ആൻഫീൽഡിലെ ഗോൾമഴ പെയ്ത മത്സരത്തിൽ സൂപ്പർ താരം മുഹമ്മദ് സലാഹിന്റെ ഹാട്രിക്കാണ് ലിവർപൂളിന് ജയമൊരുക്കിയത്. മൂന്നുതവണ പിന്നിൽ നിന്ന ശേഷം തിരിച്ചുവന്ന ലീഡ്‌സ് യുർഗൻ ക്ലോപ്പിന്റെ സംഘത്തെ 3-3 ൽ പിടിച്ചുകെട്ടുമെന്ന് തോന്നിച്ചെങ്കിലും 88-ാം മിനുട്ടിൽ പെനാൽട്ടി വഴങ്ങിയതോടെയാണ് കളി കൈവിട്ടത്.

നാലാം മിനുട്ടിൽ പെനാൽട്ടിയിലൂടെ സലാഹ് ടീമിനെ മുന്നിലെത്തിച്ചപ്പോൾ 12-ാം മിനുട്ടിൽ ഹാരിസൺ ലീഡ്‌സിനെ ഒപ്പമെത്തിച്ചു. 20-ാം മിനുട്ടിൽ വിർജിൽ വാൻഡൈക്ക് ലിവർപൂളിന് വീണ്ടും ലീഡ് നൽകി. എന്നാൽ, പത്ത് മിനുട്ടിനു ശേഷം ബാംഫോർഡ് സമനില ഗോൾ കണ്ടെത്തി. 33-ാം മിനുട്ടിൽ സലാഹ് വീണ്ടും ഗോളടിച്ചെങ്കിലും ഇടവേള കഴിഞ്ഞെത്തിയ ശേഷം സന്ദർശകർ മാത്യൂസ് ക്ലിക്കിലൂടെ വീണ്ടും ഒപ്പമെത്തി. അവസാന നിമിഷം വീണുകിട്ടിയ പെനാൽട്ടി ലക്ഷ്യത്തിലെത്തിച്ചാണ് സലാഹ് ഹാട്രിക് തികച്ചതും ടീമിനെ വിജയത്തിലെത്തിച്ചതും. പ്രീമിയർ ലീഗ് ഉദ്ഘാടന മത്സരത്തില്‍ ഹാട്രിക് നേടുന്ന ആദ്യതാരമായി ഇതോടെ സലാഹ്.

അലക്‌സാണ്ടർ ലാകസെറ്റ്, ഗബ്രിയേൽ മഗല്ലേസ്, പിയറി ഒബാമിയാങ് എന്നിവരുടെ ഗോളിലാണ് ആർസനൽ ഫുൾഹാമിനെ തകർത്തത്. സതാംപ്ടണനെതിരെ വിൽഫ്രഡ് സാഹ ക്രിസ്റ്റൽ പാലസിന്റെ ഏകഗോൾ നേടി. ഇന്ന് പ്രീമിയർ ലീഗിൽ ലെസ്റ്റർ സിറ്റി വെസ്റ്റ്‌ബ്രോംവിച്ചിനെയും ടോട്ടനം ഹോട്‌സ്പർ എവർട്ടനെയും നേരിടും.

അതേസമയം സംഭവത്തില്‍ മാധ്യമങ്ങള്‍ക്കും ആരാധകര്‍ക്കുമെതിരെ രൂക്ഷ പ്രതികരണവുമായി താരം തന്നെ രംഗത്തെത്തി. ഈദ് നമസ്‌ക്കാരത്തില്‍ പങ്കെടുക്കാന്‍ അനുവദിവച്ചില്ല എന്നാരോപിച്ചാണ് സലാഹ് ട്വിറ്ററിലൂടെ മാധ്യമങ്ങള്‍ക്കും ആരാധകര്‍ക്കും എതിരെ രംഗത്തെത്തിയത്.

اللي بيحصل من بعض الصحفيين وبعض الناس أن الواحد مش عارف يخرج من البيت علشان يصلي العيد. دا ملوش علاقة بالحب. دا بيتقال عليه عدم احترام خصوصية وعدم احترافية.

— Mohamed Salah (@MoSalah) June 5, 2019

ചില ആരാധകരും മാധ്യമപ്രവര്‍ത്തകരും ഈദ് നമസ്‌ക്കാരത്തിന് വേണ്ടി പോവാന്‍ വീടിന് പുറത്തിറങ്ങാന്‍ അനുവദിച്ചില്ല എന്നാണ് സലായുടെ ആരോപണം. ഈ നടപടി സ്വകാര്യതയെ ബഹുമാനിക്കാതിരിക്കലും പ്രൊഫഷണലിസമില്ലായ്മയും മാത്രമാണെന്നും സലാ ആരോപിച്ചു.

