മുംബൈ: ബോളിവുഡ് നടന്‍ സുശാന്ത് സിങ് രാജ്പുതിന്റെ മരണവുമായി ബന്ധപ്പെട്ട അന്വേഷണത്തില്‍ അറസ്റ്റിലായ മയക്കുമരുന്നു കേസില്‍ അകത്തായ ബോളിവുഡ് നടി റിയ ചക്രവര്‍ത്തി ഒരു മാസത്തെ ജയില്‍ വാസത്തിനു ശേഷം പുറത്തേക്ക്. ബോംബെ ഹൈക്കോടതി ജാമ്യം അനുവദിച്ചതിനെ തുടര്‍ന്നാണ് നടി റിയ ജയില്‍ മോചിതയായത്. ബൈകുല്ല ജയിലിലെ ഒരു മാസത്തെ വാസത്തിനു ശേഷം പുറത്തിറങ്ങി. കേന്ദ്ര അന്വേഷണ ഏജന്‍സിയായ നാര്‍ക്കോട്ടിക്‌സ് കണ്‍ട്രോള്‍ ബ്യൂറോ (എന്‍സിബി) നടത്തിയ ലഹരി മരുന്ന് കേസ് അന്വേഷണത്തിലായിരുന്നു റിയയെ അറസ്റ്റു ചെയ്തത്.

ബിഹാര്‍ നിയമസഭ തെരഞ്ഞെടുപ്പ് ലക്ഷ്യം വെച്ചാണ് ബിജെപി സുശാന്തിന്റെ മരണവുമായി ബന്ധപ്പെട്ട വിവാദങ്ങള്‍ ആളിക്കത്തിക്കുന്നത്. തെളിവുകളില്ലാതെ റിയ ചക്രബര്‍ത്തിയെ പല കേസുകളില്‍ കുടുക്കി ഉപദ്രവിക്കുകയാണ്. ബിഹാറിലെ ജനങ്ങള്‍ക്ക് നീതി നല്‍കാന്‍ ബിജെപിക്ക് മാത്രമേ സാധിക്കുള്ള എന്ന തരത്തില്‍ കാര്യങ്ങള്‍ ചിത്രീകരിക്കുകയാണ്. ഇത് ബിഹാര്‍ നിയമസഭ തെരഞ്ഞെടുപ്പ് മുന്നില്‍കണ്ടുള്ള ബിജെപിയുടെ നാടകമാണെന്നും, അദ്ദേഹം പറഞ്ഞു.

സുശാന്ത് സിങ് രജ്പുത്തിന്റെ മരണവുമായി ബന്ധപ്പെട്ട് ഉയര്‍ന്നുവന്ന വിവാദങ്ങളിലെ അതിരുവിട്ട ആരോപണങ്ങളുമായി നടി കങ്കണ റണാവത്ത് രംഗത്തെത്തിയതും നടിക്ക് സുരക്ഷയൊരുക്കി കേന്ദ്രസര്‍ക്കാര്‍ രംഗത്തെത്തിയ സാഹചര്യവും നിലനില്‍ക്കെയാണ് കോണ്‍ഗ്രസ് ലോക്സഭ കക്ഷി നേതാവ് വിഷയത്തില്‍ പ്രതികരണവുമായി രംഗത്തുവന്നിരിക്കുന്നത്.

കോണ്‍ഗ്രസിന്റെ മഹാരാഷ്ട്രയിലെ സഖ്യകക്ഷി ശിവസേനയുമായുള്ള കങ്കണയുടെ പോര് കെട്ടിടം പൊളിക്കലേക്കും നിയമയുദ്ധങ്ങളിലേക്ക് കടന്നിരിക്കുകയാണ്. അതേസമയം, ജിഡിപി തകര്‍ച്ചയില്‍ രാജ്യം കടുത്ത സാമ്പത്തിക മാന്ദ്യത്തിലേക്കും നീങ്ങിയിരിക്കെ വിവാദ വിഷയങ്ങള്‍ ഉയര്‍ത്താനായാണ് സുശാന്തിന്റെ മരണം മനപ്പൂര്‍വ്വം വിവാദമാക്കുന്നതെന്ന ആരോപണവും നിലനില്‍ക്കുന്നുണ്ട്.

