ഇനിമുതൽ ഫോർജി നെറ്റ്‌വർക്ക് ആശ്രയിക്കാതെ സ്റ്റാൻഡലോൺ 5ജി നെറ്റ്‌വർക്കാണ് ജിയോയുടെ ത്. ഈ സേവനങ്ങൾ ലഭ്യമാവാൻ ഉപഭോക്താക്കൾ സിം മാറ്റേണ്ട ആവശ്യമില്ല. ഈ സേവനം ലഭ്യമാവുന്നതിനു വേണ്ടി 5g സപ്പോർട്ട് ചെയ്യുന്ന ഫോണിൽ പോസ്റ്റ്പെയ്ഡ് കണക്ഷനോ അടിസ്ഥാന പ്രീപെയ്ഡ് റീചാർജായ 239 രൂപയോ അതിനു മുകളിലുള്ള റീചാർജോ ഉണ്ടായിരിക്കണം.

അമേരിക്കന്‍ വാര്‍ത്താവിനിമയ കമ്പനിയായ ഹ്യൂസ് കമ്മ്യൂണിക്കേഷന്‍സിന്റെ സഹകരണവും കമ്പനി തേടിയിട്ടുണ്ട്. അമേരിക്കയില്‍ ഉപഗ്രഹങ്ങള്‍ വഴി ഇന്റര്‍നെറ്റ്, ടെലിവിഷന്‍ പ്രക്ഷേപണം നടത്തുന്ന കമ്പനിയാണ് ഹ്യൂസ് കമ്മ്യൂണിക്കേഷന്‍സ്.

ഐഎസ്ആര്‍ഒയുടെ ഉപഗ്രഹസംവിധാനവും ഹ്യൂസിന്റെ സാങ്കേതിക വിദ്യകളും ഉപയോഗിച്ച് ഇന്റര്‍നെറ്റ് സേവനം വ്യാപകമാക്കാന്‍ സാധിക്കുമെന്നാണ് കമ്പനി കരുതുന്നത്. ടവറുകള്‍ക്ക് എത്താന്‍ സാധിക്കാത്ത മേഖലകളിലും മലയോര പ്രദേശങ്ങളിലും ദ്വീപുകളിലുമുള്‍പ്പെടെ 400 വിദൂര പ്രദേശങ്ങളിലാണ് പദ്ധതി നടപ്പാക്കുക.

മുകേഷ് അംബാനിയുടെ നേതൃത്വത്തിലുള്ള ജിയോയുടെ സംഘം ഇതിനായി അമേരിക്കയിലെ പ്രമുഖ ചിപ്പ് കമ്പനിയായ ക്വോല്‍കോവുമായി ചര്‍ച്ച നടത്തിയതായി റിപ്പോര്‍ട്ട്. സെല്ലുലാര്‍ കണക്ഷനുകള്‍ ലഭ്യമാവുന്ന വിന്‍ഡോസ് 10 ഓപറേറ്റിംഗ് സിസ്റ്റത്തില്‍ പ്രവര്‍ത്തിക്കുന്ന ലാപ്‌ടോപ്പുകള്‍ ഇന്ത്യന്‍ വിപണിയില്‍ എത്തിക്കുന്നതിനുള്ള പ്രഥിമിക ചര്‍ച്ചകള്‍ നടന്നതായി, ദേശീയ മാധ്യമമായ എക്‌ണോമിക് ടൈംസ് റിപ്പോര്‍ട്ട് ചെയ്യുന്നു.

നിലവിലെ ജിയോയുടെ 4 ജി ഫീച്ചര്‍ ഫോണുകള്‍ ക്വാല്‍കോമിന്റെ സഹായത്താല്‍ പുറത്തിറക്കിയതാണ്.

‘… ഞങ്ങള്‍ ജിയോയോട് സംസാരിച്ചു. അവര്‍ പറയുന്ന ഉള്ളടക്കതോട് കൂടി ലാപടോപ് ബന്ധിപ്പിക്കാന്‍ കഴിയുമെന്ന്, ക്വാല്‍കോം ടെക്‌നോളജീസ് പ്രൊഡക്ഷന്‍ മാനേജ്‌മെന്റിലെ മുതിര്‍ന്ന ഉദ്യോഗസ്ഥന്‍ മിഗല്‍ നൂന്‍സ് അറിയിച്ചു.

