Red card – Chandrika Daily https://www.chandrikadaily.com Wed, 21 Aug 2024 09:52:35 +0000 en-US hourly 1 https://wordpress.org/?v=5.8.12 https://www.chandrikadaily.com/wp-content/uploads/2020/08/chandrika-fav.jpeg Red card – Chandrika Daily https://www.chandrikadaily.com 32 32 ഫുട്ബോള്‍ മത്സരത്തിനിടെ മൈതാനത്ത് മൂത്രമൊഴിച്ചു; തിരിഞ്ഞുനോക്കുമ്പോള്‍ ചുവപ്പുകാര്‍ഡുമായി റഫറി- വീഡിയോ https://www.chandrikadaily.com/urinated-on-the-field-during-a-football-match-referee-with-red-card-in-hindsight-video.html https://www.chandrikadaily.com/urinated-on-the-field-during-a-football-match-referee-with-red-card-in-hindsight-video.html#respond Wed, 21 Aug 2024 09:52:35 +0000 https://www.chandrikadaily.com/?p=306943 ഫുട്‌ബോള്‍ മത്സരത്തിനിടെ ഗ്രൗണ്ടില്‍ മൂത്രമൊഴിച്ചതിന് കളിക്കാരന് റെഡ് കാര്‍ഡ്. പെറുവിലെ മൂന്നാം ഡിവിഷന്‍ ലീഗിലാണ് അതിവിചിത്രമായ സംഭവം നടന്നത്. ലീഗിലെ അത്‌ലറ്റികോ അവാജൂണ്‍ താരമായ സെബാസ്റ്റ്യൻ മുനോസിനാണ് മൂത്രമൊഴിച്ചതിന് റെഡ് കാര്‍ഡ് കണ്ട് പുറത്തുപോവേണ്ടി വന്നത്. മത്സരത്തിനിടയിലുണ്ടായ ദൃശ്യങ്ങള്‍ സമൂഹമാധ്യമങ്ങളില്‍ പ്രചരിക്കുന്നുണ്ട്.

അത്‌ലറ്റികോ അവാജുന്‍- കാന്റോര്‍സിലോ എഫ്‌സി മത്സരത്തിന്റെ 71-ാം മിനിറ്റിലായിരുന്നു സംഭവം. മത്സരം ഗോള്‍ രഹിത സമനിലയില്‍ നില്‍ക്കേ അവാജുന് അനുകൂലമായി കോര്‍ണര്‍ ലഭിച്ചു. ഇതിനിടെ കാന്റര്‍സിലോ ഗോള്‍കീപ്പര്‍ ലൂച്ചോ റൂയിസിന് പരിക്കേറ്റതിനാല്‍ മത്സരം അല്‍പ്പനേരം നിര്‍ത്തിവെക്കുകയും ചെയ്തു.

https://twitter.com/i/status/1825262935167717431

അതേസമയം സെറ്റ്പീസ് എടുക്കാന്‍ വേണ്ടി ഗ്രൗണ്ടിന്റെ കോര്‍ണര്‍ ഫ്‌ളാഗിനടുത്തേക്ക് മുനോസ് നടന്നുനീങ്ങിയിരുന്നു. മത്സരം തടസ്സപ്പെട്ടതുകൊണ്ടുതന്നെ ആ സമയം മുതലെടുത്ത് മുനോസ് ഫ്‌ളാഗിനടുത്ത് തിരിഞ്ഞുനിന്ന് മൂത്രമൊഴിച്ചു. ഇതുകണ്ട എതിര്‍ടീമിലെ കളിക്കാര്‍ ഉടനെ കാര്യം റഫറിയുടെ ശ്രദ്ധയില്‍പെടുത്തി.

തൊട്ടുപിന്നാലെ താരത്തിന് നേരെ ഓടിയെത്തിയ റഫറി റെഡ് കാര്‍ഡ് ഉയര്‍ത്തുകയും ചെയ്തു. എന്നാല്‍ റഫറിയുടെ തീരുമാനത്തില്‍ മുനോസ് ഞെട്ടുന്നതും വീഡിയോയില്‍ കാണാം. പക്ഷേ കളിക്കളത്തില്‍ നിന്ന് പുറത്തുകടക്കുകയല്ലാതെ അദ്ദേഹത്തിന് മറ്റുമാര്‍ഗ്ഗങ്ങളുണ്ടായിരുന്നില്ല.

