ആദ്യം ബാറ്റിംഗ് നടത്തിയ കേരളം ക്യാപ്റ്റന്‍ സഞ്ജു സാംസണിന്റെ ആക്രമണ ബാറ്റിംഗിന്റെ കരുത്തില്‍ 178 റണ്‍സ് നേടി. 28 പന്തില്‍ എട്ട് ഫോറുകളും ഒരു സിക്സും ഉള്‍പ്പെടുത്തി സഞ്ജു 46 റണ്‍സ് നേടി. വിഷ്ണു വിനോദ് പുറത്താകാതെ 43 റണ്‍സ് നേടിയപ്പോള്‍, മുഹമ്മദ് അസ്ഹറുദ്ദീന്‍ (32) ഷറഫുദ്ദീന്‍ (35) എന്നിവരും വിലപ്പെട്ട സംഭാവന നല്‍കി. 20 ഓവറില്‍ അഞ്ച് വിക്കറ്റ് നഷ്ടത്തോടെയാണ് കേരളം 178 റണ്‍സ് നേടിയത്.

മറുപടി ബാറ്റിങ്ങില്‍ ആദ്യം തന്നെ ആയുഷ് മാത്രെ (3) പുറത്തായെങ്കിലും, അജിങ്ക്യ രഹാനെ (32) സര്‍ഫറാസ് ഖാന്‍ (52) കൂട്ടുകെട്ട് മുംബൈയെ മുന്നിലെത്തിച്ചു. തുടര്‍ന്ന് എത്തിയ സൂര്യകുമാര്‍ യാദവ് 32 റണ്‍സ് നേടി പ്രതീക്ഷ നല്‍കിയെങ്കിലും, 18-ാം ഓവറില്‍ കെ.എം. ആസിഫിന്റെ തീപാറുന്ന സ്‌പെല്ലില്‍ മത്സരം കേരളം കൈയടക്കി.

ആസിഫ് 18-ാം ഓവറില്‍ സായ് രാജ് പട്ടില്‍, സൂര്യകുമാര്‍ യാദവ്, ശാര്‍ദൂള്‍ ഠാക്കൂര്‍ എന്നിവരുടെ വിക്കറ്റുകള്‍ നേടി മുംബൈയെ തകര്‍ത്തു. 5 വിക്കറ്റ് വിലപ്പെട്ട നേട്ടമാക്കിയ ആസിഫിന്റെ മികച്ച ബൗളിംഗ് മികവാണ് മുംബൈയുടെ പ്രതീക്ഷകള്‍ തകര്‍ത്തത്. വിഗ്നേഷ് പുത്തൂര്‍ രണ്ട് വിക്കറ്റും നേടി.

മൊത്തത്തില്‍ 163 റണ്‍സില്‍ മുംബൈയെ ഒതുക്കി 15 റണ്‍സിനാണ് കേരളം തകര്‍പ്പന്‍ ജയം സ്വന്തമാക്കിയത്.

സഞ്ജുവിനെ വിട്ടുനല്‍കണമെങ്കില്‍ രവീന്ദ്ര ജഡേജയെ നല്‍കണമെന്ന് രാജസ്ഥാന്‍ ആവശ്യപ്പെട്ടിരുന്നു. ഇതിന് സിഎസ്‌കെ സമ്മതിച്ചുവെന്നും ജഡേജയെ രാജസ്ഥാനിലേക്ക് മാറ്റുമെന്നുമുള്ള അഭ്യൂഹങ്ങള്‍ കഴിഞ്ഞ ദിവസങ്ങളിലുണ്ടായിരുന്നു.

ഇതിനെ തുടര്‍ന്ന് സഞ്ജുവിന്റെ ട്രേഡിനെ കുറിച്ച് ഔദ്യോഗികമായി പ്രതികരിച്ചിരിക്കുകയാണ് ചെന്നൈ സൂപ്പര്‍ കിംഗ്‌സ്. ‘സഞ്ജുവില്‍ ഞങ്ങള്‍ക്ക് താല്‍പര്യമുണ്ട്. ട്രേഡിങ് വിന്‍ഡോയില്‍ സഞ്ജുവിനെ സ്വന്തമാക്കാന്‍ ഞങ്ങള്‍ ശ്രമിക്കുന്നു. രാജസ്ഥാന്‍ റോയല്‍സിന്റെ തീരുമാനം കാത്തിരിക്കുകയാണ്. അടുത്ത സീസണില്‍ സഞ്ജു സിഎസ്‌കെയ്ക്ക് വേണ്ടി കളിക്കുമെന്ന് പ്രതീക്ഷിക്കുന്നു,’ എന്ന് സിഎസ്‌കെ അധികൃതരെ ഉദ്ധരിച്ച് പിടിഐ റിപ്പോര്‍ട്ട് ചെയ്യുന്നു.

