repolling – Chandrika Daily

പശ്ചിമ ബംഗാളിലെ 5 ജില്ലകളിൽ നാളെ റീ-പോളിംഗ്

webdesk13 — Sun, 09 Jul 2023 17:17:02 +0000

പശ്ചിമ ബംഗാളിലെ 5 ജില്ലകളിൽ നാളെ റീ-പോളിംഗ്. പുരുലിയ, ബിർഭും, ജൽപായ്ഗുഡി, നഡിയ, സൗത്ത് 24 പർഗാന എന്നീ അഞ്ച് ജില്ലകളിലെ 697 ബൂത്തുകളിലായാണ് റീ പോളിംഗ്. വ്യാപകമായി സംഘർഷം ഉണ്ടായ ബൂത്തുകളിലാണ് റീപോളിംഗ് നടത്തുക.

പിസിസി അധ്യക്ഷൻ ആധിർ രഞ്ജൻ ചൗധരി സംസ്ഥാന തെരഞ്ഞെടുപ്പ് കമ്മീഷണർക്ക് കത്തയച്ചിരുന്നു. അക്രമ സംഭവങ്ങളിൽ ആശങ്ക അറിയിച്ചാണ് കത്ത്. റീപോളിങ്ങിനിടെ അക്രമ സംഭവങ്ങൾ ഒഴിവാക്കാൻ മുൻകരുതൽ എടുക്കണം എന്നും കത്തിൽ ആവശ്യപ്പെട്ടു.

ജൂലൈ 8ന് നടന്ന തെരഞ്ഞെടുപ്പിനിടെയുണ്ടായ ആക്രമണത്തിൽ 10 പേരാണ് കൊല്ലപ്പെട്ടത്. പലയിടങ്ങളിലും ബാലറ്റ് പെട്ടികൾ തകർപ്പെടുകയും, മോഷ്ടിക്കപ്പെടുകയും ചെയ്തിരുന്നു. പ്രിസൈഡിംഗ് ഓഫിസർമാർക്കും മർദനമേറ്റു.

ഇന്ന് വൈകീട്ട് തെരഞ്ഞെടുപ്പ് കമ്മീഷൻ പോളിംഗ് തടസപ്പെട്ടയിടങ്ങളെ കുറിച്ചുള്ള റിപ്പോർട്ട് പരിശോധിച്ചിരുന്നു. ഇതിന് പിന്നാലെയാണ് റീപോളിംഗ് നടത്താനുള്ള തീരുമാനം.

കണ്ണൂരില്‍ കോണ്‍ഗ്രസ് ബൂത്ത് ഏജന്റിന്റെ വീടിന് നേരെ ബോബേറ്

chandrika — Mon, 20 May 2019 04:18:07 +0000

കണ്ണൂര്‍: പിലാത്തറയില്‍ കോണ്‍ഗ്രസ് ബൂത്ത് ഏജന്റന്റെ വീടിനു നേരെയും കള്ളവോട്ട് പരാതി പറഞ്ഞ യുവതിയുടെ വീടിനു നേരറിയും ബോംബേറ്. പിലാത്തറ യുപി സ്‌കൂള്‍ 19ാം ബൂത്തിലെ ഏജന്റായിരുന്ന വി ടി വി പത്മനാഭന്റെ വീടിന് നേരെയാണ് ബോംബേറുണ്ടായത്.
ഇന്നെലെ രാത്രി 12മണിക്ക് ശേഷമാണ് ബോംബെറിഞ്ഞത്.

ബോംബേറില്‍ വീടിന്റെ ജനല്‍ച്ചില്ലുകള്‍ക്കും ചുവരിനും കേടുപാട് സംഭവിച്ചിട്ടുണ്ട്. ശബ്ദം കേട്ട് വീട്ടുകാര്‍ എഴുന്നേറ്റ് വരുമ്പോഴേക്കും അക്രമികള്‍ ഓടിരക്ഷപ്പെട്ടിരുന്നു.

കള്ളവോട്ട് നടന്ന കണ്ണൂര്‍, കാസര്‍കോട് മണ്ഡലങ്ങളിലെ ഏഴ് ബൂത്തുകളിലാണ് ഇന്നലെ റീപോളിംഗ് നടന്നത്.

