ചുവപ്പ് നിറമുള്ള വസ്ത്രം ധരിച്ച മെലിഞ്ഞ് അത്രയധികം സുന്ദരിയായിട്ടാണ് താരം ചിത്രത്തില്‍. സഹപ്രവര്‍ത്തകരും താരങ്ങളുമടക്കം നിരവധി പേരാണ് റിമിയെ വര്‍ണിച്ച് കൊണ്ട് കമന്റുകളിട്ടിരിക്കുന്നത്. കൂട്ടത്തില്‍ ‘നാല്‍പ്പത്തിയഞ്ചാം വയസ്സിലും എന്നാ ലുക്കാണ്. മമ്മൂക്ക കഴിഞ്ഞാല്‍ പിന്നെ നിങ്ങള്‍ തന്നെ’ എന്നൊരാള്‍ കമന്റിട്ടിരുന്നു.

അതിന് റിമി കൊടുത്ത മറുപടിയാണ് അതിലും ശ്രദ്ധേയമായിരിക്കുന്നത്. ’45 അല്ല അന്‍പത് ആയിട്ടുണ്ട് അറിഞ്ഞില്ലായിരുന്നോ’, എന്നായിരുന്നു റിമി ടോമി ചിരിച്ചു കൊണ്ട് റിപ്ലേ നല്‍കിയിരിക്കുന്നത്. ഇയാള്‍ക്ക് മാത്രമല്ല തന്റെ പോസ്റ്റിന് താഴെ കമന്റിട്ടിരിക്കുന്ന എല്ലാവര്‍ക്കും തന്നെ മറുപടി കൊടുത്തിട്ടുണ്ട് താരം.

മറുപടി വൈറലായതോടെ റിമിയുടെ പ്രായത്തെക്കുറിച്ചുള്ള ചര്‍ച്ചകള്‍ സമൂഹമാധ്യമങ്ങളില്‍ സജീവമായി. റിമിക്ക് 45 വയസ്സ് ഉണ്ടോ എന്നായിരുന്നു പലരുടെയും സംശയം. ഇപ്പോഴും ചുള്ളത്തിയായിരിക്കുന്നതിന്റെ രഹസ്യമാണ് ആരാധകര്‍ക്ക് അറിയേണ്ടത്. റിമിയെ ലേഡി മമ്മൂട്ടി എന്നും പലരും പറഞ്ഞു.

ചര്‍ച്ചകള്‍ വര്‍ധിച്ചതോടെ യഥാര്‍ഥ പ്രായം റിമി ടോമി വെളിപ്പെടുത്തി. ‘നാല്‍പത്തിയഞ്ചു വയസ്സാകാന്‍ ഇനിയും എട്ട് വര്‍ഷം കൂടി എടുക്കും കേട്ടോ’ എന്നായിരുന്നു ഗായികയുടെ മറുപടി. പോസ്റ്റിനു പിന്നാലെ വീണ്ടും ആരാധകരുടെ പ്രതികരണങ്ങള്‍ എത്തി. പ്രായം ഒക്കെ വെറും നമ്പര്‍ മാത്രമാണെന്നും എന്നും ഇരുപതുകാരിയായി മാത്രമേ തോന്നൂ എന്നുമാണ് ആരാധകപക്ഷം.

പരസ്പര സമ്മതത്തോടെയാണ് ഇരുവരും പിരിയുന്നതെന്നാണ് വിവരം. മീശ മാധവനിലെ ചിങ്ങമാസം എന്ന ഗാനത്തിലൂടെയാണ് റിമി ടോമി ചലച്ചിത്ര പിന്നണി ഗാന രംഗത്തേക്ക് ചുവടുവെക്കുന്നത്. പിന്നീട് തിങ്കള്‍ മുതല്‍ വെള്ളി വരെ എന്ന ചിത്രത്തിലൂടെ അഭിനയരംഗത്തേക്ക് എത്തുകയും ചെയ്തു.

സിനിമയില്‍ അഭിനയിക്കുന്നതിനോട് ഭര്‍ത്താവിന് എതിര്‍പ്പുണ്ടെന്ന് റിമി നേരത്തെ പറഞ്ഞിരുന്നു. താരത്തിന്റെ അവതരണ ശൈലി ഏറെ ജനകീയമാണ്.

ഉച്ചക്കു രണ്ടു മണിയോടെയാണ് രഹസ്യമൊഴി നല്‍കുന്നതിനായി റിമി ടോമി കോതമംഗലം കോടതിയില്‍ എത്തിയത്. കേസുമായി ബന്ധപ്പെട്ട് അന്വേഷണ സംഘം നേരത്തെ റിമി ടോമിയെ ചോദ്യം ചെയ്തിരുന്നു.

ദിലീപ്, കാവ്യാമാധവന്‍, റിമി ടോമി, ആക്രമിക്കപ്പെട്ട നടി എന്നിവര്‍ നേരത്തെ നല്ല സുഹൃത്തുക്കളായിരുന്നു.

