മലപ്പുറം വ്യാപാരഭവൻ ഹാളിൽ നടന്ന ചടങ്ങിൽ എ. കെ. ആർ. എൽ. എ. ജില്ലാ പ്രസിഡണ്ട്‌ കുഞ്ഞാണി തേഞ്ചേരി അധ്യക്ഷത വഹിച്ചു. ചടങ്ങിൽ പി.ഉബൈദുള്ള.എം.എൽ.എ, മലപ്പുറം മുൻസിപ്പൽ ചെയർമാൻ മുജീബ് കാടേരി, മഞ്ചേരി എഫ്. എം മുൻ മേധാവി ഡി. പ്രദീപ് കുമാർ , കേരള സാഹിത്യ അക്കാദമിയുടെ ജനറൽ കൗൺസിൽ അംഗംവിജയരാജമല്ലിക . ആകാശവാണി കോഴിക്കോട് നിലയത്തിലെ പ്രോഗ്രാം എക്സിക്യൂട്ടീവ് സി കൃഷ്ണകുമാർ , മഞ്ചേരി ആകാശവാണിയിലെ ട്രാൻസ്മിഷൻ എക്സിക്യൂട്ടീവ് മുനീർ ആമയൂർ, തിരുവനന്തപുരം ആകാശവാണി ട്രാൻസ്മിഷൻ എക്സിക്യൂട്ടീവ് സെവിൽ ജിഹാൻ മഞ്ചേരി നിലയത്തിലെ എഞ്ചിനിയറിംങ്ങ് അസിസ്റ്റന്റ് ഇ അബ്ബാസ് പറപ്പൂർ, മഞ്ചേരി നിയത്തിലെ മറ്റ് അവതാരകരും ,എ. കെ. ആർ. എൽ. എ നേതാക്കളായ മൊയ്തീൻ കുഞ്ഞ് ത്യക്കാക്കര , കെ എസ് കെ ആലപ്പാട്, എം പി പൗലോസ് മാസ്റ്റർ പട്ടിമറ്റം, ഉമ്മർ എടപ്പാൾ, ശരവണൻ പാടൂർ ,സുനിൽകുമാർ പനമണ്ണ, ഷമീർ വയനാട്, എന്നിവർ പ്രസംഗിച്ചു. ശ്രോതാക്കളുടെ കലാപരിപാടികളും നടന്നു. ജനറൽ സെക്രട്ടറി പ്രമോദ് ഗോപു സ്വാഗതവും കൺവീനർ മഹേഷ് പെരുവള്ളൂർ നന്ദിയും പറഞ്ഞു

വിവിധ വകുപ്പുകളിലെ മലപ്പുറം ജില്ലാതല ഉദ്യോഗസ്ഥരായ വനിതകളെ ചടങ്ങില്‍ ആദരിച്ചു. ആസൂത്രണസമിതി കോണ്‍ഫറന്‍സ് ഹാളില്‍ നടന്ന ചടങ്ങില്‍ ജില്ലാപഞ്ചായത്ത് പ്രസിഡന്റ് എം.കെ റഫീഖ അധ്യക്ഷത വഹിച്ചു. അഡ്വ. സുജാത വര്‍മ, നിലമ്പൂര്‍ ജില്ലാ ആശുപത്രി ബ്ലഡ് ബാങ്ക് ജൂനിയര്‍ കണ്‍സല്‍ട്ടന്റ് ഡോ. പ്രവീണ എന്നിവര്‍ മുഖ്യപ്രഭാഷണം നടത്തി. പി.ടി ഗ്രൂപ്പ് ഡയറക്ടര്‍ പി.ടി അബ്ദുസലാം മുഖ്യാതിഥിയായി. ജില്ലാ പഞ്ചായത്ത് വൈസ് പ്രസിഡന്റ് ഇസ്മായില്‍ മൂത്തേടം, ക്ഷേമകാര്യ സ്റ്റാന്‍ഡിങ് കമ്മിറ്റി ചെയര്‍മാന്‍ എന്‍.എ കരീം, വികസന സ്റ്റാന്‍ഡിങ് കമ്മിറ്റി ചെയര്‍പെഴ്‌സണ്‍ സറീന ഹസീബ്, ആരോഗ്യ – വിദ്യാഭ്യാസ സ്റ്റാന്‍ഡിങ് കമ്മിറ്റി ചെയര്‍പെഴ്‌സണ്‍ നസീബ അസീസ്, ജില്ലാപഞ്ചായത്ത് അംഗം സുധീര്‍ ബാബു, ജില്ലാ പഞ്ചായത്ത് സെക്രട്ടറി എന്‍.എ അബ്ദുല്‍ റഷീദ് തുടങ്ങിയവര്‍ പങ്കെടുത്തു.

