satellite – Chandrika Daily

നെറ്റില്ലെങ്കിലും മാപ്പും മെസേജും പ്രവര്‍ത്തിക്കും; സാറ്റലൈറ്റ് അടിസ്ഥാന ഫീച്ചറുമായി പുതിയ ഐഫോണ്‍

webdesk18 — Mon, 10 Nov 2025 09:14:37 +0000

വാഷിങ്ടണ്‍: സാറ്റലൈറ്റ് അടിസ്ഥാനമാക്കിയുള്ള പുതിയ സാങ്കേതികവിദ്യയുമായി ഐഫോണ്‍ വിപ്ലവകരമായ മാറ്റത്തിനൊരുങ്ങുന്നു. നെറ്റ്വര്‍ക്ക് കണക്ഷനില്ലാത്ത സാഹചര്യത്തിലും ചില ആപ്ലിക്കേഷനുകള്‍ പ്രവര്‍ത്തിക്കാനാകും എന്നതാണ് ഏറ്റവും വലിയ പ്രത്യേകത.

ബ്ലൂംബര്‍ഗ് റിപ്പോര്‍ട്ട് പ്രകാരം, ആപ്പിള്‍ മാപ്പും മെസേജുകളും നിയന്ത്രിക്കാനും വായിക്കാനും, ചിത്രങ്ങള്‍ വരെ അയയ്ക്കാനുമാകുമെന്ന് വ്യക്തമാക്കുന്നു. അടിയന്തര ഘട്ടങ്ങളിലും നെറ്റ് കണക്ഷന്‍ ലഭ്യമല്ലാത്ത സ്ഥലങ്ങളിലും ഉപയോക്താക്കള്‍ ഒറ്റപ്പെടാതിരിക്കാന്‍ ലക്ഷ്യമിട്ടാണ് ആപ്പിളിന്റെ പുതിയ പരീക്ഷണം.

ഇതിനു മുമ്പ്, സാറ്റലൈറ്റ് വഴി അടിയന്തര എസ്ഒഎസ് സേവനം 2022-ല്‍ പുറത്തിറങ്ങിയ ഐഫോണ്‍ 14-ലാണ് ആദ്യമായി അവതരിപ്പിച്ചത്. അപകടസാഹചര്യങ്ങളില്‍ രക്ഷാപ്രവര്‍ത്തകരെ ബന്ധപ്പെടാനാണ് ആ സേവനം ഉപയോഗിക്കപ്പെട്ടിരുന്നത്. പിന്നീട് റോഡ് അപകടങ്ങള്‍ ഉള്‍പ്പെടെ വിവിധ അടിയന്തര സാഹചര്യങ്ങളില്‍ സേവനം വ്യാപിപ്പിച്ചു.

ഇപ്പോള്‍ ഈ സംവിധാനത്തെ മെച്ചപ്പെടുത്തി നിത്യജീവിതത്തില്‍ കൂടുതല്‍ ഉപയോഗിക്കുന്ന മാപ്പും മെസേജും ഉള്‍പ്പെടുത്തുകയാണ് കമ്പനി. ഇതിനായി ആപ്പിളിന്റെ ആഭ്യന്തര സാറ്റലൈറ്റ് കണക്ടിവിറ്റി ഗ്രൂപ്പ് പുതിയ സാങ്കേതികവിദ്യ വികസിപ്പിക്കുകയാണ്. നിലവില്‍ എസ്ഒഎസ് സേവനം കൈകാര്യം ചെയ്യുന്ന ഗ്ലോബല്‍ സ്റ്റാര്‍ കമ്പനിയും ഈ പദ്ധതിയില്‍ പങ്കാളിയാണ്.

റിപ്പോര്‍ട്ടുകള്‍ പ്രകാരം, ഫോണ്‍ പോക്കറ്റിലോ, കാറിലോ, ബാഗിലോ ഇരിക്കുമ്പോഴും കണക്ഷന്‍ സാധ്യമാക്കുന്ന സംവിധാനമായിരിക്കും പുതിയത്.