നേരത്തെ മയക്കുമരുന്ന് വില്‍പ്പന കേസില്‍ റിയ ചക്രബര്‍ത്തിയുടെ സഹോദരന്‍ ഷോവിക് ചക്രബര്‍ത്തിയേയും സുശാന്തിന്റെ മാനേജര്‍ സാമുവല്‍ മിറാന്‍ഡയേയും നാര്‍കോട്ടിക്സ് കണ്‍ട്രോള്‍ ബ്യൂറോ അറസ്റ്റ് ചെയ്തിരുന്നു. ലഹരിവസ്തുക്കള്‍ കൈമാറ്റം ചെയ്തതിനും വില്‍പ്പന നടത്തിയതുമായ കുറ്റം ചുമത്തിയാണ് അറസ്റ്റ്.

റിയയുടെ നിര്‍ദ്ദേശപ്രകാരം സുശാന്തിനായി സാമുവല്‍ വഴി മയക്കുമരുന്ന് വാങ്ങാറുണ്ടായിരുന്നുവെന്ന് സഹോദരന്‍ ഷൗവിക് അന്വേഷണോദ്യോഗസ്ഥരോട് സമ്മതിച്ചിരുന്നു. ഷൗവിക്കിന്റെ നിര്‍ദേശപ്രകാരം താന്‍ ലഹരി മരുന്ന് സംഘടിപ്പിച്ച് നല്‍കിയതായി സാമുവലും സമ്മതിച്ചു. സെപ്തംബര്‍ 9 വരെ ഇരുവരേയും കസ്റ്റഡിയില്‍ വെക്കാന്‍ കോടതി അനുമതി നല്‍കിയിട്ടുണ്ട്.

അതേസമയം, കേസുമായി ബന്ധപ്പെട്ട് റിയയ്ക്കും എന്‍സിബി സമന്‍സ് അയിച്ചിട്ടുണ്ട്. നാളെ ചോദ്യം ചെയ്യലിന് ഹാജരാകാനാണ് ആവശ്യപ്പെട്ടിരിക്കുന്നത്. നേരത്തെ സിബിഐയും റിയയെ ചോദ്യം ചെയ്തിരുന്നു. റിയയുടെ വീട്ടില്‍ ഇന്നലെ റെയ്ഡ് നടത്തിയിരുന്നു. പിന്നാലെയാണ് ഷോവിക്കിനെ കസ്റ്റഡിയിലെടുത്തത്.

സഹോദരന്‍ ഷോവിക് ചക്രബര്‍ത്തിയേയും സുശാന്തിന്റെ മാനേജര്‍ സാമുവല്‍ മിറാന്‍ഡയേയും കസ്റ്റഡിയിലെടുത്തതിന് പിന്നാലെ പുതിയ ചുരുളുകള്‍ അഴിയുകയാണ്.

സുശാന്തിന്റെ അച്ഛന്‍ കെ.കെ സിങിന്റെ പരാതിയിലാണ് ബിഹാര്‍ പൊലീസ് കേസ് അന്വേഷിക്കുന്നത്. രാജീവ് നഗര്‍ പൊലീസ് സ്റ്റേഷനിലാണ് നടിക്കെതിരെ കേസ് ഫയല്‍ ചെയ്തിരുന്നത്. പണം തട്ടിയെടുക്കാന്‍ ശ്രമിച്ചു എന്നതടക്കമുള്ള ഗുരുതരമായ ആരോപണങ്ങള്‍ കെ.കെ സിങ് റിയയ്‌ക്കെതിരെ ഉയര്‍ത്തിയിരുന്നത്.

വലിയ സ്യൂട്ട്‌കേസുകളുമായി നീലകാറിലാണ് കുടുംബം വീടുവിട്ടു പോയത് എന്ന് പ്രാദേശിക ചാനല്‍ റിപ്പോര്‍ട്ട് ചെയ്തു. അച്ഛന്‍, അമ്മ, സഹോദരന്‍ എന്നിവരാണ് നടിക്കൊപ്പമുണ്ടായിരുന്നത്.

