സജീവ രാഷ്ട്രീയത്തിലേക്കുള്ള പ്രിയങ്ക ഗാന്ധിയുടെ രംഗപ്രവേശം ഉത്തര്‍ പ്രദേശിലെ രാഷ്ട്രീയ സമവാക്യങ്ങളില്‍ മാറ്റമുണ്ടാക്കുന്നതായി സൂചന. ഈ വര്‍ഷത്തെ പൊതുതെരഞ്ഞെടുപ്പില്‍ ബി.എസ്.പിയുമായി സഖ്യത്തില്‍ മത്സരിക്കാന്‍ തീരുമാനിച്ചിരുന്ന സമാജ്‌വാദി പാര്‍ട്ടി, കോണ്‍ഗ്രസുമായുള്ള സഖ്യസാധ്യതയും പരിശോധിച്ചു തുടങ്ങിയതായി വിശ്വസനീയ കേന്ദ്രങ്ങള്‍ പറയുന്നു. പ്രിയങ്കയുടെ രാഷ്ട്രീയ പ്രവേശം ഉത്തര്‍പ്രദേശ് വോട്ടര്‍മാരില്‍ കോണ്‍ഗ്രസിന് അനുകൂലമായ തരംഗമുണ്ടാക്കിയെന്ന രാഷ്ട്രീയ നിരീക്ഷണങ്ങള്‍ക്കു പിന്നാലെയാണ് എസ്.പി നിലപാട് മയപ്പെടുത്തുന്നത്.

Azam Khan's statement comes a day after Priyanka Gandhi was appointed Congress General Secretary for Uttar Pradesh East.

(@qazifarazahmad)https://t.co/5Za6qtQdz2

— News18.com (@news18dotcom) January 24, 2019

പ്രിയങ്കയുടെ രാഷ്ട്രീയ പ്രവേശവുമായി ബന്ധപ്പെട്ട് മുതിര്‍ന്ന എസ്.പി നേതാവ് അസം ഖാന്‍ നടത്തിയ പ്രസ്താവന ഇങ്ങനെയാണ്: ‘പ്രിയങ്ക ഗാന്ധി സജീവ രാഷ്ട്രീയത്തിലേക്ക് ഇപ്പോഴാണ് കടന്നുവന്നത് എന്നു പറയുന്നത് ശരിയല്ല. മൂന്ന് സംസ്ഥാനങ്ങളിലെ വിജയങ്ങള്‍ക്കു പിന്നാലെ അക്കാര്യം പറയപ്പെട്ടിരുന്നു. എനിക്ക് കോണ്‍ഗ്രസിനു മുന്നില്‍ ഒരു നിര്‍ദേശം വെക്കാനുണ്ട്: സംസ്ഥാനത്തെ വോട്ടുകള്‍ ഭിന്നിപ്പിക്കരുത്.’ പ്രിയങ്കയുടെ രാഷ്ട്രീയ പ്രവേശത്തെ വിമര്‍ശിക്കുന്നതിനു പകരം കോണ്‍ഗ്രസിനെ ബഹുമാനിച്ചു കൊണ്ടുള്ള അസംഖാന്റെ പ്രസ്താവന എസ്.പിയുടെ നയംമാറ്റമാണ് സൂചിപ്പിക്കുന്നത്.

#PriyankaEntersPolitics
I think Priyanka Gandhi joining Congress is the last and required move congress can play. BSP & SP must be shocked as BJP thought they may gain because of rivalry among both. It seem now many leader across the parties may join Congress in UP.