പുതിയ ഫീച്ചര്‍ ഏത് മോഡലില്‍ ലഭ്യമാകുമെന്ന് ഔദ്യോഗിക സ്ഥിരീകരണം വന്നിട്ടില്ലെങ്കിലും, 2026-ല്‍ പുറത്തിറങ്ങാനിരിക്കുന്ന ഐഫോണ്‍ 18 സീരീസിലാണ് ഈ ഫീച്ചറുകള്‍ ഉള്‍പ്പെടുത്തപ്പെടാന്‍ സാധ്യത. മുമ്പ് പുറത്തുവന്ന വിവരങ്ങള്‍ പ്രകാരം, ഐഫോണ്‍ 18 എയര്‍ മോഡലില്‍ രണ്ടെണ്ണം ക്യാമറകള്‍ ഉള്‍പ്പെടുത്തുമെന്നും റിപ്പോര്‍ട്ടുകള്‍ സൂചിപ്പിക്കുന്നു.

മസ്‌കിന്റെ സ്റ്റാര്‍ലിങ്കിന് ഇന്ത്യയില്‍ പ്രവര്‍ത്തനാനുമതി; ലൈസന്‍സ് ലഭിച്ചതായി റിപ്പോര്‍ട്ട്

webdesk17 — Fri, 06 Jun 2025 10:53:59 +0000

ഇലോണ്‍ മസ്‌കിന്റെ സ്റ്റാര്‍ലിങ്കിന് ഇന്ത്യയുടെ ടെലികോം മന്ത്രാലയത്തില്‍ നിന്ന് ഒരു പ്രധാന ലൈസന്‍സ് ലഭിച്ചതായി വൃത്തങ്ങള്‍ അറിയിച്ചു. ഇത് സാറ്റലൈറ്റ് ദാതാവിന് വലിയ തടസ്സം നീക്കി ഇന്ത്യയില്‍ വാണിജ്യ പ്രവര്‍ത്തനങ്ങള്‍ ആരംഭിക്കുന്നതിന് സാധ്യമാകും.
ഇന്ത്യയിലെ ടെലികമ്മ്യൂണിക്കേഷന്‍സ് വകുപ്പില്‍ നിന്ന് ലൈസന്‍സ് നേടുന്ന മൂന്നാമത്തെ കമ്പനിയാണ് Starlink, Eutelsat’s (ETL.PA) സമാനമായ അപേക്ഷകള്‍ അംഗീകരിച്ചു, OneWeb എന്ന പുതിയ ടാബ് തുറക്കുന്നു, Reliance Jio (RELJ.NS) രാജ്യത്ത് സേവനങ്ങള്‍ നല്‍കുന്നതിന് പുതിയ ടാബ് തുറക്കുന്നു.

ഇന്ത്യയില്‍ വാണിജ്യപരമായി പ്രവര്‍ത്തിക്കാനുള്ള ലൈസന്‍സുകള്‍ക്കായി സ്റ്റാര്‍ലിങ്ക് 2022 മുതല്‍ കാത്തിരിക്കുകയാണ്, എന്നാല്‍ ദേശീയ സുരക്ഷാ ആശങ്കകള്‍ ഉള്‍പ്പെടെയുള്ള കാരണങ്ങളാല്‍ കാലതാമസം നേരിട്ടു. ആമസോണിന്റെ കൈപ്പര്‍ ഇപ്പോഴും അതിന്റെ ഇന്ത്യന്‍ ലൈസന്‍സിനായി കാത്തിരിക്കുകയാണ്.
സാറ്റലൈറ്റ് സേവനങ്ങള്‍ക്ക് രാജ്യം എങ്ങനെ സ്‌പെക്ട്രം നല്‍കണം എന്നതിനെച്ചൊല്ലി മസ്‌കിന്റെ കമ്പനി ശതകോടീശ്വരന്‍ മുകേഷ് അംബാനിയുടെ ജിയോയുമായും ഏറ്റുമുട്ടിയിരുന്നു. സ്‌പെക്ട്രം ഏല്‍പ്പിക്കണമെന്നും ലേലം ചെയ്യരുതെന്നും ഇന്ത്യന്‍ സര്‍ക്കാര്‍ മസ്‌കിനൊപ്പം നിന്നു.

