Pawan Kumar, a Dalit Hindu from Shamli India, converted to Islam in early April. On Monday Hindutva activist beat him up and forced him to renounce Islam. He told @timesofindia “I want to remain a Muslim but these rightwing activists beat me up and shaved off my beard.” pic.twitter.com/Efy0U6fYfa

— M. Jibran Nasir (@MJibranNasir) April 25, 2018

മൂന്നു ദിവസങ്ങള്‍ക്കു മുമ്പാണ് പവന്‍കുമാര്‍ ഇസ്‌ലാം മതത്തില്‍ ആകൃഷ്ടനായി മതംമാറുന്നത്. തലയില്‍ തൊപ്പി ധരിച്ചായിരുന്നു പിന്നീട് നടന്നിരുന്നത്. സമീപത്തെ മദ്രസയില്‍ നിന്നുള്ള പ്രേരണ കൊണ്ടാണ് പവന്‍കുമാര്‍ ഇസ്‌ലാം സ്വീകരിച്ചതെന്നായിരുന്നു ബജ്‌റങ് ദള്‍ പ്രവര്‍ത്തകരുടെ ആരോപണം. എന്നാല്‍ ഇന്റര്‍നെറ്റില്‍ നിന്നും ഒരുപാട് തവണ ഇസ്‌ലാമിനെക്കുറിച്ച് പഠിച്ചുവെന്നും അതിന്റെ അടിസ്ഥാനത്തിലാണ് താന്‍ മതംമാറിയതെന്നും ദേശീയമാധ്യമത്തിന് നല്‍കിയ അഭിമുഖത്തില്‍ പവന്‍കുമാര്‍ പറഞ്ഞു. മതംമാറ്റത്തിന് തന്നെയാരും പ്രേരിപ്പിച്ചിട്ടില്ല. തനിക്ക് മുസ്‌ലിമായി തുടരാനാണ് ആഗ്രഹം. എന്നാല്‍ തന്നെ ബജ്‌റങ് ദള്‍ പ്രവര്‍ത്തകര്‍ മര്‍ദ്ദിക്കുകയാണെന്നും ബലമായി താടിയെടുക്കാന്‍ നിര്‍ബന്ധിക്കുകയാണെന്നും പവന്‍കുമാര്‍ വ്യക്തമാക്കി. തിരിച്ച് ഘര്‍വാപ്പസി നടത്തണമെന്നും അക്രമികള്‍ ആവശ്യപ്പെട്ടതായി പവന്‍കുമാര്‍ പറയുന്നു.

പവന്‍കുമാറിന്റെ തലയില്‍ നിന്നും തൊപ്പി നീക്കുന്നതും നിര്‍ബന്ധിച്ച് താടി ഷേവ് ചെയ്യുന്നതും ദൃശ്യങ്ങളില്‍ കാണാം. തിരിച്ച് ഹിന്ദുമതത്തിലേക്ക് ഘര്‍വാപ്പസി നടത്തുകയാണ് അക്രമികള്‍. അതേസമയം, സംഭവത്തില്‍ പൊലീസില്‍ പരാതി നല്‍കാന്‍ പവന്‍കുമാര്‍ തയ്യാറായിട്ടില്ല. ഇസ്ലാം മതത്തിലേക്ക് പരിവര്‍ത്തനം ചെയ്തിട്ടില്ലെന്നും തൊപ്പി ഇഷ്ടം കൊണ്ട് ധരിച്ചതാണെന്നും പവന്‍കുമാര്‍ പറഞ്ഞതായി ഷാംലി എസ്.പി ദേവരാജന്‍ പറയുന്നു. എന്നാല്‍ സംഭവത്തില്‍ പരാതി നല്‍കാത്തതിനാല്‍ കേസെടുക്കാന്‍ കഴിയില്ലെന്ന നിലപാടിലാണ് പൊലീസ്.

