അപകടത്തില്‍ ബ്രീട്ടീഷ് പൗരന് പൊള്ളലേറ്റു. റിസോര്‍ട്ടില്‍ തീ പടരുന്നത് ശ്രദ്ധയില്‍പ്പെട്ട താമസക്കാരനായ ഇംഗ്ലണ്ട് സ്വദേശി ഓടിരക്ഷപ്പെടുന്നതിനിടയിലാണ് നിസാരമായ പൊള്ളലേറ്റത്.ലക്ഷങ്ങളുടെ നാശനഷ്ടമാണ് ഉണ്ടായിരിക്കുന്നതെന്നാണ് അധികൃതര്‍ പറയുന്നത്. കത്തിനശിച്ച മുറിവില്‍ താമസക്കാരായ മറ്റ് വിദേശികളുടെ സാധന സാമഗ്രികളടക്കം ഉണ്ടായിരുന്നതായാണ്

റിസോര്‍ട്ടിലെ സെക്യൂരി ജീവനക്കാരനാണ് പ്രേമന്‍. ആദ്ദേഹത്തെ ജോലിയില്‍ നിന്ന് പിരിച്ചുവിടുന്നതായി ഉടമ നിര്‍ദേശം നല്‍കിയിരുന്നു. അതിന് പിന്നാലെയായിരുന്നു പ്രേമന്റെ പരാക്രമം. റിസോര്‍ട്ടിന്റെ താഴത്തെ നിലയില്‍ ഗ്യാസ് സിലിണ്ടര്‍ തുറന്നുവച്ച നായകളെ റൂമിനകത്ത് അടച്ചിടുകയും തീ കൊളുത്തുകയുമായിരുന്നു. ലോഡ്ജില്‍ ഉണ്ടായിരുന്ന അതിഥികളാണ് വിവരം പൊലിസിനെ അറിയിച്ചത്.

വിവരം അറിഞ്ഞ് സ്ഥലത്തെത്തിയ ഫയര്‍ഫോഴ്‌സാണ് തീയണച്ചത്‌. തീപ്പിടിത്തത്തില്‍ രണ്ട് വളര്‍ത്തുനായകളും ചത്തു. പൊള്ളലേറ്റ നിലയില്‍ പുറത്തുവന്ന ഇയാള്‍ റിസോര്‍ട്ടിന് സമീപത്തെ ഒഴിഞ്ഞ വീട്ടിലേക്കു കയറുകയായിരുന്നു. പിന്നീട് ഇവിടെനിന്ന് ഇയാളെ തൂങ്ങിമരിച്ച നിലയില്‍ കണ്ടെത്തി.തീപ്പിടിത്തത്തില്‍ റിസോര്‍ട്ടിലെ മുറികള്‍ കത്തിനശിച്ചു. മുകള്‍ നിലയിലെ മുറിയിലും ഹാളിലുമുണ്ടായ പൊട്ടിത്തെറിയില്‍ വലിയ നാശനഷ്ടമാണ് സംഭവിച്ചത്. കണ്ണൂരില്‍ നിന്ന് രണ്ട് യൂണിറ്റ് ഫയര്‍ഫോഴ്സ് എത്തിയാണ് തീയണച്ചത്. മൃതദേഹം കണ്ണൂര്‍ ജില്ലാ ആശുപത്രിയിലെത്തിച്ചു.

റിസോര്‍ട്ടിലെ സെക്യൂരി ജീവനക്കാരനാണ് പ്രേമന്‍. അദ്ദേഹത്തെ ജോലിയില്‍ നിന്ന് പിരിച്ചുവിടുന്നതായി ഉടമ നിര്‍ദേശം നല്‍കിയിരുന്നു. അതിന് പിന്നാലെയായിരുന്നു പ്രേമന്റെ പരാക്രമം. റിസോര്‍ട്ടിന്റെ താഴത്തെ നിലയില്‍ ഗ്യാസ് സിലിണ്ടര്‍ തുറന്നുവച്ച നായകളെ റൂമിനകത്ത് അടച്ചിടുകയും തീ കൊളുത്തുകയുമായിരുന്നു. ലോഡ്ജില്‍ ഉണ്ടായിരുന്ന അതിഥികളാണ് വിവരം പൊലിസിനെ അറിയിച്ചത്.

