വിവാദങ്ങള്‍ക്കിടെ, കേരളഗാനം പാട്ട് പാടികൊണ്ടായിരുന്നു ശ്രീകുമാരന്‍ തമ്പിയുടെ മറുപടി. സച്ചിദാനന്ദന്‍ ക്ലീഷേ എന്ന് പറഞ്ഞ കവിതയിലെ, പദങ്ങള്‍ എണ്ണി എണ്ണി പറഞ്ഞ ശ്രീകുമാരന്‍ തമ്പി ഇതിലെ അംഗീകരിക്കാന്‍ കഴിയാത്ത പദം ഏതെന്ന് വ്യകതമാക്കണമെന്നും പറയുന്നു. എഴുതി നല്‍കിയ കവിതയ്ക്ക് സാഹിത്യ അക്കാദമി കമ്മിറ്റിയുടെ അപ്പ്രൂവല്‍ വാങ്ങേണ്ട ഗതികേടില്ലെന്ന് അദ്ദേഹം കൂട്ടിച്ചേര്‍ത്തു.

മാര്‍ക്‌സിസത്തിന് കേരളത്തില്‍ സ്വതന്ത്ര ഇടം നല്‍കിയത് ഒ.വി. വിജയനായിരുന്നു. തൊഴിലാളി വര്‍ഗത്തിന് പകരം സെക്രട്ടറിയേറ്റിന്റെ സമഗ്രാധിപത്യം എന്ന് അദ്ദേഹം പരിഹസിച്ചു. ഇന്നത്തെ ഇന്ത്യന്‍ രാഷ്ട്രീയ സാഹചര്യത്തില്‍ ഒ.വി. വിജയന്റെ കഥകള്‍ക്ക് പ്രസക്തി ഏറെയാണ്. ഓരോ കഥയിലും ഓരോ ചിന്ത ഉയര്‍ത്തിവിട്ട എഴുത്തുകാരനായിരുന്നു വിജയന്‍. ധര്‍മപുരാണം പോലുള്ള കഥകള്‍ അധികാരത്തിന് നേര്‍ക്ക് ശരം തൊടുത്തുവിട്ടു. വിശ്വാസിയും സംശയാലുവുമായിരുന്നു വിജയന്‍. തന്റെ ചുറ്റുപാടിനെ ഇത്ര സൂക്ഷ്മതയോടെ നിരീക്ഷിച്ച ഒരെഴുത്തുകാരന്‍ വേറെയില്ല .വലിയ എഴുത്തുകാര്‍ എല്ലാ കാലത്തും സംസാരിച്ചുകൊണ്ടിരിക്കുന്നു. എല്ലാ കാലത്തും വിജയന്‍ അധികാര വിരോധിയായിരുന്നു. ‘മലിന’ മായ ഭാഷ ഉപയോഗിച്ചത് അതുകൊണ്ടായിരുന്നു. കാര്‍ട്ടൂണിസ്റ്റ് എന്ന രീതിയിലാണ് പുറത്ത് വിജയന്‍ അറിയപ്പെട്ടത്. സാഹിത്യത്തിലെ ആധുനികതയും ഉത്തരാധുനികതയും ഒന്നും കാര്യമില്ല. എന്ത് പറയുന്നു എന്നതാണ് പ്രധാനം അദ്ദേഹം കൂട്ടിചേര്‍ത്തു.

ടി.കെ. നാരായണ ദാസ് അധ്യക്ഷത വഹിച്ചു. ആ ഷാ മേനോന്‍, ശ്രീകൃഷ്ണപുരം കൃഷ്ണന്‍കുട്ടി , ബിനു മോള്‍ , സി. ഗണേഷ് , രാജേഷ് മേനോന്‍ തുടങ്ങിയവര്‍ സംസാരിച്ചു. വിജയന്‍ കഥകളുടെ വിശകലനവും സെമിനാറും നടന്നു.