നേരത്തെ, തനിക്കെതിരെ ബിഹാര്‍ പൊലീസ് കേസെടുത്തതിന് പിന്നാലെ വിശദീകരണവുമായി റിയ രംഗത്തെത്തിയിരുന്നു. ജുഡീഷ്യറിയില്‍ സമ്പൂര്‍ണ വിശ്വാസമുണ്ടെന്നും സത്യം വിജയിക്കുമെന്നും സാമൂഹിക മാദ്ധ്യമങ്ങളില്‍ പോസ്റ്റ് ചെയ്ത വീഡിയോയില്‍ അവര്‍ പറഞ്ഞിരുന്നു. കേസില്‍ നേരത്തെ മുംബൈ പൊലീസ് റിയയെ 11 മണിക്കൂര്‍ തുടര്‍ച്ചയായി ചോദ്യം ചെയ്തിരുന്നു.

കെ.കെ സിങിന്റെ ആരോപണങ്ങള്‍

റിയയ്ക്കെതിരെ 16 ആരോപണങ്ങളാണ് കെ.കെ സിങ് ഉന്നയിച്ചിട്ടുള്ളത്. റിയ സുശാന്തിനെ ഒരു റിസോര്‍ട്ടിലേക്ക് കൊണ്ടുപോയി ഓവര്‍ഡോസ് മരുന്നു നല്‍കിയതായും ആരോഗ്യസ്ഥിതി മോശമായപ്പോള്‍ ഡെങ്കിപ്പനിയാണ് എന്ന് മാദ്ധ്യമങ്ങളോട് പറഞ്ഞെന്നും അദ്ദേഹം പറയുന്നു.

മറ്റു ആരോപണങ്ങള്‍ ഇങ്ങനെ;

വിഷാദ രോഗത്തിന് മരുന്നു കഴിക്കുന്നുണ്ട് എന്ന് സിനിമാ മേഖലയില്‍ പറയുമെന്ന് റിയ ഭീഷണിപ്പെടുത്തി, പ്രേതം ഉണ്ടെന്ന് പറഞ്ഞ് സുശാന്ത് ജീവിച്ചിരുന്ന വീട് റിയ കൈക്കലാക്കി
സുശാന്ത് വച്ച എല്ലാ വീട്ടുജോലിക്കാരെയും റിയ മാറ്റി, സുശാന്തിന്റെ ബാങ്ക് അക്കൗണ്ട് റിയ കൈവശപ്പെടുത്തി.
ക്രഡിറ്റ് കാര്‍ഡും നടിയുടെ പക്കലായിരുന്നു
കുടുംബത്തോട് സംസാരിക്കുന്നതില്‍ നിന്ന് സുശാന്തിനെ തടയാന്‍ നമ്പര്‍ ബ്ലോക്ക് ചെയ്തു.
സിനിമ വിട്ട് കേരളത്തില്‍ സുഹൃത്തുമൊത്ത് ജൈവകൃഷിയുമായി കഴിയാന്‍ സുശാന്തിന് പദ്ധതിയുണ്ടായിരുന്നു. എന്നാല്‍ റിയ അതിന് അനുവദിച്ചില്ല. താന്‍ പറയുന്നത് കേട്ടില്ലെങ്കില്‍ മെഡിക്കല്‍ റിപ്പോര്‍ട്ടുകള്‍ മാദ്ധ്യമങ്ങള്‍ക്ക് നല്‍കുമെന്ന് അവര്‍ ഭീഷണിപ്പെടുത്തി.
മരണത്തിന് മുമ്പ് റിയ വീടു വിട്ട വേളയില്‍ റിയ പണം, ആഭരണം, സുശാന്തിന്റെ മെഡിക്കല്‍ റിപ്പോര്‍ട്ടുകള്‍ എന്നിവ എടുത്തിരുന്നു.
സുശാന്തിന്റെ അക്കൗണ്ടില്‍ 17 കോടി രൂപ നിക്ഷേപമുണ്ടായിരുന്നു. കുറച്ചു കാലയളവിനുള്ളില്‍ മാത്രം മറ്റൊരു അക്കൗണ്ടിലേക്ക് 15 കോടി രൂപ ട്രാന്‍സ്ഫര്‍ ചെയ്യപ്പെട്ടു.