പെണ്‍കുട്ടി കൊല്ലപ്പെട്ടതില്‍ പ്രതിഷേധിച്ചാണ് ചിത്രകാരിയായ ദുര്‍ഗാമാലതി തന്റെ ഫേസ് ബുക്ക് പേജിലൂടെ രണ്ട് ചിത്രങ്ങള്‍ പങ്കുവച്ചത്. ഇതിനെതിരെ പ്രതിഷേധം ശക്തമാവുകയായിരുന്നു. ഹിന്ദുത്വത്തെ അപമാനിച്ചെന്ന് ആരോപിച്ച് ദുര്‍ഗ മാലതിക്ക് നേരെ സൈബര്‍ ആക്രമണവും, അപവാദ പ്രചരണങ്ങളും നടന്നു. പട്ടാമ്പി മുതുതലയിലെ വീടിന് നേരെ കല്ലേറും കൂടി ഉണ്ടായതോടെ പൊലീസ് സംരക്ഷണത്തിലാണ് ദുര്‍ഗാ മാലതി.

എന്നാല്‍ ദുര്‍ഗമാലതിക്കെതിരെ പൊലീസ് കേസെടുക്കാത്തത് പട്ടാമ്പി, തൃത്താല എംഎല്‍എമാരുടെയും പാലക്കാട് എംപിയുടെയും ഇടപെടല്‍ കൊണ്ടാണെന്ന് ആയിരുന്നു ഹിന്ദു ഐക്യവേദി അധ്യക്ഷ കെ പി ശശികലയുടെ ആരോപണം. ദുര്‍ഗമാലതി ചെറുപ്പക്കാരി ആയതിനാലാണ് അതെന്നും ശശികല പറയുന്നു.

അതേസമയം, ദുര്‍ഗാമാലതി വരച്ച ചിത്രങ്ങളില്‍ ഒന്ന് മാസ് റിപ്പോര്‍ട്ടിങിനെ തുടര്‍ന്ന് ഫേസ് ബുക്ക് പിന്‍വലിച്ചു. ദുര്‍ഗ്ഗാമാലതിക്കുനേരെയുണ്ടായ ആക്രമണങ്ങളില്‍ ഇതുവരെ ആരും അറസ്റ്റിലായിട്ടില്ല.

കാഞ്ഞങ്ങാടിനടുത്ത് മേലെടുക്കത്ത് ലൂര്‍ദ് മാതാ ദേവാലയത്തിന് നേരെ ആര്‍എസ്എസ് ബിജെപി ആക്രമണം നടന്നതായി ആരോപണം. പരിവര്‍ത്തന െ്രെകസ്തവ സമൂഹം താമസിക്കുന്ന കോളനിയാണ് ആക്രമിക്കപ്പെട്ടത്. അന്‍പതോളം വരുന്ന ബിജെപി, ആര്‍എസ്സ്എസ്സ് പ്രവര്‍ത്തകരുടെ നേതൃത്വത്തിലെത്തിയ സംഘം അക്രമം നടത്തിയത്. പള്ളിയുടെ ഗ്ലാസ്സുകള്‍ കല്ലേറില്‍ പൂര്‍ണ്ണമായും തകര്‍ന്നു. നിരവധിപേര്‍ക്ക് പരിക്കേറ്റു.

ഗുരുതരമായി പരുക്കേറ്റ ഒരാളെ പരിയാരം മെഡിക്കല്‍ കോളേജ് ആശുപത്രിയിലും മറ്റുള്ളവരെ കാഞ്ഞങ്ങാട് ജില്ലാ ആശുപത്രിയിലും പ്രവേശിപ്പിച്ചു. അതിക്രമം നടക്കുന്നതിനിടെ സ്ഥലത്തെത്തിയ സിപിഐഎം ബ്രാഞ്ച് സെക്രട്ടറി ജെയിംസ് (50), തങ്കം(48), നന്ദു(20) എന്നിവര്‍ക്കും പരിക്കേറ്റിട്ടുണ്ട്.

ഈസ്റ്റര്‍ ആഘോഷത്തിനിടെയാണ് ഒരു പ്രകോപനവുമില്ലാതെയുള്ള ആര്‍ എസ്സ്എസ്സ്, ബിജെപി ആക്രമമെന്ന് പരുക്കേറ്റ് ആശുപത്രിയില്‍ പ്രവേശിപ്പച്ചവര്‍ പറഞ്ഞു. ഹോസ്ദുര്‍ഗ്ഗ് പോലീസ് കേസ്സെടുത്ത് അന്വേഷണം ആരംഭിച്ചു.