കന്യാകുളങ്ങരയിലെ കോണ്‍ഗ്രസ് ഓഫീസ് ഇന്നലെ ഡി.വൈ.എഫ്.ഐ കല്ലെറിഞ്ഞു തകര്‍ത്തു. കൊല്ലപ്പെട്ട മിഥിലാജിന്റെ മൃതദേഹവുമായി പ്രവര്‍ത്തകര്‍ വെമ്പായത്ത് എത്തിയതിന് പിന്നാലെയാണ് കോണ്‍ഗ്രസ് ഓഫീസിന് നേരെ ആക്രമണം നടന്നത്. അക്രമത്തില്‍ പ്രതിഷേധിച്ച് ഇന്ന് രാവിലെ ആറുമുതല്‍ വൈകിട്ട് ആറുവരെ പഞ്ചായത്തില്‍ യു.ഡി.എഫ് ഹര്‍ത്താല്‍ പ്രഖ്യാപിച്ചിട്ടുണ്ട്. വെഞ്ഞാറമൂട് ഓഫീസ് ആക്രമിച്ച സംഘം ഓഫീസ് കത്തിക്കുകയും ചെയ്തു.

കാട്ടാക്കടയില്‍ കോണ്‍ഗ്രസ് ഓഫീസിന് നേരെ കല്ലേറ് നടന്നു. ഇതില്‍ പ്രതിഷേധിച്ച് പൂവച്ചല്‍ മണ്ഡലം കമ്മറ്റിയുടെ നേതൃത്വത്തില്‍ റോഡ് ഉപരോധിച്ചു. വട്ടിയൂര്‍ക്കാവിലും ഡി.വൈ.എഫ്.ഐ പ്രവര്‍ത്തകര്‍ കോണ്‍ഗ്രസ് ഓഫീസ് ആക്രമിച്ചിരുന്നു

കോഴിക്കോട് നാദാപുരത്തും കോണ്‍ഗ്രസ് ഓഫീസിന് നേരെ ബോംബ് ആക്രമണമുണ്ടായി. കല്ലാച്ചി കോര്‍ട്ട് റോഡിലെ കെട്ടിടത്തിലെ മൂന്നാം നിലയിലെ ഓഫീസിന് നേരെയാണ് ആക്രമണമുണ്ടായത്. ആക്രമണത്തില്‍ കെട്ടിടത്തിന്റെ ജനലുകള്‍ക്ക് ഉള്‍പ്പെടെ കേടുപാടുകള്‍ സംഭവിച്ചു.

ശുഹൈബിന്റെ കൊലപാതകത്തില്‍ ഉന്നതരായ സി.പി.എം നേതാക്കള്‍ക്ക് പങ്കുണ്ടെന്ന് ആന്റണി പറഞ്ഞു. നിലവില്‍ സംസ്ഥാന പൊലീസ് നടത്തുന്ന അന്വേഷണം തൃപ്തികരമായി തോന്നുന്നില്ല. ക്രൂരതകള്‍ ചെയ്തിട്ടും പശ്ചാത്തപിക്കാത്ത ഇന്ത്യയിലെ ഏക പാര്‍ട്ടി കണ്ണൂരിലെ സി.പി.എമ്മാണ്.

വികാരാവേശത്തില്‍ പലപ്പോഴും കൊലപാതകങ്ങള്‍ ഉണ്ടാകാറുണ്ട്. എന്നാല്‍, ഈ കൊലപാതകത്തിന് പിന്നില്‍ ഗൂഢാലോചനയുണ്ട്. ഉന്നതങ്ങളില്‍ ഉള്‍പ്പെടെ കരുതിക്കൂട്ടി ഗൂഢാലോചന നടത്തി നടത്തിയ ആക്രമണമാണിത്. കക്ഷിരാഷ്ട്രീയ ജാതി മത വികാരങ്ങള്‍ക്ക് അതീതമായി കേരള സമൂഹം ഒന്നടങ്കം അപലപിച്ചതാണ് ഈ കൊലപാതകമെന്നും ആന്റണി കൂട്ടിച്ചേര്‍ത്തു.

