മലപ്പുറം: ഇന്ത്യന്‍ രൂപയുടെ മൂല്യം ഇടിഞ്ഞതിനു ഹാജിമാരില്‍ നിന്നും തുക പിടിച്ചെടുക്കാന്‍ കേന്ദ്രസര്‍ക്കാര്‍ നീക്കം. മൂല്യ ഇടിവിനെ തുടര്‍ന്ന് വിമാനയാത്രക്കൂലിയിലാണ് വ്യത്യാസം വന്നത്. ഇത് സംബന്ധിച്ച് കേന്ദ്ര ഹജ്ജ് കമ്മിറ്റി നിര്‍ദേശങ്ങള്‍ പുറപ്പെടുവിച്ചു. കേരളത്തിലെ ഹജ്ജ് എമ്പാര്‍ക്കേഷന്‍ പോയിന്റായ കൊച്ചിയില്‍ നിന്നും ഇന്ത്യയിലെ മറ്റു കേന്ദ്രങ്ങളില്‍ നിന്നും വിമാനത്തില്‍ യാത്ര തിരിച്ചവര്‍ അധിക തുക നല്‍കേണ്ടി വരുന്നതിന്റെ ഭാഗമായാണ് സര്‍ക്കുലര്‍ പുറപ്പെടുവിച്ചിരിക്കുന്നത്. മൂല്യ ഇടിവ് കണക്ക് പ്രകാരം കേരളത്തില്‍ നിന്നും ഹജ്ജ് യാത്ര പുറപ്പെട്ടവര്‍ 6205 രൂപ അധികമായി നല്‍കേണ്ടി വരും. വൈകാതെ ഇത് അറിയിപ്പായി വരും. 74.443 രൂപയാണ് ആദ്യം ഹജ്ജ് യാത്രക്ക് വിമാനയാത്രായിനത്തില്‍ അറിയിച്ചിരുന്നത്. എന്നാല്‍ ഇപ്പോള്‍ ഇന്ത്യന്‍ രൂപയുടെ മൂല്യഇടിവ് മൂലം 80648 രൂപയാണ് ഒരു ഹാജിയില്‍ നിന്നും കണക്കാക്കിയിരിക്കുന്നത്.

ഇക്കഴിഞ്ഞ തവണ പോയ ഹാജിമാര്‍ തങ്ങളുടേതല്ലാത്ത കാരണത്താല്‍ അധിക തുക നല്‍കേണ്ടി വരുന്നത് നീതീകരിക്കാനാവില്ലെന്ന് ഹാജിമാര്‍ ചൂണ്ടിക്കാട്ടി. കേന്ദ്ര സര്‍ക്കാര്‍ വരുത്തിയ വീഴ്ച്ച മൂലം ഹാജിമാര്‍ ഭാരം ഏല്‍ക്കണമെന്ന് പറയുന്നത് ശരിയല്ല. അഞ്ച് ഘട്ടങ്ങളിലായാണ് കേന്ദ്രസര്‍ക്കാര്‍ വിമാനക്കമ്പനികള്‍ക്ക് പണം കൈമാറിയത്.
2018 ജൂലൈ 8ന് 30 ശതമാനവും ഒഗസ്റ്റ് 22ന് 20 ശതമാനവും സെപ്തംബര്‍ 2ന് 25 ശതമാനവും ഒക്‌ടോബര്‍ 1ന് 15 ശതമാനവും ഒക്‌ടോബര്‍ 8ന് 10 ശതമാനവുമാണ് തുക കേന്ദ്രം അടച്ചത്. ആദ്യ ഘട്ടത്തില്‍ കേന്ദ്രം പണം അടക്കുമ്പോള്‍ 68.72 ആയിരുന്നു ഇന്ത്യന്‍ രൂപയുടെ മൂല്യം. രണ്ടാം ഘട്ടത്തില്‍ 69.745 രൂപയും തുടര്‍ന്ന് 71.12 രൂപയും നാലാം ഘട്ടത്തില്‍ 72.89, അവസാനഘട്ടത്തില്‍ 74.13 ആയി മൂല്യം കുത്തനെ ഇടിഞ്ഞു. ഓരോ തവണയും മൂല്യം തകരുകയായിരുന്നു. മൂല്യം തകരുന്നതിനു അനുസരിച്ച് തുക ഈടാക്കുമെന്ന് കേന്ദ്ര സര്‍ക്കാര്‍ വ്യക്തമാക്കിയിരുന്നില്ല.

