വിവാഹവാര്‍ത്ത വ്യാജമാണെന്ന് റൊണാള്‍ഡിഞ്ഞോ സ്ഥിരീകരിച്ചെങ്കിലും താരം ഒരേസമയം രണ്ട് സ്ത്രീകളുമായി പ്രണയത്തിലാണെന്നത് രഹസ്യമല്ല. മാത്രവുമല്ല, മൂവരും താമസിക്കുന്നത് റിയോ ഡി ജനീറോയിലുള്ള താരത്തിന്റെ ആഢംബര വീട്ടിലും. ഈ ‘ബന്ധങ്ങളില്‍’ വിയോജിപ്പു പ്രകടിപ്പിച്ച് റൊണാള്‍ഡിഞ്ഞോയുടെ സഹോദരി പിണങ്ങി നില്‍ക്കുകയാണെന്ന് റിപ്പോര്‍ട്ടുകളുണ്ട്. നേരത്തെ ബ്രസീലിയന്‍ ഡാന്‍സര്‍ ജെനാനിയ മെന്‍ഡസുമായി പ്രണയത്തിലായിരുന്ന റൊണാള്‍ഡിഞ്ഞോക്ക് ഈ ബന്ധത്തില്‍ ഒരു കുഞ്ഞുമുണ്ട്: ജോവോ.

2012-14 കാലയളവില്‍ ബ്രസീലിയന്‍ ക്ലബ്ബ് അത്‌ലറ്റികോ മിനേറോയില്‍ കളിക്കുമ്പോഴാണ് റൊണാള്‍ഡിഞ്ഞോ പ്രിസ്ചില്ല കൊയ്‌ലോയുമായി പ്രണയത്തിലായത്. ഇതേ ബന്ധം തുടരുമ്പോള്‍ തന്നെ 2016-ല്‍ ബിയാട്രീസ് സൂസയും ‘ഇവരുടെ’ ജീവിതത്തിലേക്ക് കടന്നുവന്നു. പരസ്പരം വിയോജിപ്പോ അസ്വാരസ്യമോ ഇല്ലാത്ത രണ്ട് കാമുകിമാരും കഴിഞ്ഞ ഡിസംബര്‍ മുതലാണ് ഒന്നിച്ചുള്ള ജീവിതം ആരംഭിച്ചത്. ഇരുവര്‍ക്കും താരം ഓരോ മാസവും 1500 ഡോളര്‍ വീതം ചെലവിനു നല്‍കുന്നുണ്ടെന്ന് ഓ ഡിയയുടെ റിപ്പോര്‍ട്ടില്‍ പറയുന്നു.

ബ്രസീലിലെ നിയമപ്രകാരം ബഹുഭാര്യാത്വവും ഭര്‍തൃത്വവും കുറ്റകരമാണ്. ഒരേസമയം ഒന്നിലധികം പേരുമായി വിവാഹം ചെയ്താല്‍ ആറു വര്‍ഷം വരെ ജയില്‍ശിക്ഷ ലഭിക്കുമെന്നാണ് നിയമം. ജയിലില്‍ കിടക്കേണ്ടി വരുമെന്നതു കൊണ്ടാണോ താരം വിവാഹവാര്‍ത്ത നിഷേധിച്ചത് എന്ന കാര്യം വ്യക്തമല്ല.

ചാമ്പ്യന്‍സ്‌ലീഗ് ട്രോഫിയുമായി മലേഷ്യന്‍ പര്യടനം നടത്തുന്നതിനിടയിലാണ് മെസ്സിയാണോ ക്രിസ്റ്റ്യനോയാണോ മികച്ചവനെന്ന ചോദ്യം ലോകകപ്പ് ജേതാവ് റൊണാള്‍ഡീഞ്ഞോക്ക് മുന്നിലെത്തിയത്. തന്നെ സംബന്ധിച്ചിടത്തോളം മെസ്സിയാണ് കേമന്‍ റൊണാള്‍ഡീഞ്ഞോ പറഞ്ഞു. മെസ്സിക്കൊപ്പം ഒരിക്കല്‍ക്കൂടി കളിക്കാന്‍ തനിക്ക് ആഗ്രഹമുണ്ട്. ബാര്‍സലോണ ഞാനും മെസ്സിയും ഒരുമിച്ചു കളിക്കുമ്പോള്‍ അവന്‍ ചെറുപ്പുമായിരുന്നു. അവനൊപ്പം കളിച്ച് എനിക്ക് മതിയായിട്ടില്ല, അദ്ദേഹം കൂട്ടിച്ചേര്‍ത്തു.

