തകര്‍പ്പന്‍ അര്‍ധസെഞ്ചറിയുമായി മുന്നില്‍നിന്ന് നയിച്ച ക്യാപ്റ്റന്‍ രോഹിതിന്റെ ഇന്നിങ്സാണ് ഇന്ത്യയ്ക്ക് തുണയായത്. രോഹിത് 83 പന്തില്‍ ഏഴു ഫോറും മൂന്നു സിക്സും സഹിതം 76 റണ്‍സെടുത്തു. ഓപ്പണിങ് വിക്കറ്റില്‍ ശുഭ്മന്‍ ഗില്ലിനൊപ്പം രോഹിത് പടുത്തുയര്‍ത്തിയ സെഞ്ചറി കൂട്ടുകെട്ടും ഇന്ത്യന്‍ വിജയത്തില്‍ നിര്‍ണായകമായി.

ന്യൂസിലന്റ് ഓപ്പണര്‍ രചിന്‍ രവീന്ദ്രയാണ് ടൂര്‍ണമെന്റിന്റെ താരം. രചിനാണ് ടൂര്‍ണമെന്റിലെ ടോപ് സ്‌കോററും. കിവീസിന്റെ മാറ്റ് ഹെന്‍ട്രിയാണ് ടൂര്‍ണമെന്റില്‍ ഏറ്റവും അധികം വിക്കറ്റുകള്‍ കൊയ്തത്.

റാഞ്ചി: ടെസ്റ്റ് ഓപ്പണറായിറങ്ങി വിസ്മയ ഫോം തുടരുകയാണ് രോഹിത് ശര്‍മ്മ. റാഞ്ചി ടെസ്റ്റില്‍ വീരു സ്‌റ്റൈലില്‍ സിക്‌സര്‍ പായിച്ച് ഇരട്ട സെഞ്ചുറി പൂര്‍ത്തിയാക്കിയ രോഹിത് ഒരിക്കല്‍ കൂടി കരുത്തുകാട്ടി. അതോടെ സാക്ഷാല്‍ ഡോണ്‍ ബ്രാഡ്മാന്‍ 71 വര്‍ഷം പഴക്കമുള്ള ബാറ്റിംഗ് റെക്കോര്‍ഡ് ഹിറ്റ്മാന്‍ തകര്‍ത്തു എന്നതാണ് പ്രത്യേകത.

ഹോം ടെസ്റ്റില്‍ ഏറ്റവും ഉയര്‍ന്ന ശരാശരി എന്ന റെക്കോര്‍ഡിലാണ് ബ്രാഡ്മാനെ രോഹിത് പിന്തള്ളിയത്. ബ്രാഡ്മാന് 98.22 ആണ് ശരാശരിയെങ്കില്‍ രോഹിത്തിന് ഇന്നത്തെ ഇരട്ട സെഞ്ചുറി ഇന്നിംഗ്‌സോടെ 99.84 ആയി ആവറേജ്. കുറഞ്ഞത് 10 ടെസ്റ്റുകളെങ്കിലും കളിച്ച താരങ്ങളെയാണ് ഈ കണക്കില്‍ പരിഗണിച്ചിരിക്കുന്നത്. ഒരു ടെസ്റ്റ് പരമ്പരയില്‍ ഏറ്റവും കൂടുതല്‍ സിക്‌സുകള്‍(19) നേടുന്ന താരമെന്ന നേട്ടം രോഹിത് കഴിഞ്ഞ ദിവസം സ്വന്തമാക്കിയിരുന്നു.