വിവരം അറിഞ്ഞ് സ്ഥലത്തെത്തിയ ഫയര്‍ഫോഴ്‌സാണ് തീ കൊളുത്തിയത്. തീപ്പിടിത്തത്തില്‍ രണ്ട് വളര്‍ത്തുനായകളും ചത്തു. പൊള്ളലേറ്റ നിലയില്‍ പുറത്തുവന്ന ഇയാള്‍ റിസോര്‍ട്ടിന് സമീപത്തെ ഒഴിഞ്ഞ വീട്ടിലേക്കു കയറുകയായിരുന്നു.

പിന്നീട് ഇവിടെനിന്ന് ഇയാളെ തൂങ്ങിമരിച്ച നിലയില്‍ കണ്ടെത്തി.തീപ്പിടിത്തത്തില്‍ റിസോര്‍ട്ടിലെ മുറികള്‍ കത്തിനശിച്ചു. മുകള്‍ നിലയിലെ മുറിയിലും ഹാളിലുമുണ്ടായ പൊട്ടിത്തെറിയില്‍ വലിയ നാശനഷ്ടമാണ് സംഭവിച്ചത്. കണ്ണൂരില്‍ നിന്ന് രണ്ട് യൂണിറ്റ് ഫയര്‍ഫോഴ്സ് എത്തിയാണ് തീയണച്ചത്. മൃതദേഹം കണ്ണൂര്‍ ജില്ലാ ആശുപത്രിയിലെത്തിച്ചു.

‘എല്‍ഡിഎഫ് നേതാവിന്റെ റിസോര്‍ട്ട് ബിജെപി നേതാവിന് നല്‍കുന്നത് ഒരു കൊടുക്കല്‍വാങലാണ്. ഏതായാലും ഇ.പി ജയരാജന്‍ ബുദ്ധിമുട്ടിലായപ്പോള്‍ രക്ഷിക്കാന്‍ ബിജെപി നേതാവ് വന്നല്ലോ. അവര്‍ തമ്മില്‍ സ്‌നേഹമുണ്ടെന്ന്’ പ്രതിപക്ഷ നേതാവ് വിഡി സതീശന്‍ പ്രതികരിച്ചു.

ആയുര്‍വേദ ചികിത്സാ രംഗത്തുള്ള പ്രമുഖ സ്ഥാപനത്തെയായിരുന്നു നേരത്തെ വൈദേകത്തിലെ ചികിത്സാ നടത്തിപ്പ് ഏല്‍പ്പിച്ചിരുന്നത്. ഈ സ്ഥാപനത്തെ പങ്കാളിയാക്കിയതിനു പിന്നില്‍ വൈദേകത്തിന്റെ ഡയറക്ടര്‍മാരില്‍ ഒരാള്‍ കള്ളക്കളി നടത്തിയെന്ന ആരോപണം ഉയര്‍ന്നതിനെത്തുടര്‍ന്ന് ഇവരുമായുള്ള കരാര്‍ റദ്ദാക്കി. തുടര്‍ന്നാണ് പുതിയ പങ്കാളിയെ കണ്ടെത്താന്‍ ശ്രമം തുടങ്ങിയത്.

ഓഹരി മറ്റൊരു ഓഹരി ഉടമയ്ക്ക് കൈമാറാനാണ് തീരുമാനം. നേരത്തെ സഹകരണ ബാങ്കിലെ ജീവനക്കാരിയായിരുന്നു പി.കെ ഇന്ദിര അവിടെ നിന്ന് വിരമിക്കുമ്പോള്‍ ലഭിക്കുന്ന തുക ഉപയോഗിച്ചാണ് ഓഹരി വാങ്ങിയത് എന്നായിരുന്നു നല്‍കിയ വിശദീകരണം. നേരത്തെ ഇ.പിയുടെ കുടുംബത്തിന്റെ ഓഹരി പങ്കാളിത്തം സംബദ്ധിച്ച് വിവാദമുയര്‍ന്നിരുന്നു. അതിനിടെ വൈദേകം റിസോര്‍ട്ടിന്റെ സി.ഇ.ഒ സ്ഥാനം രാജിവച്ചു.