 

]]> https://www.chandrikadaily.com/urinated-on-the-field-during-a-football-match-referee-with-red-card-in-hindsight-video.html/feed 0 ബ്രസീലില്‍ ഫുട്‌ബോള്‍ മത്സരത്തിനിടെ കൂട്ടത്തല്ല്; ഒമ്പതു പേര്‍ക്ക് ചുവപ്പു കാര്‍ഡ് https://www.chandrikadaily.com/too-much-red-cards-lead-to-match-abandonment.html https://www.chandrikadaily.com/too-much-red-cards-lead-to-match-abandonment.html#respond Mon, 19 Feb 2018 09:33:33 +0000 http://www.chandrikadaily.com/?p=70744 സല്‍വദോര്‍: ബ്രസീലിലെ സ്‌റ്റേറ്റ് ചാമ്പ്യന്‍ഷിപ്പ് ഫുട്‌ബോള്‍ ചുവപ്പുകാര്‍ഡുകളുടെ അതിപ്രസരത്തെ തുടര്‍ന്ന് ഉപേക്ഷിച്ചു. വിട്ടോറിയ – ബഹിയ ടീമുകള്‍ തമ്മിലുള്ള പോരാട്ടമാണ് കളിക്കാരുടെ തമ്മിലടിയെ തുടര്‍ന്ന് ഉപേക്ഷിക്കേണ്ടി വന്നത്. ആകെ ഒമ്പതു കളിക്കാര്‍ ചുവപ്പു കാര്‍ഡ് കാണുകയും ഹോം ടീം ആയ വിട്ടോറിയയുടെ ആളെണ്ണം ആറായി ചുരുങ്ങുകയും ചെയ്തതിനെ തുടര്‍ന്ന് റഫറി കളി നിര്‍ത്താന്‍ തീരുമാനിക്കുകയായിരുന്നു. ഫിഫ നിയമ പ്രകാരം ഒരു ടീമില്‍ കുറഞ്ഞത് ഏഴു പേരെങ്കിലും ഉണ്ടെങ്കിലേ കളി തുടരാന്‍ പാടുള്ളൂ.

മനോല്‍ ബറാദസ് സ്‌റ്റേഡിയത്തില്‍ നടന്ന മത്സരത്തില്‍ ഗ്രൗണ്ടിലുണ്ടായിരുന്ന വിട്ടോറിയ ടീമിന്റെ അഞ്ച് കളിക്കാര്‍ക്കും ബഹിയയുടെ രണ്ടു പേര്‍ക്കും റഫറി ചുവപ്പു കാര്‍ഡ് കാണിച്ചു. ബഹിയയുടെ സൈഡ് ബെഞ്ചിലിരുന്ന രണ്ടു പേര്‍ക്കും മാര്‍ച്ചിങ് ഓര്‍ഡര്‍ ലഭിച്ചു. മത്സരം 1-1 ല്‍ നില്‍ക്കവെയാണ്, വിട്ടോറിയയുടെ അഞ്ചാമനും ചുവപ്പു കാര്‍ഡ് കാണിച്ച് റഫറി കളി നിര്‍ത്തുന്നതായി പ്രഖ്യാപച്ചത്.

34-ാം മിനുട്ടില്‍ ഡെനില്‍സണ്‍ വിട്ടോറിയയെ മുന്നിലെത്തിച്ചിരുന്നു. രണ്ടാം പകുതി തുടങ്ങി അഞ്ചാം മിനുട്ടില്‍ വിനിഷ്യസ് പെനാല്‍ട്ടിയിലൂടെ സമനില ഗോള്‍ നേടിയതോടെയാണ് അടി തുടങ്ങിയത്. ഗോളടിച്ച വിനിഷ്യസ് ഗോള്‍ പോസ്റ്റിനു സമീപം പ്രകോപനപരമായ രീതിയില്‍ ആഘോഷം നടത്തിയതിനെ തുടര്‍ന്ന് വിട്ടോറിയ ഗോള്‍കീപ്പര്‍ ഫെര്‍ണാണ്ടോ മിഗ്വേല്‍ ഇടപെട്ടു. ഇതോടെ, ഇരു ടീമുകളും തമ്മിലുള്ള കൂട്ടയടി തുടങ്ങി.

വിട്ടോറിയക്ക് മൂന്നും ബഹിയക്ക് രണ്ടും ചുവപ്പു കാര്‍ഡ് കാണിച്ച് റഫറി മത്സരം പുനരാരംഭിച്ചെങ്കിലും ആതിഥേയ താരം ഉല്ലിയന്‍ കൊറിയ ചുവപ്പു കാര്‍ഡ് കണ്ടു. ബ്രൂണോ ബിസ്‌പോ രണ്ടാം മഞ്ഞക്കാര്‍ഡ് കണ്ട് മടങ്ങിയതോടെ റഫറി കളി നിര്‍ത്തുകയായിരുന്നു. ഫിഫ നിയമ പ്രകാരം ബഹിയ 3-0 സ്‌കോറിന് ജയിച്ചു.