സലാഗാര്‍ബിയയിലെ നാഗ്രിഗ് ഗ്രാമത്തിലെ സലായുടെ വീടിന് മുമ്പിലാണ് ആരാധകരും മാധ്യമപ്രവര്‍ത്തകരും തടിച്ച് കൂടിയത്. ഈദ് ആഘോഷത്തിനായി ജന്മനാടായ ഈജിപ്തിലേക്ക് ബുധനാഴ്ചയാണ് മുഹമ്മദ് സലാ എത്തിയത്. ഈദ് നമസ്‌ക്കാരം നിര്‍വഹിക്കുന്നതിന് വേണ്ടി പുറത്തിറങ്ങള്‍ ബുദ്ധിമുട്ടിലായതോടെ പ്രാദേശിക പൊലീസിന്റെ സഹായം തേടിയെങ്കിലും വിജയിച്ചില്ല. തുടര്‍ന്ന് ഭാര്യയും മകളും ഉമ്മയും നമസ്‌ക്കാരത്തിന് വേണ്ടി പുറത്ത് പോവുകയും സലാഹ് വീട്ടില്‍ തന്നെ പെടുകയുമായിരുന്നു.

2017-ലാണ് ഇറ്റാലിയൻ ക്ലബ്ബ് എ.എസ് റോമയിൽ നിന്ന് സലാഹ് ഇംഗ്ലണ്ടിലേക്ക് കൂടുമാറിയത്. 2014 മുതൽ 2016 വരെ ചെൽസി ടീമംഗമായിരുന്നെങ്കിലും ഈജിപ്ഷ്യൻ താരത്തിന് കളിക്കാൻ അവസരങ്ങൾ ലഭിച്ചിരുന്നില്ല. 42 ദശലക്ഷം പൗണ്ട് എന്ന വൻതുകക്ക് ആൻഫീൽഡിലെത്തിയ താരം പിന്നീട് തുടർച്ചയായ മത്സരങ്ങളിൽ ഗോളടിച്ച് ശ്രദ്ധിക്കപ്പെട്ടു. ഇതിനകം 74 മത്സരങ്ങളിൽ നിന്നായി ലിവർപൂളിനു വേണ്ടി 54 ഗോൾ നേടിയ താരം ഈ വർഷത്തെ ചാമ്പ്യൻസ് ലീഗ് നേട്ടത്തിലും നിർണായക പങ്കുവഹിച്ചു.

ഇസ്ലാമിനും മുസ്ലിംകൾക്കുമെതിരായ കുറ്റകൃത്യങ്ങൾ കുറഞ്ഞതിൽ സലാഹിന്റെ വ്യക്തിത്വത്തിന് പങ്കുണ്ടെന്ന് അനുമാനിക്കാവുന്ന തെളിവുകളുണ്ടെന്നും മറ്റൊരിടത്തും ഇതുപോലെയുള്ള വലിയ മാറ്റങ്ങൾ ഉണ്ടായിട്ടില്ലെന്നും പഠന റിപ്പോർട്ടിൽ പറയുന്നു. ‘മുൻധാരണകളും സ്വഭാവങ്ങളും തിരുത്താൻ വലിയ കൂട്ടമാളുകളെ സെലിബ്രിറ്റികളുടെ പെരുമാറ്റം സഹായിക്കാറുണ്ട്. സലാഹിന്റെ മികച്ച വ്യക്തിത്വം ഇവിടെ പ്രധാനമാണ്.’

‘സ്വതസിദ്ധമായ പുഞ്ചിരിയോടെ സലാഹ് ടീമംഗങ്ങളുമായി തമാശ പങ്കിടുന്നതും മൈതാനത്തിനു പുറത്ത് തന്റെ മകളെ കളിപ്പിക്കുന്നതും എതിരാളികളെ വരെ ബഹുമാനിക്കുന്നതും തന്റെ മുൻ ക്ലബ്ബുകൾക്കെതിരെ ഗോൾ നേടുമ്പോൾ ആഘോഷിക്കാതിരിക്കുന്നതും ജനങ്ങളെ സ്വാധീനിക്കുന്നുണ്ട്. ഒരു മുസ്ലിം കളിക്കാരന്റെ വ്യക്തിജീവിതം അടുത്തറിയുക വഴി ഇസ്ലാം മതം ഭീഷണിയാണെന്ന മുൻവിധി തിരുത്താൻ പലരും തയ്യാറായി.’ റിപ്പോർട്ടിൽ ചൂണ്ടിക്കാട്ടുന്നു.

