2021 ഐ.പി.എൽ സീസണിൽ രാജസ്ഥാൻ റോയൽസിന്റെ ക്യാപ്റ്റനായി മലയാളി താരം സഞ്ജു സാംസണെ കഴിഞ്ഞ ദിവസമാണ് ഉടമകൾ പ്രഖ്യാപിച്ചത്. കഴിഞ്ഞ സീസണിൽ ടീമിനെ നയിച്ച ഓസ്‌ട്രേലിയൻ താരം സ്റ്റീവ് സ്മിത്തിനെ മാറ്റിയാണ് സഞ്ജുവിന്് ക്യാപ്റ്റൻ സ്ഥാനം നൽകിയത്. സ്റ്റീവ് സ്മിത്തിനെ രാജസ്ഥാൻ ടീമിൽ നിന്ന് ഒഴിവാക്കുകയും ചെയ്തിരുന്നു. ഇതിനോട് വിയോജിച്ച് രംഗത്ത് വന്നിരിക്കുകയാണിപ്പോൾ ഗൗതം ഗംഭീർ.

‘ക്യാപ്റ്റനാകുമ്പോൾ നേരിടേണ്ടി വരുന്ന ഉത്തരവാദിത്വം സഞ്ജുവിന്റെ സ്വാഭാവിക മികവിനെ ബാധിച്ചേക്കാം. സഞ്ജുവിനെ ക്യാപ്റ്റനാക്കിയ തീരുമാനം രാജസ്ഥാൻ റോയൽസിന് തിരിച്ചടിയാകാൻ സാദ്ധ്യതയുണ്ട്. മുംബൈ ഇന്ത്യൻസ് രോഹിത് ശർമ്മയെ ക്യാപ്റ്റനാക്കിയത് പോലെ തന്നെ രാജസ്ഥാന്റെ ഈ നീക്കവും പ്രവർത്തിക്കുമോ എന്ന് കണ്ടറിയണം’ ഗംഭീർ പറഞ്ഞു.

അതേസമയം രാജസ്ഥാൻ റോയൽസിനെ നയിക്കാനുള്ള പുതിയ ഉത്തരവാദിത്വം ബഹുമതിയായാണ് കാണുന്നതെന്നാണ് സഞ്ജു പ്രതികരിച്ചത്.
ക്യാപ്റ്റനെന്ന നിലയിൽ ടീമിനൊപ്പമുള്ള പുതിയ വെല്ലുവിളികൾക്കായി ആകാംക്ഷയോടെ കാത്തിരിക്കുകയാണെന്നും സഞ്ജു പറഞ്ഞിരുന്നു.

ന്യൂഡല്‍ഹി: ബംഗ്ലാദേശ് ക്രിക്കറ്റ് ടീം ഇന്ത്യയില്‍. ഡല്‍ഹിയിലാണ് താരങ്ങള്‍ വിമാനമിറങ്ങിയത്. ആദ്യം മൂന്ന് ട്വന്റി20യും പിന്നീട് രണ്ട് ടെസ്റ്റ് മാച്ചുകളും ബംഗ്ലാദേശ് ഇന്ത്യയില്‍ കളിക്കും. ഇതില്‍ കൊല്‍ക്കത്തയില്‍ നടക്കുന്ന അവസാന ടെസ്റ്റ് പകലും രാത്രിയുമായിട്ടാണ് നടക്കുക. മഹ്മദുള്ളയാണ് ട്വന്റി20യില്‍ ബംഗ്ലാദേശ് ടീമിനെ നയിക്കുന്നത്. ദില്ലിയില്‍ ഞായറാഴ്ചയാണ് ആദ്യ മത്സരം.

സൂപ്പര്‍ താരം ഷാക്കിബ് അല്‍ ഹസനെ ഐ.സി.സി വിലക്കിയതിനാല്‍ ബംഗ്ലാദേശ് താരങ്ങള്‍ കടുത്ത സമ്മര്‍ദ്ദത്തിലാണെന്ന് വാര്‍ത്തകളുണ്ട്. പ്രമുഖ താരങ്ങളായ തമീം ഇക്ബാലും, മുഹമ്മദ് സൈഫുദ്ദീനും പര്യടനത്തില്‍ നിന്ന് പിന്മാറിയിരുന്നു.