— S.D.Sharma (@sdsharmapune) January 25, 2019

പ്രിയങ്കയെ രംഗത്തിറക്കി കൂടുതല്‍ ആവേശത്തോടെ പ്രചരണം നടത്താനുള്ള കോണ്‍ഗ്രസിന്റെ പദ്ധതി ബി.എസ്.പി – എസ്.പി സഖ്യത്തെ അപകടപ്പെടുത്തുമെന്നാണ് എസ്.പി നേതൃത്വം കരുതുന്നത്. ജനുവരി 12-ലെ പത്രസമ്മേളനത്തില്‍ എസ്.പി തലവന്‍ അഖിലേഷ് യാദവ് കോണ്‍ഗ്രസിനെതിരെ ആരോപണമൊന്നും ഉന്നയിക്കാതിരുന്നത് പുതിയ സാഹചര്യം മുന്നില്‍ കണ്ടുകൊണ്ടാണെന്ന് ഒരു എസ്.പി നേതാവിനെ ഉദ്ധരിച്ച് ന്യൂസ് 18 റിപ്പോര്‍ട്ട് ചെയ്യുന്നു. നിലവില്‍ മായാവതി മാത്രമാണ് കോണ്‍ഗ്രസിനെ ആക്രമിച്ചു കൊണ്ടുള്ള പ്രസ്താവന നടത്തുന്നത്.

കഴിഞ്ഞ ദിവസം അമേഠിയില്‍ മാധ്യമ പ്രവര്‍ത്തകരുമായി സംസാരിച്ച രാഹുല്‍ ഗാന്ധിയും എസ്.പിയും ബി.എസ്.പിയുമായി സഖ്യത്തിലാകാന്‍ തടസ്സമില്ലെന്ന രീതിയിലാണ് സംസാരിച്ചത്. അഖിലേഷ് യാദവും മായാവതിയും തനിക്ക് പ്രിയപ്പെട്ടവരാണെന്നും ബി.ജെ.പിയെ തോല്‍പ്പിക്കുക എന്ന പൊതുലക്ഷ്യത്തില്‍ അവരുമായി ഐക്യപ്പെടുന്നതിന് വിരോധമില്ലെന്നും രാഹുല്‍ പറഞ്ഞു. അതേസമയം, അഖിലേഷും മായാവതിയും ഇങ്ങോട്ടു വന്നാല്‍ മാത്രമേ ചര്‍ച്ചകള്‍ക്കു സാധ്യതയുള്ളൂ എന്നാണ് രാഹുല്‍ നല്‍കിയ സന്ദേശം.

ബി.ജെ.പിക്കെതിരെ മഹാസഖ്യം രൂപീകരിക്കുകയാണെങ്കില്‍ അതിന് കോണ്‍ഗ്രസാവും നേതൃത്വം നല്‍കുക എന്ന തരത്തിലേക്ക് കാര്യങ്ങള്‍ മാറിമറിഞ്ഞു എന്നതാണ് പ്രിയങ്കയുടെ രാഷ്ട്രീയ പ്രവേശം കൊണ്ടുണ്ടായ പ്രധാന രാഷ്ട്രീയ സംഭവ വികാസം. വലിയ കൊട്ടിഘോഷമോ പ്രഖ്യാപനങ്ങളോ ഇല്ലാതെ ഒരു പത്രക്കുറിപ്പിലൂടെയാണ് കോണ്‍ഗ്രസ് പ്രിയങ്കയെ രംഗത്തിറക്കിയത്. എന്നാല്‍ മാധ്യമങ്ങളും പൊതുജനങ്ങളും അത് വലിയ ആഘോഷമാക്കി മാറ്റിയിട്ടുണ്ട്. അമേഠിയിലെയും റായ്ബറേലിയിലെയും ജനങ്ങളുമായി നല്ല ബന്ധമുള്ള പ്രിയങ്ക കിഴക്കന്‍ യു.പിയില്‍ പാര്‍ട്ടിയുടെ തെരഞ്ഞെടുപ്പ് പ്രചരണം നയിക്കുമ്പോള്‍ എസ്.പി – ബി.എസ്.പി സഖ്യത്തിന്റെ പുതിയ നീക്കം എന്തായിരിക്കും എന്നത് പ്രസക്തമാണ്.

