ഇംഗ്ലീഷ് ക്ലബില്‍നിന്ന് പുറത്തായെങ്കിലും വിലക്ക് നിലനില്‍ക്കും. എന്നാല്‍ ലോകകപ്പില്‍ കളിക്കാന്‍ ഇത് തടസ്സമായുരുന്നില്ല. ഏപ്രില്‍ 9ന് ഗുഡിസണ്‍ പാര്‍ക്കില്‍ നടന്ന എവര്‍ട്ടണെതിരായ മത്സരത്തില്‍ മാഞ്ചസ്റ്റര്‍ തോറ്റ ശേഷമാണ് വിലക്കിനിടയാക്കിയ സംഭവമുണ്ടായത്.

ആരാധകര്‍, മാധ്യമപ്രവര്‍ത്തകര്‍, ദേശീയ ടീം പരിശീലകരും ക്യാപ്റ്റന്‍മാര്‍ എന്നിവര്‍ നല്‍കുന്ന വോട്ടിന്റെ അടിസ്ഥാനത്തിലാണ് മികച്ച താരങ്ങളെ തെരഞ്ഞെടുക്കുക. മികച്ച വനിതാ താരം, പരിശീലകന്‍, ഗോള്‍കീപ്പര്‍ തുടങ്ങിയ പുരസ്‌കാരങ്ങളുമുണ്ട്. കഴിഞ്ഞവര്‍ഷത്തെ ബാഴ്‌സലോണ താരം മെസിക്കായിരുന്നു ഈ പുരസ്‌കാരം ലഭിച്ചത്. ബാലന്‍ ദിയോറും മെസിക്കു തന്നെയായിരുന്നു.

ബയേണ്‍ മ്യൂണിച് മുന്നേറ്റ താരം ലെവന്‍ഡോവ്‌സ്‌കിക്കാണ് സാധ്യത ഏറ്റവും കൂടുതലായി കരുതപ്പെടുന്നത്. പോയ സീസണില്‍ ബയേണിനെ ചാമ്പ്യന്മാരാക്കുന്നതില്‍ ലെവന്‍ഡോവ്‌സ്‌കിയുടെ പങ്ക് നിര്‍ണായകമായിരുന്നു. 55 ഗോളുകള്‍ അടിച്ചു കൂട്ടി അദ്ദേഹം. ചാമ്പ്യന്‍സ് ലീഗ്, ജര്‍മന്‍ ലീഗ് ഉള്‍പെടെ എല്ലാ കിരീടങ്ങളും സ്വന്തമാക്കി. ഈ വര്‍ഷത്തെ ബാലന്‍ ദ്യോര്‍ ലഭിക്കുമെന്ന് ഏറ്റവും സാധ്യത കല്‍പിക്കപ്പെട്ട ആളായിരുന്നു. പക്ഷേ, കോവിഡിനെ തുടര്‍ന്ന് ഇത്തവണ പുരസ്‌കാരം വേണ്ട എന്നു വച്ചത് തിരിച്ചടിയായി.

ബാഴ്‌സക്കായി സ്പാനിഷ് ലീഗില്‍ 25 ഗോളും 21 അവസരങ്ങളും ഒരുക്കിയ മെസിയും സാധ്യതയില്‍ മുന്നില്‍ നില്‍ക്കുന്നു. എന്നാല്‍ കിരീടങ്ങള്‍ ഒന്നും നേടാനായില്ല. രണ്ടുവട്ടം ഫിഫയുടെ നേട്ടം സ്വന്തമാക്കിയ റൊണാള്‍ഡോയും സ്ഥിരതയാര്‍ന്ന പ്രകടനമാണ് നടത്തിയത്. ഇറ്റാലിയന്‍ ലീഗില്‍ യുവന്റസിനെ ചാമ്പ്യന്‍മാരാക്കുന്നതില്‍ നിര്‍ണായകമായി മുപ്പത്തഞ്ചുകാരന്റെ മികവ്. ആകെ 31 ഗോളുകള്‍ അടിച്ചുകൂട്ടി. പോര്‍ച്ചുഗലിനായും മിന്നി.