യാത്രാ തുക 65,318. 83 രൂപയും ജി.എസ്.ടി 11.757.39 രൂപയും എയര്‍പോര്‍ട്ട് നികുതി 3,572 രൂപയുമായാണ് കേന്ദ്ര കണക്ക്. ആകെ 80,648രൂപ. കുറവ് വരുന്ന 6205 രൂപ ഹാജിമാരില്‍ നിന്നും ഈടാക്കുന്നതിന്റെ ഭാഗമായാണ് വ്യത്യാസം പ്രസിദ്ധീകരിച്ചിരിക്കുന്നത്. ഓരോ എമ്പാര്‍ക്കേഷന്‍ പോയിന്റിലെയും വ്യത്യാസങ്ങള്‍ വിവിധ നിരക്കിലാണ്. ഹജ്ജ് യാത്രക്ക് സബ്‌സിഡി എടുത്തു കളഞ്ഞതിനു പിന്നാലെയാണ് കേന്ദ്ര സര്‍ക്കാറിന്റെ തെറ്റായ സാമ്പത്തിക നയത്തിന്റെ ഭാഗമായി ഹാജിമാരെ പിഴിയുന്നത്. ഹാജിമാരില്‍ നിന്നും വാങ്ങിയ തുക ആദ്യഘട്ടത്തില്‍ തന്നെ ഒന്നിച്ച് വിമാനക്കമ്പനിക്ക് നല്‍കിയിരുന്നുവെങ്കില്‍ മൂല്യത്തകര്‍ച്ച മൂലമുള്ള ഭാരം ഒഴിവാക്കാമായിരുന്നുവെന്ന് ഹാജിമാര്‍ പറഞ്ഞു.

വ്യാപാരം തുടങ്ങുമ്പോള്‍ ഡോളറിനെതിരെ 73.93 രൂപയായിരുന്നു മൂല്യം. പിന്നീടിത് 73.88 ആയി. എന്നാല്‍ ഉച്ചയായതോടെ 74 കടന്ന രൂപ പിന്നീട് 74.37ക്ക് കൂപ്പുകുത്തുകയായിരുന്നു.

ഈ മാസം 25ന് 74.23 ആയതായിരുന്നു ഇതിനു മുന്‍പ് ഏറ്റവും കുറവു രേഖപ്പെടുത്തിയ മൂല്യം. ഇറക്കുമതിക്കാര്‍ ഡോളര്‍ കൂടുതലായി ആവശ്യപ്പെടാന്‍ തുടങ്ങിയതും രൂപയെ പ്രതികൂലമായി ബാധിച്ചു. ഇതിനു പുറമെ ആഗോള സാമ്പത്തിക വളര്‍ച്ച നിരക്കില്‍ 2016നു ശേഷം ഇതാദ്യമായി ഐ.എം.എഫ് കുറവ് വരുത്തിയതും രൂപയെ പ്രതികൂലമായി ബാധിച്ചു. അടുത്ത സാമ്പത്തിക വര്‍ഷം ഇന്ത്യയുടെ വളര്‍ച്ചാ നിരക്കില്‍ 0.1 ശതമാനത്തിന്റെ കുറവോടെ 7.4 ശതമാനമായിരിക്കുമെന്നാണഅ ഐ.എം.എഫ് പ്രവചനം. രൂപയുടെ മൂല്യത്തകര്‍ച്ചക്കു പിന്നാലെ രാജ്യത്ത് ഇന്ധന വിലയിലും വര്‍ദ്ധനയുണ്ടായി.

2018 വര്‍ഷത്തില്‍ രൂപയുടെ മൂല്യത്തില്‍ 13.5 ശതമാനം ഇടിവാണ് ഉണ്ടായിരിക്കുന്നത്. കറന്‍സികളുടെ മൂല്യത്തിന്റെ കാര്യത്തില്‍ ഏഷ്യയിലെ തന്നെ ഏറ്റവും മോശം പ്രകടനമാണ് ഇന്ത്യയുടെ രൂപയില്‍ നടക്കുന്നത്.