മുലായം സിങിന്റെ പ്രവര്‍ത്തനം കൊണ്ട് മാത്രമാണ് എസ്.പി ഉയര്‍ന്ന് വന്നതെന്ന് പറഞ്ഞ ശിവപാല്‍ പാര്‍ട്ടി അധ്യക്ഷനായി മുലായം തന്നെ തുടരണമെന്ന് അഖിലേഷിനെ ബോധ്യപ്പെടുത്താന്‍ ശ്രമിച്ചെങ്കിലും പരാജയപ്പെടുകയായിരുന്നെന്ന് വെളിപ്പെടുത്തി. മുലായത്തെ നേതാവെന്ന് പുകഴ്ത്തിയവര്‍ ഇപ്പോള്‍ അദ്ദേഹത്തെ പരസ്യമായി അപമാനിച്ചിരിക്കുകയാണെന്നും അദ്ദേഹം കുറ്റപ്പെടുത്തി. കോണ്‍ഗ്രസ് എസ്.പി സഖ്യത്തെയും ശിവപാല്‍ പരിഹസിച്ചു. ‘ആറു മാസം മുമ്പ് വരെ നാല് സീറ്റില്‍ മാത്രമാണ് അവര്‍ക്ക് ജയിക്കാനായത്. സഖ്യം കൊണ്ട് കോണ്‍ഗ്രസിനാണ് നേട്ടം. നമ്മുടെ പ്രവര്‍ത്തകര്‍ക്ക് സീറ്റ് നഷ്ടപ്പെടുകയും ചെയ്തു’- ശിവപാല്‍ പറഞ്ഞു. കോണ്‍ഗ്രസ് സഖ്യം അനാവശ്യമാണെന്നും പ്രചാരണത്തിനിറങ്ങില്ലെന്നും മുലായംസിങും കഴിഞ്ഞ ദിവസം വ്യക്തമാക്കിയിരുന്നു. എന്നാല്‍ മുലായം പ്രചരണത്തിനിറങ്ങുമെന്നും 250 സീറ്റുകളില്‍ പാര്‍ട്ടി വിജയിക്കുമെന്നുമായിരുന്നു അഖിലേഷിന്റെ വാദം.

ജനങ്ങള്‍ക്ക് നല്ല ദിനങ്ങള്‍ വാഗ്ദാനം ചെയ്ത് അധികാരത്തിലെത്തിയ നരേന്ദ്രമോദിയുടെ അച്ഛേ ദിന്‍ എവിടെയെന്ന് അഖിലേഷ് പരിഹസിച്ചു. “ഒരു പാര്‍ട്ടി പറഞ്ഞു, ഞങ്ങള്‍ അധികാരത്തില്‍ എത്തിയാല്‍ രാജ്യത്ത് അച്ചേദിന്‍ വരുമെന്ന്, എന്നാല്‍ ഞാന്‍ നിങ്ങളോട് ചോദിക്കുകയാണ് എവിടെയാണ് ആ അച്ചേദിന്‍ വന്നതെന്ന്” അഖിലേഷ് റാലിയില്‍ പറഞ്ഞു.
മോദി ഭരണം രാജ്യത്തെ ജനങ്ങളെ ദുരിതത്തിലാക്കിയെന്ന് കുറ്റപ്പെടുത്തിയ ഉത്തര്‍പ്രദേശ് മുഖ്യമന്ത്രി നോട്ട് അസാധുവാക്കിയതിലൂടെ കര്‍ഷകര്‍ ദുരിതമനുഭവിക്കുകയാണെന്നും പറഞ്ഞു. ജനങ്ങളെ ക്യൂ നിര്‍ത്തി വലച്ച ബിജെപിയെ ക്യൂ നിന്ന് വോട്ട് ചെയ്ത് തോല്‍പിക്കാന്‍ ജനം കാത്തിരിക്കുകയാണെന്നും അദ്ദേഹം അഭിപ്രായപ്പെട്ടു. നോട്ട് നിരോധന നടപടിക്കെതിരെ ശക്തമായി പ്രതികരിച്ച അഖിലേഷ് ലോകത്ത് എവിടെയെങ്കിലും അര്‍ദ്ധരാത്രിയില്‍ നോട്ട് നിരോധിച്ചതായി നിങ്ങള്‍ കേട്ടിട്ടുണ്ടോയെന്നും ജനങ്ങളോടായി ചോദിച്ചു.