മാഞ്ചസ്റ്റര്‍ സിറ്റി പ്രതിരോധക്കാരി ലൂസി ബ്രോണ്‍സ്, ചെല്‍സി മുന്നേറ്റക്കാരി പെര്‍ണിലെ ഹാര്‍ഡെര്‍, ല്യോണ്‍ പ്രതിരോധക്കാരി വെന്‍ഡി റെനാര്‍ഡ് എന്നിവരാണ് വനിതകളുടെ അന്തിമപട്ടികയില്‍. അമേരിക്കയുടെ മേഗന്‍ റാപിനൊയാണ് നിലവിലെ ജേതാവ്. ഹാന്‍സി ഫ്‌ലിക് (ബയേണ്‍ മ്യൂണിക്ക്), യുര്‍ഗന്‍ ക്ലോപ് (ലിവര്‍പൂള്‍), മാഴ്‌സെലൊ ബിയേല്‍സ (ലീഡ്‌സ് യുണൈറ്റഡ്) എന്നിവര്‍ പരിശീലകനാകാനും മത്സരിക്കുന്നു.

ഇപ്പോഴിതാ, ഇംഗ്ലണ്ടിലെ തന്റെ തട്ടകമായ മാഞ്ചസ്റ്ററില്‍ 11 നിലയുള്ള അത്യാഡംബര ഹോട്ടല്‍ പണിയാന്‍ ഒരുങ്ങുകയാണ് താരം. 150 മുറികളുള്ള ഹോട്ടല്‍ 2023ന് ഉദ്ഘാടനം ചെയ്യപ്പെടും എന്നാണ് പ്രതീക്ഷിക്കപ്പെടുന്നത്. മുറികള്‍ക്ക് പുറമേ, ഗ്രൗണ്ട് ഫ്‌ളോര്‍ ലോഞ്ച് ബാര്‍, അതിഥികള്‍ക്കായി റൂഫ് ടെറസ് എന്നിവയും ഉണ്ടാകും.

ഹോട്ടലിന്റെ രൂപകല്പന

മാഞ്ചസ്റ്ററില്‍ മുന്‍ മാഞ്ചസ്റ്റര്‍ താരങ്ങളായ ഗാരി നെവില്ലയ്ക്കും റിയാന്‍ ഗിഗ്‌സിനും ഹോട്ടലുകളുണ്ട്. ഇരുവരും ചേര്‍ന്ന് നഗരത്തില്‍ രണ്ട് ഹോട്ടലുകളാണ് നടത്തുന്നത്. എട്ടു വര്‍ഷം മുമ്പ് ഇവരുടെ കമ്പനി ഓഹരി വിപണിയിലെ രണ്ടാം ഗ്രേഡില്‍ രജിസ്റ്റര്‍ ചെയ്തിരുന്നു. ഈ മേഖലയിലേക്കാണ് റൊണാള്‍ഡോയുടെ വരവ്.

മാഞ്ചസ്റ്ററിലെ നോര്‍ത്തേണ്‍ ക്വാര്‍ട്ടറിലാണ് ക്രിസ്റ്റിയാനോയുടെ ഹോട്ടല്‍ വരുന്നത്. ഫോര്‍ സ്റ്റാര്‍ പ്ലസ് ഹോട്ടലാണ് വിഭാവനയില്‍ ഉള്ളത്. ഹോട്ടലിന്റെ രൂപകല്‍പ്പന അധികൃതര്‍ക്ക് അനുമതിക്കായി കൈമാറിയിട്ടുണ്ട്.