അബുദാബി: പ്രമുഖപ്രഭാഷകനും പാർലിമെന്റ് അംഗവുമായ അബ്ദുസ്സമദ് സമദാനിയുടെ
മദീനയിലേക്കുള്ള പാത പ്രഭാഷണം കേൾക്കാൻ അബുദാബിയിൽ ആയിരങ്ങൾ ഒഴുകിയെത്തി.

പ്രമുഖ വ്യവസായിയും ലുലു ഇന്റർനാഷണൽ ഗ്രൂപ്പ് ചെയർമാൻ യൂസഫലി എം എ ഉത്ഘാടനം ചെയ്തു.

അബുദാബി ഇന്ത്യൻ ഇസ്ലാമിക്‌ സെന്ററിൽ സംഘടിപ്പിച്ച പരിപാടി
പ്രസിഡന്റ് പി ബാവ ഹാജിയുടെ അധ്യക്ഷതയിൽ നടന്ന പരിപാടിയിൽ ജനറൽ സെക്രട്ടറി ടി കെ അബ്ദുസ്സലാം സ്വാഗതം പറഞ്ഞു.

അന്ത്യപ്രവാചക കീർത്തനങ്ങളും വർത്തമാനകാല പ്രാധാന്യങ്ങളും സംയോജിപ്പിച്ചു കൊണ്ട് നടത്തിയ “വിശ്വവിമോചകനാം വിശുദ്ധ പ്രവാചകൻ” പ്രഭാഷണം ആയിരങ്ങളെ ആത്മീയതയുടെ ലോകത്തിലൂടെ വഴിനടത്തി.

ഇത് മൂന്നാം തവണയാണ് “മദീനയിലേക്കുള്ള പാത” പ്രഭാഷണം അബുദാബിയിൽ നടക്കുന്നത്.
തന്റെ സ്വതസിദ്ധമായ ശൈലിയും ഉറുദു കവിതകളും വീണ്ടുമൊരിക്കൽകൂടി പെയ്തിറങ്ങിയപ്പോൾ പ്രവാസികളെ ആത്മീയതയുടെ ആരാമത്തിലേക്ക് വഴി നടത്തുകയായിരുന്നു.

ആധാർമികതയും അനീതിയും നിറഞ്ഞ ആധുനിക ലോകത്ത് അന്ത്യപ്രവാചകന്റെ ആപ്‌തവാക്യങ്ങളും ആജ്ഞകളുമാണ് മാനവരാശിക്ക് രക്ഷ നൽകുകയുള്ളൂവെന്നു സമദാനി പറഞ്ഞു.

അന്ത്യപ്രവാചനെ നിന്ദിക്കാൻ പലരും കിണഞ്ഞു ശ്രമിക്കുമ്പോഴും നബി തിരുമേനിയുടെ മഹത്വം വിവരിക്കുന്ന പുതിയ ഗ്രന്ഥങ്ങൾ ഇറങ്ങിക്കൊണ്ടിരിക്കുന്നു.
അന്താരാഷ്ട്ര തലത്തിൽ അവ കൂടുതൽ ചർച്ച ചെയ്യപ്പെടുന്നു.
അതിന്റെ ഗ്രന്ഥകർത്താക്കൾ പലരും പാശ്ചാത്യരാണെന്നതും അദ്ദേഹം പറഞ്ഞു.

അങ്കണവാടി ജീവനക്കാരുടെ വേതനം വര്‍ദ്ധിപ്പിക്കുകയും അവര്‍ക്ക് പെന്‍ഷന്‍ ഏര്‍പ്പെടുത്തുകയും അവരെ ഇ.എസ്.ഐ പദ്ധതിയില്‍ ഉള്‍പ്പെടുത്തുകയും ചെയ്യണം. അവര്‍ക്ക് മെച്ചപ്പെട്ട പരിശീലനം നല്‍കാന്‍ സംവിധാനം ഒരുക്കണം. പല അങ്കണവാടി കെട്ടിടങ്ങളുടെയും സ്ഥിതി വളരെ ശോചനീയമാണ്. അവിടെ കുടിവെള്ളവും മികവുറ്റ ശൗചാലയവും ഏര്‍പ്പെടുത്തണം. കേവല പഠനകേന്ദ്രങ്ങളല്ല അങ്കണവാടികള്‍. കുട്ടികള്‍ക്ക് പോഷകാഹാരവും ആരോഗ്യസുരക്ഷയും ഉറപ്പുവരുത്താനുള്ള കേന്ദ്രങ്ങളാണത്. അതോടൊപ്പം വിദ്യാഭ്യാസപരമായ ആവശ്യങ്ങളും അത് നിര്‍വഹിക്കുന്നുണ്ട് അദ്ദേഹം ഓര്‍മിപ്പിച്ചു.