തിരുവനന്തപുരത്ത് പെട്രോളിന് 85.61 പൈസയും ഡീസലിന് 79.33 രൂപയുമാണ് ഇന്നത്തെ വില. കൊച്ചിയില്‍ പെട്രോളിന് 84.27 രൂപയും ഡീസലിന് 78.07 രൂപയും കോഴിക്കോട് പെട്രോളിന് 84.53 രൂപയും ഡീസലിന് 78.34 രൂപയുമാണ് വില.

കഴിഞ്ഞ ദിവസം പെട്രോളിന് 22 പൈസയും ഡീസലിന് 31 പൈസയുമാണ് കൂടിയത്. ഒക്ടോബര്‍ 5, 6, 7, 8 തിയ്യതികളിലായി സംസ്ഥാനത്ത് ഡീസലിന് കൂടിയത് 90 പൈസയാണ്. 54 പൈസ പെട്രോളിനും വര്‍ധിച്ചു.

കൊല്‍ക്കത്തയില്‍ 83.87 രൂപ, 75.67 എന്നിങ്ങനെയാണ് ഇന്നലെ പെട്രോള്‍, ഡീസല്‍ വില. ബംഗളൂരുവില്‍ 82.68, 74.20 രൂപയായും എണ്ണ വില ഉയര്‍ന്നു. മഹാരാഷ്ട്രയിലാണ് പെട്രോളിന് ഏറ്റവും കൂടിയ വില. അമരാവതിയില്‍ ലിറ്ററിന് 88.80 രൂപയും മുംബൈയില്‍ 87.55 രൂപയുമാണ്. 77.42 രൂപയാണ് മുംബൈയില്‍ ഡീസല്‍ വില. ഡീസലിന് ഉയര്‍ന്ന വാറ്റ് ഈടാക്കുന്ന തെലുങ്കാനയിലെ അദിലാബാദില്‍ ഒരു ലിറ്റര്‍ ഡീസലിന് 81.71 രൂപയാണ് വില സംസ്ഥാനത്ത് മിക്കയിടത്തും 80 രൂപക്ക് മുകളിലാണ് ഡീസല്‍ വില.

2018 വര്‍ഷത്തില്‍ രൂപയുടെ മൂല്യത്തില്‍ 13.5 ശതമാനം ഇടിവാണ് ഉണ്ടായിരിക്കുന്നത്. കറന്‍സികളുടെ മൂല്യത്തിന്റെ കാര്യത്തില്‍ ഏഷ്യയിലെ തന്നെ ഏറ്റവും മോശം പ്രകടനമാണ് ഇന്ത്യയുടെ രൂപയില്‍ നടക്കുന്നത്.

വിപണികളുമായി താരതമ്യപ്പെടുത്തുമ്പോള്‍ രൂപയുടെ ഇടിവ് ചെറുതാണെന്നായിരുന്നു ആര്‍.ബി.ഐ ഗവര്‍ണര്‍ ഉര്‍ജിത്ത് പട്ടേലിന്റെ അഭിപ്രായം. പോളിസി സമ്മേളനം കഴിഞ്ഞ് മാധ്യമപ്രവര്‍ത്തകരോട് സംസാരിക്കുകയായിരുന്നു അദ്ദേഹം. ആഗോള വിപണിയില്‍ ക്രൂഡ് ഓയില്‍ വില ഉയരുന്നതാണ് രൂപക്ക് തിരിച്ചടിയാവുന്നതെന്നാണ് കേന്ദ്രസര്‍ക്കാര്‍ പറയുന്നത്.

ആഗോള വിപണിയില്‍ ക്രൂഡ് ഓയില്‍ വില ഉയരുന്നതാണ് രൂപക്ക് തിരിച്ചടിയാവുന്നതെന്നാണ് കേന്ദ്രസര്‍ക്കാര്‍ പറയുന്നു. വരാനിരിക്കുന്ന ആര്‍.ബി.ഐയുടെ വായ്പാ നയത്തില്‍ നിരക്കുകള്‍ കൂട്ടിയേക്കുമെന്ന ഊഹവും രൂപക്ക് തിരിച്ചടിയായി.