ലിസ്ബണിലെ ഹോട്ടല്‍

നിലവില്‍ ഇറ്റാലിയന്‍ ക്ലബായ യുവന്റസിനു വേണ്ടി കളിക്കുന്ന ക്രിസ്റ്റ്യാനോയ്ക്ക് സ്വന്തം നാടായ മദേറിയയിലെ ഫുഞ്ചലിലും ലിസ്ബണിലും ഹോട്ടലുകളുണ്ട്. തന്റെ ബ്രാന്‍ഡായ സിആര്‍7 ഷോറൂമുകള്‍ ന്യൂയോര്‍ക്ക്, മാഡ്രിഡ്, മറകെച്ച്, പാരിസ് എന്നിവിടങ്ങളില്‍ ആരംഭിക്കാനും താരത്തിന് പദ്ധതിയുണ്ട്.

വേനല്‍ക്കാല സീസണില്‍ തന്നെ താരത്തെ ലേലത്തില്‍ വയ്ക്കുമെന്നാണ് ദ സണ്‍ പറയുന്നത്. ആഴ്ചയില്‍ 540,000 പൗണ്ടാണ് ക്ലബ് താരത്തിനായി മുടക്കുന്നത്. ഏറ്റവും കൂടുതല്‍ ശമ്പളം വാങ്ങുന്ന തൊട്ടു താഴെയുള്ള മാറ്റിസ് ഡി ലിറ്റിനേക്കാള്‍ നാലു മടങ്ങ് തുകയാണ് ക്ലബ് ക്രിസ്റ്റ്യാനോയ്ക്കായി മുടക്കുന്നത്.

2018ല്‍ നൂറ് ദശലക്ഷം പൗണ്ടിനാണ് ക്രിസ്റ്റ്യാനോ റയല്‍ മാഡ്രിഡില്‍ നിന്ന് യുവന്റസിലെത്തിയിരുന്നത്. രണ്ടര വര്‍ഷത്തിനിടെ 94 കളികളില്‍ നിന്ന് 71 ഗോളുകളാണ് താരം നേടിയിട്ടുള്ളത്. രണ്ടു തവണ സീരി എ കിരീടവും സ്വന്തമാക്കി.

ഒരു സീസണില്‍ 28 ദശലക്ഷം പൗണ്ടാണ് നിലവില്‍ റോണോയുടെ സമ്പാദ്യം. സഹതാരം പൗളോ ഡിബാലയുടെ ശമ്പളത്തേക്കാള്‍ അഞ്ചു മടങ്ങ് കൂടുതലാണിത്.

കളിയില്‍ മാത്രമല്ല, കാശിന്റെ കാര്യത്തിലും അതിസമ്പന്നനാണ് ക്രിസ്റ്റ്യാനോ. അതു കൊണ്ടു തന്നെ ഇത്രയും വലിയൊരു താരത്തെ നോക്കാനുള്ള സാമ്പത്തിക ശേഷി ഇപ്പോള്‍ യുവന്റസിനില്ല. പ്രത്യേകിച്ചും കോവിഡ് മഹാമാരിക്കു ശേഷം. ക്രിസ്റ്റിയാനോയെ വിറ്റ് കാശാക്കാന്‍ ക്ലബ് ഉദ്ദേശിക്കുന്നതും അതു കൊണ്ടു തന്നെ.

ക്ലബ് വിടുമെന്നോ അടുത്ത സീസണിലും ബാഴ്‌സയില്‍ തന്നെ തുടരുമെന്നോ അഭിമുഖത്തില്‍ മെസ്സി വ്യക്തമായി പറയുന്നില്ല. എന്നാല്‍ തന്റെ ഫുട്‌ബോള്‍ കരിയറിനെ കുറിച്ച് മെസ്സി വാചാലനായി. പറ്റുന്നത്ര കാലം ബാഴ്‌സയില്‍ കളിക്കണം എന്നാണ് എന്റെ ആഗ്രഹം. എന്റെ ശരീരം അനുവദിക്കുന്നിടത്തോളം കാലം കളിക്കണം. അതിന് കരാറൊന്നും ഒരു പ്രശ്‌നമല്ല. എന്റെ അച്ഛനാണ് കരാറിന്റെ കാര്യങ്ങളൊക്കെ കൈകാര്യം ചെയ്യുന്നത്. ഞാന്‍ എന്റെ ചിന്തകള്‍ പങ്കുവയ്ക്കുക മാത്രമാണ് ചെയ്യുന്നത്.