ജിയോ ഡോട്ട് കോമിലൂടെയോ മൈ ജിയോ ആപ്പിലൂടെയോ ഫോണ്‍ ബുക്ക് ചെയ്യാവുന്നതാണ്. ജിയോ സ്‌റ്റോറുകളിലും പ്രീ ബുക്കിങ് സൗകര്യമുണ്ട്. സെപ്തംബര്‍ ആദ്യ വാരത്തോടെ ഫോണ്‍ വിതരണം ചെയ്യമെന്നാണ് വിവരം.

സൗജന്യമാണെങ്കിലും ഫോണ്‍ ലഭിക്കുന്നതിന് ആദ്യം 1500 രൂപ കെട്ടിവെക്കണം. മൂന്നു വര്‍ഷത്തിനു ശേഷം ഈ തുക തിരികെ നല്‍കുമെന്നാണ് ജിയോ വാഗ്ദാനം ചെയ്യുന്നത്.
പ്രീ ബുക്കിങ് സമയത്ത് 500 രൂപയും ഫോണ്‍ ലഭിക്കുമ്പോള്‍ ആയിരം രൂപയുമാണ് നല്‍കേണ്ടത്.

2.4 ഇഞ്ച് ഡിസ്‌പ്ലേ, ആല്‍ഫ ന്യൂമറിക് കിപാഡ്, എസ്.ഡി കാര്‍ഡ്, തുടങ്ങിയ ഫീച്ചറുകളുണ്ട്. കൂടാതെ ജിയോ സിനിമ, ജിയോ മ്യൂസിക് തുടങ്ങിയ ആപ്ലിക്കേഷനുകളും ഫീച്ചര്‍ ഫോണിലുണ്ട്. #5 അമര്‍ത്തിയാല്‍ അപായസന്ദേശം പോകുന്ന സംവിധാനവും ഫോണിലുണ്ട്. രാജ്യത്തെ 24 പ്രാദേശിക ഭാഷകള്‍ ഈ ഫോണില്‍ ലഭ്യമാണ്.

ജിയോ ബുക്ക് ചെയ്യേണ്ടത് ഇങ്ങനെ:

മൈ ജിയോ ആപ്പ് വഴി ജിയോ ഫോണ്‍ ബുക്ക് ചെയ്യാം. ആപ്പ് തുറന്ന ശേഷം പ്രീബുക്ക് നൗ എന്ന ഓപ്ഷന്‍ ക്ലിക്ക് ചെയ്യുക.

ഇതില്‍ നിങ്ങളുടെ ഫോണ്‍ നമ്പറും പിന്‍കോഡും നല്‍കുക. ഇതിലൂടെ ഒരു ബുക്കിങ് ഐഡി നമ്പര്‍ ലഭിക്കും.

നിങ്ങളുടെ സുഹൃത്തുക്കള്‍ക്കോ കുടുംബാംഗങ്ങള്‍ക്കോ വേണ്ടി ഫോണ്‍ ബുക്ക് ചെയ്യണമെങ്കില്‍ അവരുടെ ഫോണ്‍ നമ്പറും പിന്‍കോഡും നല്‍കിയാല്‍ മതി.

ഇത്തരം സന്ദര്‍ഭങ്ങളില്‍ ഐഡി നമ്പര്‍ നിങ്ങളുടെ ഫോണിലോ അല്ലെങ്കില്‍ ബുക്ക് ചെയ്യേണ്ട വ്യക്തിയുടെ നമ്പറിലോ ആയിരിക്കും സന്ദേശമായി ലഭിക്കുക.

