Sonia Gandhi Moved To Delhi Hospital From Shimla https://t.co/dSJO2mDMU1 #NDTVNewsBeeps pic.twitter.com/l3hKlObU9P

— NDTV (@ndtv) October 27, 2017

വയറിനുള്ളില്‍ അസ്വസ്ഥത അനുഭവപ്പെട്ടതിനെ തുടര്‍ന്നാണ് 70-കാരിയായ സോണിയയെ ആശുപത്രിയില്‍ പ്രവേശിപ്പിച്ചതെന്ന് മകനും കോണ്‍ഗ്രസ് ഉപാധ്യക്ഷനുമായ രാഹുല്‍ ഗാന്ധി ട്വിറ്ററിലൂടെ അറിയിച്ചു. ഇപ്പോള്‍ സ്ഥിതി ഭേദമാണെന്നും ആശങ്കപ്പെടാന്‍ ഒന്നുമില്ലെന്നും രാഹുല്‍ വ്യക്തമാക്കി. വൈകീട്ട് ഏഴു മണിയോടെയാണ് ഡല്‍ഹി പാര്‍ലമെന്റ് സ്ട്രീറ്റിന് സമീപമുള്ള റാം മനോഹര്‍ ലോഹ്യ ആശുപത്രിയില്‍ എത്തിച്ചത്.

Ma was in Shimla & caught a stomach bug so we got her back. Nothing to worry, she’s much better. Thanks for the tremendous love and concern.

— Office of RG (@OfficeOfRG) October 27, 2017

സമീപ വര്‍ഷങ്ങളില്‍ അസുഖ ബാധിതയായ സോണിയ ഗാന്ധി അമേരിക്കയില്‍ ചികിത്സ തേടിയിരുന്നു. അസുഖത്തെപ്പറ്റിയുള്ള വിശദ വിവരങ്ങള്‍ ലഭ്യമല്ല. കഴിഞ്ഞ വര്‍ഷം ഉത്തര്‍പ്രദേശ് തെരഞ്ഞെടുപ്പിനിടെ പ്രധാനമന്ത്രി നരേന്ദ്ര മോദിയുടെ മണ്ഡലമായ വരാണസിയില്‍ പ്രചരണം നടത്തുന്നതിനിടെ സോണിയക്ക് ദേഹാസ്വാസ്ഥ്യം അനുഭവപ്പെട്ടിരുന്നു.

കഴിഞ്ഞ ലോക്‌സഭാ തെരഞ്ഞെടുപ്പില്‍ കോണ്‍ഗ്രസ് വലിയ തോല്‍വി നേരിട്ടതിനു ശേഷം സോണിയ ഗാന്ധി പൊതുപ്രവര്‍ത്തനത്തില്‍ മുമ്പത്തെയത്ര സജീവമല്ല. കോണ്‍ഗ്രസ് പ്രസിഡണ്ടായി രാഹുല്‍ ഗാന്ധി ഉടന്‍ ചുമതലയേല്‍ക്കുമെന്ന് കഴിഞ്ഞയാഴ്ച അവര്‍ വ്യക്തമാക്കിയിരുന്നു.

Delhi: Sonia Gandhi, Rahul Gandhi leave RML hospital after enquiring about IUML MP E Ahamed's health pic.twitter.com/FfGEhLEDUc

— ANI (@ANI_news) January 31, 2017

രാത്രി സോണിയാഗാന്ധി ആസ്പത്രിയിലെത്തി അധികൃതരുടെ ഈ നിലപാടിനെതിരെ ശക്തമായി പ്രതിഷേധിച്ചു. ഒരു മുതിര്‍ന്ന പൗരന് കിട്ടേണ്ട നീതിയാണ് ആസ്പത്രിയില്‍ നിഷേധിക്കപ്പെട്ടതെന്ന് അഹമ്മദിന്റെ പുത്രന്‍ റഈസ് അഹമ്മദ്, ജാമാതാവ് ഡോ. ബാബു ഷര്‍ഷാദ് എന്നിവര്‍ പറഞ്ഞു. ഇതുസംബന്ധിച്ച് ഡല്‍ഹി പൊലീസില്‍ പരാതി നല്‍കുന്നുണ്ടെന്നും അവര്‍ അറിയിച്ചു. കുടുംബത്തിന്റെ സമ്മതമില്ലാതെ രോഗിയുടെ ശരീരത്തില്‍ ചെയ്യുന്ന കാര്യങ്ങള്‍ അനുവദിനീയമല്ലെന്ന് അവര്‍ ചൂണ്ടിക്കാട്ടി. ആസ്പത്രി അധികൃതരും ഗവണ്‍മെന്റും ചേര്‍ന്ന് പലതും മറച്ചുവെക്കുകയാണെന്നും ആരോപണമുയര്‍ന്നു. കോണ്‍ഗ്രസ് പ്രവര്‍ത്തകര്‍ ഡല്‍ഹിയില്‍ ആസ്പത്രിക്കു മുമ്പില്‍ പ്രതിഷേധിച്ചു. ഗുലാംനബി ആസാദ്, അഹമ്മദ് പട്ടേല്‍, ഇ.ടി. മുഹമ്മദ് ബഷീര്‍, പി.വി. അബ്ദുല്‍വഹാബ്, എം.കെ. രാഘവന്‍ എന്നിവരും അധികൃതരുടെ സമീപനത്തെ ശക്തമായി വിമര്‍ശിച്ചു. അഹമ്മദ് സാഹിബിന്റെ രോഗ നിലയെക്കുറിച്ച് വിവരം നല്‍കാത്തത് ബോധപൂര്‍വമാണെന്നും ആരോപണമുയര്‍ന്നു.