ബാഴ്‌സയാണ് എന്റെ വീടെന്ന് കരിയറില്‍ ഉടനീളം ഞാന്‍ പറഞ്ഞിട്ടുണ്ട്. എന്നാല്‍ ഈ ഒരു കാരണം കൊണ്ട് മാത്രം ക്ലബുമായി ഒരു ദീര്‍ഘകാല കരാറില്‍ ഏര്‍പ്പെടുന്നതില്‍ താത്പര്യമില്ല. ഇപ്പോള്‍ ഞാനിവിടെ സന്തുഷ്ടനാണ്. ടീമിലെ ഒരു പ്രധാന അംഗമായതില്‍ സന്തുഷ്ടനാണ്. വിജയിക്കുന്ന ഒരു ടീമിന്റെ ഭാഗമാകാന്‍ കഴിഞ്ഞതില്‍ സന്തോഷമുണ്ട്. എന്നെ സംബന്ധിച്ച് പണവും കരാര്‍ നിബന്ധനകളൊന്നുമല്ല എല്ലാം. പ്രചോദനമേകുന്ന മറ്റു പലതുമുണ്ട്. അതില്‍ പ്രധാനം വിജയിക്കുന്ന ഒരു ടീമുണ്ടാവുക എന്നതാണ്. എവിടെയും പോകണമെന്ന ഉദ്ദേശമൊന്നും എനിക്കില്ല അഭിമുഖത്തില്‍ മെസ്സി പറഞ്ഞു.

നെയ്മര്‍ ബാഴ്‌സയിലേയ്ക്ക് തിരിച്ചുവരണമെന്ന് താന്‍ ആഗ്രഹിച്ചിരുന്നുവെന്നും മെസ്സി പറഞ്ഞു. പിന്നെ ബാഴ്‌സയിലെ കാര്യങ്ങള്‍ തീരുമാനിക്കുന്നത് ഞാനല്ല. ഞാന്‍ മറ്റേത് കളിക്കാരനെയും പോലെയാണ്. ബാഴ്‌സയിലേയും അര്‍ജന്റീന ടീമിലെയും കാര്യങ്ങള്‍ ഞാനാണ് തീരുമാനിക്കുന്നതെന്ന ആരോപണങ്ങള്‍ പണ്ടേ കേട്ടുമടുത്തതാണ് മെസ്സി പറഞ്ഞു. ഇക്കുറി ബാലണ്‍ദ്യോര്‍ നേടാന്‍ എത്രമാത്രം സാധ്യതയുണ്ടെന്ന് അറിയില്ലെന്നും ക്രിസ്റ്റിയാനോ റൊണാള്‍ഡോയുമായി പ്രശ്‌നങ്ങളൊന്നുമില്ലന്നും മെസ്സി പറഞ്ഞു.

ഞായറാഴ്ച പാരീസില്‍ നടന്ന ചടങ്ങില്‍ ബ്രിസീല്‍ ഇതിഹാസ താരം റൊണാള്‍ഡോയില്‍ നിന്നാണ് നെയ്മര്‍ അവാര്‍ഡ് ഏറ്റുവാങ്ങിയത്.
പരുക്കിനെ തുടര്‍ന്ന് സീസണിലെ അവസാന മൂന്നു മാസങ്ങളില്‍ കളിക്കളത്തില്‍ ഇറങ്ങാതിരുന്നിട്ടും മുന്‍ ബാഴ്‌സ സൂപ്പര്‍ താരത്തെ തേടി അവാര്‍ഡ് എത്തുകയായിരുന്നു. ഫ്രഞ്ച് ലീഗില്‍ ടീമിനു വേണ്ടി 20 ലീഗ് മത്സരങ്ങളില്‍ നിന്ന് 19 ഗോളകളും 13 അസിസ്റ്റുകളുമായി കളംനിറഞ്ഞാണ് പാരീസ് സെന്റ് ജര്‍മന്‍ സൂപ്പര്‍സ്റ്റാര്‍ പുരസ്‌കാരത്തിന് അര്‍ഹനായത്. അതേസമയം നെയ്മറിന്റെ ഭാവി തീരുമാനത്തെ സംബന്ധിച്ച് പുരസ്‌കാരത്തിന് ചോദ്യങ്ങള്‍ ഉയര്‍ന്നു. താന്‍ പി.എസ്.ജിയില്‍ തുടരുമെന്നായിരുന്നു പുരസ്‌കാര ജേതാവിന്റെ മറുപടി. ഇതോടെ നെയ്മര്‍ ഫ്രാന്‍സ് വിട്ട് സ്പാനിഷ് ലീഗിലേക്ക് ചേക്കേറുമെന്ന വിവാദങ്ങള്‍ക്ക് താല്‍കാലിക അന്ത്യമായി.