മത്സരങ്ങൾക്കു മുമ്പ് സലാഹ് പ്രാർത്ഥിക്കുന്നതും ഗോളടിച്ചാൽ സുജൂദ് ചെയ്ത് ആഘോഷിക്കുന്നതും, ഇത്തരം മതപരമായ പ്രവൃത്തികൾ ജനങ്ങളിൽ പരിചിതമാക്കാൻ സഹായിച്ചു. ലിവർപൂളിന്റെ മത്സരങ്ങൾക്കിടെ ആരാകർ മുസ്ലിം അനുകൂല മുദ്രാവാക്യങ്ങൾ വിളിക്കുന്നത് പലപ്പോഴും ഉണ്ടായിട്ടുണ്ട്. – പഠനത്തിൽ പറയുന്നു.

ലണ്ടനിൽ ഏറ്റവുമധികം വെല്ലുവിളി നേരിടുന്ന ജനവിഭാഗങ്ങളിലൊന്നാണ് മുസ്ലിംകൾ. ബ്രിട്ടീഷ് പൊതുജീവിതത്തിൽ തങ്ങളുടെ മുസ്‌ലിം വ്യക്തിത്വം വെളിപ്പെടുത്താൻ വളരെ കുറച്ചാളുകൾ മാത്രമേ തയ്യാറാകാറുള്ളൂവെന്നും സലാഹ് അത്തരത്തിലൊരാളാണെന്നും പഠനം പറയുന്നു. 25 പൊലീസ് സ്റ്റേഷനുകളിലെ 2015-2018 കാലയളവിലെ വിവരങ്ങളും പ്രമുഖ ഇംഗ്ലീഷ് ക്ലബ്ബുകളുടെ ആരാധകരുടെ 15 ദശലക്ഷം ട്വീറ്റുകളും 8060 ലിവർപൂൾ ആരാധകരുടെ അഭിപ്രായങ്ങളും ഉൾപ്പെടുത്തിയാണ് പഠനം നടത്തിയിട്ടുള്ളത്.

47, 53 മിനുട്ടുകളിലായിരുന്നു സെനഗല്‍ താരം മാനെയുടെ ഗോളുകള്‍. 87-ാം മിനുട്ടില്‍ സലായ്ക്ക് പകരക്കാരനായി എത്തിയ സ്റ്ററിഡിജ് ലിവര്‍പൂളിന്റെ ഗോള്‍ പട്ടിക പൂര്‍ത്തിയാക്കി. ലിവര്‍പൂളിന്റെ പുതിയ താരങ്ങളായ ബ്രസീല്‍ ഗോള്‍കീപ്പര്‍ ആലിസണ്‍, സ്വിസ്സ് താരം ഹെര്‍ദാന്‍ ഷാഖിരി എന്നിവരും മത്സരത്തിനിറങ്ങി. സാദിയോ മാനെയെ പിന്‍ വലിച്ചാണ് കോച്ച് ക്ലോപ്പ് ഷാഖിരിയെ ഇറക്കിയത്. അതേസമയം പരിക്കിന്റെ പിടിയിലായ ഫാബിഞ്ഞോ കളിച്ചില്ല.

കഴിഞ്ഞദിവസം ആദ്യ മത്സരത്തില്‍ മുന്‍ചാമ്പ്യന്‍മാരായ ചെല്‍സി ഹഡര്‍ഫീല്‍ഡ് ടൗണിനേയും മാഞ്ചസ്റ്റര്‍ യുണൈഡ് ലെസിസ്റ്ററിനേയും തോല്‍പ്പിച്ചിരുന്നു.

സ്വന്തം വസതിയിലേക്കുള്ള ആരാധകരുടെ കുത്തൊഴുക്ക് കാരണം സാല ഇപ്പോള്‍ പെട്ടിരിക്കുകയാണ്. എന്നാല്‍ തന്നെ കാണാന്‍ എത്തിയ ആരാധാകരെ പിണക്കാതെയാണ് സാല മടക്കിയത്. തന്റെ വീടിനു പുറത്തിറങ്ങിയ സാല ആരാധകര്‍ക്കൊപ്പം സമയം ചെലവഴിച്ചു. ആരാധകര്‍ക്കൊപ്പം സെല്‍ഫിയെടുക്കാനും അവര്‍ നല്‍കിയ സമ്മാനങ്ങള്‍ സ്വീകരിക്കാനും താരം തയ്യാറായി.