വിവാദമായ വൈദേകം റിസോര്‍ട്ട് സംബദ്ധിച്ച് ഇ.ഡി അന്വേഷണത്തിനൊരുങ്ങുന്നതായി റിപ്പോര്‍ട്ടുകള്‍ പുറത്ത് വന്നിരുന്നു. റിസോര്‍ട്ടിനെതിരെ അന്വേഷണത്തിന് അനുമതി തേടി വിജിലന്‍സ് നേരത്തെ കത്ത് നല്‍കിയിരുന്നു.

എന്നാല്‍ ഇപ്പോള്‍ പാര്‍ട്ടിയുടെ വലിയ പ്രശ്‌നം ജയരാജ പോരാണ്. ഇരു ജയരാജന്മാര്‍ തമ്മിലുള്ള ചക്കളത്തി പോരില്‍ പാര്‍ട്ടി തന്നെ അമ്പരന്ന് നില്‍ക്കുകയാണ്. പക്ഷേ പതിവ് പോലെ പാര്‍ട്ടി പ്രതിരോധത്തിലായതോടെ പഴിയത്രയും മാധ്യമങ്ങള്‍ക്കാണ്. അവരാണല്ലോ ഇതെല്ലാം വലിച്ച് പുറത്തിടുന്നത്. കട്ടന്‍ ചായയും ദിനേശ് ബീഡിയും പരിപ്പ് വടയുമായി നടന്നാല്‍ പാര്‍ട്ടി വളരില്ലെന്ന് പണ്ട് വ്യവസായ മന്ത്രിയായിരുന്നപ്പോള്‍ പറഞ്ഞിരുന്ന ജയരാജ സഖാവിന്റെ ബന്ധുക്കള്‍ ആയുര്‍വേദ റിസോര്‍ട്ട് തുടങ്ങിയതാണിപ്പോള്‍ സ്വന്തമായി പി.ജെ ആര്‍മിയൊക്കെയുള്ള അടുത്ത ജയരാജന്റെ പ്രശ്‌നം.

റിസോര്‍ട്ട് ഇടപാടിലൂടെ സാമ്പത്തിക നേട്ടമുണ്ടാക്കിയെന്നാണ് പ്രധാന ആരോപണം. ആരോപണമുന്നയിച്ചയാള്‍ക്കും ആരോപണ വിധേയനുമെതിരെ ഒരു പോലെ അന്വേഷണം നടത്തി സംഗതി ഒതുക്കാമെന്നായിരുന്നു സി.പി.എം കണക്ക്കൂട്ടിയിരുന്നത്. എന്നാല്‍ ബൂര്‍ഷ്വാ മാധ്യമങ്ങള്‍ ഇതും കുത്തിപ്പൊക്കി രംഗത്തുവന്നതോടെ സംഗതി ആകെ പിടിവിട്ടു. കേരളത്തില്‍ നിന്നുള്ള പി.ബി അംഗങ്ങളെ വെച്ചൊരു സമിതി പേരിനൊരു അന്വേഷണം ഒടുവില്‍ ഒരു കൈ കൊടുക്കല്‍ ഇതൊക്കെയായിരുന്നു ആസൂത്രണമെങ്കിലും മാധ്യമങ്ങള്‍ നാറ്റക്കേസാക്കിയതോടെ പിന്നെ പഴുതടക്കല്‍ വിദ്യ തന്നെ ശരണം.