അതേസമയം, സംസ്ഥാന സര്‍ക്കാറിന്റെ നേട്ടങ്ങള്‍ എടുത്തു പറഞ്ഞ അഖിലേഷ്, മുലായം സിംഗ് യാദവിന്റെ സ്വപ്നങ്ങള്‍ യാഥാര്‍ത്ഥ്യമാക്കാന്‍ തന്റെ സര്‍ക്കാരിനു കഴിഞ്ഞുവെന്നും അവകാശപ്പെട്ടു. നോട്ട് അസാധു നടപടിയെ തുടര്‍ന്ന് രാജ്യത്ത് നിരവധി ആളുകള്‍ മരണപ്പെട്ടു. നമ്മുടെ സര്‍ക്കാര്‍ മാത്രമാണ് അവര്‍ക്ക് സഹായവുമായി എത്തിയത്. ഇരകള്‍ക്ക് രണ്ട് ലക്ഷം രൂപ സഹായം നല്‍കിയതായും റാലിയെ അഭിസംബോധന ചെയ്ത് മുഖ്യമന്ത്രി പറഞ്ഞു.

സുല്‍ത്താന്‍പൂരിലെ റാലിയില്‍ പ്രാദേശിക കോണ്‍ഗ്രസ് നേതാക്കളും പങ്കെടുത്തു. ഉത്തര്‍പ്രദേശ് തിരഞ്ഞെടുപ്പ് പ്രചാരണത്തില്‍ പ്രിയങ്കഗാന്ധി പങ്കെടുക്കുമെന്ന് കോണ്‍ഗ്രസ് വ്യക്തമാക്കി. സോണിയ ഗാന്ധി, രാഹുല്‍ ഗാന്ധി, മുന്‍ പ്രധാനമന്ത്രി മന്‍മോഹന്‍ സിങ് ഉള്‍പ്പെടെ നാല്‍പ്പത് പേരാണ് പ്രചാരണത്തിന് നേതൃത്വം വഹിക്കുന്നത്

അതിനിടെ, സമാജ്‌വാദി പാര്‍ട്ടിയിലെ പ്രശ്‌നങ്ങള്‍ അടഞ്ഞ അദ്ധ്യായമാണെന്നും കോണ്‍ഗ്രസ്സുമായി സഖ്യമുണ്ടാക്കിയത് ബിജെപിയെ തടഞ്ഞുനിര്‍ത്താനെന്നും അഖിലേഷ് മാധ്യമങ്ങളോട് പ്രതികരിച്ചു.