അതേസമയം പരമ്പരക്കായി സഞ്ജു സാംസണ്‍ അടങ്ങുന്ന ഇന്ത്യന്‍ താരങ്ങള്‍ ഇന്ന് വൈകീട്ടോടെ ഡല്‍ഹിയിലെത്തും. നാളെയും മറ്റന്നാളും ഉച്ചയ്ക്ക് ശേഷം രണ്ട് മണി മുതല്‍ ഇന്ത്യന്‍ ടീം പരിശീലനം നടത്തുമെന്നാണ് അറിയിച്ചിരിക്കുന്നത്. എന്നാല്‍ ഡല്‍ഹിയില്‍ അന്തരീക്ഷ മലിനീകരണം ഗുരുതരമായതിനാല്‍, താരങ്ങള്‍ സ്‌റ്റേഡിയത്തിലെത്തി പരിശീലനം നടത്തുമോയെന്ന് വ്യക്തമല്ല.

ചിത്രത്തോടൊപ്പം എഴുതിയ കുറിപ്പിലാണ് ഇരുപത്തിമൂന്നുകാരനായ താരം പ്രണയം തുറന്നു പറയുന്നത്.

കേരള ടീമംഗമായ സഞ്ജു ഐ.പി.എല്ലില്‍ മികച്ച പ്രകടനം പുറത്തെടുത്ത താരമാണ്. ഇന്ത്യന്‍ പ്രീമിയര്‍ ലീഗില്‍ കഴിഞ്ഞ സീസണിലേക്കുള്ള താര ലേലത്തില്‍ മലയാളി തരം സഞ്ചു സാംസണ് പൊന്നും വിലയായിരുന്നു. മുന്‍ വര്‍ഷം ഡെല്‍ഹി ഡെയര്‍ ഡെവിള്‍സിന്റെ താരമായിരുന്ന സഞ്ജു വി സാംസണെ എട്ടുകോടി രൂപയ്ക്കാണ് രാജസ്ഥാന്‍ റോയല്‍സ് സ്വന്തമാക്കിയത്. സഞ്ജുവിനെ കഴിഞ്ഞവര്‍ഷം 4.20 കോടി രൂപയ്ക്കാണ് ഡെല്‍ഹി ഡെയര്‍ ഡെവിള്‍സ് സ്വന്തമാക്കിയിരുന്നത്. എന്നാല്‍ ഇത്തവണ ഇരട്ടി തുകയ്ക്കാണ് വിറ്റുപോയത്.

കൊല്‍ക്കത്ത നൈറ്റ് റൈഡേഴ്സിന് കളിച്ചു തുടങ്ങിയ സഞ്ജു പിന്നീട് രാജസ്ഥാന്‍ റോയല്‍സിനും ഡല്‍ഹി ഡെയര്‍ ഡെവിള്‍സിനും വേണ്ടി കളിച്ചു. 2013 ഐ.പി.എല്ലില്‍ മികച്ച യുവതാരത്തിനുള്ള പുരസ്‌കാരവും നേടി. 2015 ജൂലൈയില്‍ ഹരാരെയില്‍ സിംബാബ്വെയ്ക്കെതിരെ ടി ട്വന്റിയിലൂടെ സഞ്ജു ഇന്ത്യന്‍ ജഴ്സിയില്‍ അരങ്ങേറി.

ഇന്ത്യന്‍ പ്രീമിയര്‍ ലീഗ് പതിനൊന്നാം സീസണിലേക്കുള്ള താര ലേലത്തില്‍ മലയാളി തരം സഞ്ചു സാംസണ് പൊന്നും വില. കഴിഞ്ഞ വര്‍ഷം ഡെല്‍ഹി ഡെയര്‍ ഡെവിള്‍സിന്റെ താരമായിരുന്ന സഞ്ജു വി സാംസണെ എട്ടുകോടി രൂപയ്ക്കാണ് രാജസ്ഥാന്‍ റോയല്‍സ് സ്വന്തമാക്കിയത്.

361 ഇന്ത്യക്കാരടക്കം 580 താരങ്ങളാണ് ലേലത്തില്‍ ഉള്‍പ്പെട്ടിട്ടുള്ളത്. ഇതില്‍ 16 താരങ്ങള്‍ രണ്ടു കോടി അടിസ്ഥാന വിലയുള്ള മുന്‍നിര ലിസ്റ്റില്‍ ഉള്‍പ്പെട്ടിട്ടുണ്ട്. മാര്‍ക്വീ താരങ്ങളായ ഇവര്‍ക്കാണ് ലേലത്തില്‍ മുന്‍ഗണന.