സമുദായമൈത്രിയും സഹവര്‍ത്തിത്വവും ദേശീയോദ്ഗ്രഥനവും കുട്ടികളില്‍ വളര്‍ത്തിയെടുക്കാനുള്ള പ്രഥമ പരിശീലന കേന്ദ്രങ്ങളില്‍പ്പെട്ടതാണ് അങ്കണവാടി സ്ഥാപനങ്ങള്‍. ഒരു ഹിന്ദി കവി പറഞ്ഞതുപോലെയാണ് ‘ ഞാനും നീയും കളിച്ചു വളര്‍ന്ന ‘അങ്കണ’ത്തിന്റെ മണ്ണാണ് നാം ഇരുവരുടെയും ദേഹത്തിലുള്ളത്.നീ നിന്റെ ദേഹമൊന്ന് തൊട്ടുനോക്കൂ എന്റെ ശരീരത്തിലുള്ള മണ്ണ് തന്നെയാണ്’രാജ്യത്തിനും സമൂഹത്തിനും വേണ്ടി അത്യധ്വാനം ചെയ്യുന്നവരുടെ സേവനങ്ങളെ അവഗണിക്കുകയും അവര്‍ക്ക് തുച്ഛമായ വേതനം മാത്രം നല്‍കുകയും അതേസമയം അത്രയൊന്നും ഗൗരവ പ്രാധാന്യമില്ലാത്ത ഉദ്യോഗരംഗങ്ങളെ കണക്കറ്റ് പ്രോത്സാഹിപ്പിക്കുകയും ചെയ്യുന്ന നിലപാടാണ് രാജ്യത്ത് അനുവര്‍ത്തിച്ചു പോരുന്നത്. ഈ മനോഭാവത്തിന് ഇരയാക്കപ്പെട്ടവരാണ് അങ്കണവാടി ജീവനക്കാര്‍ . അവരോടുള്ള വിവേചനം അവസാനിപ്പിച്ചുകൊണ്ടുള്ള ശക്തമായ നടപടികള്‍ അനിവാര്യമാണ് അദ്ദേഹം ലോക്‌സഭയില്‍ പറഞ്ഞു.

റണ്‍വേ വെട്ടിച്ചുരുക്കാതെയുള്ള നിര്‍മ്മാണ പ്രവര്‍ത്തനത്തിനായി കഴിഞ്ഞ ദിവസങ്ങളില്‍ നിരന്തരം സമ്മര്‍ദ്ദം ചെലുത്തി വരികയായിരുന്നു. ഈ ആവശ്യമുന്നയിച്ചുകൊണ്ട് എയര്‍പോര്‍ട്ട് അതോറിറ്റി ചെയര്‍മാന്‍ സഞ്ജീവ് കുമാറിനെ അടിയന്തരമായി ഡല്‍ഹിയില്‍ വന്നു കാണുകയും ഒരിക്കലും റണ്‍വെട്ടിച്ചുരുക്കുന്ന നടപടിയിലേക്ക് പോകരുതെന്ന് അദ്ദേഹത്തോട് ആവശ്യപ്പെടുകയും ചെയ്തിരുന്നു. റണ്‍വേ വെട്ടിച്ചുരുക്കാതെയുള്ള വികസനപ്രവര്‍ത്തനത്തിന് എല്ലാ പരിശ്രമങ്ങളും നടത്തുമെന്ന് ചെയര്‍മാന്‍ കൂടിക്കാഴ്ച്ചയില്‍ പറഞ്ഞിരുന്നു. പാര്‍ലമെന്റിന്റെ നടപ്പു സമ്മേളനത്തില്‍ വിഷയമുന്നയിച്ചുകൊണ്ട് ആദ്യ ദിവസം തന്നെ സബ്മിഷന്‍ നടത്തുകയുമുണ്ടായി.