ദിലീപിനൊപ്പവും ആക്രമിക്കപ്പെട്ട നടിക്കൊപ്പവും നിരവധി സ്റ്റേജ് ഷോകളില്‍ പങ്കെടുത്ത റിമിക്ക് ദിലീപും നടിയുമായി ഉണ്ടായ അസ്വാരസ്യങ്ങളെക്കുറിച്ച് അറിയാമെന്നാണ് അന്വേഷണ സംഘത്തിന്റെ നിഗമനം.

അതിനാല്‍ അന്വേഷണസംഘം നേരത്തെ ഫോണിലൂടെ റിമി ടോമിയുടെ മൊഴി രേഖപ്പെടുത്തിയിരുന്നു. ദിലീപുമായി തനിക്ക് സാമ്പത്തിക ഇടപാട് ഉണ്ടെന്ന ആരോപണം അന്ന് റിമി ടോമി നിഷേധിച്ചിരുന്നു.

വിദേശഷോകളുടെ വിവരം

ദിലീപിനൊപ്പവും ആക്രമിക്കപ്പെട്ട നടിക്കൊപ്പവുമുള്ള വിദേശഷോകളുടെ കൂടുതല്‍ വിവരങ്ങളാണ് കോടതിയില്‍ പറഞ്ഞതെന്ന് 50 മിനിറ്റു നീണ്ട മൊഴിയെടുക്കലിനു ശേഷം റിമി ടോമി പറഞ്ഞു.

നേരത്തേ റിമി ടോമിയില്‍ നിന്ന് അന്വേഷണസംഘം വിവരങ്ങള്‍ തേടിയിരുന്നു. അന്ന് ഫോണിലൂടെയായിരുന്നു അന്വേഷണ ഉദ്യോഗസ്ഥര്‍ റിമിയെ ബന്ധപ്പെട്ടത്. ദിലീപുമായുളള സൗഹൃദം, സംഭവത്തിനുശേഷം കാവ്യയുമായി സംസാരിച്ചത്, വിദേശ താരനിശകള്‍ എന്നിവയുടെ വിശദാംശങ്ങളാണ് റിമിടോമിയില്‍ നിന്ന് ചോദിച്ചറിഞ്ഞത്. വിദേശയാത്രകളിലുണ്ടായ പ്രശ്‌നങ്ങളാണ് ദിലീപിന്റെ വിവാഹമോചനത്തിലേക്കും നടിയോടുള്ള പകക്കും കാരണമായത്. ഇതിന്റെ അടിസ്ഥാനത്തിലായിരുന്നു റിമിയില്‍ നിന്നും വിവരങ്ങള്‍ തേടിയത്.

നടിയെ ആക്രമിച്ചകേസില്‍ ഒരു മാഡമുണ്ടെന്ന് താന്‍ പറഞ്ഞത് കെട്ടുകഥയല്ല. സിനിമാമേഖലയില്‍ നിന്നുള്ളയാളാണ് മാഡം. വി.ഐ.പി പറഞ്ഞില്ലെങ്കില്‍ 16ന് ശേഷം മാഡത്തെ താന്‍ വെളിപ്പെടുത്തുമെന്നും സുനി പറഞ്ഞു. മാഡം വി.ഐ.പിയാണെന്നും സുനി പ്രതികരിച്ചു.

നേരത്തേയും കേസില്‍ പല വെളിപ്പെടുത്തലുകളും സുനി മാധ്യമങ്ങള്‍ക്കു മുന്നില്‍ നടത്തിയിരുന്നു. കേസില്‍ വന്‍സ്രാവുകള്‍ കുടുങ്ങാനുണ്ടെന്ന് പറഞ്ഞതിന് ശേഷമാണ് നടന്‍ ദിലീപിനെ അറസ്റ്റു ചെയ്യുന്നത്. അതിനുശേഷം ഇനിയും സ്രാവുകള്‍ കുടുങ്ങാനുണ്ടെന്ന് സുനി പറഞ്ഞിരുന്നു. കഥ പകുതിവരെ ആയിട്ടേയുള്ളുവെന്നാണ് ഒരിക്കല്‍ പറഞ്ഞത്. അങ്കമാലി കോടതിയില്‍ ഹാജരാക്കിയപ്പോള്‍ കേസില്‍ കൂടുതല്‍ കൂടുതല്‍ പേരുണ്ടോയെന്ന ചോദ്യത്തിന് അത് ആലുവയിലെ വി.ഐ.പിയോട് ചോദിക്കണമെന്നായിരുന്നു പ്രതികരണം. എന്നാല്‍ ഇങ്ങനെ മാധ്യമങ്ങള്‍ക്കുമുന്നില്‍ നടത്തുന്ന പ്രതികരണം കേസ് നീട്ടിക്കൊണ്ടുപോകാനുള്ള സുനിയുടെ തന്ത്രമാണോയെന്നും പോലീസ് സംശയിക്കുന്നുണ്ട്.