അതിനിടെ ബി.ബി.സി പത്രപ്രവര്‍ത്തക ഷൈമാ ഖലീല്‍ സലാ ആരാധകര്‍ക്ക് ഓട്ടോഗ്രാഫ് നല്‍കുന്ന ചിത്രങ്ങള്‍ ട്വിറ്ററില്‍ പങ്കുവെച്ചു

Crowds gather outside @MoSalah’s home in #Egypt after his address was leaked on Facebook . So what does he do? He comes out to greet people and sign autographs…
We are not worthy of #MoSalah pic.twitter.com/85tlob2bDB

— shaimaa khalil BBC (@Shaimaakhalil) June 29, 2018

എന്നാല്‍ ഇത് ഗതാഗത കുരുക്ക് അടക്കം കൂടതല്‍ പ്രശ്‌നങ്ങള്‍ ഉണ്ടാകാന്‍ കാരണമായി. തുടര്‍ന്ന താരത്തിന്റെ വീടിന് മുമ്പില്‍ തടിച്ചുകൂടിയ ആരാധകരെ ഒഴിവാക്കാന്‍ പൊലീസിന് ഇടപെടേണ്ടിയും വന്നു.

മൂന്ന് മത്സരങ്ങളില്‍ പരാജയപ്പെട്ട ഈജിപ്ത് ലോകകപ്പില്‍ നിന്ന് പുറത്തായതിനെ തുടര്‍ന്ന് ചൊവ്വാഴ്ചയാണ് റഷ്യയില്‍ സലാ നാട്ടിലെത്തിയത്. ഗ്രൂപ്പ് ഘട്ടത്തിലെ മൂന്ന് മത്സരങ്ങളും തോറ്റ് ഈജിപ്തിന് ഗ്രൂപ്പ് എയില്‍ അവസാന സ്ഥാനമാണ്. പരിക്കിനെ തുടര്‍ന്ന് സലാ രണ്ട് മത്സരങ്ങള്‍ മാത്രമേ കളിച്ചിരിന്നുള്ളു. ലിവര്‍പൂളിന്റെ പ്രീ-സീസണ്‍ പരിശീലനത്തിനായി മെല്‍വുഡില്‍ തിരിച്ചെത്തുന്നതിന് മുമ്പ് മൂന്ന് ആഴ്ച വിശ്രമമാണ് സലാക്കുള്ളത്.

ഈജിപ്തില്‍ എത്തിയ സലാ നിസ്‌കരിക്കാനായി ഒരു പള്ളിയില്‍ കയറിയത് കണ്ട ആരാധകര്‍ അവിടെ നിന്നും വീട്ടിലെത്തുന്നത് വരെ പിന്തുടരുകയുമായിരുന്നു. തുടര്‍ന്ന് സലാ താമസിക്കുന്ന സ്ഥലത്തിന്റെ ചിത്രവും വിലാസവും അവര്‍ സോഷ്യല്‍ മീഡിയയില്‍ പങ്കുവെക്കുയായിരുന്നു.

സമൂഹമാധ്യമങ്ങള്‍ വഴി സലാഹിന്റെ വസതിയേക്കുറിച്ചുള്ള വിവരങ്ങള്‍ വൈറലായതൊടെ സൂപ്പര്‍ താരത്തെ കാണാന്‍ ആരാധകരുടെ കുത്തൊഴുക്കായി.

Mohamed Salah’s address in Egypt is leaked on social media

So what does he do?

He comes out to meet the people & sign autographs pic.twitter.com/cuao3et6Jq

— 101 Great Goals (@101greatgoals) June 29, 2018

ആരാധകരുടെ തിക്കിത്തിരക്കിലും സൂപ്പര്‍ താരത്തിന്റെ എളിമ നിറഞ്ഞ മനസ് ഈജിപ്തില്‍ ചര്‍ച്ചയായിരിക്കുകയാണ്.

I feel sorry for @MoSalah.
I didn’t even know he was here. its literally shocking to see a massive amount of people gathered around his house ,and the traffic was unbearable! I know that people love him but at least give him some personal space! #MoSalah #محمد_صلاح pic.twitter.com/n2aA5W7Xp6

— روضة (@Rawda_tfr) June 29, 2018

അതേസമയം ജനങ്ങളുടെ ഇത്തരം പെരുമാറ്റ രീതിയെ അനുകൂലിച്ചും പ്രതികൂലിച്ചും സോഷ്യല്‍ മീഡിയയില്‍ ചര്‍ച്ച നടക്കുന്നുണ്ട്.
ആളുകള്‍ സലായെ സ്‌നേഹിക്കുന്നുവെന്ന് എല്ലാവര്‍ക്കും അറിയാമെന്നും എന്നാല്‍ സ്വാകാര്യ നിമിഷങ്ങള്‍ക്കായി അദ്ദേഹത്തിന് സമയം അനുവദിച്ചു കൊടുക്കണമെന്നാണ് പലരുടേയും അഭിപ്രായം. എന്നാല്‍ സലായുടെ പരുമാറ്റരീതിയെ പ്രശംസിച്ചും പോസ്റ്റുകള്‍ വരുന്നുണ്ട്.

