SAHA – Chandrika Daily

ടി20യില്‍ വെടിക്കെട്ടു സെഞ്ച്വറിയുമായി സാഹ: കോരിത്തരിച്ച് ക്രിക്കറ്റ്‌ലോകം

chandrika — Sat, 24 Mar 2018 13:33:36 +0000

ടി20 ക്രിക്കറ്റില്‍ അതിവേഗ സെഞ്ച്വറിയുമായി ഇന്ത്യന്‍ ടെസ്റ്റ് ടീം വിക്കറ്റ് കീപ്പര്‍ വൃദ്ധിമാന്‍ സാഹ. 20 പന്തുകളിലാണ് സാഹ തന്റെ സെഞ്ച്വറി പൂര്‍ത്തിയാക്കിയത്. കൊല്‍ക്കത്തയില്‍ ഇന്ന് നടന്ന ജെ.സി മുഖര്‍ജി ട്രോഫി മത്സരത്തില്‍ മോഹന്‍ ബഗാന്‍ ടീമിന് വേണ്ടി കളിച്ച സാഹ വെടിക്കെട്ട് ബാറ്റിങാണ് കാഴ്ചവെച്ചത്.

ആദ്യം ബാറ്റുചെയ്ത ടീം ബി.എന്‍.ആര്‍ നിശ്ചിത ഓവറില്‍ ഏഴു വിക്കറ്റ് നഷ്ടത്തില്‍ 151 റണ്‍സാണ് എടുത്തത്. എന്നാല്‍ മറുപടി ബാറ്റിങിനായി ഓപണര്‍ റോളില്‍ ക്രീസിലെത്തിയ സാഹ തനിക്കെതിരെ പന്തെറിഞ്ഞ ബൗളര്‍മാരെ തുടരെ തുടരെ ബൗണ്ടറിലൈന്‍ കടത്തുകയായിരുന്നു. ആകെ നേരിട്ട 20 പന്തില്‍ നാലു ഫോറും 14 സിക്‌സറുമാണ് പറത്തിയത്. 510 സ്‌ട്രൈക്ക് റേറ്റില്‍ ബാറ്റേന്തിയ താരം 102 റണ്‍സുമായി പുറത്താകാതെ 13 ഓവര്‍ ബാക്കി നില്‍ക്കെ ടീമിനെ വിജയത്തിലെത്തിച്ചു. നായകന്‍ സുബോമോയി ദാസ് 22 പന്തില്‍ 43 റണ്‍സുമായി സാഹക്ക് മികച്ച പിന്തുണ നല്‍കി.

ഇന്ത്യന്‍ താരത്തിന്റെ ഈ മാസ്മരിക പ്രകടനത്തില്‍ ഞെട്ടിത്തരിച്ചിരിക്കുകയാണ് ഇപ്പോള്‍ ഇന്ത്യന്‍ ക്രിക്കറ്റ് ലോകം. ഐ.പി.എല്‍ തുടങ്ങാന്‍ ദിവസങ്ങള്‍ ബാക്കി മാത്രം നില്‍ക്കെ സാധരണ ആക്രമിച്ചു കണിക്കാത്ത താരത്തിന്റെ പ്രകടനത്തില്‍ സണ്‍ റൈസേഴ്‌സിന്റെ ആരാധര്‍ വലിയ പ്രതീക്ഷയിലാണ്. ഏപ്രില്‍ ഏഴിന് ഐ.പി.എല്‍ ആരംഭിക്കുക.

വിക്കറ്റ് കീപ്പിങില്‍ ധോണിക്ക് സാധിക്കാത്ത അപൂര്‍വ്വ നേട്ടവുമായി വൃദ്ധിമാന്‍ സാഹ

chandrika — Mon, 08 Jan 2018 12:41:42 +0000

കേപ്ടൗണ്‍: ദക്ഷിണാഫ്രിക്കെതിരെ ആദ്യ ടെസ്റ്റില്‍ ഇന്ത്യന്‍ വിക്കറ്റ് കീപ്പര്‍ വൃദ്ധിമാന്‍ സാഹക്ക് അപൂര്‍വ്വ നേട്ടം. ടെസ്റ്റ് ക്രിക്കറ്റില്‍ ഒരു മത്സരത്തില്‍ ഏറ്റവും കൂടുതല്‍ ക്യാച്ച് എടുത്ത ഇന്ത്യന്‍ താരത്തിനുള്ള റെക്കോര്‍ഡാണ് സാഹ സ്വന്തമാക്കിയത്. ദക്ഷിണാഫ്രിക്കക്കെതിരായ ഒന്നാം ടെസ്റ്റില്‍ പത്തുപേരെ പുറത്താക്കുന്നതില്‍ നിര്‍ണായക പങ്കു വഹിച്ചാണ് സാഹ താരമായത്. വിക്കറ്റിന് പിന്നില്‍ പത്ത് ദക്ഷിണാഫ്രിക്കന്‍ ബാറ്റ്‌സമാന്മാരെ കൈപ്പിടിയിലൊതുക്കിയാണ് സാഹ ഈ നേട്ടം സ്വന്തമാക്കിയത്.

