അവ്യക്തത തുടരുകയാണ്.

കോവിഡ് പ്രതിസന്ധി കാരണം ലോകബാങ്കില്‍ നിന്നു കേന്ദ്രസര്‍ക്കാര്‍ നേരിട്ടു വായ്പയെടുക്കുന്ന പശ്ചാത്തലത്തിലാണ് സംസ്ഥാനങ്ങള്‍ ഡവലപ്‌മെന്റ് പോളിസി ലോണ്‍ (ഡിപിഎല്‍) എടുക്കുന്നത് തടഞ്ഞത്. ഇതോടെ, ലോക ബാങ്കില്‍ നിന്ന് പ്രോഗ്രാം ഫോര്‍ റിസല്‍റ്റ്‌സ് (പിഫോര്‍ആര്‍) ആയി വായ്പ ലഭ്യമാക്കാനുള്ള ശ്രമങ്ങള്‍ സംസ്ഥാന സര്‍ക്കാര്‍ തുടങ്ങി. എന്നാല്‍, ഒട്ടേറെ നടപടിക്രമങ്ങളുള്ളതിനാല്‍ ഇതു വൈകും.

പ്രളയം മൂലം തകര്‍ന്ന കേരളത്തിന് നവകേരള നിര്‍മാണത്തിനായി 3500 കോടി രൂപയാണ് ലോകബാങ്ക് വാഗ്ദാനം ചെയ്തിരുന്നത്. ഇതില്‍ പകുതി തുക 2019 സെപ്തംബറില്‍ ലഭിച്ചിരുന്നു. ശേഷിച്ച തുക ഈ വര്‍ഷം ലഭിക്കേണ്ടതായിരുന്നു. എന്നാല്‍ കേന്ദ്രത്തിന്റെ പുതിയ നിയന്ത്രണം വന്നതോടെ ആ തുക ലഭിക്കില്ല.