ഭരണഘടനാ അവഹേളനം നടത്തിയതിനെ തുടര്‍ന്ന് രാജിവെച്ച മന്ത്രി വീണ്ടും മന്ത്രി സ്ഥാനം ഏറ്റെടുത്ത ശേഷമാണ് ഭരണഘടനാ മൂല്യങ്ങള്‍ ഉയര്‍ത്തി കാട്ടി റിപ്പബ്ലിക് ദിന സന്ദേശം നല്‍കിയത്. പത്തനംതിട്ട മല്ലപ്പള്ളിയില്‍ സി.പി.എം പരിപാടിയില്‍ പ്രസംഗിക്കുമ്പോഴായിരുന്നു മന്ത്രി വിവാദ പരമായ പരാമര്‍ശം നടത്തിയത്.

മനോഹര ഭരണഘടനയാണ് ഇന്ത്യയുടേത് എന്ന് നാം പറയാറുണ്ട്. എന്നാല്‍, ഈ രാജ്യത്തെ ജനങ്ങളെ കൊള്ളയടിക്കാന്‍ പറ്റുന്ന ഭരണഘടനയാണ് ഇവിടെയുള്ളത്. ബ്രിട്ടീഷുകാരന്‍ പറഞ്ഞ് തയ്യാറാക്കിക്കൊടുത്ത ഭരണഘടന ഇന്ത്യക്കാരന്‍ എഴുതിവെച്ചു. അത് ഈ രാജ്യത്ത് 75 വര്‍ഷമായി നടപ്പാക്കുന്നു. ഈ രാജ്യത്ത് ഏറ്റവും അധികം കൊള്ളയടിക്കാന്‍ പറ്റിയ ഭരണഘടനയാണിത്. അതിന്റെ മുക്കിലും മൂലയിലും മതേതരത്വം, ജനാധിപത്യം, കുന്തം, കുടചക്രം എന്നൊക്കെ എഴുതി വെച്ചിട്ടുണ്ട്.’ എന്നിങ്ങനെയായിരുന്നു സജി ചെറിയാന്റെ വിവാദ പരാമര്‍ശം.

ഭരണഘടനയെ അവഹേളിക്കുന്ന പ്രസംഗം സജി ചെറിയാന്‍ നടത്തിയില്ലെന്നും മറിച്ച് വിമര്‍ശിക്കുക മാത്രമാണ് ചെയ്തതെന്നും ചൂണ്ടിക്കാട്ടി പൊലീസ് കോടതിയില്‍ റിപ്പോര്‍ട്ട് സമര്‍പ്പിച്ചു. തുടര്‍ന്ന് ജനുവരി നാലിന് സജി ചെറിയാന്‍ വീണ്ടും മന്ത്രിയായി സത്യപ്രതിജ്ഞ ചെയ്യുകയായിരുന്നു.

ഇന്ന് നല്‍കിയ റിപ്പബ്ലിക് ദിന സന്ദേശത്തില്‍ ഭരണ ഘടനാ മൂല്യങ്ങളെക്കുറച്ചായിരുന്നു സംസാരിച്ചത്. ചെറിയ ഇടവേളകളിലൊഴികെ ഇന്ത്യയില്‍ ജനാധിപത്യം നിലനിര്‍ത്താന്‍ സാധിച്ചു. നമ്മുടെ അയല്‍രാജ്യങ്ങളില്‍ പലപ്പോഴും ജനാധിപത്യം അട്ടിമറിക്കപ്പെട്ടു. ജനാധിപത്യത്തെ കൈയൊഴിഞ്ഞ് പട്ടാള ഭരണത്തിനുള്ള മുറവിളികളും ഉയര്‍ന്നു. എന്തെല്ലാം പോരായ്മകള്‍ എതെല്ലാം തരത്തില്‍ ഉണ്ടായിട്ടും ജനാധിപത്യം അത്യന്തികമായി ക്രൂശിക്കപ്പെടരുതെന്ന് ഭരണഘടനാ ശില്‍പികള്‍ നിഷ്‌കര്‍ഷിച്ചു.

