roma – Chandrika Daily https://www.chandrikadaily.com Thu, 02 May 2019 11:25:13 +0000 en-US hourly 1 https://wordpress.org/?v=5.8.12 https://www.chandrikadaily.com/wp-content/uploads/2020/08/chandrika-fav.jpeg roma – Chandrika Daily https://www.chandrikadaily.com 32 32 കഴിഞ്ഞ സീസണിലെ ക്വാര്‍ട്ടര്‍ ഫൈനല്‍ ഒരു ഓര്‍മ്മപ്പെടുത്തലാണ് https://www.chandrikadaily.com/last-season-quarter-final-is-an-memorized-one.html https://www.chandrikadaily.com/last-season-quarter-final-is-an-memorized-one.html#respond Thu, 02 May 2019 11:24:39 +0000 http://www.chandrikadaily.com/?p=125893 ലിവര്‍പൂളിനെതിരായ വിജയത്തോടെ ചാമ്പ്യന്‍സ് ലീഗ് ഫൈനലിന്റെ പടിവാതിലിലാണ് ബാഴ്‌സലോണ. ലിവര്‍പൂളിനെതിരെ മൂന്നു ഗോളിന്റെ ജയം ഏതു ടീമിനെ സംബന്ധിച്ചും നല്ലൊരു നേട്ടമാണ്. ലിവര്‍പൂളിന്റെ മൈതാനത്തു വച്ചു നടക്കുന്ന രണ്ടാം പാദ മത്സരത്തില്‍ ഒരു എവേ ഗോള്‍ നേടി മത്സരം പൂര്‍ണമായും തങ്ങളുടെ വരുതിയിലാക്കാനായിരിക്കും ഇനി ബാഴ്‌സലോണ ശ്രമിക്കുക. ഫൈനലിലെത്താന്‍ നാലു ഗോളുകള്‍ നേടണമെന്ന സമ്മര്‍ദ്ദത്തില്‍ ഇറങ്ങുന്ന ലിവര്‍പൂളിന്റെ പാളിച്ചകള്‍ മുതലെടുക്കുകയെന്നത് ബാഴ്‌സയെ സംബന്ധിച്ച് അടുത്ത പാദത്തില്‍ നിര്‍ണായകമാണ്. ആദ്യ പാദത്തില്‍ ഒരു ഗോള്‍ പോലും വഴങ്ങാതെ മികച്ച വിജയം സ്വന്തമാക്കിയെങ്കിലും മതിമറക്കാന്‍ ബാഴ്‌സലോണക്ക് ഇപ്പോഴും കഴിയില്ലെന്നാണു പരിശീലകന്‍ വാല്‍വെര്‍ദെ പറയുന്നത്. കഴിഞ്ഞ സീസണില്‍ റോമക്കെതിരെയുണ്ടായ തോല്‍വി മറക്കരുതെന്നും അടുത്ത പാദത്തിനു മികച്ച രീതിയില്‍ തയ്യാറെടുക്കേണ്ടതുണ്ടെന്നും അദ്ദേഹം മത്സരത്തിനു ശേഷം പറഞ്ഞു. ചില സമയത്ത് മത്സരത്തില്‍ നമുക്ക് ആധിപത്യം പുലര്‍ത്താന്‍ കഴിയുമെങ്കില്‍ ചില സമയത്തതു നേരെ തിരിച്ചായിരിക്കും. ഈ മത്സരത്തില്‍ തന്നെ പല സമയത്തും അവരാഗ്രഹിച്ച പോലെ കളിക്കാന്‍ ലിവര്‍പൂളിനു കഴിഞ്ഞിട്ടുണ്ട്. രണ്ടാം പാദത്തില്‍ കരുതലോടെ കളിച്ചാല്‍ മാത്രമേ ഈ ലീഡ് നിലനിര്‍ത്തി ഫൈനല്‍ പോരാട്ടത്തിനു ഇടം പിടിക്കാനാവു. വാല്‍വെര്‍ദെ മത്സരശേഷം മാധ്യമങ്ങളോടു പറഞ്ഞു.കഴിഞ്ഞ സീസണിലെ ചാമ്പ്യന്‍സ് ലീഗ് ക്വാര്‍ട്ടര്‍ ഫൈനലിന്റെ ആദ്യ പാദ മത്സരത്തില്‍ റോമയോട് ഒന്നിനെതിരെ നാലു ഗോളുകള്‍ക്കാണ് ബാഴ്‌സലോണ വിജയം നേടിയത്. മൂന്നു ഗോള്‍ ലീഡിന്റെ ആത്മവിശ്വാസവുമായി രണ്ടാം പാദം കളിക്കാനെത്തിയ ബാഴ്‌സയെ റോമ തകര്‍ത്തിരുന്നു.