ഫോണിന്റെ ദുരുപയോഗം തടയാനാണ് നിശ്ചിത തുക വാങ്ങുന്നതെന്ന് കമ്പനി വൃത്തങ്ങള്‍ പറഞ്ഞു. ജിയോ സിം പുറത്തിറങ്ങുമ്പോള്‍ അഞ്ഞൂറ് രൂപയുടെ സ്മാര്‍ട്ട് ഫോണ്‍ ഇറക്കുമെന്ന് കമ്പനി വാഗ്ദാനം ചെയ്തിരുന്നു. എന്നാല്‍ സൗജന്യമായി നല്‍കാന്‍ കമ്പനി പിന്നീട് തീരുമാനിക്കുകയായിരുന്നു.

ഈ വര്‍ഷം അവസാനത്തോടെ ജിയോ ഫോണുകള്‍ ഇന്ത്യയില്‍ തന്നെ നിര്‍മിച്ചു തുടങ്ങും. ആഴ്ചയില്‍ 50 ലക്ഷം ഫോണുകളുടെ നിര്‍മാണമാണ് കമ്പനി ലക്ഷ്യമിടുന്നത്.

രാജ്യത്തെ 22 ഭാഷകളെ ഫോണ്‍ സപ്പോര്‍ട്ട് ചെയ്യുമെന്ന് മുകേഷ് അംബാനിയുടെ മകന്‍ ആകാശ് അംബാനി പറഞ്ഞു.

ജിയോ ധന്‍ ധനാ ധന്‍ ഓഫര്‍ പ്രകാരം പ്രതിമാസം 153 രൂപയാണ് നിരക്ക്. പരിധിയില്ലാത്ത ഡാറ്റയോടൊപ്പം വോയ്‌സ് കോളുകളും എസ്.എം.എസും സൗജന്യമായിരിക്കും.

ബുക്കിങ് ആഗസ്ത് 24ന്

ജിയോ ഫീച്ചര്‍ ഫോണിന്റെ ബുക്കിങ് ആഗസ്ത് 24ന് ആരംഭിക്കും. ബുക്കിങ് മുന്‍ഗണനാ ക്രമമനുസരിച്ചാണ് ഫോണുകള്‍ വിതരണം ചെയ്യുകയെന്നും കമ്പനി വൃത്തങ്ങള്‍ അറിയിച്ചു.

84 ദിവസത്തെ വാലിഡിറ്റിയുള്ള ഈ പ്ലാനില്‍ രാജ്യത്തിനകത്ത് എല്ലാ കോളുകളും സൗജന്യമാണ്. 309 രൂപയുടെ പ്ലാന്‍ കൂടാതെ 509 രൂപയുടെ ഓഫറും കമ്പനി പ്രഖ്യാപിച്ചിട്ടുണ്ട്. പ്രതിദിനം രണ്ടു ജിബിയുടെ 4ജി ഡാറ്റയാണ് 509 രൂപയുടെ പ്ലാനില്‍ ലഭിക്കുക. പുതിയ രണ്ടു ഓഫറുകളും ജിയോയുടെ പ്രൈം ഉപയോക്താക്കള്‍ക്ക് മാത്രമാണ് ലഭ്യമാകുക. 303 രൂപക്ക് ചാര്‍ജ്ജ് ചെയ്ത് സമ്മര്‍ സര്‍പ്രൈസ് ഓഫര്‍ നേടിയവര്‍ക്കും ഈ സേവനം ലഭ്യമാവില്ല. അതേസമയം പ്രൈം മെമ്പര്‍ഷിപ്പ് എടുക്കുന്നതിനുള്ള കാലാവധി ഏപ്രില്‍ 15 വരെ തുടരും.

പ്രൈം മെമ്പര്‍ഷിപ്പിന് നീട്ടി നല്‍കിയ കാലാവധിയും സമ്മര്‍ സര്‍പ്രൈസ് ഓഫറുകളും പിന്‍വലിക്കണമെന്ന് ട്രായ് കഴിഞ്ഞ ദിവസം ജിയോയോട് ആവശ്യപ്പെട്ടിരുന്നു.
പ്രൈം മെമ്പര്‍ഷിപ്പ് നേടാത്തവര്‍ക്ക് ദിവസേന ഒരു ജിബി ഡാറ്റക്ക് 408 രൂപയും രണ്ടു ജിബിക്ക് 608 രൂപയുമാണ് ഈടാക്കുക.