ആ നിഷ്‌കര്‍ഷ ഭരണഘടനയില്‍ പ്രതിഫലിക്കുകയും ചെയ്തു. എന്നാല്‍, ഇന്ന് ഭരണഘടന അട്ടിമറിക്കാന്‍ നടക്കുന്ന സാഹചര്യത്തില്‍ ഭരണഘടനയുടെ കാവലാളായി നാമോരോരുത്തരും മാറേണ്ടതുണ്ട്. പരമാധികാര സോഷ്യലിസ്റ്റ് മതേതര ജനാധിപത്യ രാജ്യമായ ഇന്ത്യയുടെ ഐക്യത്തിനും അഖണ്ഡതക്കുമായി നിലയുറപ്പിക്കണമെന്ന് റിപ്പബ്ലിക് ദിനത്തില്‍ പ്രതിജ്ഞ ചെയ്യാമെന്നും മന്ത്രി സജി ചെറിയാന്‍ പറഞ്ഞു.

തുടര്‍ന്ന് പ്രൗഢ ഗംഭീരമായ റിപ്പബ്ലിക് ദിന പരേഡ് ആരംഭിച്ചു. കര, നാവിക, വ്യോമ സേനകളും വിവിധ അര്‍ധസൈനിക വിഭാഗവും എന്‍എസ്എസ്, എന്‍സിസി വിഭാഗങ്ങളും കര്‍ത്തവ്യപഥിലൂടെയുള്ള പരേഡില്‍ അണിനിരന്നു.

ഈജിപ്ത് പ്രസിഡന്റ് അബ്ദുല്‍ ഫത്താഹ് അല്‍ സിസിയാണ് ഇത്തവണത്തെ റിപ്പബ്ലിക് ദിനാഘോഷത്തിലെ മുഖ്യാതിഥി. പുതിയ ഇന്ത്യ, സ്ത്രീ ശാക്തീകരണം എന്നീ വിഷയങ്ങള്‍ മുന്‍നിര്‍ത്തിയാണ് ഇത്തവണത്തെ റിപ്പബ്ലിക് ദിനാഘോഷം.

സംസ്ഥാനങ്ങളുടേയും വിവിധ മന്ത്രാലയങ്ങളുടേയും നിശ്ചലദൃശ്യങ്ങളും പരേഡില്‍ ഭാഗമാകും. കേരളത്തിന്റെ ഫ്‌ലോട്ടാണ് ഇത്തവണ പരേഡില്‍ അണിനിരക്കുന്നത്.

വര്‍ണാഭമായ ചടങ്ങുകളോടെ രാജ്യം ഇന്ന് 74ാം റിപ്പബ്ലിക് ദിനം ആഘോഷിക്കുകയാണ്. ന്യൂഡല്‍ഹിയില്‍ ദേശീയ യുദ്ധസ്മാരകത്തില്‍ പ്രധാനമന്ത്രി നരേന്ദ്ര മോദി പുഷ്പചക്രം അര്‍പ്പിക്കുന്നതോടെ ചടങ്ങുകള്‍ക്ക് തുടക്കമാകും. ഇത്തവണ റിപ്പബ്ലിക് ദിനാഘോഷ പരിപാടിയില്‍ ഈജിപ്ത് പ്രസിഡന്റ് അബ്ദുല്‍ ഫത്താ അല്‍ സിസിയാണ് മുഖ്യാതിഥി.

കര, നാവിക, വ്യോമ സേനകളും വിവിധ അര്‍ധസൈനിക വിഭാഗവും എന്‍എസ്എസ്, എന്‍സിസി വിഭാഗങ്ങളും കര്‍ത്തവ്യപഥിലൂടെയുള്ള പരേഡില്‍ അണിനിരക്കും. പുതിയ ഇന്ത്യ, സ്ത്രീ ശാക്തീകരണം എന്നീ വിഷയങ്ങള്‍ മുന്‍നിര്‍ത്തിയാണ് ഇത്തവണത്തെ റിപ്പബ്ലിക് ദിനാഘോഷം. ഈജിപ്ത് സായുധ സേനയും ബാന്‍ഡ് സംഘവും ഇത്തവണത്തെ റിപ്പബ്ലിക് ദിന പരേഡിന്റെ ഭാഗമാകും.

സ്‌പെഷ്യല്‍ ബ്രാഞ്ച് സബ് ഇന്‍സ്‌പെക്ടര്‍ ശശികാന്ത് പവാറിന്റെ പരാതിയിലാണ് കേസ് എടുത്തിരിക്കുന്നത്. പൊലീസ് ആക്റ്റ് സെക്ഷന്‍ 3 (1), ഐപിസി സെക്ഷന്‍ 500 അടക്കമുള്ളവ പ്രകാരമാണ് കേസ്. റിപ്പബ്ലിക്ക് ടിവി സംപ്രേക്ഷണം ചെയ്ത പ്രസ്താവനകളും എഫ്‌ഐആറില്‍ ഉള്‍പ്പെടുത്തിയിട്ടുണ്ട്.