പര്‍ദ വിവാദം ഉയര്‍ത്തി സത്രീ വോട്ടര്‍മാരെ അകറ്റാനുള്ള ശ്രമം പാളി

chandrika — Sun, 19 May 2019 16:38:44 +0000

കണ്ണൂര്‍: പര്‍ദ വിവാദം ഉയര്‍ത്തി സത്രീവോട്ടര്‍മാര്‍ ബൂത്തിലെത്തുന്നത് തടയാനുള്ള സിപിഎമ്മിന്റെ ശ്രമം പാളി. പര്‍ദ ധരിച്ച് എത്തുന്നവരെ വോട്ടു ചെയ്യാന്‍ അനുവദിക്കരുതെന്ന് വിവാദ പരാമര്‍ശം ഉയര്‍ത്തി വോട്ടര്‍മാര്‍ക്കിടയില്‍ ആശങ്കയുണ്ടാക്കാനുള്ള ശ്രമമാണ് പാളിയത്. പര്‍ദ ധരിച്ച് ബൂത്തില്‍ എത്തുന്നതിനു വിലക്കുണ്ട് എന്ന രീതിയില്‍ വിവാദം ഉണ്ടാക്കുകയാണ് സിപിഎമ്മിന്റെ ലക്ഷ്യം. ഇതു വഴി ചെറിയ വിഭാഗമെങ്കിലും ബൂത്തിലെത്തുന്നത് തടയാന്‍ കഴിയുമെന്നാണ് കരുതിയത്. എന്നാല്‍ എല്ലാ ബൂത്തുകളിലും രാവിലെ തന്നെ പര്‍ദ ധരിച്ച് എത്തിയവരുടെ നീണ്ട നിരയുണ്ടായിരുന്നു. എന്നാല്‍, മുഖാവരണം ധരിച്ച് എത്തുന്നവര്‍ കുറവായിരുന്നു. എത്തിയവരാവട്ടെ ബൂത്തില്‍ പരിശോധനയ്ക്കു വിധേയമായി.

വോട്ടു ചെയ്യാന്‍ വരിയില്‍ നില്‍ക്കുമ്പോള്‍ മുഖപടം മാറ്റണമെന്നും ക്യാമറയില്‍ മുഖം കൃത്യമായി പതിയുന്ന തരത്തില്‍ മാത്രമേ വോട്ടു ചെയ്യുവാന്‍ അനുവദിക്കാവൂ എന്നും പ്രസ്താവനയുമായി രംഗത്ത് എത്തിയിരുന്നു. സ്ത്രീവോട്ടര്‍മാര്‍ എത്തിയാല്‍ മുഖാവരണം വിവാദം ഉയര്‍ത്തി വോട്ടെടുപ്പ് വൈകിപ്പിനും ഇതു വഴി സത്രീ വോട്ടര്‍മാര്‍ക്കിടയില്‍ ആശങ്കയുണ്ടാക്കാനുമാണ് ശ്രമം ഉണ്ടായത്. എന്നാല്‍ രാവിലെ തന്നെ ഇതെല്ലാം അതിജീവിച്ച് വനിതകളുടെ നീണ്ട നിരയായിരുന്നു നാല് ബൂത്തുകളിലും ദൃശ്യമായത്. കനത്ത സുരക്ഷയില്‍ നടന്ന തെരഞ്ഞെടുപ്പ് ആയതു കൊണ്ട് തന്നെ വലിയ അനിഷ്ട സംഭവങ്ങള്‍ എവിടെയും റിപ്പോര്‍ട്ട് ചെയ്തില്ല. പാമ്പുരുത്തിയിലും പുതിയങ്ങാടിയിലെ രണ്ടു ബൂത്തുകളിലും പിലാത്തറയിലും രാവിലെ തന്നെ സത്രീകളുടെ വലിയ നിരതന്നെയായിരുന്നു. ഉച്ചയ്ക്ക് മുന്നേ സ്ത്രീകളുടെ വോട്ടുകള്‍ പെട്ടിയിലായിയിരുന്നു.