കോണ്‍ഗ്രസുമായി സീറ്റ് വിഭജന കാര്യത്തില്‍ അന്തിമ ധാരണയില്‍ എത്തിയിട്ടില്ലെന്ന് എസ്.പി വൃത്തങ്ങള്‍ വ്യക്തമാക്കി. ഈ സാഹചര്യത്തിലാണ് എസ്.പി സ്വന്തം നിലയില്‍ സ്ഥാനാര്‍ത്ഥികളെ പ്രഖ്യാപിച്ചത്. കോണ്‍ഗ്രസിന്റെ എട്ട് സിറ്റിങ് സീറ്റുകളും പ്രഖ്യാപിച്ചവയില്‍ ഉള്‍പ്പെടും. കോണ്‍ഗ്രസുമായി അന്തിമധാരണ ആയാല്‍ ഈ സ്ഥാനാര്‍ത്ഥികളുടെ കാര്യത്തില്‍ നീക്കുപോക്ക് ഉണ്ടായേക്കും.
403 അംഗ നിയമസഭയിലേക്കുള്ള തെരഞ്ഞെടുപ്പില്‍ 103 സീറ്റുകളാണ് കോണ്‍ഗ്രസ് ആവശ്യപ്പെട്ടിരിക്കുന്നത്. 80-85 സീറ്റുകളാണ് എസ്.പി വാഗ്ദാനം ചെയ്തിരിക്കുന്നത്. ഇതില്‍ 54 സീറ്റുകള്‍ നിലവില്‍ കോണ്‍ഗ്രസിന്റെ സിറ്റിങ് സീറ്റുകളോ രണ്ടാം സ്ഥാനത്തുള്ള സീറ്റുകളോ ആയിരിക്കുമെന്നാണ് എസ്.പി വാഗ്ദാനം. അതേസമയം പരമാവധി സീറ്റുകള്‍ നേടിയെടുക്കുക എന്ന തന്ത്രത്തിന്റെ ഭാഗമായുള്ള സമ്മര്‍ദ്ദമാണ് നിലവില്‍ കോണ്‍ഗ്രസ് തുടരുന്നത്.
ഫെബ്രുവരി 11, 15, 19 തീയതികളില്‍ വോട്ടെടുപ്പ് നടക്കുന്ന മണ്ഡലങ്ങളിലെ സ്ഥാനാര്‍ത്ഥികളെയാണ് പ്രഖ്യാപിച്ചിരിക്കുന്നത്. 2012ല്‍ വിജയിച്ച ജസ്വന്ത് നഗര്‍ മണ്ഡലമാണ് ശിവപാലിന് നല്‍കിയിരിക്കുന്നത്. അര്‍വിന്ദ് സിങ് ഗോപ്, നരേഷ് അഗര്‍വാളിന്റെ മകന്‍ നിതിന്‍ അഗര്‍വാള്‍, അസം ഖാന്റെ മകന്‍ അബ്ദുല്ല അസം എന്നിവര്‍ക്കും സീറ്റ് നല്‍കിയിട്ടുണ്ട്.
ഇതിനിടെ 403 സീറ്റുകളിലും മത്സരിക്കുമെന്ന പ്രഖ്യാപനവുമായി അജിത് സിങിന്റെ നേതൃത്വത്തിലുള്ള ആര്‍.എല്‍.ഡി രംഗത്തെത്തി. നേരത്തെ എസ്.പിയു കോണ്‍ഗ്രസും ആര്‍.എല്‍.ഡിയും ചേരുന്ന വിശാല സഖ്യം നിലവില്‍ വന്നേക്കുമെന്ന് റിപ്പോര്‍ട്ടുണ്ടായിരുന്നു. സീറ്റു വിഭജനവുമായി ബന്ധപ്പെട്ട തര്‍ക്കം തന്നെയാണ് ആര്‍.എല്‍.ഡിയുമായുള്ള സഖ്യനീക്കത്തിന് തിരിച്ചടിയായത്. വിശാല സഖ്യത്തിനുള്ള സാധ്യത ഇപ്പോഴും മങ്ങിയിട്ടില്ലെന്നാണ് റിപ്പോര്‍ട്ടുകള്‍ സൂചിപ്പിക്കുന്നത്. കോണ്‍ഗ്രസുമായി ആര്‍.എല്‍.ഡി നേതൃത്വം ഇപ്പോഴും ചര്‍ച്ച തുടരുന്നുണ്ട്. 36 സീറ്റാണ് ആര്‍.എല്‍.ഡി ആവശ്യപ്പെട്ടിരിക്കുന്നത്.
സീറ്റ് മുന്നില്‍ കണ്ടുള്ള ചാഞ്ചാട്ടവും സജീവമാണ്. എസ്.പിയുടെ രണ്ട് സിറ്റിങ് എം.എല്‍.എമാര്‍ ഇന്നലെ ആര്‍.എല്‍.ഡിയില്‍ ചേര്‍ന്നു. ഭഗവാന്‍ ശര്‍മ്മ എന്ന ഗുഡ്ഡു പണ്ഡിറ്റ്, സഹോദരന്‍ മുകേഷ് ശര്‍മ്മ എന്നിവരാണ് ആര്‍.എല്‍.ഡിയില്‍ ചേര്‍ന്നത്. അതേസമയം ആര്‍.എല്‍.ഡിയുടെ രണ്ട് എം.എല്‍.എമാര്‍ ബി.ജെ.പിയിലേക്കും ചേക്കേറിയിട്ടുണ്ട്. ദല്‍വീര്‍ സിങ്, പുരന്‍ പ്രകാശ് എന്നിവരാണ് കളംമാറിയത്.