ഹോം ടെസ്റ്റുകളില്‍ 18 ഇന്നിംഗ്‌സുകളില്‍ നിന്ന് 1298 റണ്‍സാണ് രോഹിത് ശര്‍മ്മ അടിച്ചെടുത്തത്. ആറ് സെഞ്ചുറികളും അഞ്ച് അര്‍ധ സെഞ്ചുറികളും ഇതില്‍ ഉള്‍പ്പെടുന്നു. അവസാന കളിച്ച ഒന്‍പത് ഇന്നിംഗ്‌സുകളില്‍ 82, 51, 102, 65, 50*, 176, 127, 14, 212 എന്നിങ്ങനെയാണ് ഹിറ്റ്മാന്റെ സ്‌കോര്‍. റാഞ്ചിയില്‍ ഇരട്ട സെഞ്ചുറി നേടിയ രോഹിത് 255 പന്തില്‍ 28 ഫോറും ആറ് സിക്‌സും സഹിതം 212 റണ്‍സ് നേടി. ടെസ്റ്റില്‍ രോഹിത്തിന്റെ കന്നി ഇരട്ട ശതകമാണിത്.

രോഹിത് 87 ഇന്നിംഗ്‌സുകളില്‍ നിന്നാണ് 21 അര്‍ധസെഞ്ചുറികള്‍ തികച്ചത്. കോലിയുടെ നേട്ടം 62 ഇന്നിംഗ്‌സുകളില്‍ നിന്നായിരുന്നു. 16 അര്‍ധസെഞ്ചുറികള്‍ നേടിയിട്ടുള്ള ന്യൂസിലന്‍ഡിന്റെ മാര്‍ട്ടിന്‍ ഗപ്ടില്‍ ആണ് മൂന്നാം സ്ഥാനത്ത്. ക്രിസ് ഗെയ്ല്‍(15), തിലകരത്‌നെ ദില്‍ഷന്‍(14), മൊഹമ്മദ് ഷെഹ്‌സാദ്(13) എന്നിവരാണ് ആദ്യ അഞ്ചിലുള്ള മറ്റ് ബാറ്റ്‌സ്മാന്‍മാര്‍. ഒമ്പത് അര്‍ധസെഞ്ചുറികള്‍ നേടിയിട്ടുള്ള ശിഖര്‍ ധവാനാണ് ഇന്ത്യന്‍ താരങ്ങളില്‍ മൂന്നാം സ്ഥാനത്ത്.

സെമിയില്‍ പുറത്തായ ഇന്ത്യന്‍ ടീമിലെ രണ്ട് അംഗങ്ങള്‍ക്ക് മാത്രമാണ് ലോകകപ്പ് ഇലവനില്‍ ഇടംപിടിക്കാനായത്. റണ്‍വേട്ടകാരനായ ഓപ്പണര്‍ രോഹിത് ശര്‍മ്മയും പേസ് ബൌളര്‍ ജസ്പ്രീത് ബൂമ്രയുമാണ് ടീമിലെത്തിയ ഇന്ത്യന്‍ താരങ്ങള്‍. ഓസീസീന്റെയും രണ്ട് താരങ്ങളും ഒരു ബംഗ്ലാദേശ് താരവുമാണ് ടീമിലുള്ളത്.

ടീം: രോഹിത് ശര്‍മ (ഇന്ത്യ), ജേസണ്‍ റോയ് (ഇംഗ്ലണ്ട്), വില്യംസണ്‍ (ന്യൂസീലന്‍ഡ്), ഷാകിബ് അല്‍ ഹസ്സന്‍ (ബംഗ്ലാദേശ്), ജോ റൂട്ട് (ഇംഗ്ലണ്ട്), ബെന്‍ സ്റ്റോക്സ് (ഇംഗ്ലണ്ട്), അലെക്സ് കാരി (വിക്കറ്റ് കീപ്പര്‍- ഓസീസ്), മിച്ചല്‍ സ്റ്റാര്‍ക് (ഓസീസ്), ജോഫ്ര ആര്‍ച്ചര്‍ (ഇംഗ്ലണ്ട്), ലോക്കി ഫെര്‍ഗൂസന്‍ (ന്യൂസീലന്‍ഡ്), ബൂമ്ര (ഇന്ത്യ). കിവീസ് താരം ട്രെന്റ് ബോള്‍ട്ടാണ് ടീമിലെ പന്ത്രണ്ടാമന്‍.