تجمع كبير وحشد امام بيت محمد صلاح ليله البارحه ..
مو كافي الي صار معاه من الاتحاد المصري،، الرجال موب قادر يرتاح حتى في اجازته
طبعا جت الشرطه .. صلاح واهله غادروا المكان .. pic.twitter.com/grUUawei2s

— L.F.C (@abdullaah1892) June 29, 2018

‘സലാഹിന്റെ ആരോഗ്യനിലയില്‍ പുരോഗതിയുണ്ട്. അദ്ദേഹത്തിന്റെ ഫിറ്റ്‌നസിലും പെരുമാറ്റത്തിലും പുരോഗതിയാണ് നമുക്ക് ആവശ്യം. കാരണം, പരിക്കു കാരണം അദ്ദേഹത്തിന് സാധാരണ കളിക്കാരെപ്പോലെ പരിശീലനം നടത്താന്‍ കഴിഞ്ഞിട്ടില്ല.’ – കൂപ്പര്‍ പറഞ്ഞു.

‘പക്ഷേ, നമുക്ക് ടീം ഡോക്ടറില്‍ നിന്ന് നമുക്ക് ലഭിക്കുന്ന പുതിയ വാര്‍ത്തകള്‍ സന്തോഷം പകരുന്നതാണ്. ഉറുഗ്വേയ്‌ക്കെതിരായ മത്സരത്തിനു മുമ്പുതന്നെ സലാഹ് നമുക്കൊപ്പം ചേരുമെന്നാണ് അദ്ദേഹം പറയുന്നത്. ശുഭാപ്തി വിശ്വാസത്തോടെ നമ്മള്‍ കാത്തിരിക്കുകയാണ്.’ കൂപ്പര്‍ പറഞ്ഞു.

‘സലാഹ് പ്രധാനപ്പെട്ട കളിക്കാരനാണ്. പക്ഷേ, അദ്ദേഹത്തെ മാത്രം ആശ്രയിച്ച് ടീം ഒരുക്കാന്‍ കഴിയില്ല. സലാഹിന് കളിക്കാനാവില്ലെങ്കില്‍ പകരം മറ്റൊരാളെ കളിപ്പിക്കേണ്ടി വരും. ഏതായാലും ഇത് ടീമിനെ ബാധിക്കില്ലെന്ന് ഉറപ്പുവരുത്താനാണ് ഞാന്‍ ശ്രമിക്കുന്നത്.’ കൂപ്പര്‍ വ്യക്തമാക്കി.

ഇപ്പോള്‍ പരിക്കുകാരണം വിശ്രമത്തിലുള്ള സലാഹ് ടീമിനൊപ്പം ചേരാന്‍ അതീവ താല്‍പര്യം പ്രകടിപ്പിക്കുന്നുണ്ടെന്ന് ഈജിപ്ത് ഫുട്‌ബോള്‍ ഫെഡറേഷന്‍ ഫേസ്ബുക്കില്‍ വ്യക്തമാക്കി.

വളരെ ദുസ്സഹമായ രാത്രിയായിരുന്നു അത് (ചാമ്പ്യന്‍സ് ലീഗ് ഫൈനല്‍). ഞാനൊരു പോരാളിയാണ്, എന്തൊക്കെയായലും നിങ്ങള്‍ളുടെ അഭിമാനം ഉയര്‍ത്താന്‍ ഞാന്‍ റഷ്യയിലുണ്ടാകും. നിങ്ങളുടെ സ്‌നേഹവും പ്രാര്‍ത്ഥനയുമാണ് എന്റെ ശക്തി. സലാഹ് ഫെയ്‌സ്ബുക്കില്‍ എഴുതി.

ഫൈനല്‍ മത്സരത്തിന്റെ 25-ാം മിനുട്ടിലാണ് റയല്‍ മാഡ്രിഡ് നായകന്‍ സെര്‍ജിയോ റാമോസുമായി പന്തിനായുള്ള പോരാട്ടത്തിനിടയില്‍ സലാഹിന് പരിക്കേറ്റത്. സലാഹില്‍ നിന്നും പന്ത് എടുക്കാനുള്ള ശ്രമത്തിനിടെ റാമോസ്, സലാഹിന്റെ ഇടതുകൈ റാമോസിന്റെ കൈക്കുള്ളില്‍ കുടുങ്ങി. തുടര്‍ന്ന് പരിക്കേറ്റ സലാഹ് ഗ്രൗണ്ടില്‍ പിടഞ്ഞു. പരിക്കേറ്റിട്ടും കളത്തില്‍ തുടരാന്‍ ശ്രമിച്ചെങ്കിലും അതിനു കഴിയാതെ കണ്ണീരോടെ ഗ്രൗണ്ടില്‍ നിന്നും വിടവാങ്ങുകയായിരുന്നു താരം. കണ്ണീരോടെ സലാഹ് മടങ്ങിയപ്പോള്‍ അതു ഫുട്‌ബോള്‍ ലോകത്തിനും നൊമ്പരമായി. പിന്നീട് താരത്തിന്റെ ഇടതു തോളെല്ലിന്റെ സ്ഥാനം മാറിയെന്നും ലോകകപ്പ് നഷ്ടമാവുമെന്നും വാര്‍ത്തകള്‍ പുറത്തു വന്നതോടെ റഷ്യന്‍ ലോകകപ്പിന് സലാഹുണ്ടാവണം എന്ന പ്രാര്‍ത്ഥനയിലായിരുന്നു ഫുട്‌ബോള്‍ പ്രേമികള്‍ ഒന്നടങ്കം. ആരാധകരെ ആവേശം കൊള്ളിക്കുന്നതാണ് പുതിയ വാര്‍ത്ത.