ഡെപ്യൂട്ടി ന്യൂസ് എഡിറ്റര്‍ സാഗരിക മിത്ര, ആങ്കറും അസോസിയേറ്റ് എഡിറ്ററുമായ ശിവാനി ഗുപ്ത, ഡെപ്യൂട്ടി എഡിറ്റര്‍ ഷവാന്‍ സെന്‍, എക്‌സിക്യൂട്ടീവ് എഡിറ്റര്‍ നിരഞ്ജന്‍ നാരായണസ്വാമി, ന്യൂസ് റൂം ചുമതലയുള്ള എഡിറ്റോറിയല്‍ ജിവനക്കാര്‍ എന്നിവരാണ് കേസിലെ പ്രതികള്‍.

മുംബൈയില്‍ പൊലീസ് ഉദ്യോഗസ്ഥര്‍ കമ്മീഷണര്‍ക്കെതിരെ കലാപത്തിന്റെ വക്കിലാണെന്നാണ റിപ്പോര്‍ട്ടാണ് കേസിനാധാരം. ഉദ്യോഗസ്ഥര്‍ പൊലീസ് തലവന്റെ ഉത്തരവുകള്‍ അവഗണിക്കുകയാണെന്നും റിപ്പബ്ലിക് ടിവി റിപ്പോര്‍ട്ട് ചെയ്തിരുന്നു.

റിപ്പബ്ലിക് ടിവി മൂന്നുപേര്‍ക്ക് പണം നല്‍കിയെന്ന് സാക്ഷികള്‍ വ്യക്തമാക്കി. ബോക്‌സ് സിനിമക്കെതിരേയും ഒരാള്‍ മൊഴി നല്‍കി. അതേസമയം, സംഭവത്തിന്റെ കൂടുതല്‍ വിശദാംശങ്ങള്‍ പുറത്തുവിടാനാവില്ലെന്ന് മുംബൈ പൊലീസ് കമ്മീഷ്ണര്‍ പരാംബിര്‍ സിംഗ് വ്യക്തമാക്കി. റിപ്പബ്ലിക് ടിവി, ഫക്ത് മറാത്തി, ബോക്‌സ് സിനിമ എന്നിവര്‍ക്കെതിരെയാണ് നിലവില്‍ അന്വേഷണം നടക്കുന്നത്.

നേരത്തെ, ബാര്‍ക്ക് റേറ്റിങ്ങുമായി ബന്ധപ്പെട്ട വിവാദ വിഷയത്തില്‍ സിബിഐ അന്വേഷണം ആവശ്യപ്പെട്ട് നല്‍കിയ റിപ്പബ്ലിക് ടിവിയുടെ ഹര്‍ജി സുപ്രീം കോടതി സ്വീകരിച്ചിരുന്നില്ല. അന്വേഷണം നേരിടുന്ന മറ്റേതു പൗരനെയും പോലെ ചാനല്‍ ബോംബെ ഹൈക്കോടതിയെ സമീപിക്കണമെന്നും സുപ്രീം കോടതി പറഞ്ഞു.

ഉയര്‍ന്ന പരസ്യ നിരക്ക് ലഭിക്കാനായി റേറ്റിങ്ങില്‍ കൃത്രിമം കാണിച്ചുവെന്നാരോപിച്ച് മുംബൈ പോലീസ് മൂന്ന് ചാനലുകള്‍ക്കെതിരേ അന്വേഷണം നടത്തുന്നുണ്ട്. അതിലൊന്നാണ് റിപ്പബ്ലിക് ടിവി.

മുംബൈ പൊലീസ് കമ്മിഷണര്‍ പരംബിര്‍ സിങാണ് ഇക്കാര്യം വെളിപ്പെടുത്തിയത്. റിപ്പബ്ലിക് അടക്കം മൂന്നു ചാനലുകളുടെ അക്കൗണ്ടുകളെ കുറിച്ച് അന്വേഷിക്കുന്നുണ്ട്. മരവിപ്പിക്കുമെന്നും റിപ്പോര്‍ട്ടുണ്ട്.