എണ്ണ വില കുതിക്കുന്നു

ഇറാനില്‍ നിന്നുള്ള എണ്ണ ലഭ്യത ഗണ്യമായി ഇടിഞ്ഞതോടെ രാജ്യാന്തര വിപണിയില്‍ എണ്ണ വില ബാരലിന് 85 ഡോളര്‍ കടന്നു. ബ്രെന്റ് ക്രൂഡ് വില 85.45 ഡോളര്‍ വരെയാണ് ഉയര്‍ന്നത്. ഇറാനില്‍ നിന്നുള്ള എണ്ണ ഉല്‍പാദനം രണ്ടര വര്‍ഷത്തെ താഴ്ന്ന നിലയിലെത്തിയെന്ന റിപ്പോര്‍ട്ടുകളെ തുടര്‍ന്നാണിത്.

എണ്ണ ഉല്‍പാദക രാജ്യങ്ങളുടെ കൂട്ടായ്മയായ ഒപെകിന്റെ ഉല്‍പാദനത്തില്‍ പ്രതിദിനം 90,000 ബാരലിന്റെ വര്‍ധനയുണ്ടായിട്ടുണ്ട്. എന്നാല്‍, ഇറാന്‍ എണ്ണയിലെ കുറവ് ഇതിനു നികത്താനായിട്ടില്ല. ഇറാനെതിരെയുള്ള യു.എസ് ഉപരോധം നവംബര്‍ നാലിനാണ് പൂര്‍ണമായി പ്രാബല്യത്തില്‍ വരിക. അതോടെ, എണ്ണ വില ഇനിയും കൂടാനാണു സാധ്യത.

ഉല്‍പാദനം വര്‍ധിപ്പിക്കാന്‍ ഒപെകിനു മേല്‍ യുഎസ് സമ്മര്‍ദം ചെലുത്തുന്നുണ്ടെങ്കിലും ഫലം കണ്ടിട്ടില്ല. ഇപ്പോഴത്തെ സാഹചര്യത്തില്‍ വിപണിയില്‍ എണ്ണ ലഭ്യതയില്‍ കുറവില്ലെന്ന നിലപാടിലാണ് ഒപെകും റഷ്യയും. ഒപെക് രാജ്യങ്ങളില്‍ സൗദിക്കും, ഒപെക് ഇതര രാജ്യങ്ങളില്‍ റഷ്യ്ക്കും മാത്രമാണ് നിലവിലെ സൗകര്യങ്ങള്‍ ഉപയോഗിച്ച് ഉല്‍പാദനം ഉയര്‍ത്താന്‍ കഴിയുക.

ഇന്നലെ ഡോളറിനെതിരെ 70.74 എന്ന റെക്കോര്‍ഡ് താഴ്ചയിലാണ് വ്യാപാരം അവസാനിപ്പിച്ചത്. എന്നാല്‍ ഇന്ന് രാവിലെ വ്യാപാരം തുടങ്ങിയത് 71 രൂപയിലായിരുന്നു. സമീപ ദിവസങ്ങളിലെല്ലാം രൂപ നിരന്തരം തകര്‍ച്ച നേരിട്ടിരുന്നു. എന്നാല്‍ ഇതാദ്യമായാണ് 71 രൂപയിലേക്ക് കൂപ്പുകുത്തുന്നത്. 70.89 ആണ് ഇന്നത്തെ ഏറ്റവും ഉയര്‍ന്ന മൂല്യം. കഴിഞ്ഞ പാദത്തിലെ ജി.ഡി.പി വിവരങ്ങള്‍ ഇന്ന് കേന്ദ്ര സര്‍ക്കാര്‍ പുറത്തുവിടാനിരിക്കുകയാണ്. ഈ വര്‍ഷം ഇതുവരെ 9.96 ശതമാനം ഇടിവാണ് രൂപയുടെ മൂല്യത്തിലുണ്ടായത്.

തിങ്കളാഴ്ച വിപണി തുറന്ന ഉടനെ രൂപയുടെ മൂല്യത്തില്‍ ഇടിവ് രേഖപ്പെടുത്തിയിരുന്നു. തുടക്കത്തില്‍ 69.47 രൂപയാണ് രേഖപ്പെടുത്തിയത്. അല്‍പ്പ നേരം കഴിഞ്ഞപ്പോള്‍ വീണ്ടും ഇടിവുണ്ടായി. വിപണി ക്ലോസ് ചെയ്യുമ്പോള്‍ ഡോളറുമായി താരത്യം ചെയ്യുമ്പോള്‍ രൂപയുടെ മൂല്യം 69.93 ആണ്.

