2860 മീറ്റർ റൺവേയാണ് റീ കാർപെറ്റിങ് നടത്തി നവീകരിച്ചത്. സെൻട്രൽലൈൻ ലൈറ്റ്, ടച്ച് ഡൗൺ ഏരിയാ ലൈറ്റ് എന്നിവയും സ്ഥാപിച്ചു. കേരളത്തിൽ കൊച്ചിയിൽ മാത്രമാണ് സെൻട്രൽ ലൈൻ ലൈറ്റ് ഉള്ളത്. കൊറിയയിൽനിന്നുള്ള ലൈറ്റുകളാണ് സ്ഥാപിച്ചത്. റൺവേയുടെ മധ്യത്തിൽ 30 മീറ്റർ അകലത്തിലാണ് 180 ലൈറ്റുള്ളത്. രാത്രിയിലും മഴ, മഞ്ഞ് സമയങ്ങളിലും റൺവേയുടെ മധ്യത്തിൽ കൃത്യതയോടെ, സുരക്ഷിതമായി വിമാനങ്ങൾ ലാൻഡ് ചെയ്യാനാകും. 2020- ലുണ്ടായ വിമാനദുരന്തം അന്വേഷിച്ച് വിദഗ്ധസമിതിയുടെ നിർദേശാനുസരണമാണ് ലൈറ്റുകൾ സ്ഥാപിച്ചത്.

റൺവേയുടെ വശങ്ങളിൽ മണ്ണിട്ട് നിരപ്പാക്കുന്ന ജോലി തുടങ്ങി. ഒരുലക്ഷം ക്യുബിക് മീറ്റർ മണ്ണ് ഇതിനുവേണം. പാരിസ്ഥിതികാനുമതിയിൽ ഇളവുകളോടെ മണ്ണ് ലഭ്യമാക്കുന്നതിന് നേരത്തേ സാങ്കേതിക തടസ്സമുണ്ടായിരുന്നു. ഇളവുലഭിച്ചതോടെ മണ്ണെത്തിക്കാൻ തുടങ്ങിയിട്ടുണ്ട്. ഈ പ്രവൃത്തി പൂർത്തിയാകുന്നതോടെ റൺവേ 24 മണിക്കൂറും തുറക്കാനാകും.

കാർപറ്റിങ് ജോലികൾ പൂർത്തിയായ റൺവേയുടെ വശങ്ങൾ മണ്ണിട്ടു നിരപ്പാക്കേണ്ടതുണ്ട്. വിമാനം റൺവേയിൽ നിന്നു തെന്നിയാൽ അപകടം സംഭവിക്കാതിരിക്കാനാണിത്.

എന്നാൽ, ഇനിയും ആയിരക്കണക്കിനു ലോഡ് മണ്ണ് വേണം. അത് യഥാസമയം ലഭിക്കാൻ നടപടിക്രമങ്ങൾ ലഘൂകരിക്കണമെന്ന ആവശ്യവുമായി അധികൃതരെ സമീപിച്ചിരിക്കുകയാണു ബന്ധപ്പെട്ടവർ.

ക്വാറി സമരത്തെ തുടര്‍ന്ന് മെറ്റല്‍ ലഭിക്കാത്തതിനാലാണ് ടാറിങ് പ്രവൃത്തി നിര്‍ത്തിയത്. അതേസമയം, റണ്‍വേയുടെ ഇരുവശത്തും ഗ്രേഡിങ് പ്രവൃത്തിക്കാവശ്യമായ മണ്ണും ലഭിക്കുന്നില്ല. ഒരു ലക്ഷം ക്യൂബിക് മീറ്റര്‍ മണ്ണാണ് ആവശ്യമുള്ളത്. മണ്ണെടുക്കുന്നതിനുള്ള സ്ഥലം ഉള്‍പ്പെടെ എല്ലാം നിശ്ചയിച്ചിട്ടുണ്ടെങ്കിലും ഇതുവരെ അനുമതി ലഭിച്ചിട്ടില്ല. മണ്ണെടുക്കാന്‍ ജിയോളജി വിഭാഗത്തിന് നേരേത്ത അപേക്ഷ നല്‍കിയിട്ടുണ്ട്. കലക്ടര്‍ക്ക് നല്‍കിയിട്ടും അനുകൂല തീരുമാനമുണ്ടായിട്ടില്ല. പാരിസ്ഥിതികാനുമതി ഉള്‍പ്പെടെ ലഭ്യമാക്കണമെന്നാണ് നിര്‍ദേശം.

പാരിസ്ഥിതികാനുമതിയുടെ നടപടി പൂര്‍ത്തിയാക്കണമെങ്കില്‍ മാസങ്ങളെടുക്കും. എന്നാല്‍, ദേശീയപാത വികസനത്തിന് മണ്ണെടുക്കുന്നതിന് പ്രത്യേക അനുമതി നല്‍കിയിട്ടുണ്ട്. സമാനമായി കരിപ്പൂരിനും നല്‍കണമെന്നാണ് ആവശ്യം. അനുമതി വൈകിയാല്‍ ഈ വര്‍ഷം കരിപ്പൂരില്‍നിന്ന് നിശ്ചയിച്ച ഹജ്ജ് സര്‍വിസിനെ ഉള്‍പ്പെടെ ബാധിക്കും. ജിയോളജി വകുപ്പുമായി വിഷയം സംസാരിക്കുമെന്ന് കലക്ടര്‍ പ്രതികരിച്ചു.

ജില്ല ഭരണകൂടം പ്രത്യേകാനുമതി നല്‍കിയാല്‍ തടസ്സങ്ങള്‍ നീങ്ങും. ഈ മാസം 17 മുതലാണ് ക്വാറി സമരം ആരംഭിച്ചത്. സമരമുള്ളതിനാല്‍ മുന്‍കൂട്ടി സംഭരിച്ചിരുെന്നങ്കിലും ഇവയും തീര്‍ന്നതോടെ പ്രവൃത്തി നിലച്ചു. വിഷയത്തില്‍ അടിയന്തര ഇടപെടല്‍ സംസ്ഥാന സര്‍ക്കാര്‍ ഭാഗത്തുനിന്ന് ഉണ്ടായില്ലെങ്കില്‍ നിശ്ചിത സമയത്തിനകം പ്രവൃത്തി പൂര്‍ത്തീകരിക്കാന്‍ സാധിക്കില്ല.പ്രവൃത്തി നടത്താന്‍ രാവിലെ 10 മുതല്‍ വൈകീട്ട് ആറുവരെ വിമാനസര്‍വിസുകള്‍ക്ക് നിയന്ത്രണം ഏര്‍പ്പെടുത്തിയിരിക്കുകയാണ്.