ഫക്ത് മറാത്തി, ബോക്‌സ് സിനിമ എന്നീ ചാനലുകളുടെ ഉടമസ്ഥരാണ് അറസ്റ്റിലായിട്ടുള്ളത്. റിപ്പബ്ലിക് ടിവിയുടെ ഡയറക്ടര്‍മാരും പ്രൊമോട്ടര്‍മാരും ടിആര്‍പി റാക്കറ്റില്‍ ഉള്‍പ്പെട്ടതായാണ് കരുതുന്നത്. ഇവര്‍ക്കെതിരെ അന്വേഷണമുണ്ടാകും- സിങ് മാധ്യമങ്ങളോട് പറഞ്ഞു.

റിപ്പബ്ലിക് ടിവി, റിപ്പബ്ലിക് ഭാരത് ചാനലുകളുടെ പ്രൊമോട്ടറായ അര്‍ണബ് ഗോസ്വാമി അറസ്റ്റിലാകുമെന്ന സൂചനയാണ് കമ്മിഷണര്‍ നല്‍കിയത്. ഹിന്ദി ചാനലുകളില്‍ ആജ് തകിനെ പിന്തള്ളി ടിആര്‍പി റേറ്റിങില്‍ ഒന്നാമതെത്തിയെന്ന് ഈയിടെ റിപ്പബ്ലിക് ഭാരത് അവകാശപ്പെട്ടിരുന്നു.

അതിനിടെ, മുംബൈ പൊലീസ് കമ്മിഷണറുടെ പ്രസ്താവനയ്‌ക്കെതിരെ അപകീര്‍ത്തി കേസ് ഫയല്‍ ചെയ്യുമെന്ന് അര്‍ണബ് ഗോസ്വാമി വ്യക്തമാക്കി. തന്റെ ചാനലിന് എതിരെയുള്ളത് തെറ്റായ ആരോപണമാണ് എന്നും രാജ്യത്തെ ജനങ്ങള്‍ക്ക് സത്യമറിയാമെന്നും ഗോസ്വാമി വ്യക്തമാക്കി.

രാവിലെ മുതല്‍ നിലക്കലില്‍ തുടങ്ങിയ സമരത്തില്‍ നേരിയ സംഘര്‍ഷമുണ്ടായിരുന്നു. സ്ത്രീകളെ തടയുന്നതിനോടനുബന്ധിച്ച് വനിതാമാധ്യമപ്രവര്‍ത്തകരുടെ നേരേയും ആക്രമണം നടക്കുകയായിരുന്നു. കൂട്ടത്തില്‍ റിപ്പബ്ലിക് ടിവിയുടെ റിപ്പോര്‍ട്ടറായ പൂജ പ്രസന്നക്ക് മര്‍ദ്ദനമേറ്റിരുന്നു. ഈ സംഭവത്തില്‍ രാഹുല്‍ ഈശ്വറിന്റെ പ്രതികരണമുണ്ടായപ്പോഴാണ് അര്‍ണബ് തട്ടിക്കയറിയത്.

സംഭവത്തില്‍ രാഹുല്‍ ഈശ്വറിന് ഉത്തരവാദിത്തമുണ്ടെന്ന് അര്‍ണബ് തുറന്നടിക്കുകയായിരുന്നു. തന്ത്രി കുടുംബത്തിലെ അംഗമെന്ന നിലയില്‍ അതിന് മറുപടി നല്‍കേണ്ടത് രാഹുല്‍ ഈശ്വറാണ്. നിങ്ങള്‍ സംഘര്‍ഷം ഉണ്ടാകില്ലെന്ന് ഉറപ്പ് നല്‍കിയത് കൊണ്ടാണ് നിലക്കലിലേക്ക് റിപ്പോര്‍ട്ടറെ അയച്ചതെന്നും ആക്രമണത്തില്‍ രാഹുല്‍ ഈശ്വര്‍ ഉത്തരവാദിത്തം കാണിക്കണമെന്നും അര്‍ണബ് പറഞ്ഞു. സംഭവത്തില്‍ ദു:ഖിതനാണെന്നും മാപ്പു പറയുകയാണെന്നും രാഹുല്‍ ഈശ്വര്‍ പ്രതികരിച്ചു. എന്നാല്‍ മാപ്പും ഖേദവും സ്വീകരിക്കാന്‍ കഴിയില്ലെന്ന് ആക്രോശിക്കുകയായിരുന്നു അര്‍ണബ്. രാഹുല്‍ അടക്കമുള്ളവരാണ് ഇപ്പോള്‍ കേരളത്തില്‍ നടക്കുന്ന പ്രശ്‌നങ്ങള്‍ക്ക് കാരണമെന്നും അര്‍ണബ് പറഞ്ഞു.