ആര്‍.എല്‍.ഡിയുമായി നിലവില്‍ ചര്‍ച്ചകള്‍ ഒന്നും നടക്കുന്നില്ലെന്ന് നന്ദ വ്യക്തമാക്കി. ഒന്നും രണ്ടും ഘട്ട തെരഞ്ഞെടുപ്പിനുള്ള സ്ഥാനാര്‍ത്ഥി പട്ടികക്ക് എസ്.പി അന്തിമ രൂപം നല്‍കിയിട്ടുണ്ട്. കോണ്‍ഗ്രസ് സ്ഥാനാര്‍ത്ഥികളെയാണ് ഇനി നിശ്ചയിക്കാനുള്ളത്. ഇതിനുള്ള നടപടി ആ പാര്‍ട്ടിയില്‍ പുരോഗമിക്കുകയാണ്. ഇതുസംബന്ധിച്ച വിശദാംശങ്ങള്‍ പാര്‍ട്ടി ദേശീയ പ്രസിഡണ്ട് അഖിലേഷ് യാദവ് പ്രഖ്യാപിക്കും. അഖിലേഷിന്റെ നേതൃത്വത്തില്‍ നടന്ന ആറു മണിക്കൂര്‍ നീണ്ട എസ്.പി നേതാക്കളുടെ യോഗത്തിലാണ് സീറ്റു വിഭജനവും സ്ഥാനാര്‍ത്ഥി നിര്‍ണയവും സംബന്ധിച്ച കാര്യങ്ങളില്‍ അന്തിമ ധാരണയില്‍ എത്തിയതെന്നും കിരണ്‍മോയ് നന്ദ പറഞ്ഞു.
സീറ്റു വിഭജനത്തെച്ചൊല്ലിയുള്ള തര്‍ക്കമാണ് ആര്‍.എല്‍.ഡി സഖ്യനീക്കം ഉപേക്ഷിക്കാന്‍ കാരണമെന്ന് റിപ്പോര്‍ട്ടുകള്‍ വ്യക്തമാക്കി. എസ്.പി വാഗ്ദാനം ചെയ്തതിനേക്കാള്‍ കൂടുതല്‍ സീറ്റുകള്‍ ആര്‍.എല്‍.ഡി ആവശ്യപ്പെട്ടതാണ് സഖ്യ നീക്കം പരാജയപ്പെടാന്‍ കാരണം.
കോണ്‍ഗ്രസുമായി സഖ്യം നിലവില്‍ വന്നതോടെ രാഷ്ട്രീയ സാഹചര്യം അനുകൂലമായി മാറിയെന്ന് കിരണ്‍മോയ് നന്ദ പറഞ്ഞു. അഖിലേഷ് യാദവിന്റെ നേതൃത്വത്തിലുള്ള സര്‍ക്കാര്‍ തന്നെ യു.പിയില്‍ അധികാരത്തില്‍ വരും. തെരഞ്ഞെടുപ്പ് പ്രകടന പത്രിക ഉടന്‍ പുറത്തിറക്കുമെന്നും അദ്ദേഹം പറഞ്ഞു. ഫെബ്രുവരി- മാര്‍ച്ച് മാസങ്ങളിലായി ഏഴു ഘട്ടങ്ങളിലായാണ് യു.പിയില്‍ നിയമസഭാ തെരഞ്ഞെടുപ്പ് നടക്കുന്നത്. മാര്‍ച്ച് 11നാണ് വോട്ടെണ്ണല്‍.