“ഈ സീസണില്‍ എനിക്ക് വളരെ താല്പര്യവും സന്തോഷവും അനുഭവപ്പെടുന്നു, ഇത് ഒരു വലിയ ബഹുമതിയാണ്, സഹ കളിക്കാരെ കൂടാതെ എനിക്ക് ഈ പുരസ്‌കാരം നേടാനാവില്ല”, 26 കാരനായ നെയ്മര്‍ പറഞ്ഞു. ചടങ്ങില്‍ പി.എസ്.ജിയിലെ സഹതാരം എഡിന്‍സന്‍ കാവാനിയും സംബന്ധിച്ചു.

ബാര്‍സലോണയില്‍ കഴിഞ്ഞ ആഗസ്തില്‍ 222 മില്യന്‍ യൂറോ എന്ന റെക്കോര്‍ഡ് തുകക്കാണ് നെയ്മറിന്റെ ട്രാന്‍ഫര്‍ നടന്നത്.

സീസണില്‍ സ്വന്തം തട്ടകത്തില്‍ പി.എസ്.ജി തോല്‍വി ഏറ്റുവാങ്ങുന്നത് ഇതാദ്യമായാണ്. വിജയത്തോടെ റെന്നസിന് യൂറോപ്പ ലീഗ് പ്രവേശം സാധ്യമായി. 52-ാം മിനിറ്റില്‍ ബെഞ്ചമിന്‍ ബൂറിഗിയാഡ് പെനാല്‍റ്റിയിലൂടെ നേടിയ ഗോളിന് മുന്നിലെത്തിയ റെന്നസ്, 71-ാം മിനിറ്റില്‍ അഡ്രിയാന്‍ ഹനൂവിലൂടെ ഗോള്‍ നേട്ടം രണ്ടാക്കി ഉയര്‍ത്തി. നാലാഴ്ചക്ക് മുമ്പ് തന്നെ ലീഗില്‍ കിരീടം സ്വന്തമാക്കിയ പി.എസ്.ജി സീസണില്‍ നേരിടുന്ന മൂന്നാമത്തെ തോല്‍വിയായിരുന്നു ഇത്.

ഏകദേശം 13 ദശലക്ഷം പൗണ്ടിന്റെ നികുതി വെട്ടിച്ചുവെന്ന പരാതിയില്‍ അന്വേഷണം നേരിടുകയാണ് റൊണാള്‍ഡോ. 2011 മുതല്‍ 2014 വരെയുള്ള കാലയളവിലായാണ് നിലവിലെ ലോകഫുട്‌ബോളര്‍ ക്രിസ്റ്റിയാനോ റൊണാള്‍ഡോ വെട്ടിപ്പ് നടത്തിയതായി ടാക്‌സ് ഏജന്‍സിയുടെ വാദം. നേരത്തെ ഡിസംബര്‍ ഏഴിന് ഇതുമായി ബന്ധപ്പെട്ട് സ്പാനിഷ് കോടതി റൊണാള്‍ഡോയുടെ വാദം കേട്ടിരുന്നു.സ്പാനിഷ് മാധ്യമമായ എല്‍ മുണ്ടോയാണ് റയല്‍ മാഡ്രിഡ് താരത്തെ ജയിലിലടക്കണമെന്ന മൗറേലയുടെ അഭ്യര്‍ത്ഥന പുറത്തു വിട്ടത്. സ്‌പെയിനില്‍ ഒരു ലക്ഷം പൗണ്ട് വെട്ടിച്ചവര്‍ ജയിലില്‍ കഴിയുമ്പോള്‍ റൊണാള്‍ഡോ പുറത്തിറങ്ങി നടക്കുന്നത് നീതികരിക്കാനാവില്ലെന്നും മൗറലോ വാദിച്ചു.