വോട്ടര്‍മാര്‍ മടിച്ച് നിന്നില്ല; പോളിംഗ് ശതമാനത്തില്‍ കുതിച്ച് പുതിയങ്ങാടിയും പാമ്പുരുത്തിയും; സിപിഎം കേന്ദ്രങ്ങളില്‍ മന്ദിപ്പ്

chandrika — Sun, 19 May 2019 09:48:56 +0000

കണ്ണൂര്‍: വോട്ടര്‍മാര്‍ ആരും മടിച്ച് നിന്നില്ല. പൊള്ളുന്ന ചൂടിലും വോട്ട് ചെയ്യാന്‍ അവര്‍ വീണ്ടുമെത്തി. പോളിംഗ് ശതമാനത്തില്‍ മുന്നേറി പുതിയങ്ങാടിയും പാമ്പുരുത്തിയും.

കണ്ണൂരില്‍ റീപോളിംഗ് നടക്കുന്ന ബൂത്തുകളില്‍ ഉച്ച കഴിഞ്ഞപ്പോള്‍ 58.36 ശതമാനമാണ് പോളിംഗ്. ആറിടത്തായി നടക്കുന്ന വോട്ടെടുപ്പില്‍ സ്ത്രീകളുള്‍പ്പെടെ രാവിലെ മുതല്‍ തന്നെ ബൂത്തിലെത്തി. മൂന്ന് മണിയാകുമ്പോഴേക്കും കാസര്‍കോട് പാര്‍ലിമെന്റ് മണ്ഡലത്തില്‍ പെട്ട കല്ല്യാശ്ശേരി മണ്ഡലത്തിലെ പുതിയങ്ങാടി ജമാഅത്ത് ഹൈസ്‌കൂളിലെ ബൂത്ത് നമ്പര്‍ 70ല്‍ 59.14 ശതമാനവും ബൂത്ത് നമ്പര്‍ 69ല്‍ 52.84 ശതമാനവുമാണ് പോളിംഗ്. ഇതേ മണ്ഡലത്തിലെ പിലാത്തറ എയുപി സ്‌കൂളിലെ ബൂത്ത് നമ്പര്‍ 19ല്‍ 61.78 ശതമാനം പേരും വോട്ട് രേഖപ്പെടുത്തി.

കണ്ണൂര്‍ മണ്ഡലത്തില്‍ പെട്ട തളിപ്പറമ്പ് നിയോജക മണ്ഡലത്തിലെ പാമ്പുരുത്തി മാപ്പിള എയുപി സ്‌കൂളിലെ 166ാം നമ്പര്‍ ബൂത്തില്‍ 57.49 ശതമാനമാണ് പോളിംഗ്. ധര്‍മ്മടം മണ്ഡലത്തിലെ കുന്നിരിക്ക യുപി സ്‌കൂളിലെ 52ാം നമ്പര്‍ ബൂത്തില്‍ 66.48ശതമാനവും 53ാം നമ്പര്‍ ബൂത്തില്‍ 52.22 ശതമാനവുമാണ് പോളിഗ്. രാവിലെ ഏഴ് മുതല്‍ തന്നെ എല്ലാ ബൂത്തുകളിലും വോട്ടര്‍മാരുടെ നീണ്ട വരിയായിരുന്നു.

കാസര്‍കോഡും കണ്ണൂരും റീപോളിങ് പുരോഗമിക്കുന്നു

chandrika — Sun, 19 May 2019 05:42:09 +0000

കാസര്‍കോഡ്: കാസര്‍കോട്, കണ്ണൂര്‍ മണ്ഡലങ്ങളിലെ ഏഴ് ബൂത്തുകളില്‍ റീപോളിങ് പുരോഗമിക്കുന്നു. ആദ്യ മണിക്കൂറുകളില്‍ കനത്ത പോളിങാണ് രേഖപ്പെടുത്തിയത്. 9 മണി വരെ 17 ശതമാനത്തിലധികം പോളിങ് രേഖപ്പെടുത്തി.