നടപ്പു സീസണില്‍ ചാമ്പ്യന്‍സ് ലീഗ് ആരും നേടുമെന്ന ചോദ്യത്തിന് എല്ലാം മികച്ച ടീമുകളാണെന്നും ആര് നേടുമെന്നും പ്രവചിക്കാനാകില്ലയെന്നും മുന്‍ ബാര്‍സലോണ താരം കൂടിയായ റൊണാള്‍ഡീഞ്ഞോ പറഞ്ഞു. തന്റെ കരിയറില്‍ ഒരുപാട് ഡിഫന്റര്‍മാരെ നേരിട്ടുണ്ടെങ്കിലും ഇറ്റലിയുടെ എ.സി മിലാന്‍ താരം പൗളോ മല്‍ദീനിയാണ് എക്കാലത്തെയും മികച്ച പ്രതിരോധ കളിക്കാരനെന്നും മുപ്പതിയൊമ്പതുകാരന്‍ അഭിപ്രായപ്പെട്ടു.

2002 ബ്രസീല്‍ ലോകകപ്പ് ജേതാക്കളായ ടീമില്‍ അംഗമായിരുന്നു റൊണാള്‍ഡീഞ്ഞോ. ബാര്‍സലോണയിലെ മികച്ച പ്രകടത്തിന് ഫിഫ ബാലണ്‍ ഡി ഓര്‍ പുരസ്‌കാരം രണ്ടുവട്ടം താരത്തെ തേടിയെത്തിയിട്ടുണ്ട്.

പ്രതിഭയെ ധൂര്‍ത്തടിച്ച കളിക്കാരന്‍ എന്നാവും ചരിത്രം റെണാള്‍ഡീഞ്ഞോയെ രേഖപ്പെടുത്തുക. പച്ചപുല്ലില്‍ കാല്‍പ്പന്തുകൊണ്ട് അയാള്‍ കവിത എഴുതിയപ്പോള്‍ ഗ്യാലറികളും ഫുട്‌ബോള്‍ വിദഗ്ധരും മഹാനെന്നും പ്രതിഭയെന്നും വിളിച്ച് വാനോളമുയര്‍ത്തി. എന്നാല്‍ തന്നിലെ കളിയെ പരിപോഷിപ്പിക്കാതെ നൈറ്റ്പാര്‍ട്ടികള്‍ക്കും ആഢംബര ജീവിതത്തിനും പിന്നാലെ പോയതോടെ കാലുകളിലെ മാന്ത്രിക ചുവടുവെപ്പുകള്‍ അയാളില്‍ നിന്നും പതിയെ അകലുന്നതാണ് പിന്നീട് ഫുട്‌ബോള്‍ ലോകം കണ്ടത്. ഒരുപക്ഷെ നിലവിലെ സൂപ്പര്‍ താരങ്ങളായ ലയണല്‍ മെസ്സിയും ക്രിസ്റ്റ്യാനോ റൊണാള്‍ഡോയും നേടിയ ബഹുമതികള്‍ക്കപ്പുറം വാരിക്കൂട്ടാനുള്ള കെല്‍പ്പുണ്ടായിരുന്നു അയാളില്‍.