നാലു പതിറ്റാണ്ടുകള്‍ക്ക് ശേഷമാണ് ഈജിപ്ത് ലോകകപ്പിന് യോഗ്യത നേടുന്നത്. ലോകകപ്പ് യോഗ്യതയിലെ അവസാന മത്സരത്തില്‍ കളി തീരാന്‍ നിമിഷങ്ങള്‍ മാത്രം ബാക്കി നില്‍ക്കെ ഗോളുമായി സലാഹ് ഈജിപ്തിന് റഷ്യന്‍ ടിക്കറ്റ് നേടികൊടുക്കുകയായിരുന്നു. എന്നാല്‍ പരിക്കുമായി സലാഗ് ലോകകപ്പില്‍ ഉണ്ടാവില്ലെന്ന അഭ്യൂഹങ്ങള്‍ നിറഞ്ഞ വാര്‍ത്ത ഈജിപ്ത് ക്യാമ്പിനെ നിരാശയിലാഴ്ത്തിയിരുന്നു. ലോക റാങ്കില്‍ 30 സ്ഥാനത്തുള്ള ഈജിപ്ത് സലാഹിന്റെ നേതൃത്വത്തില്‍ റഷ്യയില്‍ കറുത്ത കുതിരകളാകുമെന്നാണ് പ്രതീക്ഷ.

A sad way for Salah’s season to finish #UCLfinal pic.twitter.com/6v2Y0MKNBe

— #UCLfinal (@ChampionsLeague) May 26, 2018

ഇറ്റാലിയന്‍ ടീം എ.എസ് റോമയില്‍ നിന്നും ലിവര്‍പൂളിലെത്തിയ സലാഹിന് പിന്നെ തിരിഞ്ഞു നോക്കേണ്ടി വന്നിട്ടില്ല. ഇംഗ്ലീഷ് പ്രീമിയര്‍ ലീഗില്‍ 32 ഗോളോടെ ഗോള്‍ഡന്‍ ബൂട്ടും മികച്ച താരവുമായി തെരഞ്ഞെടുത്ത താരം ഇന്ന് ഫുട്‌ബോള്‍ലോകം ഏറ്റവുമധികം ചര്‍ച്ച ചെയ്യുന്ന പേരുകളിലൊന്നാണ്. ജീവിതത്തിലും കളിക്കളത്തിലും തന്റെ മത വിശ്വാസം മുറുകെ പിടിക്കുന്ന സലാഹ് ഇന്ന് ഫുട്‌ബോള്‍ ലോകത്ത് പ്രിയങ്കരനാണ്.

യൂറോപ്പിലെ ചാമ്പ്യന്‍ ക്ലബിനെയാണ് നിശ്ചയിക്കുന്നതെങ്കിലും ഫലത്തില്‍ ഈ കിരീടം ലോക ജേതാവിനെ നിശ്ചയിക്കുന്നതിനുള്ള ചവിട്ടുപടിയാണ്. ഇംഗ്ലണ്ട്, ബ്രസീല്‍, പോര്‍ച്ചുഗല്‍, ഈജിപ്ത്, സ്‌പെയിന്‍, ഫ്രാന്‍സ് തുടങ്ങിയ രാജ്യങ്ങളിലെ ലോകകപ്പ് താരങ്ങളാണ് റയല്‍ മാഡ്രിഡ്-ലിവര്‍പൂള്‍ നിരകളില്‍ കളിക്കുന്നത്.

