പൊതുമേഖലാ സ്ഥാപനത്തില്‍ ശമ്ബളവിതരണത്തിന് നിയമവും ചട്ടങ്ങളും ഉണ്ടെന്നിരിക്കെ തൊഴിലാളിവിരുദ്ധ നീക്കവുമായി വന്നാല്‍ അംഗീകരിക്കാനാകില്ല.വരുമാന വര്‍ധന ലഭ്യമാകുന്ന ദീര്‍ഘദൂര സര്‍വിസുകള്‍ സ്വിഫ്റ്റിന് നല്‍കി. 10-15 വര്‍ഷം പഴക്കമുള്ള വാഹനം ഉപയോഗിച്ചാണ് മറ്റ് സര്‍വിസുകള്‍ നടത്തുന്നത്. യാത്രക്കാരുടെ ആവശ്യമനുസരിച്ചുള്ള സര്‍വിസുകള്‍ കൂടിയ വരുമാനത്തിന്‍റെ അടിസ്ഥാനത്തിലാക്കേണ്ടിവന്നാല്‍ പലതും നിര്‍ത്തേണ്ടിവരും. കുട്ടികള്‍ക്കുള്ള യാത്രാ സൗജന്യങ്ങളും ഉപേക്ഷിക്കേണ്ടിവരും. ഇതൊന്നും മനസ്സിലാക്കാതെയുള്ള തീരുമാനത്തിനെതിരെ 28ന് ചീഫ് ഓഫിസിന് മുന്നില്‍ ധര്‍ണ നടത്തും.