കണ്ണൂര്‍: കണ്ണൂരില്‍ സമാധാനയോഗതീരുമാനത്തിന് ഒരു രാത്രിയുടെ ആയുസ്സ് പോലുമില്ല. വൈകുന്നേരം കലക്‌ടേറ്റില്‍ ചേര്‍ന്ന സമാധാനയോഗത്തില്‍ സിപിഎം ജില്ലാ സെക്രട്ടറി പി ജയരാജനും ബിജെപി ജില്ലാ പ്രസിഡണ്ട് കെ.രഞ്ജിത്തും ആര്‍എസ്എസിനെ പ്രതിനിധീകരിച്ചെത്തിയ വത്സന്‍ തില്ലങ്കേരിയും ജില്ലയില്‍ സമാധാനമുണ്ടാക്കാനുള്ള ജില്ലാ ഭരണകൂടത്തിന്റെ ശ്രമങ്ങള്‍ക്ക് പൂര്‍ണ പിന്തുണ വാഗ്ദാനം ചെയ്ത് പിരിഞ്ഞതായിരുന്നു. എന്നാല്‍ രാത്രി പുലര്‍ന്നത് അക്രമപരമ്പരകളോടെ.

രാത്രി ഒമ്പതോടെ സിപിഎമ്മുകാര്‍ പയ്യന്നൂര്‍ കവ്വായിയില്‍ മുസ്‌ലിം ലീഗുകാരെ അക്രമിക്കുകയും ബോംബെറിയുകയും ചെയ്തുകൊണ്ടാണ് സമാധാന ലംഘനം ഉദ്ഘാടനം ചെയ്തത്. പുലരും വരെ അവര്‍ 12 വാഹനങ്ങളും എട്ടു വീടുകളും മുസ്‌ലിം ലീഗ് ഓഫീസുകളും അവര്‍ തകര്‍ത്തു. നിരവധി ലീഗ് പ്രവര്‍ത്തകെ മാരകമായി വെട്ടിപരിക്കേല്‍പിച്ചു. കൊടിമരം സ്ഥാപിച്ചതുമായി ബന്ധപ്പെട്ട പ്രശ്‌നമാണിവിടെ വന്‍ ആക്രമമായി മാറിയത്.

സമാധാന യോഗത്തില്‍ നല്‍കിയ ഉറപ്പ് വകവെക്കാതെ ബിജെപിയും പുലരും മുമ്പ് തന്നെ കളത്തിലിറങ്ങി. പാനൂര്‍ കൂറ്റേരിയിലെ സിപിഎം പ്രവര്‍ത്തകന്‍ കാട്ടിന്റവിട ചന്ദ്രനെയാണ് ബിജെപിയുടെ കഠാരക്കിരയായത്. മൊകേരി ക്ഷീരോല്‍പാദക സഹകരണ സംഘം ജീവനക്കാരനുമായ ചന്ദ്രന്‍ പാല്‍ വിതരണത്തിനിടെയായാണ് ആക്രമിക്കപ്പെട്ടത്. ഇരു കാലുകളും അറ്റുതൂങ്ങിയ നിലയില്‍ പോലീസാണ് ചന്ദ്രനെ തലശ്ശേരി സഹകരണ ആശുപത്രിയില്‍ പ്രവേശിപ്പിച്ചത്.

മട്ടന്നൂര്‍, പാനൂര്‍, കരിരൂര്‍ പ്രദേശങ്ങളില്‍ ഏതാനും ദിവസമായി നിലനില്‍ക്കുന്ന അക്രമങ്ങളെ തുടര്‍ന്നായിരുന്നു ജില്ലാ കലക്ടര്‍ മിര്‍ മുഹമ്മദലിയും ജില്ലാ പോലീസ് മേധാവി ജി ശിവവിക്രമും സമാധാനയോഗം വിളിച്ചിരുന്നത്. കണ്ണൂരില്‍ സമാധാനം തകര്‍ന്നതായി ചൂണ്ടിക്കാട്ടി ബിജെപി സംസ്ഥാന പ്രസിഡണ്ട് കുമ്മനം രാജശേഖരന്‍ ഗവര്‍ണറെ കണ്ട് നിവേദനവും നല്‍കിയിരുന്നു. എന്നാല്‍ നേതാക്കള്‍ ഒരു ഭാഗത്ത് സമാധാനം ആഹ്വാനം ചെയ്യുകയും മറുഭാഗത്ത് ആക്രമത്തിന് നേതൃത്വം നല്‍കുകയും ചെയ്യുന്ന കാഴ്ചയാണ് കണ്ണൂര്‍ ജില്ലയില്‍ കാണുന്നത്. കണ്ണൂര്‍ ജില്ലയില്‍ രാഷ്ട്രീയ ആക്രമങ്ങള്‍ ഏറ്റവും കൂടുതല്‍ നടക്കുന്നതും ഏറ്റവും കൂടുതല്‍ പേര്‍ കൊല്ലപ്പെട്ടതും ഡിസംബര്‍ മാസത്തിലാണ്. ജീവനെടുത്തില്ലെങ്കിലും പതിവു പോലെ ഈ ഡിസംബറിലും സിപിഎമ്മും ബിജെപിയും ആക്രമങ്ങളുടെ ഉത്സവതിമിര്‍പ്പില്‍ തന്നെയാണ്.