അതേസമയം, സഞ്ജുവിനെ വിട്ടുനല്‍കണമെങ്കില്‍ ജഡേജയ്‌ക്കൊപ്പം ഡെവാള്‍ഡ് ബ്രെവിസിനെയും ആവശ്യപ്പെട്ടിട്ടുണ്ടെന്നാണ് റിപ്പോര്‍ട്ട്. എന്നാല്‍ ജഡേജയ്‌ക്കൊപ്പം സാം കരണിനെ നല്‍കാമെന്നതാണ് ചെന്നൈയുടെ വാഗ്ദാനം. ഈ നിര്‍ദേശം രാജസ്ഥാന്‍ നിരസിച്ചതോടെ ചര്‍ച്ചകള്‍ അനിശ്ചിതത്വത്തിലേക്ക് നീങ്ങുകയാണ്.

ട്രേഡ് വിന്‍ഡോ അവസാനിക്കാനിരിക്കുന്ന സാഹചര്യത്തില്‍ സഞ്ജുവിന്റെ ഭാവി സംബന്ധിച്ച തീരുമാനം അടുത്ത ദിവസങ്ങളില്‍ പുറത്തുവരാനാണ് സാധ്യത.

സബ് ജൂനിയർ ഗേൾസ് വിഭാഗത്തിൽ 100 മീറ്ററിൽ റെക്കോർഡ് നേടിയ CHS കാൽവരി മൗണ്ട് സ്‌കൂളിലെ ദേവപ്രിയ ഷൈബുക്കും, 100 മീറ്ററും 200 മീറ്ററും റെക്കോർഡ് നേടിയ ചാരമംഗലം ഗവ. DVHSS സ്‌കൂളിലെ ടി.എം. അതുലിനും സഞ്ജു സാംസൺ ഫൗണ്ടേഷൻ സഹായം നൽകും.

ചുരുങ്ങിയ ജീവിത സാഹചര്യങ്ങളെയും പ്രതിസന്ധികളെയും മറികടന്ന് ഇരുവരും കായിക രംഗത്ത് കൈവരിച്ച വിജയം കായിക കേരളത്തിനാകെ പ്രചോദനമായിരിക്കുകയാണ്. ഈ കുട്ടികൾക്ക് ആവശ്യമായ പിന്തുണ ലഭിച്ചാൽ ഭാവിയിൽ ദേശീയതലത്തിലും ഒളിമ്പിക്‌സ് വേദികളിലും വരെ മികവ് തെളിയിക്കാമെന്ന് പ്രതീക്ഷ പ്രകടിപ്പിച്ചു.

സഞ്ജു സാംസൺ ഫൗണ്ടേഷന്റെ മേൽനോട്ടത്തിൽ ഇരുവർക്കും സംസ്ഥാന, ദേശീയ തലങ്ങളിലേക്കുള്ള യാത്രാ-താമസ സൗകര്യങ്ങൾ, പ്രൊഫഷണൽ കോച്ചിംഗ്, പരിശീലന സൗകര്യങ്ങൾ എന്നിവ ലഭ്യമാക്കും.

“കായികപ്രതിഭകളെ പിന്തുണയ്ക്കുക എന്നത് നമ്മുടെ സാമൂഹിക ഉത്തരവാദിത്തമാണ്. കഴിവുള്ള കുട്ടികൾക്ക് വേണ്ട പിന്തുണ ലഭിക്കാത്തതുകൊണ്ട് അവരുടെ സ്വപ്നങ്ങൾ മങ്ങിയുപോകരുത്,” എന്നാണ് സഞ്ജു സാംസൺ പറഞ്ഞത്.

ജലജ് സക്‌സേനയുടെയും 71 (42) നായകന്‍ അസറുദീന്റെയും 64 (43) അര്‍ദ്ധ സെഞ്ച്വറികളുടെ കരുത്തില്‍ നേടിയ മികച്ച തുടക്കം മധ്യനിര തുടരാതെ വന്നതോടെ ആലപ്പി 176 റണ്‍സില്‍ ഒതുങ്ങി. അതേസമയം, കൊച്ചിക്കായി കെ.എം ആസിഫ് മൂന്ന് വിക്കറ്റുകള്‍ വീഴ്ത്തിയപ്പോള്‍ ജെറിന്‍ പി.എസ് രണ്ട് വിക്കറ്റ് നേടി.