ആശങ്കയുടെ കുരുക്ക്; ബഹിരാകാശത്ത് 14000ത്തിലേറെ സാറ്റ്ലൈറ്റുകള്‍, 120 ദശലക്ഷം അവശിഷ്ടങ്ങള്‍

webdesk17 — Tue, 03 Dec 2024 05:57:17 +0000

തിരുവനന്തപുരം: ഉപഗ്രഹങ്ങളും ഉപഗ്രഹാവശിഷ്ടങ്ങളും കൊണ്ട് ഭൂമിയുടെ ലോ എര്‍ത്ത് ഓര്‍ബിറ്റ് അപകടകരമായ കുരുക്കിലെന്ന് റിപ്പോര്‍ട്ട്. കാലാവധി അവസാനിച്ച 3,500 സാറ്റ്ലൈറ്റുകള്‍ ഉള്‍പ്പടെ 14,000ത്തിലേറെ കൃത്രിമ ഉപഗ്രഹങ്ങളും 120 ദശലക്ഷം കഷണം അവശിഷ്ടങ്ങളുമാണ് ലോ എര്‍ത്ത് ഓര്‍ബിറ്റില്‍ സഞ്ചരിക്കുന്നത്. ഇതുമൂലം, ഈ മേഖലയിലെ പ്രവര്‍ത്തനങ്ങള്‍ ആശങ്കയിലാണ്. ഭൂമിയുടെ ഉപരിതലത്തോട് ഏറ്റവും അടുത്ത് ഉപഗ്രഹങ്ങള്‍ പരിക്രമണം ചെയ്യുന്ന ബഹിരാകാശ മേഖലയാണ് ലോ എര്‍ത്ത് ഓര്‍ബിറ്റ്.

സുസ്ഥിരമായ ബഹിരാകാശ പര്യവേഷണങ്ങള്‍ക്ക് തടസമായിക്കൊണ്ടിരിക്കുകയാണ് ഭൂമിയുടെ താഴ്ന്ന ഭ്രമണപഥത്തിലെ കുരുക്ക്. മുന്‍കാല വിക്ഷേപണങ്ങളുടെ ബാക്കിപത്രമെന്നോളം ചിന്നിച്ചിതറിക്കിടക്കുന്ന അവശിഷ്ടങ്ങള്‍ ഇപ്പോള്‍ പ്രവര്‍ത്തിച്ചുകൊണ്ടിരിക്കുന്ന സാറ്റ്ലൈറ്റുകള്‍ക്ക് പോലും കനത്ത ഭീഷണിയാണ്.ലോ എര്‍ത്ത് ഓര്‍ബിറ്റിലെ കൂട്ടിയിടികളുടെ ഭാഗമായുണ്ടായ ബഹിരാകാശ അവശിഷ്ടങ്ങളും ഇതിലുണ്ട്.