എല്ലാം മാധ്യമ സൃഷ്ടിയെന്ന് പാര്‍ട്ടി സെക്രട്ടറി തന്നെ വ്യക്തമാക്കിയതോടെ അണികള്‍ ഹാപ്പി. തിരുവായ്ക്ക് എതിര്‍വായില്ലാത്തതിനാല്‍ കുറ്റം മാധ്യമങ്ങള്‍ക്ക് തന്നെ. വിവാദത്തില്‍ തനിക്കെതിരെ ഗൂഢാലോചന നടന്നെന്നാണ് ഇ.പിയുടെ പരാതി. വ്യക്തിഹത്യക്ക് ശ്രമം നടന്നെന്ന് പി.ജെയും ഇരു നേതാക്കളും തമ്മില്‍ രൂക്ഷ വാഗ്വാദങ്ങള്‍ നടന്നതോടെ അന്വേഷണ പ്രഹസനമായിരുന്നു വഴി. കണ്ണൂരിലെ മൊറാഴയിലെ ആയുര്‍വേദ റിസോര്‍ട്ടുമായി ഇ.പി.ജെ അനധികൃത സാമ്പത്തിക ഇടപാട് നടത്തിയെന്നായിരുന്നു പി.ജെയുടെ അരോപണം. ആയുര്‍വേദ റിസോര്‍ട്ടുമായി തനിക്ക് ബന്ധമില്ലെന്നും മകനും ഭാര്യക്കുമാണ് ബന്ധമെന്നും എല്ലാ കാര്യങ്ങളും പാര്‍ട്ടിയെ അറിയിച്ചാണ് ചെയ്തിരുന്നതെന്നും ഇ.പി.ജെ നേരത്തെ തന്നെ വിശദീകരിച്ചിരുന്നു. പിന്നീട് പി.ജെ ആര്‍മി ഇക്കാര്യത്തില്‍ പിന്നോട്ടുപോവുകയും ചെയ്തിരുന്നു.

രേഖാമൂലം പരാതി തന്നാല്‍ ചര്‍ച്ച ചെയ്യാമെന്ന് സംസ്ഥാന സെക്രട്ടറി അറിയിച്ചിട്ടും പരാതി എഴുതി നല്‍കിയിരുന്നില്ല. വേട്ടയാടല്‍ അവസാനിപ്പിച്ചില്ലെങ്കില്‍ പൊതു പ്രവര്‍ത്തനം തന്നെ ഉപേക്ഷിക്കുമെന്നായിരുന്നു ഇ.പിയുടെ മുന്നറിയിപ്പ്. വ്യക്തിഹത്യ നടത്തി രാഷ്ട്രീയ ഭാവി ഇല്ലാതാക്കാനാണ് ശ്രമമെന്നും റിസോര്‍ട്ടിന്റെ നിര്‍മാണ സമയത്ത് കണ്ണൂര്‍ ജില്ലാ സെക്രട്ടറിയായിരുന്ന പി.ജെക്ക് കാര്യങ്ങളെല്ലാം അറിയാമായിരുന്നുവെന്നും പിന്നീട് ആരോപണം ഉന്നയിച്ചതില്‍ സംശയമുണ്ടെന്നുമാണ് ഇ.പി.ജെയുടെ പരാതി.

ആരോപണത്തില്‍ നിന്ന് പിന്മാറണമെന്ന് മുഖ്യമന്ത്രിയടക്കം നേതാക്കള്‍ ആവശ്യപ്പെട്ടതനുസരിച്ച് പി.ജെ മൗനം പാലിക്കുകയായിരുന്നു. എന്നാല്‍ ഇരുവരും മുഖാമുഖം ആരോപണങ്ങളുമായി ഏറ്റുമുട്ടിയതോടെ കൊംപ്രമൈസ് പൊളിഞ്ഞു. ഇതോടെ നേതാക്കളുടെ പരസ്യ പ്രതികരണങ്ങള്‍ ഒഴിവാക്കാനും വിഷയം തല്‍ക്കാലത്തേക്കെങ്കിലും മൂടിവെക്കാനുമാണ് അന്വേഷണം പ്രഖ്യാപിച്ചത്. പക്ഷേ കേരളത്തിലെ പെറ്റി ബൂര്‍ഷ്വാ മാധ്യമങ്ങള്‍ എല്ലാം തകര്‍ത്തു. പിന്നെ വഴി മാധ്യമങ്ങള്‍ക്ക് മുന്നില്‍ നിഷേധിക്കുക തന്നെ.

