sanchez – Chandrika Daily https://www.chandrikadaily.com Wed, 07 Feb 2018 13:05:11 +0000 en-US hourly 1 https://wordpress.org/?v=5.8.12 https://www.chandrikadaily.com/wp-content/uploads/2020/08/chandrika-fav.jpeg sanchez – Chandrika Daily https://www.chandrikadaily.com 32 32 ഇംഗ്ലണ്ടില്‍ കളിക്കുന്ന സാഞ്ചസിന് സ്‌പെയിനില്‍ തടവു ശിക്ഷ https://www.chandrikadaily.com/sanchez-sentenced-16-months-jail-in-spain.html https://www.chandrikadaily.com/sanchez-sentenced-16-months-jail-in-spain.html#respond Wed, 07 Feb 2018 13:05:11 +0000 http://www.chandrikadaily.com/?p=68691 മാഡ്രിഡ്: മാഞ്ചസ്റ്റര്‍ യുനൈറ്റഡ് മിഡ്ഫീല്‍ഡര്‍ അലക്‌സി സാഞ്ചസിനെതിരെ സ്‌പെയിനില്‍ 16 മാസം ശിക്ഷ ലഭിക്കാവുന്ന കുറ്റം ചുമത്തി. ബാര്‍സലോണയില്‍ കളിക്കുന്ന കാലത്ത് നികുതിയടക്കുന്നതില്‍ നിന്ന് രക്ഷപ്പെടുന്നതിനായി താരം കൃത്രിമ മാര്‍ഗങ്ങള്‍ അവലംബിച്ചതിനാണിത്. എന്നാല്‍, കുറ്റം ആദ്യത്തേതാണെന്നതിനാലും 24 മാസത്തില്‍ കുറഞ്ഞ തടവാണ് എന്നതിനാലും ചിലിയന്‍ താരം ജയിലില്‍ പോകേണ്ടി വരില്ല.

2012-2013 കാലയളവില്‍ ഇമേജ് റൈറ്റ്‌സിലൂടെയുള്ള വരുമാനം സാഞ്ചസ് മറച്ചുവെച്ചുവെന്നും സ്പാനിഷ് ഖജനാവിന് ഇത് നഷ്ടമുണ്ടാക്കിയെന്നും അന്വേഷണത്തില്‍ കണ്ടെത്തി. കുറ്റം സമ്മതിച്ച സാഞ്ചസ് പിഴയൊടുക്കാമെന്ന് സമ്മതിച്ചിട്ടുണ്ട്.

സമീപ കാലത്ത് നികുതി വെട്ടിപ്പിന്റെ പേരില്‍ ക്രിസ്റ്റ്യാനോ റൊണാള്‍ഡോ, ലയണല്‍ മെസ്സി എന്നീ സൂപ്പര്‍ താരങ്ങള്‍ക്കെതിരെയും കുറ്റം ചുമത്തിയിരുന്നു. മെസ്സിക്കു വിധിക്കപ്പെട്ട 21 മാസ ജയില്‍ വാസം പണമടച്ചതിനാല്‍ ഒഴിവായി. നിയമ നടപടിയെ തുടര്‍ന്ന് റയല്‍ മാഡ്രിഡ് വിട്ട് സ്‌പെയിനിനു പുറത്തേക്ക് ചേക്കേറാന്‍ ക്രിസ്റ്റ്യാനോ താല്‍പര്യം പ്രകടിപ്പിരുന്നു.

]]> https://www.chandrikadaily.com/sanchez-sentenced-16-months-jail-in-spain.html/feed 0 മാഞ്ചസ്റ്റര്‍ യുണൈറ്റഡില്‍ സാഞ്ചസ് സിംഫണി https://www.chandrikadaily.com/ladies-and-gentlemen-please-take-your-seats-introducing-alexis7.html https://www.chandrikadaily.com/ladies-and-gentlemen-please-take-your-seats-introducing-alexis7.html#respond Tue, 23 Jan 2018 07:57:01 +0000 http://www.chandrikadaily.com/?p=66365 ഓള്‍ഡ് ട്രാഫോഡ്: അലക്‌സി സാഞ്ചസ് എന്ന ചിലിക്കാരന്‍ ഇനി മുതല്‍ മാഞ്ചസ്റ്റര്‍ യുനൈറ്റഡിന്റെ ചുവപ്പന്‍ കുപ്പായത്തില്‍. ആഴ്‌സണില്‍ നിന്നും എത്തിയ സാഞ്ചസ് മാഞ്ചസ്റ്റര്‍ യുണൈറ്റഡുമായുള്ള കരാറില്‍ ഒപ്പുവെച്ചു. കഴിഞ്ഞ ദിവസം സാഞ്ചസ് മെഡിക്കലിന് ഹാജരായിരുന്നു. ഇന്നലെ അദ്ദേഹം മാഞ്ചസ്റ്റര്‍ യുനൈറ്റഡിന്റെ മുന്‍കാല കോച്ച് സര്‍ അലക്‌സ് ഫെര്‍ഗൂസണെ കണ്ടു. ക്ലബ് ഓഫീസും സന്ദര്‍ശിച്ചു. വര്‍ക്ക് പെര്‍മിറ്റും നേടി.