]]> https://www.chandrikadaily.com/too-much-red-cards-lead-to-match-abandonment.html/feed 0 കളി തുടങ്ങും മുമ്പേ ചുവപ്പു കാര്‍ഡ്; പാട്രിസ് എവ്രക്ക് റെക്കോര്‍ഡ് https://www.chandrikadaily.com/evra-red-carded-before-kick-off.html https://www.chandrikadaily.com/evra-red-carded-before-kick-off.html#respond Fri, 03 Nov 2017 03:35:49 +0000 http://www.chandrikadaily.com/?p=51606 ഗ്വിമാറസ്: കളി തുടങ്ങും മുമ്പേ ചുവപ്പു കാര്‍ഡ് കണ്ട ഫ്രഞ്ച് ഡിഫന്റര്‍ പാട്രീസ് എവ്രക്ക് റെക്കോര്‍ഡ്. യൂറോപ്പ ലീഗില്‍ പോര്‍ച്ചുഗീസ് ക്ലബ്ബ് വിക്ടോറിയ ഗ്വിമാറസിനെതിരായ മത്സരം ആരംഭിക്കും മുമ്പ് വംശീയമായി അധിക്ഷേപിച്ച ആരാധകനെ ചവിട്ടിയതിനാണ് ഒളിംപിക് മാഴ്‌സെ താരമായ എവ്ര ചുവപ്പുകാര്‍ഡ് കണ്ടത്. മത്സരത്തിനുള്ള സബ്സ്റ്റിറ്റിയൂട്ട് ലിസ്റ്റില്‍ ഉണ്ടായിരുന്ന താരത്തെ റഫറി തമാസ് ബോനിയര്‍ കിക്കോഫിന് മുമ്പ് ചുവപ്പു കാര്‍ഡ് കാണിച്ചു പുറത്താക്കുകയായിരുന്നു.

മത്സരത്തിനു മുമ്പായുള്ള വാം അപ്പിനിടെയാണ് എവ്ര പ്രകോപിതനായത്. ത്രോലൈനിനു പുറത്തുള്ള പരസ്യ ബോര്‍ഡുകള്‍ക്കരികില്‍ വാം അപ്പ് നടത്തുന്നതിനിടെ അപ്പുറത്തു നിന്ന് ഒളിംപിക് മാഴ്‌സെയുടെ ആരാധകന്‍ താരത്തെ വംശീയമായി അധിക്ഷേപിച്ചു എന്നാണ് സൂചന. പ്രകോപിതനായ എവ്ര പരസ്യ ബോര്‍ഡിനു മുകളിലൂടെ ആരാധകന്റെ മുഖം ലക്ഷ്യമാക്കി കിക് ചെയ്തു. ആരാധകന്‍ ഓടി രക്ഷപ്പെട്ടതിനാലും എവ്രയെ സഹതാരങ്ങള്‍ പിടിച്ചുമാറ്റിയതിനാലും കൂടുതല്‍ അനിഷ്ട സംഭവങ്ങള്‍ ഉണ്ടായില്ല.

യൂറോപ്പ ലീഗിന്റെ ചരിത്രത്തില്‍ ഇതാദ്യമായാണ് ഒരു കളിക്കാരന്‍ മത്സരം തുടങ്ങുന്നതിനു മുമ്പ് ചുവപ്പുകാര്‍ഡ് കാണുന്നത്. സംഭവത്തില്‍ എവ്ര ഇന്‍സ്റ്റഗ്രാമിലൂടെ മാപ്പു പറഞ്ഞു. താരത്തിനെതിരായ കൂടുതല്‍ നടപടികള്‍ യുവേഫ പിന്നീട് തീരുമാനിക്കും. അതേസമയം, വംശീയമായി പ്രതികരിച്ച ആരാധകനെതിരെ തത്സമയം പ്രതികരിച്ച എവ്രക്ക് അനുകൂലമായി നിരവധി പേര്‍ രംഗത്തു വന്നിട്ടുണ്ട്.

മത്സരത്തില്‍ ഏകപക്ഷീയമായ ഒരു ഗോളിന് വിക്ടോറിയ ഗ്വിമാറസ് മാഴ്‌സെയെ തോല്‍പ്പിച്ചു. കളിക്കിടെ മാഴ്‌സെ താരമായ ബൂബക്കര്‍ കമാറ രണ്ട് മഞ്ഞക്കാര്‍ഡ് കണ്ട് പുറത്തായിരുന്നു.

]]> https://www.chandrikadaily.com/evra-red-carded-before-kick-off.html/feed 0