ആലപ്പിക്കെതിരായ മറുപടി ബാറ്റിങ്ങില്‍ സഞ്ജു സാംസണും വിനൂപ് മനോഹറും ചേര്‍ന്ന് കൊച്ചി ഇന്നിംഗ്‌സ് മുന്നോട്ട് നീക്കവേ രാഹുല്‍ ചന്ദ്രന്‍ ആദ്യ വിക്കറ്റ് വീഴ്ത്തി. എന്നാല്‍ വാലറ്റത്തെ കൂട്ട് പിടിച്ച് സഞ്ജു നടത്തിയ ചെറുത്തുനില്‍പ്പാണ് കൊച്ചിയെ ജയത്തിലേക്ക് നടത്തിയത്. കൊച്ചി നായകന്‍ സാലി സാംസണ്‍ ഒരു റണ്‍സിന് പുറത്തായി.

ഫിറ്റ്‌നസ് ടെസ്റ്റ് വിജയിച്ച സൂര്യകുമാര്‍ യാദവാണ് ടൂര്‍ണമെന്റില്‍ ഇന്ത്യയെ നയിക്കുമെന്ന് ഉറപ്പായി. അടുത്ത മാസം ഒന്‍പത് മുതല്‍ യുഎഇയില്‍ നടക്കുന്ന ടി20 ഫോര്‍മാറ്റ് ചാമ്പ്യന്‍ഷിപ്പില്‍ ഇന്ത്യ ഗ്രൂപ്പ് എയില്‍ ആണ്. പാകിസ്താന്‍, യുഎഇ, ഒമാന്‍ എന്നിവര്‍ ഇന്ത്യയുടെ ഗ്രൂപ്പിലുണ്ട്.

ടീം പ്രഖ്യാപനത്തില്‍ സര്‍പ്രൈസുകള്‍ ഉണ്ടാകാമെന്ന സൂചനകള്‍ ശക്തമാണ്. ഇന്ത്യയുടെ പ്രധാന പേസര്‍ ജസ്പ്രീത് ബുംറ സ്‌ക്വാഡില്‍ ഇടം പിടിക്കാമെന്ന വാര്‍ത്ത ക്രിക്കറ്റ് ലോകത്ത് ചര്‍ച്ചയായി. ബിസിസിഐ സെലക്ടര്‍മാരുമായി നേരിട്ട് സംസാരിച്ച ബുംറ, ടൂര്‍ണമെന്റില്‍ കളിക്കാന്‍ സന്നദ്ധത അറിയിച്ചിട്ടുണ്ടെന്നാണ് വിവരം.

ആദ്യം ഇന്ത്യയുടെ ടെസ്റ്റ് ക്യാപ്റ്റന്‍ ശുഭ്മന്‍ ഗില്ലിന് സ്‌ക്വാഡില്‍ സ്ഥാനം ഉറപ്പായെന്ന റിപ്പോര്‍ട്ടുകളുണ്ടായിരുന്നു. എന്നാല്‍ ഏറ്റവും പുതിയ സൂചനകള്‍ പ്രകാരം ഗിലും യശസ്വി ജയ്‌സ്വാളും ടീമിലുണ്ടാകില്ല. ഭാവിയിലെ താരങ്ങളായി കണക്കാക്കപ്പെടുന്ന ഇവര്‍ ഇപ്പോള്‍ ടി20 പദ്ധതികളില്‍ ഉള്‍പ്പെടുന്നില്ലെന്ന് വ്യക്തമാകുന്നു. ഇടംകൈ ഓപ്പണര്‍ ജയ്‌സ്വാളിനെ ടി20യില്‍നിന്ന് മാറ്റി ടെസ്റ്റില്‍ ശ്രദ്ധ കേന്ദ്രീകരിക്കാനാണ് തീരുമാനിച്ചതെന്ന റിപ്പോര്‍ട്ടുകളും പുറത്തുവന്നു.

ഏകദിന ടീം :

രോഹിത് ശർമ്മ (ക്യാപ്റ്റൻ), ശുഭ്മാൻ ഗിൽ, റുതുരാജ് ഗെയ്‌ക്‌വാദ്,വിരാട് കോഹ്‌ലി, സൂര്യ കുമാർ യാദവ്, സഞ്ജു സാംസൺ (വിക്കറ്റ് കീപ്പർ),ഇഷാൻ കിഷൻ (വിക്കറ്റ് കീപ്പർ), ഹാർദിക് പാണ്ഡ്യ (വിസി),ശാർദുൽ താക്കൂർ, ആർ ജഡേജ, അക്സർ പട്ടേൽ, യുസ്‌വേന്ദ്ര ചാഹൽ,കുൽദീപ് യാദവ്, ജയദേവ് ഉനദ്കട്ട്, മൊഹമ്മദ്. സിറാജ്,ഉംറാൻ മാലിക്, മുകേഷ് കുമാർ.