കര്‍ശന സുരക്ഷയിലാണ് റീപോളിങ് നടക്കുന്നത്. കര്‍ശന സുരക്ഷാ സംവിധാനങ്ങള്‍ ഒരുക്കിയിരിക്കുന്നതായി കണ്ണൂര്‍ കളക്ടര്‍ മീര്‍ മുഹമ്മദലിയും കാസര്‍കോഡ് കളക്ടര്‍ ഡോ ഡി സജിത് ബാബുവും അറിയിച്ചു. ബൂത്തുകളില്‍ വെബ്കാസ്റ്റിങ്ങിനു പുറമേ വീഡിയോ കവറേജും ഉണ്ടാകും.

കാസര്‍കോഡ് ലോക്‌സഭാ മണ്ഡലത്തില്‍ നാലും കണ്ണൂരിലിലെ മൂന്നും ബൂത്തുകളിലാണ് റീപോളിങ് നടക്കുന്നത്.

ഉച്ചക്ക് ഒരു മണിവരെ

കണ്ണൂര്‍ എച്ച് പി സി
തളിപ്പറമ്പ് എല്‍ എ സി
പാമ്പുരുത്തി മാപ്പിള എയുപി സ്‌കൂള്‍ (ബൂത്ത് നമ്പര്‍ 166) 48.36%

ധര്‍മ്മടം എല്‍ എ സി
കുന്നിരിക്ക യുപി സ്‌കൂള്‍, (ബൂത്ത് നമ്പര്‍ 52) 56.07 %

കുന്നിരിക്ക യുപി സ്‌കൂള്‍, (ബൂത്ത് നമ്പര്‍ 53) 43.63%

കാസര്‍ക്കോട് എച്ച് പി സി
കല്യാശ്ശേരി എല്‍ എ സി
പിലാത്തറ യുപി സ്‌കൂള്‍ (ബൂത്ത് നമ്പര്‍ 19) 55.55%

പുതിയങ്ങാടി ജുമായത്ത് ഹൈസ്‌കൂള്‍ (ബൂത്ത് നമ്പര്‍ 69) 46.29 %

പുതിയങ്ങാടി ജുമായത്ത് ഹൈസ്‌കൂള്‍ (ബൂത്ത് നമ്പര്‍ 70) 54.49 %

Dist total- 50.64 %

പര്‍ദ്ദ ധരിച്ചെത്തുന്നവരെ വോട്ട് ചെയ്യാന്‍ അനുവദിക്കരുത്; വിവാദ പരാമര്‍ശവുമായി സിപിഎം നേതാക്കള്‍

chandrika — Sat, 18 May 2019 05:43:08 +0000

പര്‍ദ്ദ ധരിച്ചെത്തുന്നവരെ വോട്ട് ചെയ്യാന്‍ അനുവദിക്കരുതെന്ന പരാമര്‍ശവുമായി സി.പി.എം കണ്ണൂര്‍ ജില്ലാ സെക്രട്ടറി എം.വി ജയരാജന്‍. തിരിച്ചറിയാനാവാത്ത തരത്തില്‍ പര്‍ദ്ദ ധരിച്ചു വരുന്നവരെ വോട്ട് ചെയ്യാന്‍ അനുവദിച്ചുകൂടെന്ന് അദ്ദേഹം പറഞ്ഞു. കണ്ണൂരില്‍ പാര്‍ട്ടി പരിപാടിയില്‍ സംസാരിക്കുകയായിരുന്നു അദ്ദേഹം. വെബ് കേമറയില്‍ കൃത്യമായി കാണാന്‍ ക്യൂവില്‍ നില്‍ക്കുന്ന സമയത്ത് തന്നെ മുഖപടം മാറ്റണം. അത്തരത്തില്‍ തെരഞ്ഞെടുപ്പ് നടത്താന്‍ തെരഞ്ഞെടുപ്പ് കമ്മീഷന് ധൈര്യമുണ്ടോ, അങ്ങനെ ചെയ്താല്‍ പുതിയങ്ങാടിയിലും പാമ്പുരുത്തിയിലും കള്ളവോട്ട് പൂര്‍ണമായും തടയാന്‍ കഴിയും. ഇതുവഴി എല്‍.ഡി.എഫിന്റെ വോട്ട് വര്‍ദ്ധിക്കുകയും യു.ഡി.എഫിന്റെ വോട്ട് കുറയുകയും ചെയ്യുമെന്നും ജയരാജന്‍ പറഞ്ഞു.