2002 ഫിഫ ലോകകപ്പ് ക്വാര്‍ട്ടറില്‍ ഇംഗ്ലണ്ടിനെതിരായ മത്സരമാണ് റൊണാള്‍ഡീഞ്ഞോയെ ലോകത്തിന്റെ ശ്രദ്ധാ കേന്ദ്രമാക്കുന്നത്. ലീഡ് വഴങ്ങിയ ബ്രസീലിനായി മധ്യ നിരയില്‍ വെച്ച് സഹ കളിക്കാരനില്‍ നിന്ന് പന്തു സ്വീകരിച്ച റൊണാള്‍ഡീഞ്ഞോ പന്തുമായി കുതിച്ചപ്പോള്‍ പേരുകേട്ട ഇംഗ്ലീഷ് പ്രതിരോധ നിരക്ക് ഗ്രൗണ്ടില്‍ താളമില്ലാതെയായി. പന്തിനായി എല്ലാവരും റൊണാള്‍ഡീഞ്ഞോ പിന്നാലെ പാഞ്ഞപ്പോള്‍ മാര്‍ക്ക് ചെയ്യപ്പെടാതെ നിന്ന റിവാള്‍ഡോക്ക് പാസു നല്‍കി സമനില ഗോളിന് വഴിയൊരുക്കി. രണ്ടാം പകുതിയില്‍ ഡേവിഡ് സീമാന്റെ വലയില്‍ മനോഹരമായ ഫ്രീകിക്കിലൂടെ പന്ത് എത്തിച്ച് ഫുട്‌ബോള്‍ ആരാധകരുടെ മനസ്സിലേക്ക് അയാള്‍ ഓടികയറുകയായിരുന്നു ഒപ്പം ബ്രസീലിന് സെമി ബെര്‍ത്തും. പോസ്റ്റിന്റെ ഇരുപതുവാര അകലെയുള്ള ഫ്രീകിക്ക് സീമാന്റെ കണക്കുകൂടലുകള്‍ തെറ്റിച്ച് പോസ്റ്റിലേക്ക് ഒരു കരിയില പോലെ വീണപ്പോള്‍ അയാളിലെ പ്രതിഭയെ അളക്കാന്‍ അതുമതിയായിരുന്നു. ആ ഫ്രീകിക്കിനെ ‘കരിയില കിക്ക്’ എന്ന് ഫുട്‌ബോള്‍ ലോകം പിന്നീട് ഓമനിച്ചു പാടി.

2003-ല്‍ ബാര്‍സലോണയില്‍ എത്തിയതോടെയാണ് റൊണാള്‍ഡീഞ്ഞോയുടെ കരിയറിലെ സുവര്‍ണ കാലഘട്ടത്തിനു തുടക്കമാവുന്നത്. താരത്തിന്റെ കഴിവ് മുന്‍കൂടി കണ്ട അന്നത്തെ ബാര്‍സ പരിശീലകന്‍ ഫ്രാങ്ക് റൈക്കാര്‍ഡ് മധ്യനിരയില്‍ താരത്തിന് പൂര്‍ണ സ്വാതന്ത്ര്യം (ഫ്രീ പൊസിഷന്‍ ) അനുവദിച്ചപ്പോള്‍ ബാര്‍സയുടെ ഷെല്‍ഫിലേക്ക് ലാലീഗ, ചാമ്പ്യന്‍ ലീഗ് തുടങ്ങി കിരീടങ്ങള്‍ ഒന്നൊന്നായി എത്തി തുടങ്ങി. സിനദിന്‍ സിദാനും ലൂയിസ് ഫിഗോയും റൊണാള്‍ഡോയും അടക്കമുള്ള ലോകത്തിലെ പ്രഗല്‍ഭരായ വന്‍ താരനിര റല്‍ മാഡ്രിഡ് അണിനിരക്കുമ്പോഴാണ് ബാര്‍സ റൊണാള്‍ഡീഞ്ഞോക്ക് കീഴില്‍ യൂറോപ്പിലെ തന്നെ ശക്തിയാവുന്നത്. ഇതിനിടയില്‍ തുടരെ രണ്ടു വട്ടം ലോക ഫുട്‌ബോളറായി താരത്തെ തെരഞ്ഞെടുത്തു. അന്ന് ആദ്യമായാണ് തുടച്ചയായ രണ്ടു വര്‍ഷങ്ങളില്‍ ഒരു കളിക്കാരന്‍ ലോക ഫുട്‌ബോളര്‍ പട്ടം ചൂടുന്നത്. എന്നാല്‍ 2008-09 സീസണിന്റെ തുടക്കത്തില്‍ ബാര്‍സയുടെ പരിശീല സ്ഥാനത്ത് പെപ് ഗ്വാര്‍ഡിയോള വന്നതോടെ റൊണാള്‍ഡീഞ്ഞോ ക്ലബ് വിട്ടു. അപ്പോഴേക്കും ആരാധക വലയത്തിലും ആഢംബര ജീവിതത്തിലും മതിമറന്ന താരത്തിന്റെ കായികക്ഷമതക്ക് കോട്ടം തട്ടിയിരുന്നു. ബാര്‍സ വിട്ട് ഇറ്റാലിയന്‍ ക്ലബ് എ.സി മിലാനിലേക്കായിരുന്നു ഡീഞ്ഞോ പോയത്. എന്നാല്‍ മിലാനില്‍ കാര്യമായ നേട്ടം കൈവരിക്കാനായില്ല തുടര്‍ന്ന് മൂന്നു വര്‍ഷത്തിനു ശേഷം ബ്രസീലിലേക്ക് മടങ്ങുകയും ഫഌമെംഗോ, അത്‌ലറ്റികോ മിനീറോ, ക്വെററ്റാരോ, ഫഌമിനീസ് എന്നീ ക്ലബ്ബുകളില്‍ കളിക്കുകയും ചെയ്തു. ഇന്ത്യയില്‍ നടന്ന പ്രീമിയര്‍ ഫുട്‌സാല്‍ ലീഗിലും താരം പന്തുതട്ടിയിരുന്നു.