]]> https://www.chandrikadaily.com/last-season-quarter-final-is-an-memorized-one.html/feed 0 അത്ഭുതങ്ങള്‍ സംഭവിച്ചില്ല; ലിവര്‍പൂള്‍ ചാമ്പ്യന്‍സ് ലീഗ് ഫൈനലില്‍ https://www.chandrikadaily.com/liverpool-beat-as-roma-on-aggregate-goal-difference-and-reach-ucl-final.html https://www.chandrikadaily.com/liverpool-beat-as-roma-on-aggregate-goal-difference-and-reach-ucl-final.html#respond Thu, 03 May 2018 05:40:33 +0000 http://www.chandrikadaily.com/?p=82986 റോം: അത്ഭുതങ്ങള്‍ സംഭവിച്ചില്ല. എ.എസ് റോമയെ പിന്തള്ളി ഇംഗ്ലീഷ് ക്ലബ് ലിവര്‍പൂള്‍ ചാമ്പ്യന്‍സ് ലീഗ് ഫൈനലില്‍ പ്രവേശിച്ചു. രണ്ടാംപാദ സൈമിയില്‍ 4-2ന് തോറ്റെങ്കിലും ഇരുപാദങ്ങളിലായി 7-6 നാണ് മുന്‍ചാമ്പ്യന്‍മാര്‍ കലാശപോരിന് യോഗ്യത നേടിയത്. ചാമ്പ്യന്‍സ് ലീഗില്‍ അഞ്ചു തവണ മുത്തമിട്ട ലിവര്‍പൂള്‍ 2007നു ശേഷം ഇതാദ്യമായാണ് ഫൈനലില്‍ പ്രവേശിക്കുന്നത്. മെയ് 26-ന് യുക്രൈനിലെ കീവില്‍ നടക്കുന്ന ഫൈനലില്‍ സ്പാനിഷ വമ്പന്‍മാരായ റയല്‍ മഡ്രിഡാണ് ലിവര്‍പൂളിന്റ എതിരാളികള്‍.

 

മൂന്ന് ഗോള്‍ കടവുമായിറങ്ങിയ എ.എസ് റോമക്ക് ഫൈനലിലെത്തണമെങ്കില്‍ രണ്ടാംപാദ ക്വാര്‍ട്ടറില്‍ ബാര്‍സലോണക്കെതിരെ കാണിച്ച അത്ഭുത പ്രകടനം ഒരിക്കല്‍ കൂടി പുറത്തെടുക്കണമായിരുന്നു. എന്നാല്‍ മത്സരത്തിന്റെ ഒമ്പതാം മിനിറ്റില്‍ തന്നെ ലിവര്‍പൂള്‍ സെനഗള്‍ല്‍ താരം സാഡിയോ മാനെയിലൂടെ ലീഡ് എടുത്തു. റോബര്‍ട്ടോ ഫിര്‍മിന്യോ നല്‍കിയ പാന്ത് മനോഹരമായ ഫിനീഷിലൂടെ മാനെ ഗോളാക്കി മാറ്റുകയായിുന്നു. നടപ്പു സീസണില്‍ ഇതാദ്യമായാണ് സ്വന്തം മൈതാനത്ത് റോമ ഒരു ഗോള്‍ വഴങ്ങുന്നത്.