രാജ്യത്തെ മറ്റു സംസ്ഥാനങ്ങളില്‍ നിന്നും കേരളത്തെ ഒന്നാമതാക്കുന്ന കാര്യങ്ങളെ ഉയര്‍ത്തി കാട്ടിയാണ് പത്രപരസ്യം നല്‍കിയിരിക്കുന്നത്.
‘വാട്ട് മൈക്ക് കേരള നമ്പര്‍ വണ്‍’ എന്ന ചോദ്യത്തോടെ പ്രധാന ദിനപത്രങ്ങളുടെ ഡല്‍ഹി എഡിഷനിലാണ്  മുഴുവന്‍ പേജ് പരസ്യം പ്രത്യക്ഷപ്പെട്ടത്.

കേരളത്തിലെ മികവുകള്‍ ഉയര്‍ത്തിക്കാട്ടുന്ന പരസ്യം സംസ്ഥാനം എത്തിച്ചേര്‍ന്ന അടിസ്ഥാന സൗകര്യങ്ങളേയും സാമൂഹിക അന്തരീക്ഷത്തേയും പ്രകീര്‍ത്തിക്കുന്നതാണ്. ക്രമസമാധാനം, മതസൗഹാര്‍ദ്ദം, വിദ്യാഭ്യാസം, ആരോഗ്യം, പാര്‍പ്പിട പദ്ധതി തുടങ്ങിയ മേഖലകളിലെ കേരളത്തിന്റെ നേട്ടങ്ങള്‍ ചൂണ്ടിക്കാണിച്ചാണ് പരസ്യം.

എ.ഡി.ബി റിപ്പോര്‍ട്ട് പ്രതിപാദിച്ച് രാജ്യ തലസ്ഥാനമായ ന്യൂഡല്‍ഹിയെ പോലും പിന്നിലാക്കി കേരളം വളരുന്ന കാര്യവും പരസ്യത്തിലുണ്ട്. അതോടൊപ്പം ജസ്റ്റിസ് കെ.ടി തോമസ്, പ്രമുഖ നടന്‍ കമല്‍ ഹാസന്‍, ആത്മീയ നേതാവ് ശ്രീം എം എന്നിവര്‍ കേരളത്തെ സംബന്ധിച്ച് പറഞ്ഞ സവസ്തുതകളും പരസ്യത്തില്‍ ഉള്‍പ്പെടുത്തിയിട്ടുണ്ട്.

മാധ്യമപ്രവർത്തകരെ ചർച്ചക്ക് ക്ഷണിച്ചിരുന്നില്ലെന്നാണ് യോഗതീരുമാനങ്ങൾ വിശദീകരിക്കുന്ന ഫേസ്ബുക് പോസ്റ്റില്‍ പിണറായി വ്യക്തമാക്കുന്നത്

“……തിങ്കളാഴ്ച്ച മസ്ക്കറ്റ് ഹോട്ടലിൽ നടത്തിയ ചർച്ചയിലേക്ക് മാധ്യമ പ്രവർത്തകരെ ക്ഷണിച്ചിരുന്നില്ല. യോഗത്തിന്റെ ആദ്യ ദൃശ്യങ്ങൾ എടുക്കാൻ പോലും ആർക്കും മുഖ്യമന്ത്രിയുടെ ഓഫീസിൽ നിന്ന് അറിയിപ്പ് നൽകിയിരുന്നില്ല. മാധ്യമ പ്രവർത്തകരുടെ സാന്നിധ്യത്തിൽ ഇത്തരമൊരു ചർച്ച നടത്തുക അപ്രായോഗികമാണ്. രാഷ്ട്രീയ പാർട്ടി നേതാക്കളോടൊപ്പം അവിടെ എത്തുമ്പോൾ യോഗം നടക്കേണ്ട ഹാളിനകത്തായിരുന്നു മാധ്യമ പ്രവർത്തകർ. അതു കൊണ്ടാണ് അവരോട് പുറത്തു പോകാൻ പറഞ്ഞത്. അതല്ലാത്ത ഒരർത്ഥവും അതിനില്ല. യോഗത്തിനു ശേഷം മാധ്യമ പ്രവർത്തകരെ കണ്ട് ചർച്ചയുടെ വിശദാംശങ്ങൾ നൽകിയിട്ടുണ്ട്.” ഫേസ്ബുക്കിലെഴുതിയ കുറിപ്പിൽ മുഖ്യമന്ത്രി വ്യക്തമാക്കി.