ഇതോടെ ഒരു ടെസ്റ്റ് മത്സരത്തില്‍ ഒമ്പത് ക്യാച്ചുകളുള്ള മുന്‍ നായകന്‍ മഹേന്ദ്ര സിങ് ധോണിയുടെ റെക്കോഡ് പഴങ്കഥയായി. 2014 ഡിസംബറില്‍ മെല്‍ബണില്‍ ഓസ്‌ട്രേലിയക്കെതിരെ ധോണി നേടിയ ഒന്‍പതു വിക്കറ്റ് നേട്ടമാണ് സാഹ മറികടന്നത്.
ദക്ഷിണാഫ്രിക്കെതിരെ ആദ്യ ടെസ്റ്റില്‍ രണ്ട് ഇന്നിങ്‌സുകളിലുമായി അഞ്ച് വീതം ബാറ്റ്‌സ്മാന്‍മാരെയാണ് സാഹ മടക്കി അയച്ചത്. ആദ്യ ഇന്നിംഗ്‌സില്‍ അശ്വിന്‍ ബോളില്‍ കംഗോസോ റാസഡയെ പുറത്താക്കിയ ക്വാച്ചാണ് പത്തില്‍ മികച്ചതായി നിന്നത്.

സാഹയുടെ പുറത്താക്കല്‍ എല്ലാ ക്യാച്ചുകളും ആയിരുന്നു. എന്നാല്‍ ഒരു സ്റ്റമ്പിങ് കൂടി ഉള്‍പ്പെടുന്നതാണ് ധോണിയുടെ നേട്ടം. ആദ്യമായാണ് 33 കാരനായ സാഹ ഒരു ടെസ്റ്റില്‍ പത്ത് ക്യാച്ചുകള്‍ നേടുന്നത്.

വിക്കറ്റിന് പിന്നില്‍ പറന്ന്; അത്യുജ്ജ്വല ക്യാച്ചില്‍ അമ്പരപ്പിച്ച് സാഹ

chandrika — Mon, 04 Dec 2017 12:43:09 +0000

ഡല്‍ഹി: വിക്കറ്റിന് പിന്നില്‍ കഴിവ് തെളിയിച്ച് സൂപ്പര്‍മാനായി സാഹ. ഡല്‍ഹിയില്‍ ശ്രീലങ്കയ്ക്കെതിരായി നടന്ന മൂന്നാം ടെസ്റ്റ് മത്സരത്തില്‍ തകര്‍പ്പന്‍ ക്യാച്ചെടുത്താണ് ഇന്ത്യയുടെ വിക്കറ്റ് കീപ്പര്‍ വൃദ്ധിമാന്‍ സാഹ കാണികളെ അമ്പരപ്പിച്ചത്.

https://www.chandrikadaily.com/wp-content/uploads/2017/12/3588749423001_5666950423001_5666932643001.mp4

ബാറ്റിങ്ങില്‍ തിളങ്ങാനായില്ലെങ്കിലും വിക്കറ്റിന് പിന്നില്‍ പറന്ന് സതീര സമരവിക്രമയെ കൈപ്പിടിയിലാക്കി സൂപ്പര്‍മാനായിരിക്കുകയാണ് സാഹ. ഇഷാന്ത് ശര്‍മ്മയുടെ ബൗളിലായികുന്നു സാഹയുടെ വിസ്മയ പ്രകടനം. ഇന്ത്യയുടെ കൂറ്റന്‍ സ്‌കോര്‍ പിന്തുടരുന്ന ലങ്കന്‍ ബാറ്റിങ് നിരയില്‍ 61 പന്തില്‍ 33 റണ്‍സുമായി നില്‍ക്കുമ്പോഴായിരുന്നു സതീരയുടെ അപ്രതീക്ഷിത പുറത്താവല്‍. മൂന്നാം ദിവസം കളി നിര്‍ത്തുമ്പോള്‍ ഇന്ത്യയുടെ ഒന്നാം ഇന്നിങ്സ് സ്‌കോറിനെ മറികടക്കാന്‍ ഇനിയും 180 റണ്‍സ് വേണം ലങ്കയ്ക്ക്.