രോഹിത് ശര്‍മ്മയും ഇംഗ്ലണ്ട് താരം ജേസണ്‍ റോയിയുമാണ് ടീമിലെ ഓപ്പണര്‍മാര്‍. അഞ്ച് സെഞ്ച്വറിയുമായി റണ്‍വേട്ടക്കാരുടെ പട്ടികയില്‍ ഒന്നാം സ്ഥാനത്തെത്തിയ താരമാണ് രോഹിത്. ഇംഗ്ലണ്ടിന് വേണ്ടി മികച്ച പ്രകടനം കാഴ്ചവച്ച താരമാണ് ജേസണ്‍ റോയ്. 8 മത്സരങ്ങളില്‍ നിന്ന് നാല് അര്‍ദ്ധ സെഞ്ച്വറിയും ഒരു സെഞ്ച്വറിയുമടക്കം 443 റണ്‍സാണ് റോയ് അടിച്ചുകൂട്ടിയത്.

മൂന്നാം നമ്പര്‍ ബാറ്റ്‌സ്മാനായാണ് കിവീസ് നായകന്‍ കെയ്ന്‍ വില്യംസണ്‍ ടീമിലിടംപിടിച്ചത്. ന്യൂസിലന്‍ഡിനെ ഫൈനലിലെത്തിച്ചതില്‍ നിര്‍ണായക പങ്കുവഹിച്ച വില്യംസണ്‍, 2019 ലോകകപ്പിന്റെ താരം കൂടിയാണ്.

അതേസമയം ഇന്ത്യന്‍ നായകന്‍ വിരാട് കോഹ് ലി യും ധോനിയും ടീമിലിടം നേടിയില്ല. സമീപകാലത്ത് കോഹ് ലി ഇല്ലാതെ ഐസിസിയുടെ ടീം ലിസ്റ്റ് എന്നത് അപൂര്‍വ്വമായൊരു കാഴ്ചയാണ്.

നാലാം നമ്പറില്‍ ഇംഗ്ലണ്ടിന് ലോകചാമ്പ്യന്‍മാരാക്കുന്നതില്‍ നിര്‍ണായക പങ്ക് വഹിച്ച ജോ റൂട്ടാണ്്. ബാറ്റുകൊണ്ടും പന്തുകൊണ്ടും വിസ്മയിപ്പിച്ച ബംഗ്ലാദേശ് ഓള്‍റൗണ്ടര്‍ ഷക്കീബ് അല്‍ ഹസനാണ് അഞ്ചാം നമ്പറില്‍ ടീമിലിടം നേടിയത്. ബാറ്റിംഗിനും ബൗളിംഗിനും ഒപ്പം ഫീല്‍ഡിംഗിലും മികച്ച പ്രകടനം പുറത്തെടുത്ത ഇംഗ്ലണ്ട് താരം ബെന്‍ സ്റ്റോക്‌സ് ആണ് ടീമിലെ ആറാമന്‍.

ഓസ്‌ട്രേലിയന്‍ ടീമിലെ വിക്കറ്റ് കീപ്പറായ അലക്‌സ് ക്യാരിയാണ് ലോക ഇലവന്റെ വിക്കറ്റ് കീപ്പര്‍. വിക്കറ്റ് വേട്ടയില്‍ ഒന്നാം സ്ഥാനത്തുള്ള ഓസ്‌ട്രേലിയന്‍ പേസര്‍ മിച്ചല്‍ സ്റ്റാര്‍ക്കും ഇംഗ്ലണ്ട് താരം ജോഫ്ര ആര്‍ച്ചറും ഇന്ത്യന്‍ താരം ജസ്പ്രീത് ബൂമ്രയുമാണ് ടീമിലെ ബൌളര്‍മാര്‍. ന്യൂസിലന്‍ഡ് താരം ട്രെന്റ് ബോള്‍ട്ടിനെ ടീമിലെ പന്ത്രണ്ടാമനായി ഉള്‍പ്പെടുത്തിയിട്ടുണ്ട്.