ആക്രമണത്തിന്റെ ഗൂഢാലോചനയില്‍ മാഡം എന്ന് പറയുന്ന ഒരു സ്ത്രീയുണ്ടെന്ന് സുനി മുമ്പും പറഞ്ഞിരുന്നു. നടിയും ഗായികയുമായ റിമിടോമി, കാവ്യമാധവന്‍, അമ്മ ശ്യാമള എന്നിവരെ അന്വേഷണസംഘം ചോദ്യം ചെയ്തത് അതിനുശേഷമാണ്. അതേസമയം, ദിലീപിന്റെ റിമാന്‍ഡ് കാലാവധി നീട്ടി. റിമാന്‍ഡ് ഈ മാസം 22 തുടരുമെന്ന് അങ്കമാലി കോടതി പറഞ്ഞു.

ഷോയുടെ കാര്യങ്ങളാണ് പോലീസ് ചോദിച്ചറിഞ്ഞത്. നടി ആക്രമിക്കപ്പെട്ടതിന് പിറ്റേദിവസം കാവ്യമാധവനുമായി സംസാരിച്ചിരുന്നു. അത് സുഹൃത്തുക്കള്‍ സംസാരിക്കുന്നപോലെയാണ് സംസാരിച്ചത്. യാതൊരു തരത്തിലുള്ള സാമ്പത്തിക ഇടപാടുകളും ദിലീപുമായും കാവ്യമാധവനുമായും തനിക്കില്ലെന്നും റിമിടോമി പറഞ്ഞു.

നികുതി അടക്കുന്നതില്‍ വീഴ്ച്ച വരുത്തിയതിനെ തുടര്‍ന്ന് രണ്ടുവര്‍ഷം മുമ്പ് ആദായനികുതി വകുപ്പിന്റെ പരിശോധന നടന്നിരുന്നു. അതിനുശേഷം നികുതി അടക്കേണ്ടി വന്നു. അതേയുണ്ടായിട്ടുള്ളൂ. അല്ലാതെ തന്റെ ബാങ്ക് അക്കൗണ്ടിലേക്ക് പണം വരികയോ മറ്റോ ഉണ്ടായിട്ടില്ലെന്നും റിമി കൂട്ടിച്ചേര്‍ത്തു.

നടി ആക്രമിക്കപ്പെട്ട വിവരം ചാനല്‍ വാര്‍ത്തയിലൂടെയാണ് അറിയുന്നത്. അറിഞ്ഞയുടനെ കാവ്യയെ വിളിച്ചിരുന്നു. ഇരയായ പെണ്‍കുട്ടിക്കും മെസേജ് ചെയ്തിരുന്നു. പിന്നീട് രമ്യയുമായും സംസാരിച്ചിരുന്നുവെന്നും റിമി പറഞ്ഞു.

നടി ആക്രമിക്കപ്പെട്ട സംഭവം എങ്ങനെ അറിഞ്ഞു. അതിനുശേഷം ആരെയാണ് വിളിച്ചത് എന്നെല്ലാം പോലീസ് ചോദിച്ചറിഞ്ഞതായാണ് സൂചന. നടി ആക്രമിക്കപ്പെട്ടതിനുശേഷം റിമി ദിലീപുമായും കാവ്യമാധവനുമായും ഫോണില്‍ സംസാരിച്ചിട്ടുണ്ടെന്ന് പോലീസിന് വ്യക്തമായിട്ടുണ്ട്. ചില ഉത്തരങ്ങളില്‍ പൊരുത്തക്കേടുകളുണ്ടെന്നും റിമി ടോമിയെ നേരിട്ട് വിളിച്ച് ചോദ്യം ചെയ്യാന്‍ പോലീസ് തയ്യാറാവുകയാണെന്നും റിപ്പോര്‍ട്ടുണ്ട്. ദിലീപുമായി റിമി ടോമിക്ക് സാമ്പത്തിക ഇടപാടുകള്‍ ഉള്ളതായും നടി ആക്രമിക്കപ്പെട്ട കേസില്‍ സംശയകരമായ ബന്ധമുള്ളതായും പോലീസിന് അറിവുണ്ടായിരുന്നു. ഇതിന്റെ അടിസ്ഥാനത്തിലാണ് ചോദ്യം ചെയ്യല്‍ നടന്നത്.

നേരത്തെ ഒരു ടി.വി അവതാരകയെ ചോദ്യം ചെയ്യുമെന്ന രീതിയില്‍ വാര്‍ത്തകളുണ്ടായിരുന്നു. തുടര്‍ന്നാണ് റിമിയെ ചോദ്യം ചെയ്തുവെന്ന് പുറത്തുവരുന്നത്. അതേസമയം, കേസില്‍ കാവ്യമാധവനേയും ശ്യാമളയേയും വീണ്ടും ചോദ്യം ചെയ്യും. കാവ്യയുടെ മൊഴികള്‍ അവിശ്വസനീയമാണെന്നാണ് പോലീസ് പറയുന്നത്.