ജെ.ഡി.എസിലെ ജി.എച്ച് രാമചന്ദ്ര ഉള്‍പ്പെടെ 14 സ്ഥാനാര്‍ത്ഥികളാണ് മത്സരരംഗത്തുള്ളത്. അപ്രതീക്ഷിത രാഷ്ട്രീയ നീക്കത്തിലൂടെ കോണ്‍ഗ്രസും ജെ.ഡി.എസും സഖ്യത്തിലായതോടെ ഇരുപാര്‍ട്ടികളും മുനിരത്‌നക്കു വേണ്ടിയാണ് പ്രചാരണം നടത്തിയത്. കോണ്‍ഗ്രസിന്റെ സിറ്റിങ് സീറ്റാണ് ആര്‍.ആര്‍ നഗര്‍.

ബംഗളൂരുവിലെ സ്വകാര്യ ഫഌറ്റില്‍ നിന്ന് ഒമ്പതിനായിരത്തോളം തിരിച്ചറിയല്‍ കാര്‍ഡുകള്‍ തെരഞ്ഞെടുപ്പ് കമ്മീഷന്റെ പ്രത്യേക സംഘം പിടികൂടിയതിനെത്തുടര്‍ന്നാണ് മണ്ഡലത്തിലെ തെരഞ്ഞെടുപ്പ് മാറ്റിവെച്ചത്.

കഴിഞ്ഞ ദിവസം ബി.ജെ.പി നേതാവിന്റെ ഉടമസ്ഥതയിലുള്ള ഫ്‌ളാറ്റില്‍ നിന്നാണ് തിരിച്ചറിയല്‍ കാര്‍ഡുകള്‍ തെരഞ്ഞെടുപ്പ് കമ്മീഷന്‍ കണ്ടെത്തിയത്. വോട്ടര്‍മാര്‍ക്ക് പണം നല്‍കന്നതിന് വേണ്ടിയാകാം ഇത്തരത്തില്‍ തിരിച്ചറിയല്‍ കാര്‍ഡുകള്‍ ശേഖരിച്ചത് എന്നായിരുന്നു കമ്മീഷന്റെ കണ്ടെത്തല്‍.

ഇതേത്തുടര്‍ന്ന് തെരഞ്ഞെടുപ്പ് മാറ്റിവെക്കണമെന്ന് ആവശ്യമുയര്‍ന്നെങ്കിലും തീരുമാനം വന്നിരുന്നില്ല. എന്നാല്‍ വോട്ടെടുപ്പ് ആരംഭിക്കുന്നതിന് മണിക്കൂറുകള്‍ മാത്രം ബാക്കിനില്‍ക്കെയാണ് തെരഞ്ഞെടുപ്പ് മാറ്റിവെക്കാന്‍ കേന്ദ്ര തെരഞ്ഞെടുപ്പ് കമ്മീഷന്‍ തീരുമാനിച്ചത്.

ബംഗളൂരുവിലെ ചേരിയില്‍ താമസിക്കുന്നവരില്‍ നിന്ന് ശേഖരിച്ച തിരിച്ചറിയല്‍ രേഖകളാണ് ഫ്‌ളാറ്റില്‍ നിന്ന് കണ്ടെടുത്തത്. ഈ കാര്‍ഡിന്റെ ഉടമകളില്‍ ചിലരെ കമ്മീഷനെ നേരിട്ട് ബന്ധപ്പെട്ട് വിവരങ്ങള്‍ ആരാഞ്ഞപ്പോഴാണ് കാര്‍ഡുകള്‍ വോട്ടെടുപ്പിനുവേണ്ടി സ്വാധീനിക്കാനായി ശേഖരിച്ചതാണെന്ന് തെളിഞ്ഞത്.