മോഹന്‍ലാലിനെതിരെയല്ല പ്രതികരിച്ചത്. സ്ത്രീവിരുദ്ധ നടപടികള്‍ കൈക്കൊള്ളുന്ന സംഘടനയുടെ തലപ്പത്തിരിക്കുന്നവര്‍ ഇത്തരം വേദികളില്‍ മുഖ്യന്‍മാരാവുന്നത് ശരിയായ പ്രവണതയല്ല. മറ്റുള്ളവരുടെ അവസരവും നിലയും ഇല്ലാതാക്കുന്ന പരിവേഷം എതിര്‍ക്കപ്പെടേണ്ടതാണെന്നും സച്ചിദാനന്ദന്‍ പറഞ്ഞു. ആള്‍ക്കൂട്ട സമ്മര്‍ദ്ദത്തില്‍ എഴുത്തുകാരന്‍ സൃഷ്ടി പിന്‍വലിക്കേണ്ടി വരുന്നത് സമൂഹത്തിന്റെ പരാജയമാണെന്ന് സാമൂഹിക നിരീക്ഷകന്‍ ടി.ടി ശ്രീകുമാര്‍ പറഞ്ഞു. കേരളത്തിലെ ജാതിവ്യവസ്ഥയെ വ്യക്തമായി അടയാളപ്പെടുത്താനാണ് ഹരീഷ് തന്റെ നോവലിലൂടെ ശ്രമിച്ചത്. അതു അസ്വസ്ഥതയുണ്ടാക്കുന്നവരാണ് പ്രതിഷേധത്തിനു പിന്നിലെന്നും അദ്ദേഹം പറഞ്ഞു.

കോഴിക്കോട്: കവി കുരീപ്പുഴ കുമാറിനെതിരായ അതിക്രമം സമീപകാലത്തെ സമാന സംഭവങ്ങളുടെ തുടര്‍ച്ചയാണെന്നും സവര്‍ണ മേധാവിത്വവും ജാതീയതയും തിരിച്ചു വരുന്നുവെന്നതിന്റെ സൂചനയാണെന്നും കവി സച്ചിദാനന്ദന്‍. വടയമ്പാടിയിലെ ജാതി മതിലും അശാന്താന്റെ മൃതദേഹത്തോട് കാണിച്ച അനാദരവുമെല്ലാം പരസ്പര ബന്ധിതമാണ്. ഈ മൂന്ന് കാര്യങ്ങളെയും വേര്‍തിരിച്ച് കാണാനാവില്ല. ഇത് വളരെ അപകടകരമാണ്. കോഴിക്കോട്ട് മാധ്യമ പ്രവര്‍ത്തകരോട് സംസാരിക്കുകയായിരുന്നു അദ്ദേഹം.
മതസൗഹാര്‍ദത്തിന്റെ വിളനിലമായ കേരളീയ സമൂഹത്തെ വിഭജിക്കാനുള്ള ശ്രമമാണോ നടക്കുന്നതെന്ന് സംശയിക്കേണ്ടിയിരിക്കുന്നു. ദലിതരെ ബ്രഷ്ടരാക്കാനും ക്ഷേത്രാതിര്‍ത്തി ക്ഷേത്രത്തിന് പുറത്തേക്ക് വ്യാപിപ്പിക്കാനുള്ള ശ്രമമാണ് അശാന്തന്റെ മൃതദേഹം അക്കാദമിയില്‍ പൊതുദര്‍ശനത്തിന് വെക്കാന്‍ അനുവദിക്കാതിരുന്നതിന് പിന്നിലുണ്ടായത്. ജന്മിത്വത്തിനൊപ്പം അവസാനിച്ചെന്ന് കരുതിയിരുന്ന ജാതീയത തിരിച്ചു കൊണ്ടുവരാനുള്ള ശ്രമം സമൂഹത്തെ വിഭജിക്കും.
ദലിതരെ അകറ്റി നിര്‍ത്താനും ക്ഷേത്രാധികാരവും സവര്‍ണാധികാരവും വര്‍ധിപ്പിക്കാനുമുള്ള ശ്രമം നടക്കുന്നതായി സംശയിക്കേണ്ടിയിരിക്കുന്നു. സംസ്ഥാനത്ത് ഈയിടെ നടന്നു കൊണ്ടിരിക്കുന്ന ഇത്തരത്തിലുള്ള സമാന സംഭവങ്ങളില്‍ സര്‍ക്കാര്‍ സ്വീകരിച്ച നയം തെറ്റാണ്. ഒരു പുരോഗമന സര്‍ക്കാറില്‍ നിന്ന് സംഭവിക്കാന്‍ പാടില്ലാത്തതാണിതെല്ലാം.
മാധ്യമങ്ങള്‍ എന്തു റിപോര്‍ട്ട് ചെയ്യണമെന്ന് കോടതി തീരുമാനിക്കുന്നത് ശരിയല്ല. അത് ജനാധിപത്യ വിരുദ്ധമാണെന്നും ശ്രീജിത്ത് വിജയന്റെ വാര്‍ത്തകള്‍ റിപോര്‍ട്ട് ചെയ്യുന്നതിന് കരുനാഗപ്പള്ളി സബ് കോടതി വിലക്കേര്‍പ്പെടുത്തിയതിനെക്കുറിച്ച ചോദ്യത്തോട് അദ്ദേഹം പ്രതികരിച്ചു.