ഇനിയും തകര്‍ക്കാനുണ്ട് അദ്ദേഹത്തിന് റെക്കോര്‍ഡുകള്‍. ക്രിക്കറ്റ് ഇതിഹാസം സച്ചിന്‍ ടെണ്ടുല്‍ക്കര്‍ തീര്‍ത്ത ഒരു ലോകകപ്പില്‍ ഏറ്റവും കൂടുതല്‍ റണ്‍സ് നേടിയെന്ന റെക്കോര്‍ഡ്. സച്ചിന്‍ നേടിയ 673 റണ്‍സ് മറികടക്കാന്‍ രോഹിത്തിന് 26 റണ്‍സ് മതി. നിലവില്‍ രോഹിത്ത് എട്ട് മത്സരങ്ങളില്‍ നിന്ന് 647 റണ്‍സ് എടുത്തിട്ടുണ്ട്.

ഈ ലോകകപ്പില്‍ രോഹിത്ത് നേടിയ റെക്കോര്‍ഡുകള്‍ ഇവയാണ്

1) ഒരു ലോകകപ്പില്‍ ഏറ്റവും കൂടുതല്‍ സെഞ്ച്വറി നേടുന്ന താരം.
2) ലോകകപ്പ് ഗ്രൂപ്പ് ഘട്ടത്തില്‍ ഏറ്റവും കൂടുതല്‍ റണ്‍സ് നേടുന്ന താരം.
3) ലോകകപ്പില്‍ തുടര്‍ച്ചയായി മൂന്ന് സെഞ്ച്വറികള്‍ നേടുന്ന ആദ്യ ഇന്ത്യന്‍ താരം.
4)ക്രിക്കറ്റില്‍ ടെസ്റ്റ് പദവി ലഭിച്ച രാജ്യങ്ങള്‍ക്കെതിരെ ലോകകപ്പില്‍ അഞ്ച് സെഞ്ച്വറി നേടുന്ന ആദ്യ താരം.
5)ഇംഗ്ലണ്ടില്‍ നടക്കുന്ന ഏകദിന ക്രിക്കറ്റില്‍ തുടര്‍ച്ചയായി മൂന്ന് സെഞ്ച്വറികള്‍ നേടുന്ന ആദ്യ താരം.

നായകന്‍ വിരാട് കോഹ്‌ലിയുടെ അഭാവത്തിലാണ് ടീം ഇന്ത്യയെ നയിക്കാന്‍ ഒരിക്കല്‍ കൂടി രോഹിത്തിന് അവസരം ലഭിച്ചത്. ഐ.പി.എല്ലില്‍ മുംബൈ ഇന്ത്യന്‍സിന്റെ നായകനായ രോഹിത് നേരത്തെ തന്റെ നേതൃപാടവം തെളിയിച്ചതാണ്. നിര്‍ണായ മത്സരത്തില്‍ ബാറ്റിങില്‍ തന്റെ മികവ് പുറത്തെടുക്കായില്ലെങ്കിലും ബൗളിങില്‍ കൃത്യമായ സാഹചര്യത്തില്‍ ബൗളര്‍മാരെ ഉപയോഗിച്ച് ഇന്ത്യക്ക് വിജയം സമ്മാനിക്കാന്‍ രോഹിത്തിനായി. ഇതില്‍ ശ്രദ്ധേയമായത് അക്‌സര്‍ പട്ടേലിനെ പകരമായി പാര്‍ട്ട് ടൈം ബൗളറായ സുരേഷ് റെയ്‌നയെ അവസരിത്തിനൊത്ത് ഉപയോഗിച്ചാണ്. ഇതിലൂടെ തന്റെ നായകപാടവം ഒരിക്കല്‍കൂടി രോഹിത് ക്രിക്കറ്റ് ലോകത്തിന് കാട്ടികൊടുക്കുകയായിരുന്നു. ഇതോടെ സൂപ്പര്‍ നായകന്‍ കോഹ് ലിയുടെ അഭാവം ടീമിന് ബാധിക്കില്ലെന്നും തെളിയിച്ചിരിക്കുകയാണ്.

