തടിക്കഷണം കൊണ്ടുള്ള ക്രൂരമായ മര്‍ദനത്തില്‍ താടിയെല്ലു പൊട്ടി ഗുരുതരമായി പരിക്കേറ്റ ആദര്‍ശിനെ ആശുപത്രിയില്‍ പ്രവേശിപ്പിച്ചു. കോളേജില്‍ എസ്.എഫ്.ഐ സംഘടിപ്പിച്ച ഓണാഘോഷ പരിപാടിക്കിടെ ചാക്കില്‍കയറി ഓട്ടം മത്സരത്തില്‍ നിന്നു പിന്മാറിയതാണ് ആക്രമണത്തിനു കാരണം.

കോളേജിലെ മുന്‍ വിദ്യാര്‍ഥികളും എസ്.എഫ്.ഐ യൂണിറ്റ് മുന്‍ ഭാരവാഹികളുമായ അമ്പലമുക്ക് സ്വദേശി നസീം, നെല്ലിമൂട് സ്വദേശി ജിത്തു, കരമന സ്വദേശി സച്ചിന്‍ എന്നിവര്‍ക്കെതിരെ കന്റോണ്‍മെന്റ് പൊലീസ് കേസ് എടുത്തു. മറ്റു പ്രതികളെ തിരിച്ചറിഞ്ഞിട്ടില്ലെന്നു പൊലീസ് പറഞ്ഞു. 24നു വൈകിട്ടു മൂന്നിന് ആയിരുന്നു സംഭവം.

വ്യാഴാഴ്ച്ച ഉച്ചക്ക് നാമനിര്‍ദ്ദേശ പത്രിക സമര്‍പ്പണം പൂര്‍ത്തിയായപ്പോള്‍, വൈകിയെത്തിയ എസ്എഫ് ഐ പ്രവര്‍ത്തകര്‍ക്ക് പത്രിക സമര്‍പ്പിക്കാന്‍ കഴിഞ്ഞില്ല. റിട്ടേണിഗ് ഓഫീസര്‍ സമയം അവസാനിച്ചതിനാല്‍ പ്രതിക സ്വീകരിക്കാന്‍ കഴിയില്ലന്ന് ഉത്തരവിട്ടു. എന്നാല്‍ രാഷ്ട്രീയ സ്വാധീനം ഉപയോഗപ്പെടുത്തി എസ് എഫ് ഐ റജിസ്ട്രാറിന്റെ ചുമതലയുള്ള അധ്യാപകനെ സ്വാധീനിച്ച് ഇലക്ഷന്‍ പ്രക്രിയകള്‍ നിര്‍ത്തിവെക്കാന്‍ ഉത്തരവിട്ടു. രാഷ്ട്രീയ സ്വാധീനത്താല്‍ ഇറക്കിയ ഉത്തരവ് റദ്ദാക്കി വിജ്ഞാപനം അനുസരിച്ച് തിരഞ്ഞെടുപ്പ് നടത്തണമെന്ന് ആവശ്യപ്പെട്ടാണ് എം എസ് എഫ് കോടതിയെ സമീപിച്ചത്. ഈ വാദം അംഗീകരിച്ച കോടതി സര്‍വ്വകലാശാല കഴിഞ്ഞ പത്തൊമ്പതാം തിയതി പുറപ്പെടുവിച്ച വിജ്ഞാപനം അനുസരിച്ച് തിരഞ്ഞെടുപ്പ് നടത്താന്‍ ഉത്തരവിട്ടത്. സിംഗിള്‍ ബഞ്ച് ജസ്റ്റിസ് മുഹമ്മദ് മുസ്താക്കാണ് കേസ് പരിഗണിക്കുന്നത്.