കായികസാക്ഷരത മൗലികാവകാശമാക്കണമെന്നും സി.ബി.എസ്.ഇ, ഐ.സി.എസ്.ഇ തുടങ്ങിയ വിദ്യാഭ്യാസ ബോര്‍ഡുകളോട് ഓരോ സ്‌കൂള്‍ ദിവസവും 90 മിനിറ്റെങ്കിലും കുട്ടികള്‍ക്ക് കളിക്കാനായി നിജപ്പെടുത്തണമെന്നും ശുപാര്‍ശ ചെയ്യുന്ന റിപ്പോര്‍ട്ട് അമിക്കസ്‌ക്യൂറി സുപ്രീം കോടതിക്ക് സമര്‍പ്പിക്കുകയുണ്ടായി. ജീവിതശൈലീരോഗങ്ങള്‍ വര്‍ദ്ധിച്ച സാഹചര്യത്തില്‍ അതിനെ നേരിടാനും സ്‌പോര്‍ട്‌സ് സഹായിക്കും. ഏതൊരു രാജ്യത്തിന്റെയും വികസന അജണ്ടയില്‍ ഇന്ന് സുപ്രധാനപങ്കാണ് കായികരംഗം നിര്‍വ്വഹിച്ചുവരുന്നത്. സ്‌പോര്‍ട്‌സിന് അര്‍ഹിക്കുന്ന പ്രാധാന്യം ബജറ്റില്‍ നല്‍കണം. ജര്‍മ്മനി, ഓസ്‌ട്രേലിയ, നോര്‍വേ, ജപ്പാന്‍ തുടങ്ങിയ രാജ്യങ്ങളെപ്പോലെ സ്‌പോര്‍ട്‌സ് പദ്ധതികള്‍ക്ക് ഫണ്ട് ലഭ്യമാക്കാനുള്ള നടപടികളുണ്ടാകണമെന്നും അറിയിച്ചു.

ദാരിദ്ര്യം, ഭൗതിക സൗകര്യങ്ങളുടെയും പരിശീലനകോച്ചുമാരുടെയും കുറവ്, ക്രിക്കറ്റിതര ഇനങ്ങളോടുള്ള അവഗണന, രാഷ്ട്രീയ നേതാക്കളുടെ നേതൃത്വത്തില്‍ പ്രവര്‍ത്തിക്കുന്ന സ്‌പോര്‍ട്‌സ് സംഘടനകളിലെ അഴിമതി തുടങ്ങിയ ഘടകങ്ങള്‍ രാജ്യത്തിന്റെ കായിക പുരോഗതിക്ക് തടസ്സം നില്‍ക്കുകയാണെന്നും പറഞ്ഞു.

ലോകത്തിലെ ഏറ്റവും കൂടുതല്‍ ജനസംഖ്യയും, ഏറ്റവും വലിയ ജനാധിപത്യ വ്യവസ്ഥിതിയും ഉള്‍ക്കൊള്ളുന്ന നമ്മുടെ രാജ്യം കായികരംഗത്ത് തദനുസൃതമായി മുന്നോട്ടുപോകാത്തത് എന്തുകൊണ്ടാണെന്ന കാര്യത്തില്‍ ആത്മപരിശോധനയും തിരുത്തലും അനിവാര്യമായിരിക്കുന്നുവെന്ന് ലോക്‌സഭയില്‍ സ്‌പോര്‍ട്‌സിനെ പ്രോത്സാഹിപ്പിക്കേണ്ടതിന്റെ ആവശ്യകതയെകുറിച്ചുള്ള ചര്‍ച്ചയില്‍ പങ്കെടുത്തുകൊണ്ട് സമദാനി പറഞ്ഞു.

ചെറുപ്പക്കാര്‍ക്ക് എളുപ്പത്തില്‍ സ്‌പോര്‍ട്‌സ് രംഗത്തേക്ക് പ്രവേശിക്കുന്നതിന് മുഖ്യതടസ്സം അതിന് വഹിക്കേണ്ടിവരുന്ന ചെലവാണെന്ന് ലണ്ടന്‍ സ്‌കൂള്‍ ഓഫ് എക്കണോമിക്‌സ് നടത്തിയ പഠനത്തില്‍ പറയുന്നുണ്ട്. സാമ്പത്തികമായി പിന്നോക്കം നില്‍ക്കുന്ന ചെറുപ്പക്കാരെ സ്‌പോര്‍ട്‌സിന്റെ മുഖ്യധാരയിലേക്ക് കൊണ്ടുവരാന്‍ അവര്‍ക്ക് സഹായകരമായ പദ്ധതികള്‍ ആവിഷ്‌കരിക്കണം.