സ്ത്രീയുടെ പ്രാഥമിക സ്വാതന്ത്ര്യങ്ങളുടെ നിഷേധമാണ് ഹാദിയ അനുഭവിക്കുന്നതെന്ന് സച്ചിദാനന്ദന്‍ പറഞ്ഞു. പ്രാഥമികാ സ്വാതന്ത്ര്യങ്ങളുടെ നിഷേധം മാത്രമല്ല, ഭരണഘടനാ ലംഘനവും മൗലികാവകാശങ്ങളുടെ ലംഘനവുമാണ് ഹാദിയയുടെ തടവ്. അതിനെ അങ്ങനെ തന്നെ കാണണം. ഹാദിയക്ക് സംഭവിക്കുന്നത് എന്താണെന്നു മനസ്സിലാക്കാന്‍ മനുഷ്യാവകാശ പ്രവര്‍ത്തകര്‍ക്ക് ആ വീട്ടിലേക്കു പ്രവേശിക്കാന്‍ അനുവാദം ലഭിക്കുന്നില്ല. എന്നാല്‍ നിലവില്‍ അവരുടെ വീട്ടില്‍ പ്രവേശനമുള്ളത് അവരുടെ മതപരിവര്‍ത്തനത്തെ എതിര്‍ക്കുന്നവര്‍ക്കു മാത്രമാണ്. ഹാദിയയെ അനുകൂലിക്കുന്നവര്‍ക്കോ ഹാദിയയുടെ പ്രശ്‌നം മനസ്സിലാക്കാന്‍ ശ്രമിക്കുന്നവര്‍ക്കോ നിലവില്‍ അവളുടെ വീട്ടിലേക്ക് പ്രവേശനമില്ലെന്നും അദ്ദേഹം പറഞ്ഞു. ഹാദിയയുടെ പ്രശ്‌നത്തില്‍ മനുഷ്യാവകാശ കമ്മീഷനും വനിതാ കമ്മീഷനും ഇടപെടണമെന്നും അദ്ദേഹം ആവശ്യപ്പെട്ടു.

നേരത്തെ ഹാദിയയ്ക്ക് പിന്തുണയുമായി രംഗത്തെത്തിയ എഴുത്തുകാരി ജെ.ദേവികയും വാര്‍ത്താസമ്മേളനത്തിലുണ്ടായിരുന്നു. ഹാദിയയുടെ അവസ്ഥയില്‍ കടുത്ത പ്രതിഷേധമറിയിച്ച് അവര്‍ വനിതാകമ്മീഷനും ഹാദിയയുടെ മാതാപിതാക്കള്‍ക്കും തുറന്ന കത്തുകളെഴുതിയിരുന്നു.