ഇന്ത്യന്‍ സമയം രാത്രി 12-15 നാണ് മല്‍സരം. ടെന്‍ രണ്ടില്‍ തല്‍സമയ സംപ്രേഷണമുണ്ട്. സാധ്യതാ പട്ടികയില്‍ എല്ലാവരും വ്യക്തമായ സ്ഥാനം നല്‍കുന്നത് റയല്‍ മാഡ്രിഡിന് തന്നെ. അതിന് പ്രധാന കാരണം കൃസ്റ്റിയാനോ റൊണാള്‍ഡോ എന്ന ചാമ്പ്യന്‍ താരം. തുടര്‍ച്ചയായി രണ്ട് തവണ റയല്‍ ചാമ്പ്യന്‍സ് ലീഗ് നേടിക്കഴിഞ്ഞു. സൈനുദ്ദീന്‍ സിദാന്‍-കൃസ്റ്റിയാനോ കൂട്ടുകെട്ടാണ് ഈ ഡബിള്‍ നേട്ടങ്ങള്‍ക്ക് പിറകില്‍. ഇതേ കൂട്ടുകെട്ടാണ് ഇന്നും കലാശത്തിനിറങ്ങുന്നത്. രണ്ട് പേരും തമ്മിലുള്ള കെമിസ്ട്രി അപാരമാണ്. റയലിന്റെ വിജയഘടകമാവുന്ന ഈ സഖ്യം പൊളിക്കാന്‍ ലിവര്‍പൂള്‍ സംഘത്തില്‍ രണ്ട് പേരാണുള്ളത്. മുഹമ്മദ് സലാഹും റോബര്‍ട്ടോ ഫിര്‍മിനോയും. രണ്ട് പേരും അപകടകാരികളാണ്. പക്ഷേ സ്ഥിരതയുടെ കാര്യത്തില്‍ പിന്നോക്കം നില്‍ക്കുന്നതിനാല്‍ ഇവര്‍ക്ക് എത്രമാത്രം ശക്തരായി ഫൈനല്‍ കളിക്കാനാവുമെന്നതാണ് പ്രധാനം.

റയലിന് ഇത്തരം കലാശങ്ങള്‍ സുപരിചിതമാണ്. വലിയ മല്‍സരങ്ങളില്‍ എളുപ്പം കളിക്കാന്‍ കഴിയുന്ന താളം അവരിലുണ്ട്. കൃസ്റ്റിയാനോ ഫോമിലേക്കുയര്‍ന്നാല്‍ ലിവര്‍പൂളിന് ഒരു സാധ്യതയും ബാക്കിയുണ്ടാവില്ല. കൃസ്റ്റിയാനോയെ മാര്‍ക്ക്് ചെയ്താലോ-ജെറാത്ത് ബെയിലും കരീം ബെന്‍സേമയും മാര്‍ക്കോ അസുന്‍സിയോയുമെല്ലാമുണ്ട്. റയല്‍ താരങ്ങള്‍ക്ക് കിരീടം നിലനിര്‍ത്തേണ്ടതുണ്ട്. സീസണില്‍ ഒന്നുമില്ലാത്തവര്‍ എന്ന അപഖ്യാതി ഒഴിവാക്കണം. കിംഗ്‌സ് കപ്പിലും ലാലീഗയിലും ബദ്ധ വൈരികളായ ബാര്‍സിലോണയാണ് ഒന്നാം സ്ഥാനം നേടിയത്. ചാമ്പ്യന്‍സ് ലീഗ് നേടാനായാല്‍ ആ കുറവെല്ലാം നികത്താം. കോച്ച് സിസു പറയുന്നതും ഇത് തന്നെ. ആരോഗ്യകാര്യത്തില്‍ എല്ലാ താരങ്ങളും മികവ് തെളിയിച്ചിരിക്കുന്നു എന്നതാണ് കോച്ചിന് സന്തോഷം നല്‍കുന്നത്.

പക്ഷേ ജോര്‍ഗാന്‍ ക്ലോപ്പ് എന്ന ലിവര്‍പൂള്‍ പരിശീലകന് ഈ ആത്മവിശ്വാസമില്ല. അദ്ദേഹത്തിന്റെ ഫസ്റ്റ് ഇലവനിലെ രണ്ട് പേരും ഇപ്പോഴും ഫിറ്റ്‌നസ് തെളിയിച്ചിട്ടില്ല. മുഹമ്മദ് സലാഹിലാണ് കോച്ചിന്റെ കാര്യമായ പ്രതിക്ഷകള്‍. ഇംഗ്ലീഷ് പ്രീമിയര്‍ ലീഗിലും ചാമ്പ്യന്‍സ് ലീഗിലുമായി 43 ഗോളുകള്‍ സീസണില്‍ സ്‌ക്കോര്‍ ചെയ്ത ഈജിപ്തുകാരന് ഇന്ന് പക്ഷേ കൈലര്‍ നവാസിനെ മറിക്കടക്കണമെങ്കില്‍ മാര്‍സിലോ, കാര്‍വജാല്‍, സെര്‍ജിയോ റാമോസ്, വരാനെ തുടങ്ങിയവരെയെല്ലാം പിറകിലാക്കണം.

