‘ഗണേഷ് കുമാറിനെതിരെ ഞാന്‍ ആരോപണങ്ങള്‍ ഒന്നും ഉന്നയിച്ചിട്ടില്ല. എന്നാല്‍ ജോസ് കെ മാണിക്കെതിരെ ഉന്നയിച്ച ആരോപണങ്ങളില്‍ ഉറച്ചു നില്‍ക്കുന്നു. ബാക്കിയൊക്കെ രാഷ്ട്രീയത്തിന്റെ ഭാഗമാണ്. അതില്‍ സരിതയ്ക്ക് ഇടപെടാന്‍ ആകില്ല’ – അവര്‍ പറഞ്ഞു.

ഒരു സ്ത്രീയെന്ന നിലയിലാണ് സോളാര്‍ കേസില്‍ തന്നെ വേട്ടയാടിയത് എന്ന് അവര്‍ പറഞ്ഞു. തന്നേക്കാള്‍ കൂടുതല്‍ കുറ്റകൃത്യങ്ങളില്‍ പങ്കാളിത്തമുള്ള വ്യക്തിയായിരുന്നു ബിജു രാധാകൃഷ്ണ്‍. എന്നാല്‍ ആരും അദ്ദേഹത്തിന് പിറകെ പോയതു കണ്ടിട്ടില്ല. ഒരു സ്ത്രീ ഉണ്ടായതു കൊണ്ടാണ് സ്വര്‍ണക്കടത്തിന് മറ്റൊരു മാനം കൈവന്നത്- സരിത കൂട്ടിച്ചേര്‍ത്തു.

സോളാര്‍ കേസില്‍ കമീഷന്‍ സരിതയുടെ കത്തിന്റ ആധികാരികത  പരിശോധിച്ചിട്ടില്ല. സോളാര്‍ കമീഷനെ നിയമിച്ചത് അബദ്ധമായി ഇതുവരെ ഉമ്മന്‍ചാണ്ടി കൂട്ടിചേര്‍ത്തു.

ഇന്നലെയാണ് സോളാര്‍ കമ്മീഷന്‍ റിപ്പോര്‍ട്ടിന്റെ അടിസ്ഥാനത്തില്‍ കോണ്‍ഗ്രസ് നേതാക്കള്‍ക്കെതിരെ കേസെടുക്കാന്‍ നിയമോപദേശം ലഭിച്ചിട്ടുണ്ടെന്ന് മുഖ്യമന്ത്രി പിണറായി വിജയന്‍ വ്യക്തമാക്കിയത്. ഉത്തരമേഖല എ.ഡി.ജി.പി രാജേഷ് ദിവാന്റെ നേതൃത്വത്തിലാണ് അന്വേഷണത്തിന് പുതിയ സംഘം. മുന്‍ അന്വേഷണ സംഘം കുറ്റപത്രം നല്‍കിയിട്ടുള്ള 33 കേസുകളില്‍, ഉമ്മന്‍ചാണ്ടിക്കും ഓഫീസിനുമെതിരെ ആക്ഷേപമുള്ള കേസുകളിലാണ് തുടരന്വേഷണ സാധ്യത. അന്വേഷണസംഘം യോഗം ചേര്‍ന്ന് ഓരോ ഡി.വൈ.എസ്.പി മാര്‍ക്ക് ഓരോ ചുമതല നല്‍കും. സി.ഐമാരെ കൂടി ഉള്‍പ്പെടുത്തി അന്വേഷണ സംഘം വിപുലമാക്കുകയും ചെയ്യും. മുന്‍ അന്വേഷണ സംഘത്തിലുണ്ടായിരുന്ന ആറ് ഡി.വൈ.എസ്.പിമാരുടെയും മൊഴി രേഖപ്പെടുത്തും.

അതേസമയം, സോളാര്‍ കേസിലെ ആദ്യ അന്വേഷണ സംഘത്തിലെ ഉദ്യോഗസ്ഥര്‍ക്കെതിരെ സര്‍ക്കാര്‍ നടപടിയെടുത്തു. മൂന്ന് എസ്.പിമാരേയും ഒരു ഡി.വൈ.എസ്.പിയേയും രണ്ട് സി.ഐമാരേയും സ്ഥലം മാറ്റി. എസ്.പിമാരായ സുദര്‍ശന്‍, അജിത്, റെജി ജേക്കബ്, ഡി.വൈ.എസ്.പി ജെയ്‌സണ്‍ കെ എബ്രഹം, സി.ഐമാരായ റോയി, ബിജു ജോണ്‍ ലൂക്കോസ് എന്നിവരേയും കേസുമായി ബന്ധപ്പെട്ട് സ്ഥലം മാറ്റി.