അതേസമയം രൂപയുടെ മൂല്യം ഇടിഞ്ഞത് രാജ്യത്തിന് തിരിച്ചടിയാണെങ്കിലും പ്രവാസികള്‍ക്ക് നേട്ടമാണ് ഉണ്ടായിരിക്കുന്നത്. വിദേശ കറന്‍സികള്‍ക്ക് മൂല്യം കൂടുമ്പോള്‍ നാട്ടിലേക്ക് പണം അയക്കുന്ന പ്രവാസികള്‍ക്ക് നേട്ടമാണ്. യു.എ.ഇ ദിര്‍ഹവുമായി താരതമ്യം ചെയ്യുമ്പോള്‍ ഒരു ദിര്‍ഹത്തിന് 19.03 രൂപയാണ് ലഭിക്കുക. യു.എ.ഇ ദിര്‍ഹത്തിന് ലഭിക്കുന്ന മികച്ച നിരക്കാണിത്. പ്രവാസികള്‍ ഈ അവസരം മുതലെടുത്ത് നാട്ടിലേക്ക് കൂടുതല്‍ പണമയക്കുമെന്നാണ് വിലയിരുത്തപ്പെടുന്നുണ്ട്.

അമേരിക്കയുമായി വ്യാപര തര്‍ക്കം നിലനില്‍ക്കുന്ന തുര്‍ക്കിയുടെ കറന്‍സി വന്‍ ഇടിവാണ് രേഖപ്പെടുത്തുന്നത്. കഴിഞ്ഞ പത്ത് ദിവസമായി തുര്‍ക്കി കറന്‍സിയുടെ മൂല്യം വലിയ തോതില്‍ ഇടിയുകയാണ്.

രാജ്യത്ത് ഇന്ധന വിലവര്‍ദ്ധിക്കുന്നത് ക്രൂഡോയില്‍ വില വര്‍ധിക്കുന്നതുക്കൊണ്ടാണെന്ന പ്രധാനമന്ത്രി നരേന്ദ്ര മോദിയുടേയും കേന്ദ്ര സര്‍ക്കാറിന്റെയും വാദം പൊളിയുന്നു. അന്താരാഷ്ട്ര വിപണയില്‍ ക്രൂഡോയിലിന് വില കൂടൂന്നുണ്ടെങ്കിലും ഡോളറിന്റെ മൂല്യം കുറയുകയാണെന്ന വസ്തുത മറച്ചുവെക്കുകയാണ് സര്‍ക്കാര്‍.

നേരത്തെ ക്രൂഡോയില്‍ ബാരലിന് 40 ഡോളറിനു താഴെ വരെ എത്തിയ വില ഇപ്പോള്‍ 70 ഡോളറായി ഉയര്‍ന്നിട്ടുണ്ട്. ഈ സാഹചര്യത്തില്‍  രാജ്യത്തെ എണ്ണ വിതരണ കമ്പനികളുടെ ക്രൂഡ് ഇറക്കുമതി ചെലവ് ഉയര്‍ന്നതാണ് വില ഉയര്‍ത്തേണ്ട സാഹചര്യം ഉണ്ടാക്കിയതെന്ന ന്യായം പ്രത്യക്ഷത്തില്‍ ശരിയെന്ന് ആര്‍ക്കും തോന്നും. അതേസമയം ഇന്ത്യ ക്രൂഡ് ഓയില്‍ വാങ്ങുന്നത് ഡോളര്‍ നല്‍കിയാണ്്. നിലവിലെ സാഹചര്യത്തില്‍ ഡോളറിന്റെ വില കുത്തനെ ഇടിഞ്ഞ് ഏകദേശം 63 രൂപയിലെത്തി നില്‍ക്കുകയാണ്. അതായതു അന്താരഷ്ട്ര വിപണിയില്‍ ക്രൂഡ് ഓയില്‍ വില ഉയരുന്ന സാഹചര്യത്തിലും രൂപ ഡോളര്‍ വിനിമയ മൂല്യത്തില്‍ വന്ന കുറവു മൂലം ഇറക്കുമതി ചെലവ് അതിഭീമമായി ഉയര്‍ന്നിട്ടില്ല എന്നാതാണ് സത്യം. ഈ വസ്തുതകള്‍ മറച്ചുവെച്ചാണ് ക്രൂഡോയില്‍ വില വര്‍ധിക്കുന്നതുക്കൊണ്ടാണ് രാജ്യത്ത് ഇന്ധന വില വര്‍ദ്ധിപ്പിക്കേണ്ടി വരുന്നതെന്ന കേന്ദ്ര സര്‍ക്കാറിന്റെ വാദം.