കണ്ണൂര്‍ ജില്ലാ കമ്മറ്റി ഇക്കാര്യം പരിശോധിച്ച് തീരുമാനം എടുത്തതാണ്. പ്രത്യേക അന്വേഷണത്തിന്റെ ആവശ്യമില്ല. വിവാദം മാധ്യമസൃഷ്ടി മാത്രമാണെന്നും തറപ്പിച്ചു പറഞ്ഞു കഴിഞ്ഞു. വിവാദത്തില്‍ മാധ്യമങ്ങളില്‍നിന്ന് അകലം പാലിക്കാനാണ് സി.പി.എം തീരുമാനം. പാര്‍ട്ടി സെക്രട്ടറിയുടെ നേതൃത്വത്തില്‍ വടക്കുനിന്നും യാത്ര തുടങ്ങാനിരിക്കെ ഇജ്ജാതി വിവാദങ്ങള്‍ യാത്ര തന്നെ മുടക്കുമെന്ന് സെക്രട്ടറിക്കുമറിയാം. പാര്‍ട്ടി സെക്രട്ടറി നിഷേധിച്ച സ്ഥിതിക്ക് ഇ.പിയും നിഷേധക്കുറിപ്പിട്ടു. എല്ലാം സി.പി.എം വിരോധം വഴി വരുന്ന വാര്‍ത്തകള്‍. അങ്ങനെ വാദിയെ പ്രതിയാക്കുന്ന സി.പി.എം തന്ത്രം ഒരാവര്‍ത്തികൂടി കേരളത്തിന് കാണാനായി.

‘എനിക്ക് നേരെ ഒരു ആരോപണവും ആരും എവിടെയും ഉന്നയിച്ചിട്ടില്ല. സാമ്പത്തികമായി തെറ്റായ നിലപാട് സ്വീകരിച്ചുവെന്ന് ആരും പറഞ്ഞിട്ടില്ല. ഇതെല്ലാം സൃഷ്ടിക്കുന്നു. പ്രചരിപ്പിക്കുന്നു. സൃഷ്ടിക്കട്ടെ പ്രചരിപ്പിക്കട്ടെ. അതുകൊണ്ടൊന്നും എനിക്കൊരു പോറലും എല്‍ക്കില്ല. മടിയില്‍ കനമുള്ളവനേ ഭയപ്പെടേണ്ടതുള്ളു. അതുകൊണ്ട് എനിക്ക് ഭയപ്പെടേണ്ട കാര്യമില്ല. ഞാന്‍ ശരിയായ നിലപാടേ സ്വീകരിക്കാറുള്ളു.’ അദേഹം പ്രതികരണം നടത്തി.

‘ഞങ്ങള്‍ക്ക് വിവാദമില്ല. നിങ്ങള്‍ വിവാദമുണ്ടാക്കാന്‍ വാര്‍ത്തകള്‍ പ്രസിദ്ധീകരിച്ചു. അതാണുണ്ടായത്. മാധ്യമങ്ങളെ പഴിചാരി. റിസോര്‍ട്ടുമായി ബന്ധപ്പെട്ട് അനധികൃത സ്വത്ത് സമ്പാദനം നടത്തിയെന്ന ആരോപണമാണ് ഇ.പി ജയരാജനെതിരെ നിലനില്‍ക്കുന്നത്. പാര്‍ട്ടിക്കുള്ളില്‍ വിവാദം വിള്ളല്‍ സൃഷ്ടിച്ചിരുന്നു. വിഷയത്തില്‍ തനിക്കെതിരെ ഗൂഢാലോചന നടന്നുവെന്ന് ഇപി ജയരാജന്‍ പി ജയരാജനെതിരെ പരാതിയും ഉന്നയിച്ചിരുന്നു.