El Mundo: ‘There are people in prison for much less than Cristiano Ronaldo’https://t.co/AVc5y0c8CK

— Barcelona Live (@barca90live) December 26, 2017

നിവലില്‍ ഔദ്യോഗികമായി ക്രിസ്റ്റ്യാനോയുടെ പേരില്‍ കുറ്റം ചുമത്തപ്പെടാത്തതു കാരണം പ്രാഥമികാന്വേഷണത്തിനു ശേഷം താരം കുറ്റക്കാരനെന്നു കണ്ടെത്തിയാല്‍ മാത്രമേ മജിസ്‌ട്രേറ്റ് കേസില്‍ നടപടി സ്വീകരിക്കൂ.

ബാര്‍സലോണയുടെ സൂപ്പര്‍താരം ലയണല്‍മെസ്സി, മുന്‍ റയല്‍ മാഡ്രിഡ് പരിശീലകന്‍ ജോസ് മൗറിഞ്ഞോ തുടങ്ങി പ്രമുഖര്‍ സ്‌പെയനില്‍ നികുതി വെട്ടിപ്പുവുമായി ബന്ധപ്പെട്ട് അന്വേഷണം നേരിടുന്നുണ്ട്. നേരത്തെ കേസില്‍ ക്ലബിന്റെ ഭാഗത്തു നിന്നു കാര്യമായ പിന്തുണ ലഭിക്കുന്നില്ല എന്നാരോപിച്ച് റയല്‍ മാഡ്രിഡ് വിടാനൊരുങ്ങുകയാണ് ക്രിസ്റ്റ്യാനോ റൊണാള്‍ഡോയെന്ന് പരക്കെ വാര്‍ത്ത പരന്നിരുന്നു. അതേസമയം ഗോമസ് മൗറേലോയുടെ ആരോപണത്തിന് ക്രിസ്റ്റ്യാനോയും റയല്‍ മാഡ്രിഡും ഇതുവരെ പ്രതികരിച്ചിട്ടില്ല. കേസ് തെളീക്കപ്പെട്ടാല്‍ താരത്തിന്റെ കരയറിന് വലിയ തിരിച്ചടിയാവും. അഞ്ചാം തവണയും ഫിഫ ലോകഫുട്‌ബോളറായി തെരഞ്ഞെടുക്കപ്പെട്ടത്തോടെ ലയണല്‍ മെസ്സിക്കൊപ്പമെത്തിയ റൊണാള്‍ഡോ കരിയറിന്റെ ഏറ്റവും മികച്ച കാലഘട്ടത്തിലൂടെയാണ് കടന്നു പോകുന്നത്.

സുഹൃത്ത്ബന്ധം തുടങ്ങുന്നത് രണ്ടു പേര്‍ തമ്മില്‍ ഇടപഴകുമ്പോഴും ഒന്നിച്ച് സമയം
ചെലവഴിക്കുമ്പോളാണ്. എന്നാല്‍ മാത്രമേ സുഹൃത്തുകള്‍ തമ്മില്‍ പരസ്പരം മനസ്സിലിക്കാന്‍ പറ്റൂ. ഞാനും ക്രിസറ്റിയാനോയും കാണുന്നത് തന്നെ വല്ലപ്പോഴും അവാര്‍ഡ് പരിപാടികള്‍ക്കിടെയാണ്. ആ സമയങ്ങളില്‍ സംസാരിക്കുകയും സൗഹൃതം പങ്കിടാറുമുണ്ട്. പക്ഷെ അദ്ദേഹം എന്റെ നല്ല അടുപ്പമുള്ള സുഹൃത്തല്ല. ഭാവിയില്‍ അദ്ദേഹവും ഞാനുമായി നല്ല ബന്ധം ഉണ്ടാകുമോയെന്നും ഇപ്പോള്‍ പറയാനാകില്ല. മെസ്സി പറഞ്ഞു.