പര്‍ദ്ദക്കെതിരെ സിപിഎം സംസ്ഥാന സെക്രട്ടറി കോടിയേരി ബാലകൃഷ്ണനും പരാമര്‍ശം നടത്തി. കള്ളവോട്ടിനായി വസ്ത്രത്തെ ഉപയോഗിക്കാന്‍ പറ്റില്ലെന്നാണ് കോടിയേരിയുടെ പ്രസ്താവന.
എല്ലാവരും മുഖം മൂടി വരുന്ന അവസ്ഥ ശരിയാകില്ല. മുഖം മൂടികളുടെ തെരഞ്ഞെടുപ്പായി മാറ്റാനാകില്ല. ആരാണെന്ന് തിരിച്ചറിയാൻ അവകാശമുണ്ട്. അതുകൊണ്ടാണ് പര്‍ദ ധരിച്ച് വരുന്നവര്‍ ആരെന്ന് പോളിംഗ് ഉദ്യോഗസ്ഥന് തിരിച്ചറിയാനാകണമെന്നും കോടിയേരി പറഞ്ഞു.

പോളിംഗ് ബൂത്തിലെത്തുന്നവര്‍ പര്‍ദ ധരിക്കുന്നതില്‍ തെറ്റില്ല, എന്നാല്‍ പോളിംഗ് ഏജന്റ് ആവശ്യപ്പെട്ടാല്‍ മുഖം കാണിക്കാന്‍ തയ്യാറാകണമെന്നും കോടിയേരി ബാലകൃഷ്ണന്‍ പറഞ്ഞു.

മൂന്ന് ബൂത്തുകളില്‍ കൂടി റീ പോളിങ് നടത്തും, സംസ്ഥാനത്ത് ഞായറാഴ്ച്ച ഏഴ് ബൂത്തുകളില്‍ വോട്ടെടുപ്പ്

Test User — Fri, 17 May 2019 09:51:03 +0000

കണ്ണൂര്‍ ലോക്‌സഭാ മണ്ഡലങ്ങളിലെ രണ്ട് ബൂത്തുകളിലും കാസര്‍കോട്ടെ ഒരു ബൂത്തിലുമടക്കം സംസ്ഥാനത്ത് മൂന്ന് ബൂത്തുകളില്‍ റീ പോളിങ് നടത്താന്‍ തെരഞ്ഞെടുപ്പ് കമ്മീഷന്‍ തീരുമാനിച്ചു. ഇതോടെ ഞായറാഴ്ച്ച സംസ്ഥാനത്ത് ഏഴ് ബൂത്തുകളില്‍ റീ പോളിങ് നടക്കും. കണ്ണൂര്‍ മണ്ഡലത്തിലെ ധര്‍മ്മടത്തെ ബൂത്ത് നമ്പര്‍ 52,53 ലും കാസര്‍കോട്ടെ തൃക്കരിപ്പൂരിലെ ബൂത്ത് നമ്പര്‍ 48 ലും റീ പോളിങ് നടത്താനാണ് ഇന്ന് തീരുമാനിച്ചത്. കല്യാശ്ശേരി മണ്ഡലത്തിലെ പിലാത്തറ എ.യു.പി സ്‌കൂളിലെ ബൂത്ത് 19, പുതിയങ്ങാടി ജുമാഅത്ത് ഹയര്‍ സെക്കണ്ടറി സ്‌കൂളിലെ 69,70 ബൂത്തുകള്‍ ,തളിപ്പറമ്പ് മണ്ഡലത്തിലെ 166ാം ബൂത്ത് എന്നിവിടങ്ങളിലേക്ക് റീ പോളിങ് നടത്താന്‍ വ്യാഴാഴ്ച്ച തീരുമാനിച്ചിരുന്നു.

