കുഴിബോംബുകളും മറ്റും ഉപയോഗിച്ച് പര്‍വ്വതപ്രദേശത്തുനിന്നാണ് ട്രക്കിനുനേരെ ആക്രമണമുണ്ടായത്. കഴിഞ്ഞ ആഗസ്റ്റില്‍ ബോര്‍ഡര്‍ പൊലീസുകാരെ കൊലപ്പെടുത്തിയെന്ന് ആരോപിച്ച് റാഖൈന്‍ സ്റ്റേറ്റില്‍ മ്യാന്മര്‍ നടത്തിയ സൈനിക നടപടിയില്‍ ഒമ്പതിനായിരത്തോളം റോഹിന്‍ഗ്യ മുസ്്‌ലിംകള്‍ കൊല്ലപ്പെടുകയും ആറര ലക്ഷത്തിലേറെ പേര്‍ അഭയാര്‍ത്ഥികളാവുകയും ചെയ്തിരുന്നു. ഐക്യരാഷ്ട്രസഭ വംശഹത്യയെന്ന് വിശേഷിപ്പിച്ച സൈനിക നടപടിയില്‍ കുട്ടികളും സ്ത്രീകളും നിഷ്‌കരുണം കൊല്ലപ്പെട്ടു. സ്ത്രീകള്‍ കൂട്ട ബലാത്സംഗത്തിനിരയായി. മുസ്്‌ലിം വീടുകളും ഗ്രാമങ്ങളും സൈന്യം ചുട്ടെരിച്ചു.