സഞ്ജുവിനെ കഴിഞ്ഞവര്‍ഷം 4.20 കോടി രൂപയ്ക്കാണ് ഡെല്‍ഹി ഡെയര്‍ ഡെവിള്‍സ് സ്വന്തമാക്കിയിരുന്നത്. എന്നാല്‍ ഇത്തവണ ഇരട്ടി തുകയ്ക്കാണ് വിറ്റുപോയത്. ഒരു കോടി രൂപയായിരുന്നു സഞ്ജുവിന്റെ അടിസ്ഥാന വില. മറ്റൊരു മലയാളി താരമായ കരുണ്‍ നായരെ 5.6 കോടിക്ക് കിങ്‌സ് ഇലവന്‍ പഞ്ചാബാണ് സ്വന്തമാക്കിയത്. 50 ലക്ഷം രൂപയായിരുന്നു കരുണിന്റെ അടിസ്ഥാനവില. രാജസ്ഥാന്‍ റോയല്‍സുമായുള്ള കടുത്ത മത്സരത്തിനൊടുവിലാണ് കരുണിനെ പഞ്ചാബ് സ്വന്തമാക്കിയത്. റോബിന്‍ ഉത്തപ്പ 6.4 കോടിക്ക് കൊല്‍ക്കത്തയിലുമെത്തി.

ഐപിഎല്ലില്‍ പൊന്നും വില ലഭിച്ചത് ഇംഗ്ലണ്ട് താരം ബെന്‍ സ്‌റ്റോക്‌സിനാണ്. 12.5 കോടി രൂപ നല്‍കി രാജസ്ഥാന്‍ റോയല്‍സാണ് സ്‌റ്റോക്ക്‌സിനെ സ്വന്തമാക്കിയത്. ഇന്ത്യന്‍ താരം കെഎല്‍ രാഹുലാണ് റെക്കോര്‍ഡ് പ്രതിഫലം സ്വന്തമാക്കിയ മറ്റൊരു കളിക്കാരന്‍. 11 കോടി നല്‍കി കിംഗ്‌സ് ഇലവന്‍ പഞ്ചാബ് രാഹുലിനെ സ്വന്തമാക്കി.

വിശാഖപട്ടണം: സയ്യിദ് മുഷ്താഖ്അലി ക്രിക്കറ്റ് ടൂര്‍ണമെന്റില്‍ വിക്കറ്റ് കീപ്പര്‍ ബാറ്റ്‌സ്മാന്‍ സഞ്ജു സാംസണിന്റെ ബാറ്റിങ് മികവില്‍ കേരളത്തിന് തകര്‍പ്പന്‍ വിജയം. സഞ്ജു സാംസണിന്റെ (65) അപരാജിത അര്‍ധ സെഞ്ച്വറിക്കരുത്തില്‍ ഗോവയെ ഒമ്പത് വിക്കറ്റിനാണ് കേരളം തകര്‍ത്തുവിട്ടത്. നാലു വീതം ഫോറും സിക്‌സും അടിച്ചകൂട്ടിയ സഞ്ജു ഗോവ ഉയര്‍ത്തിയ 139 എന്ന വിജയ ലക്ഷ്യം നാലു ഓവറും ഒരു പന്തും ബാക്കി നില്‍ക്കെ അനായാസം ജയിച്ചു കയറുകയായിരുന്നു. കേരളത്തിനായി ഓപണര്‍ വിഷ്ണു വിനോദ് 19 പന്തില്‍ 34 റണ്‍സുമായി മികച്ച തുടക്കം നല്‍കിയപ്പോള്‍ അരുണ്‍ കാര്‍ത്തിക് (37) റണ്‍സുമായി സഞ്ജുവിന് പിന്തുണ നല്‍കി.

ടോസ് നഷ്ടമായി ആദ്യം ബാറ്റ് ചെയ്ത ഗോവയെ 20 ഓവറില്‍ എട്ട് വിക്കറ്റ് നഷ്ടത്തില്‍ 138 റണ്‍സിനു ഒതുക്കുകയായിരുന്നു കേരളം. അരങ്ങേറ്റക്കാരന്‍ കെ എം ആസിഫും അഭിഷേക് മോഹനനും മൂന്ന് വിക്കറ്റുകള്‍ വീതം വീഴ്ത്തിയപ്പോള്‍ ബേസില്‍ തമ്പിയും ഫാബിദ് അഹമ്മദും ഓരോ വീതം വിക്കറ്റ് നേടി. ഗോവക്കായി കീനാന്‍ വാസ് (36) ടോപ് സ്‌കോററായി. ധര്‍ശന്‍ മിശാല്‍ (24), സഗുന്‍ കമത് (24) എന്നിവരുടെ ഭേദപ്പെട്ട പ്രകടനമാണ് മാന്യമായ സ്‌കോറില്‍ ഗോവയെ എത്തിച്ചത്.

.