Starting XI Team of The Week semifinal leg 2. #UCL pic.twitter.com/KHpiAAG7zu

— UEFAChampionsLeague (@LigaChampionsID) May 3, 2018

റയല്‍ ഡിഫന്‍സ് പലപ്പോഴും പ്രകടിപ്പിക്കുന്ന ചാഞ്ചാട്ടമാണ് സലാഹിനും കോച്ച് ക്ലോപ്പിനും പ്രതീക്ഷ. റയല്‍ സംഘത്തില്‍ കൃസ്റ്റിയാനോക്കൊപ്പം ബെന്‍സേമക്കായിരിക്കും ആദ്യ ഇലവനില്‍ അവസരം. ജെറാത്ത് ബെയില്‍ പകരക്കാരന്റെ റോളിലായിരിക്കും.

ഉെ്രെകനിലെ കീവിലാണ് നാളെ റയല്‍മാഡ്രിഡ് ലിവര്‍പൂള്‍ കലാശപോരാട്ടം. നോമ്പ് സമയം കഴിഞ്ഞ് അരമണിക്കൂര്‍ കഴിഞ്ഞാണ് കിക്കോഫ്. ഇസ്‌ലാം മതവിശ്വാസം ജീവിതത്തിലും കളിക്കളത്തിലും പിന്തുടരുന്ന സലാഹ്, ഫൈനലിനുവേണ്ടി വ്രതം ഒഴിവാക്കില്ലെന്ന് നേരത്തെ തന്നെ വ്യക്തമാക്കിയിരുന്നു. വ്രതം തന്റെ കളിയെ ഒരു തരത്തിലും ബാധിക്കില്ലയെന്ന് അദ്ദേഹം പരിശീലകന്‍ യുറുഗന്‍ ക്ലോപ്പിനോട് പറഞ്ഞതായാണ് വിവരം. ഗോളടിച്ചാല്‍ ഉടനെ അല്ലാഹുവിന് നന്ദി അറിയിച്ച് സുജൂദ് ചെയുന്ന സലാഹ് പ്രീമിയര്‍ ലീഗിലെ സ്ഥിരം കാഴ്ചയാണ്.

സലാഹിനൊപ്പം താനും വ്രതം അനുഷ്ഠിക്കുമെന്ന് മാനെയും അറിയിച്ചു. ഇരുവരുടേയും വ്രതം അനുഷ്ഠിക്കാനുള്ള ആഗ്രഹത്തിന് ക്ലബ് അനുമതി നല്‍കിയതായാണ് വിവരം. നേരത്തെ ബ്രസീലിയന്‍ ലോകകപ്പില്‍ അള്‍ജീരിയന്‍ ടീമിലെ മുഴുവന്‍ താരങ്ങളും നോമ്പു എടുത്തായിരുന്നു കളിച്ചിരുന്നത്.

Everyone raving about Salah fasting the day of the Champions League final.

The Algerian national team fasted during a World Cup last 16 match against Germany, and took them to extra-time.

Levels. pic.twitter.com/hW1eneuqcG

— DZ Football (@DZFootball_en) May 24, 2018

2005നു ശേഷം ഒരു മേജര്‍ ട്രോഫി ലക്ഷ്യമിടുന്ന ലിവര്‍പൂളിന്റെ ശക്തി മുഹമ്മദ് സലാഹ് നേതൃത്വം നല്‍കുന്ന മുന്നേറ്റ നിര തന്നെയാണ്. ഇറ്റാലിയന്‍ ക്ലബ് എ.എസ്‌റോമയില്‍ നിന്നും ലിവര്‍പൂള്‍ എത്തിയ ആദ്യ സീസണില്‍ തന്നെ ടീമിനായി ഇതുവരെ 42 ഗോളുകളാണ് സലാഹ് അടിച്ചുകൂട്ടിയത്. ഇംഗ്ലീഷ് പ്രീമിയര്‍ ലീഗില്‍ 32 ഗോളുകള്‍ നേടിയ താരം ഗോള്‍ഡന്‍ ബൂട്ട് സ്വന്തമാക്കുകയും ലീഗിലെ മികച്ച താരമായി തെരഞ്ഞെടുക്കപ്പെടുകയും ചെയ്തു. ലിവര്‍പൂള്‍ ചാമ്പ്യന്‍സ് ലീഗ് നേടിയാല്‍ ക്രിസ്റ്റിയാനോക്കും ലയണല്‍ മെസ്സിക്കും ഒപ്പം ബാലണ്‍ ഡി യോര്‍ പോരാട്ടത്തില്‍ ശക്തമായ സാന്നിദ്ധ്യമാകും സലാഹ്.