എം.എല്‍.സിമാരായ സഞ്ജയ് ലത്താര്‍, സുനില്‍ സിങ് യാദവ്, ആനന്ദ് ബഹദുരിയ, അര്‍വിന്ദ് പ്രതാപ് സിങ്, ഉദയ്‌വീര്‍ സിങ്, എസ്.പി യൂത്ത് ബ്രിഗേഡ് ദേശീയ പ്രസിഡണ്ട് ഗൗരവ് ദുബെ, യൂത്ത് ബ്രിഗേഡ് സംസ്ഥാന പ്രസിഡണ്ട് മുഹമ്മദ് ഇബാദ്, യുവജനസഭാ സംസ്ഥാന പ്രസിഡണ്ട് ബ്രജേഷ് യാദവ്, സമാജ്് വാദി ഛത്രസഭാ സംസ്ഥാന പ്രസിഡണ്ട് ദിഗ്‌വിജയ് സിങ് ഡിയോ എന്നിവരെയാണ് തിരിച്ചെടുത്തതെന്ന് പുതുതായി നിയമതിനായ എസ്.പി സംസ്ഥാന പ്രസിഡണ്ട് നരേഷ് ഉത്തം പട്ടേല്‍ പറഞ്ഞു.

യഥാര്‍ത്ഥ സമാജ്്‌വാദി പാര്‍ട്ടി അഖിലേഷ് യാദവ് നേതൃത്വം നല്‍കുന്നതാണെന്ന് തെരഞ്ഞെടുപ്പ് കമ്മീഷന്‍ വ്യക്തമാക്കിയതിനു പിന്നാലെയാണ് പ്രതികരണം. ”സൈക്കിള്‍ ചിഹ്നം ലഭിക്കുമെന്ന കാര്യത്തില്‍ ആത്മവിശ്വാസമുണ്ടായിരുന്നു. കുറച്ച് സമയം നഷ്ടമായി. സ്ഥാനാര്‍ത്ഥികളുടെ പട്ടിക തയ്യാറാക്കേണ്ടതുണ്ട്. എല്ലാവരേയും കൂടെ നിര്‍ത്തുക എന്നതാണ് വലിയ ഉത്തരവാദിത്ത”മെന്നും അഖിലേഷ് പറഞ്ഞു.

साइकिल चलती जायेगी…आगे बढ़ती जायेगी… pic.twitter.com/DjFzr2DtrK

— Akhilesh Yadav (@yadavakhilesh) January 16, 2017

തെരഞ്ഞെടുപ്പ് കമ്മീഷന്‍ വിധി വന്ന തിങ്കളാഴ്ച രാത്രി വൈകി അഖിലേഷ് യാദവ് മുലായംസിങിനെ സന്ദര്‍ശിച്ചിരുന്നു. വിശദാംശങ്ങള്‍ വെളിപ്പെടുത്തിയില്ലെങ്കിലും കൂടിക്കാഴ്ചക്കു തൊട്ടു പിന്നാലെ മൂന്ന് പഴയ ചിത്രങ്ങള്‍ അദ്ദേഹം ട്വിറ്ററില്‍ പോസ്റ്റു ചെയ്തു. ഒന്ന് പിതാവ് മുലായംസിങ് യാദവിനൊപ്പം നില്‍ക്കുന്നതും മറ്റു രണ്ടെണ്ണം ജനുവരി ഒന്നിന് രാംഗോപാല്‍ യാദവ് വിളിച്ചുചേര്‍ത്ത എസ്.പി ദേശീയ കൗണ്‍സില്‍ സമ്മേളനത്തിന്റേതുമായിരുന്നു.