‘നിങ്ങള്‍ (ചാനലും അര്‍ണാബും) നിശ്ശബ്ദനായിരിക്കാനുള്ള തരൂരിന്റെ അവകാശം മാനിക്കണം’ – എന്നായിരുന്നു കോടതിയുടെ നിര്‍ദേശം.

#HC says ArnabGoswami and the channel have to respect Tharoor’s right to silence on the issue – PTI

— Live Law (@LiveLawIndia) August 4, 2017

സുനന്ദ പുഷ്‌കറിന്റെ മരണം കൊലപാതകമാണെന്ന് തെളിയിക്കപ്പെട്ടിട്ടില്ലാത്തതിനാല്‍ ‘സുനന്ദയുടെ കൊലപാതകം’ എന്ന് ഉപയോഗിക്കുന്നതില്‍ നിന്ന് ചാനലിനെ തടണമെന്ന് തരൂരിനു വേണ്ടി ഹാജരായ മുതിര്‍ന്ന അഭിഭാഷകന്‍ സല്‍മാന്‍ ഖുര്‍ഷിദ് വാദിച്ചു. എന്നാല്‍, പൊലീസ് റിപ്പോര്‍ട്ടുകളും മറ്റ് തെളിവുകളും ഉദ്ധരിക്കുക മാത്രമാണ് ചാനല്‍ ചെയ്തതെന്ന് അര്‍ണാബിനും റിപ്പബ്ലിക്കിനും വേണ്ടി ഹാജരായ അഡ്വ. സന്ദീപ് സേഥി പറഞ്ഞു. ഓഗസ്റ്റ് 16-ന് കേസില്‍ തുടര്‍ന്ന് വാദം കേള്‍ക്കും.

സുനന്ദ പുഷ്‌കറിന്റെ അസ്വാഭാവിക മരണത്തില്‍ ശശി തരൂരിന് പങ്കുണ്ടെന്ന് റിപ്പബ്ലിക് ടി.വി പലതവണ ആരോപിച്ചിരുന്നു. ഇതേതുടര്‍ന്നാണ് ചാനലിനും അര്‍ണാബ് ഗോസ്വാമിക്കുമെതിരെ രണ്ട് കോടി നഷ്ടപരിഹാരം നല്‍കണമെന്നാവശ്യപ്പെട്ട് തരൂര്‍ കോടതിയെ സമീപിച്ചത്.

ശശി തരൂരിനെതിരെ ശക്തമായ ആക്രമണമാണ് ചാനലിലൂടെയും അല്ലാതെയും റിപ്പബ്ലിക് ടി.വി നടത്തുന്നത്. ചാനലുമായി സഹകരിക്കില്ലെന്ന് തരൂര്‍ വ്യക്തമാക്കിയിരുന്നു. ‘പോലീസിനോടും കോടതികളുമായും നിയമവിധേയമായ അധികൃതരുമായും സഹകരിക്കുക എന്നതാണ് എന്റെ ചുമതല. ഒരു ബനാന റിപ്പബ്ലിക് ചാനലിന്റെ ‘വിച്ച് ഹണ്ടി’നോടല്ല’ – എന്ന് തരൂര്‍ ട്വിറ്ററില്‍ കുറിച്ചു.

My duty is to co-operate with the police, courts, legally-constituted authorities. Not w/ a witch-hunt by a “banana republic” channel. https://t.co/nScgkNaBzl

— Shashi Tharoor (@ShashiTharoor) August 4, 2017

ഡല്‍ഹിയില്‍ തരൂരിന്റെ നേതൃത്വത്തിലുള്ള പ്രൊഫഷണല്‍ കോണ്‍ഗ്രസിന്റെ പത്രസമ്മേളനം റിപ്പബ്ലിക് ടി.വി റിപ്പോര്‍ട്ടര്‍മാര്‍ ബഹളം വെച്ചതിനെ തുടര്‍ന്ന് തടസ്സപ്പെട്ടു. തുടര്‍ന്ന് വേദിക്കു പുറത്തും റിപ്പോര്‍ട്ടര്‍മാര്‍ തരൂരിനെ വളഞ്ഞിരുന്നു.