മറ്റൊരു പ്രധാനപ്പെട്ട വസ്തുത രാജ്യത്ത് ഇറക്കുമതി ചെയുന്ന ക്രൂഡ് ഓയലിന്റെ വില മുന്‍കൂട്ടി നിശ്ചയിച്ച കരാര്‍ അടിസ്ഥാനത്തിലാവും. ഇതിനാല്‍ അന്നന്നത്തെ അവധി വ്യാപാര വിലയുടെ അടിസ്ഥാനത്തിലല്ല. ആയതിനാല്‍ ഈ വില തത്സമയ വിപണി വിലയേക്കാള്‍ കുറവായിരിരിക്കും. ഇതിനാല്‍ ഡോളറിന്റെ കുറഞ്ഞ വിലയും നേരത്തെ നിശ്ചയിച്ച കരാറിലെ വിലയും പരിഗണിക്കുമ്പോള്‍ എണ്ണ കമ്പനികള്‍ നല്‍കേണ്ടിവരുന്ന വില ബാരലിന് മിക്കവാറും 60 ഡോളറിനടുത്തായിരിക്കും. ഈ വസ്തുതയും പൊതുജനങ്ങളില്‍ നിന്ന് മറച്ചുവെക്കുകയാണ് കേന്ദ്ര സര്‍ക്കാര്‍.

ഇന്ധനവില വര്‍ദ്ധിച്ചു വരുന്ന സാഹചര്യത്തില്‍ രാജ്യത്തെ സാധാരണക്കാരായ ജനങ്ങളുടെ ജീവിതം ദുസ്സഹമാവുമ്പോഴും നടപ്പു സാമ്പത്തിക വര്‍ഷത്തില്‍ ഒക്ടോബര്‍ മുതല്‍ ഡിസംബര്‍ വരെയുളള മൂന്നാം പാദത്തില്‍ ഇന്ത്യന്‍ ഓയില്‍ കോര്‍പ്പറേഷന് രണ്ടാം പാദത്തെ അപേക്ഷിച്ച് ഇരട്ടിയിലധികം രൂപ ലാഭമാണ് ഉണ്ടാക്കിയത്. സെപ്റ്റംബറില്‍ അവസാനിച്ച രണ്ടാം പാദത്തില്‍ 3696 കോടി ലാഭം നേടിയ കോര്‍പ്പറേഷന്‍ മൂന്നാം പാദത്തില്‍ 7883 കോടി ലാഭമാണ് നേടിയത്. ഇന്ത്യയിലെ പെട്രോളിയം കമ്പനികളുടെ കൊള്ളലാഭക്കണക്ക് പുറത്തുവന്നതോടെ ഓഹരി വിപണിയിലും ഇന്ത്യന്‍ ഓയില്‍ കോര്‍പ്പറേഷന് നേട്ടമുണ്ടായി. 4 ശതമാനത്തോളം ഓഹരി വില നേട്ടമുണ്ടാക്കിയതോടെ ഓഹരി 415 ല്‍ എത്തി.

2013 ലാണ് ക്രൂഡ് ഇറക്കുമതിക്ക് ഏറ്റവും കൂടുതല്‍ ചെലവ് വേണ്ടി വന്നത്. ആ വര്‍ഷം ജൂണില്‍ ഡോളര്‍ മൂല്യം സര്‍വകാല റെക്കോര്‍ഡ് രേഖപ്പെടുത്തി, 69 രൂപ. ക്രൂഡോയിലിനാകട്ടെ ബാരലിന് 100 ഡോളറിനും 120 ഡോളറിനും ഇടയ്ക്കായിരുന്നു. ക്രൂഡ് വിലയും ഡോളര്‍വിലയും ഉയര്‍ന്നുനിന്ന 2013ല്‍ ഡീസല്‍ വില ലീറ്ററിന് ശരാശരി 52 രൂപയായിരുന്നു. ഇപ്പോള്‍ ക്രൂഡ് വില 70 ഡോളറും ഡോളര്‍ മൂല്യം 63 രൂപയുമായിരിക്കെ ഡീസല്‍ വില ലിറ്ററിന് 69 രൂപ 42 പൈസ.