 

എന്നാല്‍ ആറ് മിനിറ്റിനകം റോമ സമനില പിടിച്ചു. ലിവര്‍പൂള്‍ പ്രതിരോധ താരം ഡെജാന്‍ ലെവ്‌റോന്‍ ക്ലിയര്‍ ചെയ്ത് പന്ത് സഹതാരമായ ജെയിംസ് മില്‍നറിന്റെ മുഖത്തിടിച്ച് ലിവര്‍പൂള്‍ വലയിലേക്ക് തന്നെ കയറി ഒപ്പമെത്തുകയായിരുന്നു റോമക്കാര്‍. 25-ാം മിനിറ്റില്‍ വീണ്ടും റോമ വലകുലുക്കി ഹോളണ്ട് താരം ഗിനി വൈനാള്‍ഡം റോമയുടെ പ്രതീക്ഷക്ക് വലിയ പ്രഹരമേല്‍പ്പിച്ചു.

രണ്ടാം പകുതിയില്‍ ആക്രമണം ശക്തമാക്കിയാണ് റോമ കളിച്ചത്. ഇതിന്റെ ഫലമായി 52-ാം മിനിറ്റില്‍ എഡിന്‍ സെക്കോയിലൂടെ അവര്‍ സമനില പിടിച്ചു. 86-ാം മിനറ്റില്‍ റാഡ്ജ നൈന്‍ഗോളനിലൂടെ റോമ മുന്നിലെത്തി. ഇതോടെ ഒരു തിരച്ചുവരവ് ആരാധകര്‍ പ്രതീക്ഷിച്ചു. മത്സരത്തിന്റെ ഇഞ്ച്വറി ടൈമില്‍ ലഭിച്ച പെനാല്‍റ്റി കിക്ക് നൈന്‍ഗാളന്‍ വീണ്ടും ലക്ഷ്യത്തിലെത്തിച്ചെങ്കിലും ഫൈനല്‍ പ്രവേശനത്തിന് അതുമതിയാകുമായിരുന്നില്ല.