ഒരു കളിക്കാരെന്ന നിലയില്‍ ലോകകപ്പ്, കോണ്‍ഫെഡറേഷന്‍, കോപ അമേരിക്ക, ലാലീഗ, ചാമ്പ്യന്‍സ് ലീഗ് തുടങ്ങി പ്രമുഖ കിരീട നേട്ടങ്ങളില്‍ പങ്കാളിയാവാന്‍ റൊണാള്‍ഡീഞ്ഞോക്കായിട്ടുണ്ട്.

‘റൊണാള്‍ഡീഞ്ഞോയെ ഞാന്‍ ഏറെ ആദരിക്കുന്നുണ്ട്. പക്ഷേ, ഞങ്ങളുടെ തലമുറക്ക് ലയണല്‍ മെസ്സി എന്നാല്‍ മറഡോണയെ പോലെയാണ്. അദ്ദേഹത്തിനൊപ്പം അര്‍ജന്റീനാ ടീമില്‍ കളിക്കുകയെന്നത് എനിക്കൊരു ബഹുമതിയാണ്. ഇക്വഡോറിനെതിരെ ഹാട്രിക് നേടി അദ്ദേഹം ഞങ്ങളെ ലോകകപ്പിനെത്തിച്ചു. ജന്മസിദ്ധമായ നേതൃഗുണം ഉണ്ട് മെസ്സിക്ക്…’ 24-കാരന്‍ പറഞ്ഞു.

#GoalOfTheDay
@PauDybala_JR
Milan Allianz Stadium
21/11/2015
#FinoAllaFine #ForzaJuve pic.twitter.com/KcVeWNU8EM

— JuventusFC (@juventusfcen) November 21, 2017

ബ്രസീല്‍ – പി.എസ്.ജി താരം നെയ്മറിനൊപ്പം കളിക്കാനുള്ള ആഗ്രഹവും ഡിബാല പങ്കുവെച്ചു. ‘നിലവില്‍ ലോകത്തെ ഏറ്റവും മികച്ച ഫുട്‌ബോളര്‍ ആരെന്ന ചോദ്യത്തിന് ഉത്തരമായി മെസ്സിക്കും റൊണാള്‍ഡോക്കും തൊട്ടുപിന്നാലെ നെയ്മര്‍ ഉണ്ട്. ഭാവിയില്‍ അദ്ദേഹം ആ നേട്ടം കൈവരിക്കും.’ ഫുട്‌ബോളര്‍ എന്ന നിലയില്‍ ഇനിയുമേറെ താന്‍ മെച്ചപ്പെടാനുണ്ടെന്നും ട്രോഫികള്‍ നേടുകയും ബാളന്‍ ഡിഓര്‍ നേടുകയുമാണ് സ്വപ്‌നമെന്നും ഡിബാല പറഞ്ഞു.

ചാമ്പ്യന്‍സ് ലീഗ് ഗ്രൂപ്പ് ഡിയില്‍ ബാര്‍സലോണക്കു പിന്നിലായി രണ്ടാം സ്ഥാനത്താണ് യുവന്റസ്. സീസണിലെ ആദ്യ മത്സരത്തില്‍ ബാര്‍സ യുവെയെ എതിരില്ലാത്ത മൂന്നു ഗോളിന് വീഴ്ത്തിയിരുന്നു. മെസ്സി രണ്ട് ഗോളാണ് ആ മത്സരത്തില്‍ നേടിയത്. സ്വന്തം തട്ടകത്തില്‍ ജയം ലക്ഷ്യമിടുന്ന യുവന്റസിന് രണ്ടാം റൗണ്ടിലെത്തണമെങ്കില്‍ മികച്ച പ്രകടനം അനിവാര്യമാണ്.