ഒരു മുസ്ലിം ആയിരിക്കുക എന്നത് ശാപമായ ഒരു കാലഘട്ടത്തിലൂടെയാണ് നാം കടന്നുപോകുന്നതെന്നുന്നം അദ്ദേഹം അഭിപ്രായപ്പെട്ടു. ഷാര്‍ജ അന്താരാഷ്ട്ര പുസ്തകോത്സവത്തിലെ കാവ്യസന്ധ്യയിലെ കവിതാ അവതരണത്തിന് മുന്നോടിയായി സംസാരിക്കുകയായിരുന്നു കവി.

ഇന്ത്യ എക്കാലത്തേയും ഇരുണ്ട കാലഘട്ടത്തിലൂടെയാണ് കടന്നുപോകുന്നതെന്ന് സച്ചിദാനന്ദന്‍ വിമര്‍ശിച്ചു. എന്നാല്‍ ഇപ്പോഴത്തെ ഭരണം കടന്നുവരുന്നതിന് മുന്‍പും മുസ്‌ലിംങ്ങളുടെ സ്ഥിതി ഇതായിരുന്നന്നെന്നും സച്ചിദാനന്ദന്‍ അഭിപ്രായപ്പെട്ടു.

അന്നാണ് മുസ്ലിം ഇന്ത്യയ്ക്ക് എത്രമാത്രം പ്രസക്തമാണെന്ന് വ്യക്തമാക്കി മുസ്ലിം എന്ന കവിത എഴുതിയതെന്നും അതിന് ഇക്കാലത്ത് പ്രസക്തി കൂടുതലാണെന്നും അദ്ദേഹം ചൂണ്ടിക്കാട്ടി. തുടര്‍ന്ന് ആ കവിത സദസില്‍ ആലപിക്കുകയും ഉണ്ടായി.

ഹിന്ദുത്വവാദികളുടെ ഭീഷണിയാല്‍ ഒരുവേള എഴുത്തുനിര്‍ത്തിയ തമിഴ് സാഹിത്യകാരന്‍ പെരുമാള്‍ മുരുകനെ പിന്തുണച്ചും മലയാളത്തിന്റെ പ്രിയകവി കവിത ചൊല്ലി.

നവ ഹിന്ദുത്വ അജണ്ടയുടെ ആദ്യത്തെ ഇരയാണ് മുസ്്‌ലിംകള്‍. നാസികളുടെ നേര്‍പതിപ്പായി ഹിന്ദുത്വ വാദികള്‍ മാറിയിരിക്കുന്നു. വൈവിധ്യങ്ങളെ ഭയപ്പെടുകയും പ്രതിഷേധങ്ങളെ ഗൂഢാലോചനയായി കാണുകയും ജനങ്ങളെ ഏകശിലയുമായി കാണുകയും ചെയ്യുന്ന ഫാസിസ്റ്റ് ലക്ഷണങ്ങള്‍ പ്രകടമാകുന്ന സാമൂഹിക രാഷ്ട്രീയ സാഹചര്യങ്ങളാണ് ഇന്ന് നിലനില്‍ക്കുന്നത്. മുസ്‌ലിംകളെ അപരവത്കരിക്കുന്നത് കേവലം ഇസ്‌ലാമിനെതിരെയുള്ള ആക്രമണമല്ല, മറിച്ച് ജനാധിപത്യത്തിന്റ അപചയവുമായി ബന്ധപ്പെടുത്തി കാണണം.

ആധുനിക സംവാദാത്മക സംസ്‌കാരത്തെ സ്‌നേഹിക്കുന്ന ഓരോ മനുഷ്യന്റെയും പ്രശ്‌നമാണ്. വിഭജനവും കൊളോണിയലിസവുമാണ് ഇസലാം ഭീതിയുടെ ആദ്യ ഘട്ടം. ഹൈന്ദവതയെന്നത് മതമല്ലെന്ന് മനസ്സിലാക്കാതെ പിറവി കൊണ്ട നവോത്ഥാന പ്രസ്ഥാനങ്ങളുടെ ആവിര്‍ഭാവവും ജനാധിപത്യം ഭൂരിപക്ഷവാദമായി പരിവര്‍ത്തിക്കപ്പെട്ടതോടെ ഇസ്‌ലാം ഭീതിയുടെ വളര്‍ച്ച പതിന്മടങ്ങായി.