2014ല്‍ ബാഴ്‌സലോണ വിട്ട് ആഴ്‌സണലില്‍ എത്തിയ സാഞ്ചസ് പക്ഷെ തന്റെ കരാര്‍ പിന്നീട് പുതുക്കാന്‍ തയ്യാറായിരുന്നില്ല. 2014 ഇല്‍ അടുത്ത ജൂണില്‍ കരാര്‍ തീരുന്ന താരത്തെ വെറുതെ നഷ്ടമാവും എന്നറിയാവുന്ന ആഴ്‌സണല്‍ ജനുവരിയില്‍ തന്നെ താരത്തെ വില്‍ക്കാന്‍ തയ്യാറാവുകയായിരുന്നു. താരത്തെ മാഞ്ചസ്റ്റര്‍ സിറ്റി സ്വന്തമാക്കും എന്നുറപ്പിച്ചിരിക്കെ അസാധാരണ നീക്കത്തിലൂടെയാണ് യുണൈറ്റഡ് സ്വന്തമാക്കിയത്.

കഴിഞ്ഞ ട്രാന്‍സ്ഫര്‍ വിന്‍ഡോയില്‍ സാഞ്ചസിനായി 60 മില്യണ്‍ മുടക്കാന്‍ തയ്യാറായ സിറ്റി പക്ഷെ ഇത്തവണ അത് 20 മില്യണ്‍ ആയി ചുരുക്കിയതോടെയാണ് അവസരം മുതലാക്കാന്‍ യുണൈറ്റഡ് രംഗത്ത് എത്തിയത്.  സഞ്ചസിന് പകരക്കാരനായി യൂണൈറ്റഡ് താരം മികിതാര്യന്‍ ആഴ്‌സണലില്‍ ചേരും.

]]> https://www.chandrikadaily.com/ladies-and-gentlemen-please-take-your-seats-introducing-alexis7.html/feed 0 കാണാം അലക്‌സിസ് സാഞ്ചസിന്റെ അത്ഭുത ഗോള്‍ | VIDEO https://www.chandrikadaily.com/sanchez-wonder-goal.html https://www.chandrikadaily.com/sanchez-wonder-goal.html#respond Thu, 20 Oct 2016 02:47:28 +0000 http://www.chandrikadaily.com/?p=3696 ചാമ്പ്യന്‍സ് ലീഗ് മത്സരത്തില്‍ ബള്‍ഗേറിയന്‍ ക്ലബ്ബ് ലുഡോഗോററ്റ്‌സിനെതിരെ ആര്‍സനലിന്റെ അലക്‌സി സാഞ്ചസ് നേടിയ ഗോള്‍ ഫുട്‌ബോള്‍ ലോകത്ത് ചര്‍ച്ചയാവുന്നു. 12-ാം മിനുട്ടില്‍ അലക്‌സ് ഓക്‌സ്ലേഡ് ചേംബര്‍ലൈന്റെ പാസ് സ്വീകരിച്ച് കുതിച്ചുകയറി ബോക്‌സില്‍ വെച്ച് പ്രതിരോധനിരക്കാരനെ വെട്ടിയൊഴിഞ്ഞ് ഗോള്‍കീപ്പറുള്ള പോസ്റ്റിലേക്ക് കൃത്യമായ കണക്കുകൂട്ടലോടെ പന്ത് ചിപ്പ് ചെയ്താണ് സാഞ്ചസ് ലക്ഷ്യം കണ്ടത്. പോസ്റ്റിലേക്ക് ഉയര്‍ത്തിവിട്ട പന്ത് ഗോള്‍ലൈന്‍ കടക്കും മുമ്പു തന്നെ സാഞ്ചസ് ഗോളാഘോഷം തുടങ്ങിക്കഴിഞ്ഞിരുന്നു.

ചിപ്പിങ് ഗോളുകള്‍ നിരവധി കണ്ടിട്ടുണ്ടെങ്കിലും ഇത്ര കൃത്യതയോടെയുള്ളവ അധികമില്ലെന്നാണ് ഫുട്‌ബോള്‍ പണ്ഡിറ്റുകളും ആരാധകരും വിലയിരുത്തുന്നത്. മത്സരത്തില്‍ മസൂദ് ഓസില്‍ ഹാട്രിക്ക് നേടിയെങ്കിലും സാഞ്ചസിന്റെ ഗോളാണ് എങ്ങും ചര്‍ച്ചാവിഷയം.

ഗോള്‍ കാണാം:

 

ബള്‍ഗേറിയന്‍ ടീമിന്റെ പ്രതിരോധത്തെയും ഗോള്‍കീപ്പറെയും ‘അപമാനിക്കുന്ന’ ഗോളിന് വന്‍ പ്രതികരണമാണ് സോഷ്യല്‍ മീഡിയയില്‍ വന്നത്.

]]> https://www.chandrikadaily.com/sanchez-wonder-goal.html/feed 0