പോസ്റ്റിന്റെ പൂര്‍ണ രൂപം…

ചര്‍ച്ച നടക്കുന്ന തിരുവനന്തപുരം മാസ്‌കറ്റ് ഹോട്ടലിലെ കോണ്‍ഫറന്‍സ് മുറിയിലേക്ക് എത്തിയ മുഖ്യമന്ത്രി, അകത്തു ദൃശ്യങ്ങള്‍ പകര്‍ത്താന്‍ നില്‍ക്കുന്ന മാധ്യമപ്രവര്‍ത്തകരോട് അപ്രതീക്ഷിതമായി രോഷം പ്രകടിപ്പിക്കുകയായിരുന്നു.

മുറിയില്‍ മാധ്യമപ്രവര്‍ത്തകരെ കണ്ട പിണറായി മാധ്യമപ്രവര്‍ത്തകരോട് പുറത്തിറങ്ങാന്‍ നിര്‍ദേശിക്കുകയായിരുന്നു. ഇവരെ ആരാണ് ഉള്ളിലേക്കു കടത്തിവിട്ടതെന്ന് മാസ്‌കറ്റ് ഹോട്ടലിന്റെ മാനേജരോടു മുഖ്യമന്ത്രി ദേഷ്യത്തോടെ ആരാഞ്ഞു. മുഖ്യമന്ത്രിയുടെ നിര്‍ദേശത്തെ തുടര്‍ന്ന് ഉടനെ മാധ്യമപ്രവര്‍ത്തകര്‍ പുറത്തിറങ്ങിയപ്പോള്‍ ‘കടക്കൂ പുറത്ത്’ എന്നും പിണറായി ആക്രോശിക്കുകയായിരുന്നു.

സാധാരണ, സമാധാന ചര്‍ച്ചകളും മറ്റും ആരംഭിക്കുന്നതിനു മുന്നോടിയായി നേതാക്കള്‍ ഒരുമിച്ച് ഇരിക്കുന്നതിന്റെ ദൃശ്യങ്ങള്‍ പകര്‍ത്തിയ ശേഷം ചര്‍ച്ച ആരംഭിക്കുന്നതിന് തൊട്ടുമുന്‍പാണ് മാധ്യമങ്ങള്‍ മുറിവിട്ട് ഇറങ്ങാറുള്ളത്. ഇങ്ങനെ ദൃശ്യങ്ങള്‍ പകര്‍ത്താന്‍ മാധ്യമങ്ങളെ അനുവദിക്കാറുണ്ട്. പിന്നീടു ചര്‍ച്ച തുടങ്ങുമ്പോള്‍ അവരെ പുറത്തിറക്കുകയും ചെയ്യും. ഇവിടെ, മുറിയില്‍ മാധ്യമപ്രവര്‍ത്തകര്‍ ഉണ്ടെന്നറിഞ്ഞ മുഖ്യമന്ത്രി അസ്വസ്ഥനാവുകയായിരുന്നു. അതേസമയം, സമാധാന ചര്‍ച്ച പുരോഗമിക്കുകയാണ്.

ഇന്ന് രാവിലെ 10ന് മുഖ്യമന്ത്രിയുടെ ഓഫീസിലായിരുന്നു ചര്‍ച്ച. ബി.ജെ.പി സംസ്ഥാന പ്രസിഡന്റ് കുമ്മനം രാജശേഖരന്‍, ഒ രാജഗോപാല്‍ എം.എല്‍.എ, ആര്‍.എസ്.എസ് നേതാവ് പി ഗോപാലന്‍കുട്ടി തുടങ്ങിയവര്‍ ചര്‍ച്ചയില്‍ പങ്കെടുത്തു.

സംസ്ഥാനത്തെ ബി.ജെ.പി-സി.പി.എം അക്രമ സംഭവങ്ങളുടെ പശ്ചാത്തലത്തില്‍ ആര്‍.എസ്.എസ്-ബി.ജെ.പി നേതാക്കളുമായി ആയിരുന്നു മുഖ്യമന്ത്രിയുടെ ചര്‍ച്ച.