ഏകമത, ഏകവംശ, ഏക സംസ്‌കാര, ഏകഭാഷാ, ഏകരാഷ്ട്ര സങ്കല്‍പത്തെ വളര്‍ത്തി ജനാധിപത്യത്തിന്റെ ചട്ടക്കൂട് മാത്രം ബാക്കിയാക്കി അകം കാര്‍ന്നുതിന്ന് ജനാധിപത്യത്തെ ശൂന്യമാക്കുന്ന ശ്രമങ്ങളാണ് ഇന്ന് നടക്കുന്നത്. ജനങ്ങളില്‍ നിന്ന് ഭരണകൂടത്താല്‍ അന്യവത്ക്കരിക്കപ്പെട്ട അധികാരം ജനങ്ങളിലേക്ക് തിരിച്ചെത്തിയാല്‍ മാത്രമേ ജനാധിപത്യം യാഥാര്‍ഥ്യമാകു. ആ തരത്തിലുള്ള ശ്രമങ്ങളാണ് ഇന്ന്് ജനങ്ങളുടെ ഭാഗത്തുനിന്നുണ്ടാവേണ്ടതെന്നും സച്ചിദാനന്ദന്‍ പറഞ്ഞു.

ഒരു സമുദായത്തെ സാമൂഹിക വൃത്തത്തില്‍ നിന്ന് പുറത്താക്കുന്ന സാമൂഹികപരമായ ആശങ്കയാണ് ഇസ് ലാം ഭീതിയെന്നും അത് അപകടകരമാണെന്നും ചടങ്ങില്‍ അധ്യക്ഷത വഹിച്ച പാണക്കാട് സയ്യിദ് മുനവ്വറലി ശിഹാബ് തങ്ങള്‍ പറഞ്ഞു. തുടര്‍ന്ന്് നടന്ന ‘എന്തു കൊണ്ട് മുസ്‌ലിംകള്‍ ഇരകളാക്കപ്പെടുന്നു’ സെഷനില്‍ ടി.എ അഹമ്മദ് കബീര്‍ എം.എല്‍.എ അധ്യക്ഷത വഹിച്ചു. മുസ്്‌ലിംകള്‍ ഭീകരവാദികളാക്കി ചിത്രീകരിക്കുകയും ഇരകളാക്കപ്പെടുകയും ചെയ്യുമ്പോള്‍ അതിനെ ആശയപരമായി നേരിടുകയാണ് വേണ്ടതെന്ന്് അദ്ദേഹം പറഞ്ഞു. സി.കെ അബ്ദുല്‍അസീസ്, ടി.ടി. ശ്രീകുമാര്‍, മൃദുല എസ്, ഡോ.ഫൈസല്‍ മാരിയാട്, സി.എച്ച് അബ്ദുല്‍ലത്തീഫ്, പി.എ റഷീദ്, എ.കെ അബ്ദുല്‍മജീദ് പ്രസംഗിച്ചു.
മാധ്യമങ്ങളും അപനിര്‍മിതികളും സെഷനില്‍ ഡോ. എന്‍ മുഹമ്മദലി അധ്യക്ഷത വഹിച്ചു. നിഖില ഹെന്‍ട്രി, എന്‍.പി ചെക്കുട്ടി എന്നിവര്‍ സംസാരിച്ചു. ഡോ. സുബൈര്‍ ഹുദവി, ഡോ. അമീന്‍ദാസ് പ്രസംഗിച്ചു. ചിന്ത് ഇശല്‍ ആലാപനസദസ്സില്‍ പ്രഫ. എം.എ റഹ്മാന്‍ അധ്യക്ഷത വഹിച്ചു. ഫൈസല്‍ എളേറ്റില്‍, ഹക്കീം പുല്‍പ്പറ്റ, അജ്മല്‍, മുകേഷ്, അസ്ഹദ് പൂക്കോട്ടൂര്‍, സുല്‍ഫ മഞ്ചേരി പങ്കെടുത്തു. ഇഖ്ബാല്‍ എറമ്പത്ത് , ടി. റിയാസ് മോന്‍ പ്രസംഗിച്ചു.