നടപ്പു ഫുട്‌ബോള്‍ യുഗത്തിലെ ഏറ്റവും മികച്ച രണ്ടു കളിക്കാരാണ് മെസ്സിയും ക്രിസ്റ്റിയാനോയും, സ്പാനിഷ് ലീഗില്‍ ബാര്‍സക്കായി മെസ്സി കളിക്കുമ്പോള്‍ പോര്‍ച്ചുഗീസ് താരം ക്രിസ്റ്റ്യാനോ ബാര്‍സയുടെ ബന്ധവൈരികളായ റയലിനു വേണ്ടിയാണ് കളിക്കുന്നത്. ക്ലബുകള്‍
തമ്മിലുള്ള വൈര്യം ഇരുവരും തമ്മിലുള്ള ബന്ധത്തിലും ബാധകമായിട്ടുണ്ടെന്നാണ് പൊതുവെയുള്ള വിലയിരുത്തല്‍.

2016-17 സീസണില്‍ ലാലിഗയില്‍ 37 ഗോളുകള്‍ നേടിയാണ് മെസ്സി കരിയറിലെ നാലാം സുവര്‍ണ പാദുകം സ്വന്തമാക്കിയത്. ഇതോടെ, ഈ നേട്ടത്തില്‍ മെസ്സി ക്രിസ്റ്റിയാനോ റൊണാള്‍ഡോയ്ക്കൊപ്പമെത്തി. 2010, 2012, 2013 വര്‍ഷങ്ങളിലാണ് ഇതിനു മുമ്പ് മെസ്സി യൂറോപ്പിലെ ഗോള്‍വേട്ടക്കാരനായത്. നേരത്തെ ഒക്ടോബറില്‍ അഞ്ചാം തവണയും ലോക ഫുട്‌ബോളര്‍ പട്ടം നേടി ക്രിസ്റ്റ്യനോ ഈ നേട്ടത്തില്‍ മെസ്സിക്ക് ഒപ്പമെത്തിയിരുന്നു.

സൈപ്രസ് : ചാമ്പ്യന്‍സ് ലീഗ് ഗ്രൂപ്പ് പോരില്‍ സൈപ്രസ് ക്ലബായ അപോയലിനെ എതിരില്ലാത്ത ആറു ഗോളിന് മുക്കി നിലവിലെ ജേതാക്കളായ റയല്‍ മാഡ്രിഡ്  നോക്കൗട്ട് റൗണ്ടില്‍ പ്രവേശിച്ചു. ലാലീഗില്‍ കഴിഞ്ഞവാരം അത്‌ലറ്റിക്കോ മാഡ്രിഡുമായി ഗോള്‍ രഹിത സമനിലി പിരിഞ്ഞതിന്റെ അമര്‍ഷം റയല്‍ അപോയലിനെതിരെ തീര്‍ക്കുകയായിരുന്നു. ഗ്രൂപ്പിലെ ഗ്ലാമര്‍ പോരാട്ടത്തില്‍ ഇംഗ്ലീഷ് ക്ലബ് ടോട്ടന്‍ഹാം ഒന്നിനെതിരെ രണ്ടു ഗോളുകള്‍ക്ക ബൊറുസിയ ഡോട്ട്മുണ്ടിനെ പരാജയപ്പെടുത്തി.