ലോ എര്‍ത്ത് ഓര്‍ബിറ്റിലെ കൂട്ടിയിടികള്‍ ഒഴിവാക്കാന്‍ സാറ്റ്ലൈറ്റ് ഓപ്പറേറ്റര്‍മാര്‍ക്കും ബഹിരാകാശ വിക്ഷേപണ കമ്പനികള്‍ക്കുമിടയില്‍ വിവരങ്ങള്‍ പങ്കിടുന്നത് അനിവാര്യമാണെന്നാണ് യുഎന്‍ കമ്മിറ്റി പറയുന്നത്. ആഗോള ആശയവിനിമയത്തിനും നാവിഗേഷന്‍ സംവിധാനങ്ങളുടെ പ്രവര്‍ത്തനങ്ങള്‍ക്കും ശാസ്ത്രീയ പര്യവേഷണങ്ങള്‍ക്കും ലോ എര്‍ത്ത് ഓര്‍ബിറ്റിന്റെ സുരക്ഷ അനിവാര്യമാണെന്ന് യുഎന്‍ പറഞ്ഞു. എന്നിരുന്നാലും എല്ലാ സാറ്റ്ലൈറ്റുകളെയും ബഹിരാകാശ അവശിഷ്ടങ്ങളെയും നിരീക്ഷിക്കുകയും നിയന്ത്രിക്കുകയും അത്ര എളുപ്പമല്ല.

നാസയുടെ പ്രവര്‍ത്തനം നിലച്ച ഉപഗ്രഹം ഭൂമിയിലേക്ക്; ആശങ്ക

Chandrika Web — Wed, 19 Apr 2023 01:12:38 +0000

നാസയുടെ പ്രവര്‍ത്തനം നിലച്ച ഉപഗ്രഹം ഭൂമിയിലേക്ക്. രണ്ടുദിവസത്തിനകം പേടകം ഭൂമിയില്‍ പതിക്കുമെന്നാണ് അറിയിപ്പ്. 272 കിലോയാണ് ഭാരം. ഇത് ഭൂമിയില്‍ മനുഷ്യര്‍ക്ക് ഭീഷണിയാകില്ലെന്നാണ് പറയുന്നതെങ്കിലും ആശങ്ക തീര്‍ന്നിട്ടില്ല. 21 വര്‍ഷത്തിന് ശേഷമാണ് നാസയുടെഉപഗ്രഹം തിരിച്ചെത്തുന്നത്. സൂര്യരശ്മികളെക്കുറിച്ച് പഠിക്കാന്‍ നിയോഗിച്ച ഉപഗ്രഹം കുറച്ചുവര്‍ഷമായി പ്രവര്‍ത്തനക്ഷമമല്ല. ഭൂമിയിലെത്തുന്നതിന് മുമ്പ് മിക്ക ഭാഗങ്ങളും കത്തിത്തീരുമെന്നും നാസ അവകാശപ്പെടുന്നു.

ഇന്ത്യയുടെ ഓഷന്‍സാറ്റ്-3 വിക്ഷേപണം 26ന്: ഭ്രമണപഥത്തില്‍ എത്തിയ്ക്കുന്നത് എട്ട് നാനോ ഉപഗ്രഹങ്ങള്‍

Test User — Tue, 22 Nov 2022 11:14:36 +0000

ഇന്ത്യയുടെ സമുദ്ര നീരീക്ഷണ ഉപഗ്രഹമായ ഓഷന്‍സാറ്റ്1, ഭൂട്ടാന്റെ ഭൂട്ടാന്‍സാറ്റ് ഉള്‍പ്പെടെ എട്ട് നാനോ ഉപഗ്രഹങ്ങള്‍ വിക്ഷേപിക്കുമെന്ന് ഐസ്ആര്‍ഒ. നവംബര്‍ 26ന് ശ്രീഹരിക്കോട്ടയില്‍ നിന്നാണ് വിക്ഷേപണം. പിഎസ്എല്‍വിയുടെ 56ാം വിക്ഷേപണവും ഈ വര്‍ഷത്തെ അഞ്ചാമത്തെ വിക്ഷേപണവും കൂടിയാണ് ഇത്. രാവിലെ 11.56നാണ് ഉപഗ്രഹങ്ങള്‍ വിക്ഷേപിക്കുന്നതെന്ന് ഐസ്ആര്‍ഒ അറിയിച്ചു.