ന്യൂലാന്‍ഡില്‍ നടന്ന പരമ്പരയിലെ അവസാന മത്സരത്തില്‍ ഏഴ് റണ്‍സിന് ജയിച്ച ഇന്ത്യ പരമ്പര സ്വന്തമാക്കിയിരുന്നു. അന്ന് കോഹ്‌ലിക്ക് വിശ്രമം അനുവദിച്ചപ്പോളു നായകന്‍ രോഹിത് തന്നെയായിരുന്നു. പാക്കിസ്ഥാന്റെ മിസ്ബാഹുല്‍ ഹഖ്, ശാഹിദ് അഫ്രീദി, സര്‍ഫാസ് അഹമ്മദ്, ശ്രീലങ്കയുടെ കുമാര്‍ സങ്കക്കാര, ലസിത് മലിങ്ക എന്നിവരാണ് ആദ്യ നാലു മത്സരങ്ങളില്‍ വിജയം നേടുന്ന നായകന്‍ എന്ന നേട്ടം ഇതിന് മുമ്പ് കരസ്ഥമാക്കിയ ക്യാപ്റ്റന്‍മാര്‍.

Rohit Sharma back in form with a century. Still 14 overs to go – fireworks ahead?

IND 203/3 https://t.co/vwl8kfXWBR #SAvIND pic.twitter.com/CnSz4Ztcpv

— ESPNcricinfo (@ESPNcricinfo) February 13, 2018

breathes a little easier as Rohit Sharma gets to his 17th ODI hundred, (only his 2nd against SA), 3 of which have been doubles.

Can he hand India their first ODI series win in SA? Only time will tell…

203/3 after 36, search for further inroads.#SAvIND pic.twitter.com/9mU2ET8RvT

— Cricbuzz (@cricbuzz) February 13, 2018

ദക്ഷിണാഫ്രിക്ക മണ്ണില്‍ ആദ്യ പരമ്പര വിജയമെന്ന ലക്ഷ്യവുമായി അഞ്ചാം ഏകദിനത്തിനറങ്ങിയ ഇന്ത്യക്ക് ബാറ്റിങ്. ടോസ് നേടിയ ആതിഥേയര്‍ ഇന്ത്യയെ ബാറ്റിങിന് അയക്കുകയായിരുന്നു. 34 റണ്‍സെടുത്ത ശിവര്‍ ധവാന്റെ വിക്കാറ്റാണ് ആദ്യം ഇന്ത്യക്ക് നഷ്ടമായത്.ദക്ഷിണാഫ്രിക്കന്‍ ബൗളര്‍മാരെ കടന്നാക്രമിച്ച ശിഖര്‍ ധവാന്‍ 23 പന്തില്‍ എട്ടു ഫോറിന്റെ സഹായത്തോടെ 147 സ്‌ട്രെക്ക് റൈറ്റിലാണ് 34 റണ്‍സ് നേടിയത്. ഒടുവില്‍ ധവാനെ ഫില്‍ക്വായയുടെ കൈകളിലെത്തിച്ച് റബാഡ ഇന്ത്യയുടെ ആദ്യ വിക്കറ്റ് സ്വന്തമാക്കി. റബാഡയെ സിക്‌സര്‍ പറത്താനുള്ള ശ്രമത്തിനിടെയാണ് ധവാന് വിക്കറ്റ് നഷ്ടമായത്