മൂന്ന് ബൂത്തുകളില്‍ കൂടി റീ പോളിങ് നടത്തും, സംസ്ഥാനത്ത് ഞായറായ്ച്ച ഏഴ് ബൂത്തുകളില്‍ വോട്ടെടുപ്പ്

Test User — Fri, 17 May 2019 09:31:25 +0000

കണ്ണൂര്‍ ലോക്‌സഭാ മണ്ഡലങ്ങളിലെ രണ്ട് ബൂത്തുകളിലും കാസര്‍കോട്ടെ ഒരു ബൂത്തിലുമടക്കം സംസ്ഥാനത്ത് മൂന്ന് ബൂത്തുകളില്‍ റീ പോളിങ് നടത്താന്‍ തെരഞ്ഞെടുപ്പ് കമ്മീഷന്‍ തീരുമാനിച്ചു. ഇതോടെ ഞായറായ്ച്ച സംസ്ഥാനത്ത് ഏഴ് ബൂത്തുകളില്‍ റീ പോളിങ് നടക്കും. കണ്ണൂര്‍ മണ്ഡലത്തിലെ ധര്‍മ്മടത്തെ ബൂത്ത് നമ്പര്‍ 52,53 ലും കാസര്‍കോട്ടെ തൃക്കരിപ്പൂരിലെ ബൂത്ത് നമ്പര്‍ 48 ലും റീ പോളിങ് നടത്താനാണ് ഇന്ന് തീരുമാനിച്ചത്. കല്യാശ്ശേരി മണ്ഡലത്തിലെ പിലാത്തറ എ.യു.പി സ്‌കൂളിലെ ബൂത്ത് 19, പുതിയങ്ങാടി ജുമാഅത്ത് ഹയര്‍ സെക്കണ്ടറി സ്‌കൂളിലെ 69,70 ബൂത്തുകള്‍ ,തളിപ്പറമ്പ് മണ്ഡലത്തിലെ 166 ാം ബൂത്ത് എന്നിവിടങ്ങളിലേക്ക് റീ പോളിങ് നടത്താന്‍ വ്യാഴാഴ്ച്ച തീരുമാനിച്ചിരുന്നു.

കാസര്‍കോട്ടെയും കണ്ണൂരിലെയും നാല് ബൂത്തുകളില്‍ 19ന് റീപോളിംങ്

chandrika — Fri, 17 May 2019 03:18:49 +0000

തിരുവനന്തപുരം:കണ്ണൂര്‍, കാസര്‍കോട് പാര്‍ലമെന്റ് മണ്ഡലങ്ങളില്‍ നാല് ബൂത്തുകളില്‍ റീപോളിംഗിന് കേന്ദ്ര തെരഞ്ഞെടുപ്പ് കമ്മിഷന്‍ ഉത്തരവിട്ടു. മേയ് 19 ഞായറാഴ്ച്ച രാവിലെ ഏഴു മുതല്‍ വൈകിട്ട് ആറു വരെയായിരിക്കും വോട്ടെടുപ്പ്.

കാസര്‍കോട്ട് കല്യാശേരി അസംബ്‌ളി മണ്ഡലത്തിലെ ബൂത്ത് നമ്പര്‍ 19 (പിലാത്തറ), ബൂത്ത് നമ്പര്‍ 69 (പുതിയങ്ങാടി ജുമാഅത്ത് എച്ച്. എസ് നോര്‍ത്ത് ബ്‌ളോക്ക്), ബൂത്ത് നമ്പര്‍ 70 (ജുമാഅത്ത് എച്ച്. എസ് സൗത്ത് ബ്‌ളോക്ക്) എന്നിവിടങ്ങളിലും കണ്ണൂരില്‍ തളിപ്പറമ്പ് അസംബഌ മണ്ഡലത്തിലെ ബൂത്ത് നമ്പര്‍ 166 (പാമ്പുരുത്തി മാപ്പിള എ. യു. പി. എസ്) ലുമാണ് റീപോളിംഗ്.

ഇന്ന് വൈകിട്ട് ആറുമണിവരെയാണ് പരസ്യ പ്രചാരണത്തിന് അനുമതി. മുഖ്യ തിരഞ്ഞെടുപ്പ് ഓഫീസര്‍ ടിക്കാറാം മീണ ജില്ലാ കളക്ടര്‍മാര്‍ക്ക് ഇത് സംബന്ധിച്ച നിര്‍ദ്ദേശം നല്‍കി.