തനിക്ക മുഖ്യമന്ത്രിയാകേണ്ടതില്ല. വര്‍ഷങ്ങളായി സമാജ്‌വാദി പാര്‍ട്ടിക്ക് വിയര്‍പ്പും അധ്വാനവും നല്‍കിയ ആളാണ് താന്‍. പാര്‍ട്ടി ചെയ്യാന്‍ പറഞ്ഞതാണ് എന്നും ചെയ്തത്. മുഖ്യമന്ത്രിയായി അഖിലേഷ് മികച്ച രീതിയിലാണ് പ്രവര്‍ത്തിക്കുന്നത്. എന്നാല്‍, നാലു വര്‍ഷം മന്ത്രിയായിരുന്നപ്പോള്‍ താനും കഠിനമായാണ് പരിശ്രമിച്ചത്. പൊതുമരാമത്ത്, സഹകരണം അടക്കമുള്ള വകുപ്പില്‍ താന്‍ നടത്തിയ ഭരണപരമായ കാര്യങ്ങള്‍ എന്തൊക്കെയാണെന്ന് അഖിലേഷിന് പരിശോധിക്കാമെന്നും ശിവപാല്‍ കൂട്ടിച്ചേര്‍ത്തു. ചിലര്‍ പാര്‍ട്ടിയിലേക്ക് അതിക്രമിച്ചു കയറി ഭിന്നതയുടെ അന്തരീക്ഷം സൃഷ്ടിക്കുകയാണ്.

അഖിലേഷിന് എന്നെ എന്തും പറയാം. ഞാന്‍ മറുത്തൊന്നും പറയില്ല. ഈ പാര്‍ട്ടി നല്‍കാന്‍ പറഞ്ഞാല്‍ രക്തം പോലും കൊടുക്കാന്‍ സന്നദ്ധമാണ്. എല്ലാ കാലത്തും നേതാജിക്ക് (മുലായം സിങ് യാദവ്) കൂറുള്ളയാളായിരിക്കും താന്‍- ശിവ്പാല്‍ വ്യക്തമാക്കി. ചടങ്ങില്‍ ശിവ്പാലിന്റെ പേരെടുത്തു പറയാതെയായിരുന്നു അഖിലേഷിന്റെ വിമര്‍ശം. ചിലര്‍ക്ക് ഒന്നും മനസ്സിലാകുന്നില്ലെന്നും പാര്‍ട്ടി നശിക്കുമ്പോള്‍ എല്ലാവര്‍ക്കും എല്ലാം മനസ്സിലാകുമെന്നും അഖിലേഷ് പറഞ്ഞു. തന്നെ മരണ ശേഷം മനസ്സിലാകുമെന്ന് രാം മനോഹര്‍ ലോഹ്യ പറഞ്ഞിട്ടുണ്ട്. പാര്‍ട്ടി നശിച്ച ശേഷമാണ് തന്നെ ചിര്‍ക്ക് മനസ്സിലാകുക. നിങ്ങളെനിക്ക് വാളെടുത്തു നല്‍കി. എന്നാല്‍ അത് ഉപയോഗിക്കാന്‍ അധികാരം തന്നില്ല’- അദ്ദേഹം കൂട്ടിച്ചേര്‍ത്തു.

പാര്‍ട്ടിക്കുള്ളില്‍ പ്രശ്‌നങ്ങളൊന്നുമില്ലെന്ന് സ്ഥാപിക്കാനുള്ള ശ്രമങ്ങള്‍ കൊണ്ടുപിടിച്ചു നടക്കുന്നതിനിടെയാണ് ചടങ്ങില്‍ സംസാരിച്ച നേതാക്കള്‍ പരസ്പരം ആരോപണങ്ങളുന്നയിച്ചത്.
മുന്‍ പ്രധാനമന്ത്രി എച്ച്. ഡി. ദേവഗൗഡ, ആര്‍ജെഡി അധ്യക്ഷന്‍ ലാലു പ്രസാദ് യാദവ്, ആര്‍എല്‍ഡി അധ്യക്ഷന്‍ അജിത് സിങ്, ജെഡിയു നേതാവ് ശരത് യാദവ്, ഇന്ത്യന്‍ നാഷണല്‍ ലോക്ദള്‍ നേതാവ് അഭയ് ചൗട്ടാല, കെ.സി.ത്യാഗി, പ്രശസ്ത അഭിഭാഷകന്‍ റാം ജെഠ്മലാനി തുടങ്ങിയവര്‍ ചടങ്ങില്‍ സംബന്ധിച്ചു. അതേസമയം, ബിഹാര്‍ മുഖ്യമന്ത്രി നിതീഷ് കുമാര്‍ ചടങ്ങിനെത്തിയില്ല.