പാര്‍ത്ഥിവിനേക്കാളും മികച്ച കീപ്പര്‍ സാഹയെന്ന് മുഖ്യ സെലക്ടര്‍

chandrika — Wed, 25 Jan 2017 14:51:25 +0000

മുംബൈ: ഇന്ത്യന്‍ ടെസ്റ്റ് ടീമിലെ കീപ്പര്‍ സ്ഥാനം ഉറപ്പിച്ച് വൃദ്ധിമാന്‍ സാഹ. ഇറാനി ട്രോഫിയില്‍ ഇരട്ട സെഞ്ച്വറി നേടിയതോടെയാണ് പാര്‍ത്ഥീവ് പട്ടേലിനെക്കാളും മുമ്പേ താരം സ്ഥാനം ഉറപ്പിച്ചത്. സെലക്ഷന്‍ കമ്മറ്റി ചെയര്‍മാന്‍ എംഎസ്‌കെ പ്രസാദാണ് ഇക്കാര്യം പറഞ്ഞത്. ടെസ്റ്റ് വിക്കറ്റ് കീപ്പറായിരുന്ന സാഹ പരിക്കിനെത്തുടര്‍ന്നാണ് പുറത്തായത്. പിന്നീട് ഇറാനി ട്രോഫിയില്‍ താരം തന്റെ കഴിവ് തെളിയിക്കുകയായിരുന്നു. ഇറാനി ട്രോഫിയില്‍ നടന്നത് ട്രയല്‍ അല്ല, സാഹയുടെ കായികക്ഷമതയുടെ പരിശോധനയാണെന്നാണ് എംഎസ്‌കെ പ്രസാദ് പറയുന്നത്. പരുക്കില്‍ നിന്നു മോചിതരായി വരുന്നവര്‍ ആഭ്യന്തര മത്സരം കളിക്കണമെന്നു ഞങ്ങള്‍ നിര്‍ബന്ധം പറഞ്ഞിട്ടുണ്ട്. കാരണം അതാണ് കായിക മികവു തെളിയിക്കാനുള്ള ഏറ്റവും അനുയോജ്യ വേദി. സാഹയാണ് നമ്പര്‍ വണ്‍ കീപ്പര്‍, പാര്‍ഥിവ് നമ്പര്‍ രണ്ടും. കായിക ക്ഷമത പരിശോധിക്കാന്‍ മാത്രമാണ് സാഹയെ കളിപ്പിച്ചതെന്നും പ്രസാദ് പറയുന്നു. ഇംഗ്ലണ്ടിനെതിരെ ടെസ്റ്റില്‍ രണ്ട് അര്‍ധ സെഞ്ചുറി നേടിയ പാര്‍ഥിവ് പട്ടേലും പിന്നീട് രഞ്ജി ട്രോഫി ഫൈനലില്‍ മുംബൈയ്‌ക്കെതിരെ സെഞ്ചുറി നേടി ഗുജറാത്തിനെ വിജയത്തിലെത്തിച്ചിരുന്നു. സാഹ ഇറാനി ട്രോഫിയുടെ ചരിത്രത്തിലെ തന്നെ ഏറ്റവും മികച്ച ഇന്നിങ്‌സുകളില്‍ ഒന്നിലൂടെ റെസ്റ്റ് ഓഫ് ഇന്ത്യ ടീമിനു കിരീടം നേടിക്കൊടുക്കുകയും ചെയ്തു. ഇംഗ്ലണ്ടിനെതിരായ പരമ്പരയ്ക്കിടെ സ്ഥാനം ലഭിച്ച പാര്‍ഥിവ് അവസരം നന്നായി വിനിയോഗിച്ചു. തികഞ്ഞ പോരാളിയാണ് പാര്‍ഥിവ്. ശൂന്യതയില്‍ നിന്നാണു പാര്‍ഥിവ് ഗുജറാത്തിനെ രഞ്ജി കിരീടത്തില്‍ എത്തിച്ചത്. ഞങ്ങളുടെ ആലോചനയില്‍ പാര്‍ഥിവിന്റെ പേരും സജീവമാണ്. രണ്ടുപേരും തമ്മില്‍ നേരിയ വ്യത്യാസമേയുള്ളു. ടെസ്റ്റ് ക്രിക്കറ്റിലാകുമ്പോള്‍ കൂടുതല്‍ മികവോടെ കീപ്പ് ചെയ്യുന്നയാള്‍ക്കാണു പ്രഥമ പരിഗണന. അത് സാഹയ്ക്ക് അനുകൂലമാണെന്നും പ്രസാദ് വ്യക്തമാക്കി.