ഒരു വര്‍ഷം 1.8 കോടിക്ക് മുകളിലാണ് ജിങ്കന്റെ ശമ്പളം എന്നാണ് പ്രാഥമിക വിവരം. ഈസ്റ്റ് ബംഗാളിന്റെയും എഫ്‌സി ഗോവയുടെയും വലിയ ഓഫറുകളെ മറികടന്നാണ് മാഹന്‍ ബഗാന്‍ ജിങ്കനെ സ്വന്തമാക്കുന്നത്.

ഐഎസ്എല്ലില്‍ കേരള ബ്ലാസ്റ്റേഴ്‌സിനല്ലാതെ വേറൊരു ക്ലബിനായും ഇതുവരെ കളിക്കാത്ത താരമാണ് ജിങ്കന്‍. കഴിഞ്ഞ സീസണ്‍ മുഴുവന്‍ പരിക്ക് കാരണം നഷ്ടപ്പെട്ട ജിങ്കന്‍ ഇപ്പോള്‍ പരിക്ക് മാറി പൂര്‍ണ ആരോഗ്യവാനായി തിരികെയെത്തി.

ആറ് സീസണുകള്‍ കേരള ബ്ലാസ്‌റ്റേഴ്‌സിനായി താരം കളിച്ചിട്ടുണ്ട്. കേരള ബ്ലാസ്‌റ്റേഴ്‌സുമായുള്ള കരാര്‍ അവസാനിപ്പിച്ചതിന് ശേഷം ജിംങ്കാന്‍ എടികെയുമായും മറ്റ് നിരവധി ഇന്ത്യന്‍ ക്ലബ്ബുകളുമായും ചര്‍ച്ച നടത്തിയിരുന്നു.

ഐഎസ്എല്‍ ആരംഭിച്ച 2014 മുതല്‍ ജിങ്കാന്‍ കേരള ബ്ലാസ്‌റ്റേഴ്‌സിന്റെ ഭാഗമായിരുന്നു, കഴിഞ്ഞ നാല് സീസണുകളിലും ക്ലബ്ബിന്റെ ക്യാപ്റ്റനായിരുന്നു. ബ്ലാസ്റ്റേഴ്‌സിനായി ജിങ്കാന്‍ 78 മത്സരങ്ങള്‍ കളിച്ചു. ബ്ലാസ്‌റ്റേഴ്‌സുമായുള്ള കരാറില്‍ അദ്ദേഹത്തിന് ഇനിയും രണ്ട് വര്‍ഷം ബാക്കിയുണ്ടെങ്കിലും വിദേശത്ത് കളിക്കാന്‍ ആഗ്രഹിക്കുന്നതിന്റെ ഭാഗമായിട്ടായിരുന്നു ക്ലബ് വിട്ടത്.

ഐഎസ്എല്‍ തുടക്ക സീസണ്‍ മുതല്‍ കേരള ബ്ലാസ്റ്റേഴ്‌സിന്റെ താരമായിരുന്നു ജിങ്കാന്‍. ഈ വര്‍ഷം മെയിലാണ് പ്രതിരോധതാരമായ ജിങ്കാന്‍ കേരള ബ്ലാസ്റ്റേഴ്‌സ് വിട്ടത്. ആറ് വര്‍ഷം ബ്ലാസ്റ്റേഴ്‌സിന് വേണ്ടി കളിച്ച ശേഷമാണ് ജിങ്കാന്‍ ക്ലബുമായി പിരിയാന്‍ തീരുമാനിച്ചത്. ഇതിനിടെ കേരളത്തില്‍ ഏറ്റവും കൂടുതല്‍ ആരാധകരുള്ള ഫുട്‌ബോള്‍ താരമായി ജിങ്കാന്‍ മാറിയിരുന്നു.

എന്നാല്‍ ജിങ്കാനോ മോഹന്‍ ബഗാനോ ഇക്കാര്യം ഇതുവരെ ഔദ്യോഗികമായി പുറത്തുവിട്ടിട്ടില്ല. എന്നാല്‍ അധികം വൈകാതെ പ്രഖ്യാനമുണ്ടാകുമെന്നാണ് അറിയുന്നത്. 2014ല്‍ ഐഎസ്എല്ലിലെ എമേര്‍ജിങ് പ്ലെയറായിരുന്നു ജിങ്കാന്‍. തുടര്‍ന്നുള്ള സീസണുകളിലും മികച്ച പ്രകടനം പുറത്തെടുത്തു താരം ഇന്ത്യന്‍ ടീമിലും

കൊച്ചി: പ്രതിരോധ നിരയിലെ കരുത്തനും കഴിഞ്ഞ രണ്ടു സീസണുകളില്‍ നായകനുമായ സന്ദേശ് ജിങ്കന്‍ പുതിയ സീസണിലും കേരള ബ്ലാസ്റ്റേഴ്‌സില്‍ തുടരും. ക്ലബ്ബ് അധികൃതര്‍ തന്നെയാണ് ഇക്കാര്യം വാര്‍ത്താകുറിപ്പിലൂടെ ഔദ്യോഗികമായി അറിയിച്ചത്. അതേസമയം കരാര്‍ കാലയളവിനെ കുറിച്ചോ പ്രതിഫല തുകയെ കുറിച്ചോ ക്ലബ്ബ് അധികൃതര്‍ വിവരങ്ങള്‍ പുറത്തു വിട്ടിട്ടില്ല.

കഴിഞ്ഞ സീസണിലെ മോശം പ്രകടനങ്ങള്‍ക്ക് ശേഷം 25കാരനായ ജിങ്കന്‍ ക്ലബ് വിടുമെന്ന് അഭ്യൂഹം ഉണ്ടായിരുന്നു. ഇതിനിടയിലാണ് ടീമിന്റെ നെടുംതൂണുകളിലൊരാളായ താരവുമായുള്ള കരാര്‍ ബ്ലാസ്റ്റേഴ്‌സ് പുതുക്കിയത്. ഐഎസ്എല്‍ സീസണ്‍ തുടക്കം മുതല്‍ ബ്ലാസ്റ്റേഴ്‌സിനൊപ്പമുള്ള ജിങ്കന്‍ രണ്ടു സീസണുകളില്‍ കേരളത്തെ ഫൈനലിലെത്തിക്കുന്നതില്‍ നിര്‍ണായക പങ്കു വഹിച്ചിരുന്നു.

കേരളത്തിനു വേണ്ടി ഇതു വരെ 76 മത്സരങ്ങളില്‍ ബൂട്ടുകെട്ടിയ ജിങ്കന്‍ ഐ.എസ്.എലില്‍ ഏറ്റവും കൂടുതല്‍ മത്സരങ്ങള്‍ കളിച്ച താരങ്ങളിലൊരാളാണ്. കഴിഞ്ഞ സീസണിലെ വന്‍ തോല്‍വി മറന്ന് പുതിയ സീസണിനായി മികച്ച ടീമിനെ ഒരുക്കാനാണ് ഇത്തവണ ടീം ലക്ഷ്യമിടുന്നത്. ഇതിന്റെ ഭാഗമായി ഇന്ത്യയുടെ ജൂനിയര്‍ ഗോള്‍കീപ്പര്‍ താരം ലവ് പ്രീത് സിങിനെ ബ്ലാസ്റ്റേഴ്‌സ് കഴിഞ്ഞ ദിവസം ടീമിലെത്തിച്ചിരുന്നു.