രണ്ട് വിക്കറ്റ് തുടക്കത്തിലേ നഷ്ടപ്പെട്ട് സമ്മര്‍ദ്ദത്തിലായ ബോര്‍ഡ് ഇലവനെ തകര്‍ച്ചയില്‍ നിന്ന് കരകയറ്റിയത് നായകന്റെ ഉത്തരവാദിത്തം ഉള്‍ക്കൊണ്ട് ബാറ്റ് വീശിയ സഞ്ജുവാണ്. 143 പന്ത് നേരിട്ട സഞ്ജു 128 റണ്‍സ് നേടി. 19 ഫോറും ഒരു സിക്‌സും സഞ്ജുവിന്റെ ഇന്നിംഗ്‌സിന് മിഴിവേകി. 63 പന്തിലാണ് സഞ്ചു അര്‍ദ്ധസെഞ്ച്വറി പൂര്‍ത്തിയാക്കിയത്.

ശ്രീലങ്കയുടെ ബൗളിംഗിന് മുന്നില്‍ ബോര്‍ഡ് ഇലവന്‍ ടീം പതറിയപ്പോഴാണ് നായകന്‍ ക്രീസിലെത്തിയത്. ഈ സമയത്ത് ജഗ്ജീവന്‍ സിംഗ് തീര്‍ത്തും പ്രതിരോധത്തിലേക്ക് ഒതുങ്ങിയാണ് ബാറ്റ് വീശിയത്. റണ്‍ കണ്ടെത്താനും, റണ്‍റേറ്റ് ഉയര്‍ത്താനും ശ്രമിച്ച സഞ്ജു ഒരു ഘട്ടത്തില്‍ 200 കടക്കില്ലെന്ന് തോന്നിച്ച ബോര്‍ഡ് ഇലവന്‍ സ്‌കോര്‍ 250 കടത്തി. ചായയ്ക്ക് ശേഷം കളി പുനരാരംഭിച്ചപ്പോള്‍ സിക്‌സര്‍ പറത്തിയാണ് സഞ്ജു തന്റെ സെഞ്ച്വറി പൂര്‍ത്തിയാക്കിയത്.

കേരളതാരം സന്ദീപ് വാരിയര്‍ രണ്ടു വിക്കറ്റു നേടി. ടോസ് നേടിയ ബോര്‍ഡ് ടീം ക്യാപ്റ്റന്‍ സഞ്ജു സാംസണ്‍ ശ്രീലങ്ക ബാറ്റിങ്ങിനയയ്ക്കുകയായിരുന്നു. സഞ്ജുവിനും സന്ദീപ് വാരിയര്‍ക്കും പുറമെ രോഹന്‍ പ്രേം, ജലജ് സക്‌സേന എന്നീ കേരള താരങ്ങളും ബോര്‍ഡ് പ്രസിഡന്റ് ഇലവനിലുണ്ട്.

ഐ.പി.എല്ലില്‍ 1000 റണ്‍സ് നേടുന്ന പ്രായം കുറഞ്ഞ താരവും മുന്‍ കേരള ക്യാപ്ടനുമായ സഞ്ജു, രഞ്ജി ട്രോഫിയില്‍ ഒരു ടീമിനെ നയിച്ച ഏറ്റവും പ്രായം കുറഞ്ഞ താരമാണ്. ക്യാപ്ടന്‍സി പ്രകടനത്തെ ബാധിച്ചതിനെ തുടര്‍ന്നാണ് 22-കാരന്‍ ക്യാപ്ടന്‍സി ഒഴിഞ്ഞത്.
സഞ്ജുവിനു പുറമെ രോഹന്‍ പ്രേം, സന്ദീപ് വാര്യര്‍ എന്നീ മലയാളി താരങ്ങള്‍ കൂടി ടീമിലുണ്ട്. കേരളത്തിനു വേണ്ടി കളിക്കുന്ന മധ്യപ്രദേശുകാരന്‍ ജലജ് സക്‌സേനയും ടീമിലെത്തി.

നിലവില്‍ പുരോഗമിക്കുന്ന രഞ്ജി ട്രോഫി അഞ്ചാം മത്സരത്തില്‍ പങ്കെടുക്കാത്ത ഹൈദരാബാദ്, കേരള, മധ്യപ്രദേശ്, പഞ്ചാബ് ടീമുകളിലെ കളിക്കാരെയാണ് ബോര്‍ഡ് പ്രസിഡണ്ട് ടീമിലേക്ക് പരിഗണിച്ചിരിക്കുന്നത്. ശനിയാഴ്ചയും ഞായറാഴ്ചയും കൊല്‍ക്കത്ത ജാദവ്പൂര്‍ യൂണിവേഴ്‌സിറ്റി ക്യാംപസിലാണ് ദ്വിദിന മത്സരം.