ഇന്ത്യന്‍ ബഹിരാകാശ സ്റ്റാര്‍ട്ടപ്പായ പിക്‌സലിന്റെ നിരീക്ഷണ ഉപഗ്രഹം ആനന്ദ്, സ്വകാര്യ ബഹിരാകാശ ഏജന്‍സി ധ്രുവ സ്‌പേസിന്റെ നിരീക്ഷണ ഉപഗ്രഹങ്ങലായ തൈബോള്‍ട് 1, തൈബോള്‍ട് 2, ഇന്റര്‍നെറ്റ് ഓഫ് തിങ്‌സ് ശൃംഖലയ്ക്കു വേണ്ടി യുഎസ് കമ്പനിയായ സ്‌പേസ്ഫ്‌ലൈറ്റ് വിക്ഷേപിക്കുന്ന 4 അസ്‌ട്രോകാസ്റ്റ് ഉപഗ്രഹങ്ങള്‍ എന്നിവയാണ് വിക്ഷേപണത്തിനൊരുങ്ങുന്ന മറ്റ് ഉപഗ്രഹങ്ങള്‍.

ബഹിരാകാശത്തേക്ക് ഉപഗ്രഹ വിക്ഷേപണം; ദേശീയ ദിനാഘോഷം അടിപൊളിയാക്കി യുഎഇ

web desk 1 — Thu, 03 Dec 2020 06:47:21 +0000

ദുബായ്: ദേശീയ ദിനാഘോഷത്തില്‍ ബഹിരാകാശത്തേക്ക് ഉപഗ്രഹ വിക്ഷേപണം നടത്തി യുഎഇ. യുഎഇയുടെ തന്ത്രപ്രധാനമായ ഉപഗ്രമായ ഫാല്‍ക്കണ്‍ ഐ 2 ആണ് ബഹിരാകാശത്തേക്ക് കുതിച്ചുയര്‍ന്നത്. തെക്കന്‍ അമേരിക്കയിലെ ഫ്രഞ്ച് ഗയാന സ്‌പേസ് സെന്ററില്‍ യുഎഇ സമയം ഇന്നലെ പുലര്‍ച്ചെ 5.33നായിരുന്നു വിക്ഷേപണം.

1,190 കിലോയുള്ള ഉപഗ്രഹം 6.33ന് റഷ്യന്‍ നിര്‍മിത സോയുസ് റോക്കറ്റില്‍ നിന്നു വേര്‍പെട്ടു. 611 കിലോമീറ്റര്‍ ഉയരത്തിലാണ് ഭ്രമണപഥം. അബുദാബിയിലെ ഗ്രൗണ്ട് കണ്‍ട്രോള്‍ സ്റ്റേഷനാണ് ഉപഗ്രഹത്തില്‍ നിന്നുള്ള ചിത്രങ്ങളും വിവരങ്ങളും സ്വീകരിക്കുക. 100 കോടി ഡോളറാണ് ഫാല്‍ക്കണ്‍ ഐ പദ്ധതിയുടെ ചെലവ്.

രണ്ടു മാസം മുമ്പായിരുന്നു ഉപഗ്രഹം വിക്ഷേപിക്കാന്‍ തീരുമാനിച്ചിരുന്നത്. എന്നാല്‍ കാലാവസ്ഥ മോശമായതും കോവിഡ് സാഹചര്യങ്ങളും കാരണം വൈകി. അതേ സമയം കഴിഞ്ഞ വര്‍ഷം ജൂലൈയില്‍ ഇതേ ആവശ്യങ്ങള്‍ക്കായി വിക്ഷേപിച്ച ഫാല്‍ക്കണ് ഐ 1 പരാജയപ്പെട്ടിരുന്നു.

രാജ്യസുരക്ഷക്ക് നിര്‍ണായകമാകുന്ന ഉപഗ്രഹമാണിത്. ഏതു കാലാവസ്ഥയിലും പ്രവര്‍ത്തന സജ്ജമാണ്. സൈനിക ആവശ്യങ്ങള്‍ക്കാണ് ഇത് പ്രധാനമായും പ്രയോജനപ്പെടുക.