സംഘര്‍ഷം തടയുന്നതിന് ഇരു കൂട്ടരും അണികളെ ബോധവല്‍ക്കരിക്കാനായി നടപടികള്‍ സ്വീകരിക്കും. അക്രമ സംഭവങ്ങളില്‍നിന്നും ബന്ധപ്പെട്ട അണികളെ ഒഴിച്ചുനിര്‍ത്താനായി ഇരു കൂട്ടരും ജാഗ്രത പുലര്‍ത്തുമെന്നും പിണറായി പറഞ്ഞു. തലസ്ഥാനത്ത് ഉണ്ടായ അനിഷ്ട സംഭവങ്ങളുമായി ബന്ധപ്പെട്ട് ആഗസ്ത് 6ന് വൈകിട്ട് മൂന്നു മണിക്ക് സര്‍വകക്ഷി യോഗം ചേരുമെന്നും മുഖ്യമന്ത്രി വ്യക്തമാക്കി.

ഇന്ന് രാവിലെ ചേര്‍ന്ന ചര്‍ച്ചയില്‍ മുഖ്യമന്ത്രി പിണറായി വിജയനെ കൂടാതെ, സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്‍, ബിജെപി സംസ്ഥാന അധ്യക്ഷന്‍ കുമ്മനം രാജശേഖരന്‍, ആര്‍എസ്എസ് പ്രാന്ത കാര്യവാഹക് ഗോപാലന്‍കുട്ടി മാസ്റ്റര്‍, ഒ. രാജഗോപാല്‍ എംഎല്‍എ തുടങ്ങിയവര്‍ പങ്കെടുത്തു.

ഗവര്‍ണര്‍ പി സദാശിവത്തിന്റെ നിര്‍ദ്ദേശാനുസരണമാണ് മുഖ്യമന്ത്രിയുടെ സമാധാന ചര്‍ച്ച.
അക്രമ സംഭവങ്ങളില്‍ വിശദീകരണം തേടി ഗവര്‍ണര്‍ അസാധാരണമായി കഴിഞ്ഞ ദിവസം മുഖ്യമന്ത്രിയെയും ഡി.ജി.പി ലോക്നാഥ് ബഹ്റയെയും രാജ്ഭവനിലേക്ക് വിളിച്ചുവരുത്തിയിരുന്നു. വിഷയത്തില്‍ ഇവരോട് ഗവര്‍ണറോട് അസംതൃപ്തി അറിയിക്കുകയുമുണ്ടായി.

വ്യാഴാഴ്ച രാത്രിയാണ് തിരുവനന്തപുരം നഗരത്തില്‍ സിപിഐഎം-ബിജെപി സംഘര്‍ഷം രൂക്ഷമായത്. സിപിഐഎം പ്രവര്‍ത്തകരുടെ വീടിന് നേരെ ആക്രമണമുണ്ടായി. പിന്നാലെ ബിജെപിയുടെ സംസ്ഥാന സമിതി ഓഫിസും ബിനീഷ് കോടിയേരിയുടെ വീടും ആക്രമിക്കപ്പെട്ടു.

ബിജെപി ഓഫിസ് ആക്രമിച്ച സംഘത്തിലെ കോര്‍പ്പറേഷന്‍ കൗണ്‍സിലര്‍ ഐപി ബിനു ഉള്‍പ്പെടെ അഞ്ചു സിപിഐഎം പ്രവര്‍ത്തകരെ ഇന്നലെ അറസ്റ്റ് ചെയ്തിരുന്നു. ആക്രമണങ്ങളുമായി ബന്ധപ്പെട്ട് ആറു ബിജെപി പ്രവര്‍ത്തകരും അറസ്റ്റിലാണ്. കനത്ത സുരക്ഷയൊരുക്കിയിരിക്കുന്ന നഗരത്തില്‍ നിരോധനാജ്ഞയും നിലവിലുണ്ട്.

ഉച്ചകഴിഞ്ഞ് രണ്ടരയോടെയായിരുന്നു ആക്രമണം. എരഞ്ഞോളി പഞ്ചായത്ത് പ്രസിഡന്റ് എകെ.രമ്യയുടെ ഭര്‍ത്താവാണ് ശ്രീജന്‍. അക്രമത്തിന് പിന്നില്‍ ആര്‍എസുഎസ്‌കാരാണ് എന്ന് സിപിഎം ആരോപിച്ചു.