നായകന്‍ ഗംഭീറൂം ഉത്തപ്പയും ചേര്‍ന്ന് നടത്തിയ സെഞ്ച്വറി കൂട്ടുകെട്ടില് ഡല്‍ഹി ഉയര്‍ത്തിയ വിജയലക്ഷ്യം ദുര്‍ബലമായിപ്പോയി. ഫലം, കൊല്‍ക്കത്തയുടെ സ്വന്തം തട്ടകമായ ഈഡന്‍ ഗാര്‍ഡനില്‍ നൈറ്റ് റൈഡേഴ്‌സിന് 7 വിക്കറ്റ് വിജയം.

സഞ്ജു വി സാംസണ്‍ ബാറ്റിങ് മികവില്‍ കൊല്‍ക്കത്ത നൈറ്റ് റൈഡേഴ്സിനെതിരെ ഡല്‍ഹി ഡെയര്‍ഡെവിള്‍സ 160 റണ്‍സ് നേടിയിരുന്നു. 38 പന്തില്‍ നാല് ഫോറിന്റെയും മൂന്ന് സിക്സിന്റെയും അകമ്പടിയോടെ 60 റണ്‍സ് അടിച്ച സഞ്ജു ഡല്‍ഹിയെ 160ന്റെ പോരാടാനുള്ള സ്‌കോറില്‍ എത്തിച്ചത്.

റെയ്സിങ് പുണെ സൂപ്പര്‍ജയന്റിനെതിരയ സെഞ്ചുറിക്ക് ശേഷം പത്താം സീസണിലെ സഞ്ജുവിന്റെ ആദ്യ അര്‍ധസെഞ്ചുറിയാണിത്. മത്സരത്തില്‍ 34 പന്തില്‍ 47 റണ്‍സ് നേടിയ ശ്രേയസ് അയ്യര്‍ സഞ്ജുവിന് മികച്ച പിന്തുണയാണ് നല്‍കിയത്.

ടോസ് നേടിയ കൊല്‍ക്കത്തന്‍ നായകന്‍ ഗംഭീര്‍ ഡല്‍ഹിയെ ബാറ്റിങ്ങിനയക്കുകയായിരുന്നു.

സഞ്ജുവും അച്ഛന്‍ സാംസണും തെറ്റുപറ്റിയെന്ന് എഴുതി നല്‍കിയെന്ന് കെ.സി.എ പറഞ്ഞു. തെറ്റു ഏറ്റുപറഞ്ഞ സാഹചര്യത്തില്‍ താരത്തിനെതിരെ കടുത്ത നടപടി വേണ്ടെന്ന നിലപാടിലായിരുന്നു അന്വേഷണ കമ്മീഷന്‍. എന്നാല്‍ സഞ്ജു ടീമിലെ മുതിര്‍ന്ന താരമാണെങ്കിലും അച്ചടക്കം പ്രധാനമാണെന്ന സന്ദേശം പുതിയ തലമുറയ്ക്ക് നല്‍കാനും മുന്നറിയിപ്പെന്ന നിലയിലും അച്ചടക്ക നടപടി പൂര്‍ണമായും ഒഴിവാക്കരുതെന്ന അഭിപ്രായമായിരുന്നു കെസിഎ സെന്‍ട്രല്‍ കൗണ്‍സിലിന്റേത്.

രഞ്ജി ട്രോഫി മത്സരങ്ങള്‍ക്കിടെയാണ് സഞ്ജുവിന്റെ ഭാഗത്ത് നിന്ന് അച്ചടക്ക ലംഘനങ്ങള്‍ റിപ്പോര്‍ട്ട് ചെയ്തത്. ഔട്ടായതിന് പിന്നാലെ ഡ്രസിങ് റൂം വിട്ട് പോവുകയും ഭാരവാഹികളോട് മോശായി പെരുമാറിയെന്നുമാണ് പരാതി. മോശം ഫോമിന് പിന്നാലെ അദ്ദേഹത്തെ ചില മത്സരങ്ങളില്‍ നിന്ന് പുറത്തിരുത്തുകയും ചെയ്തിരുന്നു. ഇതാണ് സഞ്ജുവിന്റെ അച്ഛന്‍ സാംസണെ പ്രകോപിപ്പിച്ചത്. അദ്ദേഹം പരിശീലനകനോട് കയര്‍ത്തു സംസാരിച്ചെന്നാണ് ആരോപണം.