സി.പി.എം. കേന്ദ്രകമ്മിറ്റിയംഗവും എല്‍.ഡി.എഫ് കണ്‍വീനറുമായ ഇ.പി. ജരാജന്‍ അനധികൃതമായി സ്വത്ത് സമ്പാദിച്ചതായി സംസ്ഥാന സമിതി അംഗം പി. ജയരാജന്‍ ആരോപണമുന്നയിച്ചിരുന്നു. കണ്ണൂര്‍ ജില്ലയിലെ ആയുര്‍വേദ റിസോര്‍ട്ടിന്റെ പേരിലാണ് സാമ്പത്തിക ആരോപണം. ഇ.പി. ജയരാജനെതിരെ അന്വേഷണവും നടപടിയും വേണമെന്നാണ് പി. ജയരാജന്‍ സംസ്ഥാന സമിതിയിലെ ചര്‍ച്ചക്കിടെ ആവശ്യപ്പെട്ടത്.

കെ.പി.എ മജീദിന്റെ ഫേസ്ബുക്ക് കുറിപ്പിന്റെ പൂര്‍ണരൂപം

കുന്നിടിച്ചും ജലം ഊറ്റിയും സി.പി.എം നേതാവ് ഇ.പി ജയരാജനും മകനും കൂടി പണിത ആയുര്‍വേദ റിസോര്‍ട്ട്. സ്വാതന്ത്ര്യ സമര ചരിത്രത്തില്‍ അടയാളപ്പെടുത്തല്‍ നടത്തിയ മൊറാഴയിലാണ് ആരെയും കൂസാതെയുള്ള ഈ വൈദേകം. മൊറാഴ ഉടുപ്പിലെ പത്തേക്കര്‍ കുന്ന് പൂര്‍ണമായും ഇടിച്ച് നിരത്തി. അരുതേ എന്ന് പറഞ്ഞ ശാസ്ത്ര സാഹിത്യ പരിഷത്ത് ഉള്‍പ്പെടെയുള്ളവരെ ആട്ടിയോടിച്ചു. പ്രതിപക്ഷമില്ലാത്ത ആന്തൂര്‍ നഗരസഭ അതിവേഗം റിസോര്‍ട്ടിന് അനുമതി നല്‍കി. ഒരു ചുവപ്പുനാടയിലും ആ അപേക്ഷ കുടുങ്ങിയില്ല. ഏതാണീ നഗരസഭയെന്ന് എല്ലാവര്‍ക്കും അറിയാം. കഷ്ടപ്പെട്ട് സമ്പാദിച്ചതെല്ലാം കണ്‍വെന്‍ഷന്‍ സെന്റര്‍ പണിയാനായി വിനിയോഗിച്ച പ്രവാസിക്ക് പ്രവര്‍ത്തനത്തിന് അനുമതി നല്‍കാതെ ആ മനുഷ്യനെ ആത്മഹത്യയിലേക്ക് തള്ളിവിട്ട അതേ നഗരസഭ. നിര്‍മാണം തടയാന്‍ ഒരു ചെങ്കൊടിയും ഉയര്‍ന്നില്ല. എതിര്‍പ്പുകളെയെല്ലാം ചെങ്കൊടി കൊണ്ട് നിശ്ശബ്ദമാക്കി. റിസോര്‍ട്ട് നിര്‍മാണത്തിന്റെ സാമ്പത്തിക സ്രോതസ്സ് ദുരൂഹമാണ്. പാര്‍ട്ടിക്കുള്ളില്‍ പോര് മുറുകുന്നുണ്ട്. പിണറായി ഇതുവരെയും മിണ്ടിയിട്ടില്ല. ഈ അനീതിക്കെതിരെ മിണ്ടിയേ തീരൂ.