23-ാം മിനുട്ടില്‍  കെറേഷ്യന്‍ താരം ലുക്കാ മോഡ്രിച്ചാണ് ഗോള്‍വേട്ടയ്ക്ക് തുടക്കമിട്ടത്. കരിം ബെന്‍സീമ 39-ാം മിനുട്ടില്‍ ലീഡ് രണ്ടാക്കി. രണ്ടു മിനുട്ടുനിടെ പ്രതിരോധ താരം നാചോ വീണ്ടും വല കുലുക്കി. ആദ്യ പകുതിയുടെ അവസാന നിമിഷം വീണ്ടും ലക്ഷ്യം കണ്ടു ബെന്‍സീമ തന്റെ ഗോള്‍ നേട്ടം രണ്ടാക്കി. ബെന്‍സീമയുടെ രണ്ടാം ഗോളിന് വഴിയൊരുക്കിയത് ക്രിസ്റ്റിയാനോയായിരുന്നു. രണ്ടാം പകുതിയുടെ തുടക്കത്തില്‍ ഇരട്ട ഗോളുകള്‍ നേടി (49,54 മിനുട്ടുകളില്‍ )ലോക ഫുട്‌ബോളര്‍ ക്രിസ്റ്റിയാനോ റയല്‍ ഗോള്‍പട്ടിക പൂര്‍ത്തിയാക്കി.
അപോയലിനെതിരെ ഇരട്ട ഗോളുകള്‍ പ്രകടനം ലോകഫുട്‌ബോളര്‍ ക്രിസ്റ്റിയാനോ റൊണാള്‍ഡോക്ക് മൂന്നു റെക്കോര്‍ഡുകള്‍ സ്വന്തമാക്കാന്‍ സഹായിച്ചു. ഒരു കലണ്ടര്‍ വര്‍ഷം ഏറ്റവും കൂടുതല്‍ ഗോള്‍ നേടുന്ന താരമെന്ന (18) സ്വന്തം റെക്കോര്‍ഡ് തിരുത്തി. 16 ഗോളായിരുന്നു പഴയ റെക്കോര്‍ഡ്. ചാമ്പ്യന്‍ ലീഗില്‍ ഒരു ടീമിനായി ഏറ്റവും കൂടുതല്‍ ഗോള്‍ (98) നേടുന്ന താരം, ചാമ്പ്യന്‍സ് ലീഗില്‍ ഏറ്റവും കൂടുതല്‍ അസിസ്റ്റു (32 അസിസ്റ്റ്) നേടുന്ന എന്നിവയാണ് ക്രിസ്റ്റ്യാനോ ഇന്നലെ സ്വന്തമാക്കിയത്. ഒരു ടീമിനായി ഏറ്റവും കൂടുതല്‍ ഗോള്‍ നേടുന്ന താരമെന്ന ഖ്യാതി ബാര്‍സലോണയുടെ ലയണല്‍ മെസ്സിയില്‍ നിന്നും കൂടുതല്‍ അസിസ്റ്റുകളുടെ റെക്കോര്‍ഡ് തന്റെ മുന്‍ ക്ലബ് മാഞ്ചസ്റ്റര്‍ യുണെറ്റഡില്‍ സഹതാരമായ റയാന്‍ ഗിഗ്‌സില്‍ നിന്നുമാണ് നിവലിലെ ലോകഫുട്‌ബോളര്‍ വാങ്ങിയത്.

ബൊറൂസിയക്കെതിരെ ഒരുഗോള്‍ ലീഡ് വഴങ്ങിയ ശേഷമാണ് ടോട്ടന്‍ഹാം ജയിച്ചു കയറിയത്. ഹാരി കെയന്‍ (49-ാം മിനുട്ട്), സണ്‍ ഹ്യൂങ് മിന്‍ (76-ാം മിനുട്ട്) എന്നിവരാണ് ടോട്ടന്‍ഹാമിന്റെ സ്‌കോറര്‍മാര്‍ . ഔബമെയാങിന്റെ വകയായിരുന്നു ബെറൂസിയയുടെ ഗോള്‍. തോല്‍വിയോടെ ബൊറൂസിയ ചാമ്പ്യന്‍സ് ലീഗില്‍ നിന്നും പുറത്തായി.