ഫുട്‌ബോള്‍ അടക്കമുള്ള വിവിധ സ്‌പോര്‍ട്‌സ് ഇനങ്ങളില്‍ അതീവ തല്‍പരരായ ജനങ്ങള്‍ അധിവസിക്കുകയും ഒളിമ്പിക്‌സിലേക്കടക്കം മികവുറ്റ കളിക്കാരെ നല്‍കുകയും ചെയ്ത മലപ്പുറം ജില്ലയില്‍ സ്‌റ്റേഡിയ നിര്‍മാണങ്ങള്‍ക്ക് സഹായം നല്‍കണമെന്ന് സമദാനി മന്ത്രിയോട് ആവശ്യപ്പെട്ടു. കേരളത്തിന്റെ കായിക പുരോഗതിക്കാവശ്യമായ സാമ്പത്തികസഹായം നല്‍കാനും കേന്ദ്രസര്‍ക്കാര്‍ സന്നദ്ധമാകണം.

പൊതുമേഖലയിലെയും സേവനമേഖലയിലെയും തൊഴിലാളികള്‍ എണ്ണമറ്റ അവഗണനകളും അവശതകളും അഭിമുഖീകരിക്കുന്നു. സമൂഹത്തില്‍ ഇത് വലിയ വിവേചനങ്ങള്‍ക്കും അസന്തുലിതാവസ്ഥകള്‍ക്കും ഇടവരുത്തുന്നു. ഇത്തരം ജീവല്‍ പ്രശ്‌നങ്ങളെ അവഗണിക്കുക മാത്രമല്ല അവയില്‍ നിന്നെല്ലാം ശ്രദ്ധ തിരിച്ചുവിടാനായി ബാലിശവും ഉപരിപ്ലവുമായ വൈകാരിക പ്രശ്‌നങ്ങള്‍ ഉന്നയിക്കാനും ഊതിവീര്‍പ്പിക്കാനുള്ള ശ്രമം ജനാധിപത്യ രാജ്യത്തിന് ഭൂഷണമല്ല.
ഈ പ്രവണതക്കെതിരെ പ്രബുദ്ധസമൂഹം ബോധവാന്‍മാരാവുകയും പ്രതികരിക്കുകയും ചെയ്യേണ്ടതുണ്ടന്ന് അദ്ദേഹം ചൂണ്ടിക്കാട്ടി.

എസ്ഇയു സംസ്ഥാന പ്രസിഡന്റ് സിബി മുഹമ്മദ് അധ്യക്ഷത വഹിച്ചു. ഇന്‍കം ടാക്‌സ് പരിധി ഉയര്‍ത്തുക, ഇന്‍കം ടാക്‌സ് സ്ലാബ് പരിഷ്‌കരിക്കുക, സ്റ്റാറ്റിയൂട്ടറി പെന്‍ഷന്‍ ഉറപ്പ് വരുത്താന്‍ നിയമനിര്‍മാണം നടത്തുക, പുറംകരാര്‍ തൊഴില്‍നയം അവസാനിപ്പിക്കുക, സര്‍വീസ് മേഖലയിലെ കരിനിയമങ്ങള്‍ പിന്‍വലിക്കുക, ഇന്ധനവില നിയന്ത്രണാധികാരം കേന്ദ്ര സര്‍ക്കാര്‍ തിരിച്ചെടുക്കുക, വിലക്കയറ്റം തടയുക എന്നീ ആവശ്യങ്ങള്‍ ഉന്നയിച്ചാണ് എസ്ഇയു പാര്‍ലിമന്റ് മാര്‍ച്ച് നടത്തിയത്. കെ.എം.സി.സി ഡല്‍ഹി പ്രസിഡന്റ് അഡ്വ. ഹാരിസ് ബീരാന്‍ മുഖ്യാതിഥിയായിരുന്നു. എസ്ഇയു ജനറല്‍ സെക്രട്ടറി ആമിര്‍ കോഡൂര്‍, കെഎംസിസി സെക്രട്ടറി മുഹമ്മദ് ഹലിം, യൂത്ത് ലീഗ് ദേശീയ വൈസ് പ്രസിഡന്റ് ഷിബു മീരാന്‍, സികെ ഷാക്കിര്‍, സെറ്റ്‌കോ ജനറല്‍ കണ്‍വീനര്‍ എംഎ മുഹമ്മദലി, എസ്ഇയു ഭാരവാഹികളായ നാസര്‍ നങ്ങാരത്ത്, പി.ഐ നൗഷാദ്, റാഫി പോത്തന്‍കോട്, അബ്ദുള്ള അരയങ്കോട്, ബീരു പി മുഹമ്മദ്, എം അബ്ദുല്‍ സത്താര്‍, കെ അബ്ദുല്‍ ബഷീര്‍, സലാം കരുവാറ്റ, അഷ്‌റഫ് മാണിക്യം, ഹമീദ് കുന്നുമ്മല്‍, സി.പി ഹംസ, ഗഫൂര്‍ പന്തീര്‍പാടം തുടങ്ങിയവര്‍ പ്രസംഗിച്ചു.