ആദ്യം ആറു മാസത്തേക്ക് നിയമിച്ച കമ്മീഷന്റെ കാലാവധി പലപ്രാവശ്യം ദീര്‍ഘിപ്പിച്ചിരുന്നു. മൂന്ന് വര്‍ഷവും 11 മാസവും നീണ്ട അന്വേഷണത്തിനൊടുവിലാണ് റിപ്പോര്‍ട്ട് സമര്‍പ്പിക്കുന്നത്. അതേസമയം റിപ്പോര്‍ട്ടിന്മേല്‍ തുടര്‍ നടപടികള്‍ സ്വീകരിക്കണമോ അതോ തള്ളണമോ എന്ന് തീരുമാനിക്കാനുള്ള വിവേചനാധികാരം സര്‍ക്കാരിനുണ്ട്.

കേരള രാഷ്ട്രീയത്തില്‍ ഏറെ കോളിളക്കം സൃഷ്ടിച്ച കേസിലാണ് അന്വേഷണം പൂര്‍ത്തിയാകുന്നത്. അന്വേഷണം തുടങ്ങി നാല് വര്‍ഷത്തിന് ശേഷമാണ് റിപ്പോര്‍ട്ട് സമര്‍പ്പിക്കുന്നത്. 2013 ഓഗസ്റ്റ് 16നാണ് മന്ത്രിസഭ ജുഡീഷ്യല്‍ അന്വേഷണം പ്രഖ്യാപിച്ചത്. 2013 സെപ്തംബര്‍ രണ്ടിന് ചേര്‍ന്ന മന്ത്രിസഭായോഗം മുഖ്യമന്ത്രിയുടെ ഓഫീസിനെക്കൂടി അന്വേഷണ പരിധിയില്‍ ഉള്‍പെടുത്താന്‍ തീരുമാനിച്ചു. തുടര്‍ന്ന് ഒക്‌ടോബര്‍ 10ന് ചേര്‍ന്ന മന്ത്രിസഭാ യോഗം പരിഗണനാ വിഷയങ്ങള്‍ തീരുമാനിച്ചു. ഒക്‌ടോബര്‍ 23ന് റിട്ട. ജസ്റ്റിസ് ജി.ശിവരാജനെ കമ്മിഷനായി നിശ്ചയിച്ചു. സോളാര്‍ വൈദ്യുത പദ്ധതിയുമായി സര്‍ക്കാരിനെ സമീപിച്ച സരിതാ നായര്‍ക്ക് വേണ്ടി മുഖ്യമന്ത്രിയുടെ ഓഫീസും മന്ത്രിമാരും അധികാര ദുര്‍വിനിയോഗം നടത്തിയെന്നായിരുന്നു ആരോപണം. പ്രധാന സാക്ഷിയായ സരിത നായരില്‍ നിന്നടക്കം തെളിവുകള്‍ ശേഖരിക്കാന്‍ ഉണ്ടായ കാലതാമസമാണ് കമ്മിഷന്റെ നടപടികള്‍ വൈകിപ്പിച്ചത്.

ആരാണ് പ്രതിയെന്നു മാധ്യമങ്ങളില്‍ നിന്നു പോലും മനസ്സിലാകുന്നില്ല. ആക്രമിക്കപ്പെട്ട നടി എന്തായാലും ഒരു പാട് അനുഭവിച്ചിട്ടുണ്ടാകും. സ്ത്രീയെന്ന നിലക്ക് ആ നടിക്കൊപ്പമാണ് തന്റെ മനസ്സെന്നും സരിത പറഞ്ഞു.

കോടതിയില്‍ കീഴടങ്ങാന്‍ പള്‍സര്‍ സുനി ആദ്യം തന്നെയാണ് സമീപിച്ചത്. മാവേലിക്കര കോടതിയില്‍ കീഴടങ്ങാന്‍ ആവശ്യപ്പെട്ടപ്പോള്‍ മാഡത്തോട് ചോദിക്കട്ടെയെന്ന് പറഞ്ഞുവെന്നുമുള്ള ഫെനി ബാലകൃഷ്ണന്റെ പരാമര്‍ശമാണ് നടി ആക്രമിക്കപ്പെട്ട കേസിലേക്ക് സരിതയേയും വലിച്ചിഴച്ചത്.