കാര്‍ട്ടോസാറ്റില്‍ നിന്നുള്ള ആദ്യ ചിത്രം ഐ.എസ്.ആര്‍.ഒ പുറത്തുവിട്ടു

chandrika — Wed, 17 Jan 2018 16:37:51 +0000

ന്യൂഡല്‍ഹി: ജനുവരി 12ന് ഇന്ത്യ ബഹിരാകാശത്ത് എത്തിച്ച നൂറാമത് ഉപഗ്രഹം കാര്‍ട്ടോസാറ്റ് രണ്ടില്‍നിന്നുള്ള ചിത്രങ്ങള്‍ ഐ.എസ്.ആര്‍ഒ പുറത്തുവിട്ടു. മധ്യപ്രദേശിലെ ഇന്‍ഡോറിന്റെ വിവിധ മേഖലയില്‍നിന്നുള്ള ചിത്രങ്ങളാണ് പുറത്തുവന്നത്. ഹോള്‍കര്‍ ക്രിക്കറ്റ് സ്‌റ്റേഡിയം ഉള്‍പ്പെടെ ചിത്രങ്ങളില്‍ കാണാം.

First Day Image from Cartosat-2 Series Satellitehttps://t.co/H4gCw9KK3A

— ISRO (@isro) January 16, 2018

അത്യാധുനിക വിദൂര നിയന്ത്രിത ഉപഗ്രഹമാണ് കാര്‍ട്ടോസാറ്റ് രണ്ട്. കാര്‍ട്ടോസാറ്റ് സീരിസിലുള്ള ഏഴാമത്തെ ഉപഗ്രഹമാണിത്. നേരത്തെ അയച്ചവയുടെ അതേ രൂപരേഖയാണെങ്കിലും ഒടുവില്‍ വിക്ഷേപിച്ച കാര്‍ട്ടോസാറ്റ് രണ്ടില്‍ സ്ഥാപിച്ചിരിക്കുന്നത് ഉയര്‍ന്ന നിരീക്ഷണ ശേഷിയുള്ള അത്യാധുനിക ഉപകരണങ്ങള്‍ ആണ്.

This Picture says It all!