ഇന്‍ഡോര്‍: അപാര ഫോമിലാണ് ഇന്ത്യന്‍ നായകന്‍ രോഹിത് ശര്‍മ. ഏകദിന ക്രിക്കറ്റില്‍ ഇരട്ട ശതകങ്ങളുടെ ലോക റെക്കോര്‍ഡ് കുറിച്ച് ദിവസങ്ങള്‍ പിന്നിടവെ ടി-20 ക്രിക്കറ്റിലെ അതിവേഗ സെഞ്ച്വറിയുമായി രോഹിത് ഇന്ത്യയെ പരമ്പര വിജയത്തിലേക്ക് നയിച്ചു. കേവലം 35 പന്തില്‍ നിന്ന് മൂന്നക്കം തികച്ച നായകന്റെ വെടിക്കെട്ടില്‍ ഇന്ത്യ സമ്പാദിച്ചത് 260 റണ്‍സ്. മറുപടിയില്‍ കുശാല്‍ പെരേര, ഉപുല്‍ തരംഗ എന്നിവരുടെ വെടിക്കെട്ടിലും ലങ്ക തകര്‍ന്നു. ഇതോടെ മൂന്ന് മല്‍സര ടി-20 പരമ്പരയും ഇന്ത്യ സ്വന്തമാക്കി. ആദ്യ മല്‍സരത്തില്‍ ഇന്ത്യ 98 റണ്‍സിന്റെ തകര്‍പ്പന്‍ വിജയം ആഘോഷിച്ചിരുന്നു.
ഇന്‍ഡോറില്‍ ടോസ് ലഭിച്ചിട്ടും ഇന്ത്യയെ ബാറ്റിംഗിനയച്ചത് വഴി വിഡ്ഡിത്തം കാട്ടിയ ലങ്കന്‍ നായകന്‍ കണ്ടത് സിക്‌സറുകളുടെയും ബൗണ്ടറികളുടെയും രോഹിത് വിളയാട്ടം. തന്റെ ആവനാഴിയിലെ എല്ലാ ഷോട്ടുകളും അനായാസം പായിച്ച നായകന്‍ 43 പന്തില്‍ 118 റണ്‍സ് നേടി പുറത്താവുമ്പോള്‍ ഇന്ത്യന്‍ സ്‌ക്കോര്‍ 165 ല്‍ എത്തിയിരുന്നു-അതും പതിമൂന്നാം ഓവറില്‍. പത്ത് കൂറ്റന്‍ സിക്‌സറുകളാണ് രോഹിത് പായിച്ചത്. പന്ത്രണ്ട് കനമുള്ള ബൗണ്ടറികളും. രോഹിതിനൊപ്പം ഇന്നിംഗ്‌സ് ഓപ്പണ്‍ ചെയ്ത രാഹുലും മോശമാക്കിയില്ല-89 റണ്‍സ്. തമിഴ്‌നാട്ടുകാരനും സിക്‌സര്‍ വേട്ടയില്‍ നായകന് അരികിലെത്തി-എട്ടെണ്ണം. ബൗണ്ടറികള്‍ അഞ്ച്. മൂന്നാം നമ്പറില്‍ വന്നത് മഹേന്ദ്രസിംഗ് ധോണി. 21 പന്തില്‍ 28 റണ്‍സാണ് മഹി നേടിയത്. ഇന്ത്യന്‍ ബാറ്റ്‌സ്മാന്മാരില്‍ പതറിയത് നേരിട്ട ആദ്യ പന്തില്‍ തന്നെ പുറത്തായ ശ്രേയാസ് അയ്യര്‍ മാത്രമാണ്. ലങ്കന്‍ ബൗളര്‍മാരെല്ലാം അടി വാങ്ങി. ഫെര്‍ണാണ്ടോ രണ്ട് വിക്കറ്റ് നേടാന്‍ 61 റണ്‍സ് വഴങ്ങി.അതിവേഗതയില്‍ സ്‌ക്കോര്‍ ചെയ്യാന്‍ ബാധ്യസ്ഥരായ ലങ്കക്കായി ഡിക്കി വാലയും ഉപുല്‍ തരംഗയും വേഗത കുറച്ചില്ല. അഞ്ചാം ഓവറില്‍ ഉനദക്തിന്റെ പന്തില്‍ ഡിക്കി വാല പുറത്തായെങ്കിലും പകരമെത്തിയ കുശാല്‍ പെരേര തരംഗക്ക് നല്ല പിന്തുണ നല്‍കി.