അതേ സമയം തെരഞ്ഞെടുപ്പ് വിജയവും പ്രധാനമാണെന്ന് തരൂര്‍ ഒരു പത്രത്തിലെ ലേഖനത്തില്‍ പറഞ്ഞു. കഴിഞ്ഞ ദിവസം തെലങ്കാനയില്‍ ഒരു തെര. പ്രചാരണ യോഗത്തില്‍ രാഹുല്‍ പങ്കെടുത്തെങ്കിലും പാര്‍ട്ടി അവിടെ മൂന്നാം സ്ഥാനത്തായി. ഹിന്ദുത്വം അല്ലാത്ത വിഷയങ്ങള്‍ കാരണം കോണ്‍ഗ്രസ്സില്‍ നിന്ന് അകന്നവരെ തിരികെ ക്കൊണ്ടുവരികയാണ് വേണ്ടതെന്ന് തരൂര്‍ അഭിപ്രായപ്പെട്ടു.

കേവലം പ്രസ്താവനകള്‍കൊണ്ട് രാജ്യം മുന്നോട്ടുപോകില്ല. വരാനിരിക്കുന്നത് സാമ്പത്തികമാന്ദ്യത്തിന്റേതാണ്. ജി.20യിലും ഷാന്‍ഹായ് സഹകരണ ഒര്‍ഗനൈസേഷനിലും ഇന്ത്യ നേതൃസ്ഥാനത്താണ്. ഇവരെ ഉപയോഗിക്കുന്നതിലൂടെയേ പുരോഗതി പ്രാപിക്കാനാകൂ. ചേരിചേരാ നയമല്ല, ബഹുരാജ്യമെന്നതായിരിക്കണം നമ്മുടെ നയം.
ഹിന്ദിയെ അടിച്ചേല്‍പിക്കാനുള്ള ശ്രമം ഹിന്ദുത്വത്തിന്റെ ഭാഗമാണ്. വിവിധ ഭാഷകള്‍ സംസാരിക്കുന്ന ജനതകള്‍ക്കിടയില്‍ ഇത് പ്രായോഗികമല്ല. വിവരശേഖരണത്തിന്റെ കാര്യത്തില്‍ മോദിസര്‍ക്കാര്‍ പിന്തുടരുന്നനയം അപകടകരമാണ്. പൗരന്റെ വിവരങ്ങള്‍ സംരക്ഷിക്കാനുള്ള ഉത്തരവാദിത്തം കൂടി സര്‍ക്കാരിനുണ്ട്.

രാജ്യത്ത് പാര്‍ലമെന്റിലും പുറത്തും പൗരസ്വാതന്ത്ര്യം ഹനിക്കപ്പെടുകയാണ്. ജനായത്തസ്വേച്ഛാധിപത്യമാണിത്. മുമ്പ് വര്‍ഷം 280 ദിവസം പാര്‍ലമെന്റ് സമ്മേളിച്ച സ്ഥാനത്ത് ഇന്ന് 100 ദിവസം മാത്രമാണ്. ഗുജറാത്തില്‍ ഇത് 60 ദിവസവും. നെഹ്രുവിന്റെ കാലത്ത് നവംബറില്‍ തുടങ്ങി ക്രിസ്മസ്‌കാലത്ത് പാര്‍ലമെന്റ് സമ്മേളനം ചേര്‍ന്നിരുന്നില്ല. ഇന്ന് ഡിസംബറിലാണ് ശീതകാല സമ്മേളനം തുടങ്ങുന്നതുതന്നെ. മുന്നാക്കസംവരണത്തെക്കുറിച്ച് വിവിധ അഭിപ്രായങ്ങളുണ്ടെന്നും അതാണ് കോടതിവിധിയില്‍ പ്രതിഫലിച്ചതെന്നും തരൂര്‍ പറഞ്ഞു. നജീബ് കാന്തപുരം എം.എല്‍.എ അധ്യക്ഷത വഹിച്ചു. എം.കെ രാഘവന്‍ എം.പി ,പ്രൊഫ. ഉണ്ണീന്‍, സംഗീത് തുടങ്ങിയവര്‍ സംസാരിച്ചു.

അദ്ദേഹത്തിന്റെ പ്രത്യേകത കൊണ്ടാണ് ശ്രദ്ധിക്കപ്പെടുന്നത്.

പാണക്കാട്ട് നാളെ തരൂര്‍ സന്ദര്‍ശനം നടത്തുന്നത് സ്വാഭാവികമായ ഒന്ന് മാത്രമാണ്.

അല്ലാതെ മറ്റൊരു സവിശേഷതയും അതിനില്ല. കുഞ്ഞാലിക്കുട്ടി വ്യക്തമാക്കി.