Future is here! pic.twitter.com/TF23Z1qnO0

— Abhay Chaurasia (@ChaurasiAbhay) January 16, 2018

104 ഉപഗ്രഹങ്ങള്‍ വിക്ഷേപിച്ച് ചരിത്രം കുറിക്കാന്‍ ഐ.എസ്.ആര്‍.ഒ

chandrika — Mon, 06 Feb 2017 15:02:15 +0000

ബംഗളൂരു: ഒരു റോക്കറ്റില്‍ 104 ഉപഗ്രഹങ്ങള്‍ വിക്ഷേപിച്ച് ചരിത്രം കുറിക്കാനൊരുങ്ങി ഐ.എസ്.ആര്‍.ഒ. പി.എസ്.എല്‍.വി റോക്കറ്റില്‍ ഇന്ത്യയുടെ മൂന്ന് വലിയ ഉപഗ്രഹങ്ങളും മറ്റ് രാജ്യങ്ങളുടെ 101 ചെറു ഉപഗ്രഹങ്ങളുമാണ് വിക്ഷേപിക്കുക. ഇതില്‍ 88 എണ്ണം അമേരിക്കയുടെതാണ്. ജര്‍മനി, നെതര്‍ലാന്‍ഡ്്, യു.എ.ഇ തുടങ്ങിയ രാജ്യങ്ങളുടെ ഉപഗ്രഹങ്ങളും വിക്ഷേപണത്തിനുണ്ട്. ഈമാസം 15നാണ് ചരിത്രദിനം. തിരുവനന്തപുരം വിക്രം സാരാഭായി സ്പേസ് സെന്ററില്‍ വികസിപ്പിച്ചെടുത്ത പി.എസ്.എല്‍.വിയുടെ എക്സ്എല്‍ പതിപ്പാണ് വിക്ഷേപണത്തിന് ഉപയോഗിക്കുന്നത്. ആദ്യം 83 ഉപഗ്രഹങ്ങള്‍ വിക്ഷേപിക്കാനാണ് തീരുമാനിച്ചിരുന്നതെങ്കിലും പിന്നീട് 21 വിദേശ ഉപഗ്രഹങ്ങള്‍ കൂടി ചേര്‍ത്തു. തുടര്‍ന്ന്് ദൗത്യം ഡിസംബര്‍ 26ല്‍ നിന്ന് ഈമാസം 15 ലേക്ക് മാറ്റുകയായിരുന്നു. കാര്‍ട്ടോസാറ്റ് 2 ഒരു ഉപഗ്രഹം, ഐ.എന്‍.എസ് ഒന്ന് എ, ഐ.എന്‍.എസ് ഒന്ന് ബി എന്നിവയാണ് ഇന്ത്യന്‍ ഉപഗ്രഹങ്ങള്‍.നാല് ഉപഗ്രഹങ്ങള്‍ വീതമുള്ള 25 ക്വാഡ് പാക്കാണിത്. ഇവയില്‍ ഒരെണ്ണം വിക്ഷേപണ വാഹനത്തില്‍ നിന്ന് വിഘടിച്ചശേഷം രണ്ടാകും. ഇന്ത്യയുടെ കാര്‍ട്ടോസാറ്റ് രണ്ട് ശ്രേണിയിലെ ഉപഗ്രഹത്തിനു മാത്രം 714 കിലോ ഭാരമുണ്ട്. ഐ.എന്‍.എസ് ഒന്ന് എക്കും ഒന്ന് ബി്ക്കും 18 കിലോ ഭാരമാണുള്ളത്. ബാക്കിയുള്ള 101 ഉപഗ്രഹങ്ങള്‍ 643 കിലോ ഭാരം വരും. വിക്ഷേപിച്ച് 42 സെക്കന്‍ഡ് കഴിയുമ്പോള്‍ കാര്‍ട്ടോസാറ്റ് ഭ്രമണപഥത്തിലെത്തും.52 സെക്കന്‍ഡ് ആകുമ്പോള്‍ ഐ.എന്‍.എസ് ഒന്ന് എ, ഒന്ന് ബി എന്നിവ വേര്‍പെടും. അവശേഷിക്കുന്നവ തുടര്‍ന്നുള്ള 625 സെക്കന്റുകളില്‍ ഭ്രമണപഥത്തിലെത്തുമെന്നാണ് പ്രതീക്ഷ. 20 ഉപഗ്രഹങ്ങള്‍ ഒന്നിച്ചെത്തിച്ചതാണ് ഐ.എസ്.ആര്‍.ഒ യുടെ ഏറ്റവും വലിയ ദൗത്യം. 2014 ല്‍ ഒറ്റ വിക്ഷേപണത്തില്‍ 37 ഉപഗ്രഹങ്ങളെത്തിച്ച റഷ്യയാണ് നിലവില്‍ മുന്നില്‍. അമേരിക്കയുടെയും ജര്‍മനിയുടെയും ഉള്‍പ്പെടെ ഉപഗ്രഹങ്ങളുമായി പി.എസ്.എല്‍.വി സി 37 ശ്രീഹരിക്കോട്ടയിലെ സതീഷ് ധവാന്‍ സ്‌പേസ് സെന്ററില്‍നിന്ന് 15 ന് രാവിലെ 9.28 ന് കുതിച്ചുയരും. പി.എസ്.എല്‍.വ യുടെ മുപ്പത്തിയൊമ്പതാം ദൗത്യമാണിത്.