]]> https://www.chandrikadaily.com/liverpool-beat-as-roma-on-aggregate-goal-difference-and-reach-ucl-final.html/feed 0 ചാമ്പ്യന്‍സ് ലീഗില്‍ ഇന്ന് റോമ-ലിവര്‍ വാര്‍ https://www.chandrikadaily.com/roma-can-frustrate-liverpool-more-than-real-madrid-or-bayern.html https://www.chandrikadaily.com/roma-can-frustrate-liverpool-more-than-real-madrid-or-bayern.html#respond Tue, 24 Apr 2018 11:01:39 +0000 http://www.chandrikadaily.com/?p=81860 ലണ്ടന്‍: ശക്തരായ ബാര്‍സിലോണയെ രണ്ടാം പാദ ക്വാര്‍ട്ടര്‍ പോരാട്ടത്തില്‍ അതിശയിപ്പിക്കുന്ന പ്രകടനത്തില്‍ അട്ടിമറിച്ച ഏ.എസ് റോമ അതേ ആത്മവിശ്വാസത്തില്‍ ഇന്ന് സെമി ഫൈനല്‍ ആദ്യ പാദത്തിനിറങ്ങുന്നു. ഇംഗ്ലീഷ് പ്രീമിയര്‍ ലീഗ് കിരീടം സ്വന്തമാക്കിയ മാഞ്ചസ്റ്റര്‍ സിറ്റിക്കാരെ വലിയ മാര്‍ജിനില്‍ തകര്‍ത്ത ആത്മവീര്യവുമായി സ്വന്തം മൈതാനത്തിന്റെ വിശാലതയില്‍ ആദ്യപാദം കളിക്കുന്നവരായ ലിവര്‍പൂളാണ് പ്രതിയോഗികള്‍. ഇംഗ്ലീഷ്-ഇറ്റാലിയന്‍ യുദ്ധത്തില്‍ ചൂടും ചൂരും ഉറപ്പാണെന്ന സത്യത്തില്‍ മല്‍സരത്തിന്റെ ഒരു ടിക്കറ്റ് പോലും ബാക്കിയില്ല. മുഹമ്മദ് സാലേ എന്ന ഗോള്‍ വേട്ടക്കാരന്റെ ശക്തിയിലാണ് ലിവര്‍പൂള്‍. കഴിഞ്ഞ ദിവസം പ്രൊഫഷണല്‍ ഫുട്‌ബോളേഴ്‌സ് അസോസിയേഷന്റെ മികച്ച താരത്തിനുള്ള പുരസ്‌ക്കാരം സ്വന്തമാക്കിയ ആവേശമുണ്ട് ലിവര്‍പൂളിന്. ഇംഗ്ലീഷ് പ്രീമിയര്‍ ലീഗ് കിരീടം നഷ്ടമായ സാഹചര്യത്തില്‍ യൂറോപ്പിലെ ചാമ്പ്യന്‍ ക്ലബ് എന്ന വലിയ പട്ടമാണ് ടീം ലക്ഷ്യമിടുന്നതെന്ന് കോച്ച് വ്യക്തമാക്കിയ സാഹചര്യത്തില്‍ പിറകോട്ടില്ല എന്നതാണ് ടീമിന്റെ മുദ്രാവാക്യം.1984 ലാണ് അവസാനമായി റോമക്കാര്‍ ചാമ്പ്യന്‍സ് ലീഗിന്റെ സെമി കളിച്ചത്. ഇത്തവണ അവര്‍ക്ക് ആരും സാധ്യത കല്‍പ്പിച്ചിരുന്നില്ല. ബാര്‍സിലോണയുടെ തട്ടകമായ നൗകാമ്പില്‍ ആദ്യ പാദത്തില്‍ നാല് ഗോളിന് തകര്‍ന്ന ടീം പക്ഷേ രണ്ടാം പാദത്തില്‍ വിസ്മയ ടീമായി മാറുകയായിരുന്നു. എല്ലാ ഗോളുകളും തിരിച്ചടിക്കുക മാത്രമല്ല എവേ ഗോള്‍ നിയമത്തിന്റെ ശക്തമായ പിന്‍ബലത്തില്‍ സെമി ടിക്കറ്റ് നേടുകയും ചെയ്തു. ആത്മവിശ്വാസത്തിലാണ് റോമ താരങ്ങള്‍. ഇന്നലെ ആന്‍ഫീല്‍ഡില്‍ നടത്തിയ പരിശീലനത്തില്‍ നിന്ന് തന്നെ അവരുടെ കരുത്ത് പ്രകടമാണ്. ഡാനിയല്‍ ഡി റോസി, എദിന്‍ സേക്കോ, റാദ്ജ നൈന്‍ഗോലാന്‍, സ്റ്റീഫന്‍ അല്‍ ഷറാവി തുടങ്ങിയവരാണ് ടീമിന്റെ ശക്തി കേന്ദ്രങ്ങള്‍. ലിവര്‍പൂള്‍ പ്രതിരോധം ഇടക്കിടെ പ്രകടിപ്പിക്കുന്ന ചാഞ്ചാട്ടമാണ് റോമക്കാരുടെ പ്രതീക്ഷ. ഇംഗ്ലീഷ് പ്രീമിയര്‍ ലീഗ് പോരാട്ടത്തില്‍ ദുര്‍ബലരെന്ന് കരുതിയിരുന്ന വെസ്റ്റ് ബ്രോം ലിവര്‍പൂളിനെ കഴിഞ്ഞ ദിവസം 2-2 ല്‍ തളച്ചതും യുസെബിയോ ഡി ഫ്രാന്‍സിസ്‌ക്കോ പരിശീലിപ്പിക്കുന്ന സംഘത്തിന് പ്രതീക്ഷയേകുന്നു. എന്നാല്‍ സ്വന്തം മൈതാനത്ത് റോമക്ക് മുന്നില്‍ തല താഴ്ത്തിയാല്‍ അതോടെ കഥ കഴിയുമെന്ന സത്യം മനസ്സിലാക്കി തന്നെയാണ് ലിവര്‍പൂള്‍ കരുക്കള്‍ നീക്കുന്നത്.

]]> https://www.chandrikadaily.com/roma-can-frustrate-liverpool-more-than-real-madrid-or-bayern.html/feed 0