സെക്രട്ടറി ഷാജി കുരട്ടിക്കാട് സ്വാഗതം പറഞ്ഞു. മുന്‍ ജില്ലാ സെക്രട്ടറി ബി.എ ഗഫൂര്‍ ആമുഖ പ്രഭാഷണം നടത്തി. കെ.എം.സി.സി ലൈല അഫലാജ് സെന്‍ട്രല്‍ കമ്മിറ്റി പ്രസിഡന്റ് എ മുഹമ്മദ് രാജ സജിയുടെ കുടുംബത്തിന് 6 ലക്ഷം രൂപയുടെ ധന സഹായം കൈമാറി. മുസ്ലിം ലീഗ് ജില്ലാ വൈസ് പ്രസിഡന്റ് ഹനീഫ സാഹിബ്, വനിതാ ലീഗ് ജില്ലാ പ്രസിഡന്റ്, ഷൈനാ നവാസ്, മുസ്ലിം ലീഗ് ജില്ലാ കൗണ്‍സില്‍ അംഗങ്ങളായ അമീര്‍, ഷാജി കെ.എം.സി.സി, അബ്ദുള്‍ ലത്തിഫ് തൊടിയൂര്‍,മുസ്ലിം ലീഗ് പഞ്ചായത്ത് കമ്മിറ്റി പ്രസിഡന്റ് കെ.എ ലത്തീഫ്,മാന്നാര്‍ മുസ്ലിം ജമാഅത്ത് പ്രസിഡന്റ് എന്‍.എ റഷീദ്, മര്‍ച്ചന്റ്‌സ് അസോസിയേഷന്‍ ജനറല്‍ സെക്രട്ടറി റഷീദ് പടിപ്പുരയ്ക്കല്‍, യു.ഡി.എഫ് മാന്നാര്‍ മണ്ഡലം കണ്‍വീനര്‍ എ.കെ മിര്‍സാദ്, മുസ്ലിം ലീഗ് മണ്ഡലം സെക്രട്ടറി സലിം മണപ്പുറത്ത്, മുന്‍ നിയോജക മണ്ഡലം പ്രസിവന്റ് എന്‍.എ സുബൈര്‍, എം. താജുദീന്‍ കുട്ടി, സുലൈമാന്‍ കുഞ്ഞ് കുന്നേല്‍, മാഹീന്‍ ആലുമ്മൂട്ടില്‍, റഫീഖ് കുന്നേല്‍ എന്നിവര്‍ പ്രസംഗിച്ചു.

ജനുവരി ആദ്യവാരംതന്നെ Grace educational association(ഗ്രേസ്ബുക്‌സു)മായി സഹകരിച്ച് പ്രവര്‍ത്തനം ആരംഭിക്കും. ഗവേഷണവിദ്യാര്‍ത്ഥികള്‍ക്ക് റഫര്‍ ചെയ്യാന്‍ സഹായമാകും വിധം ഒരു സംപൂര്‍ണ്ണ ഗ്രന്ഥമാകും ഈ ചരിത്ര രേഖ .

സൗദി കെ.എം.സി.സി നാഷണല്‍ കമ്മറ്റി ഏര്‍പ്പെടുത്തിയ എഞ്ചി. സി ഹാഷിം സ്മാരക കര്‍മ്മപുരസ്‌ക്കാര ജേതാവായി ഈ വര്‍ഷം ജൂറി തിരഞ്ഞെടുത്ത ചന്ദ്രിക മുന്‍ പത്രാധിപര്‍ സി.പി സൈതലവിക്ക് ഒരു ലക്ഷവും പുരസ്‌ക്കാരം ചടങ്ങില്‍ സമ്മാനിക്കും. സൗദി കെ.എം.സി.സി യുടെ സാമൂഹ്യ സുരക്ഷാ പദ്ധതി മെഡിക്കല്‍ അഡൈ്വസറായി നീണ്ട പത്ത് വര്‍ഷക്കാലം സേവനം അര്‍പ്പിച്ച പ്രശസ്ത സര്‍ജന്‍ ഡോക്റ്റര്‍ അബ്ദുറഹിമാന്‍ അമ്പാടിക്കുള്ള ആദരം, നാഷണല്‍ കമ്മറ്റി പഴയ സുരക്ഷാ പദ്ധതി അംഗങ്ങള്‍ക്കായി അടുത്ത വര്‍ഷം മുതല്‍ നടപ്പിലാക്കുന്ന പെന്‍ഷന്‍ മാതൃകയിലുള്ള മാസാന്ത കാരുണ്യ സാന്ത്വനം ‘ഹദിയത്തുറഹ്മ പദ്ധതിയുടെ പ്രഖ്യാപനം എന്നിവയും ചടങ്ങില്‍ വെച്ച് നടക്കും.

സംസ്ഥാന ജനറല്‍ സെക്രട്ടറി അഡ്വ. പി.എം.എ സലാം, പാണക്കാട് സയ്യിദ് അബ്ബാസലി ശിഹാബ് തങ്ങള്‍, സയ്യിദ് മുനവ്വറലി ശിഹാബ് തങ്ങള്‍, എം.സി മായിന്‍ ഹാജി, അബ്ദുറഹിമാന്‍ കല്ലായി,ഉമ്മര്‍ പാണ്ടികശാല, അഡ്വ. കെ എന്‍ എ ഖാദര്‍, സി.പി സൈതലവി, നൗഷാദ് മണ്ണിശ്ശേരി, കെ.പി മുഹമ്മദ് കുട്ടി, ശരീഫ് കുറ്റൂര്‍, പി.എം സമീര്‍ തുടങ്ങിയ നേതാക്കള്‍ സംബന്ധിക്കും.

റിയാദ് : ജീവകാരുണ്യ രംഗത്ത് തുല്യതയില്ലാത്ത പ്രവര്‍ത്തനങ്ങള്‍ക്ക് നേതൃത്വം നല്‍കുന്ന സൗദി കെ.എം.സി.സി അതിന്റെ ചരിത്രത്തിലെ ഏറ്റവും വലിയ തുക നാളെ വെള്ളിയാഴ്ച്ച വിതരണം ചെയ്യും. സൗദി കെ.എം.സി.സി നാഷണല്‍ കമ്മറ്റിയുടെ സാമൂഹ്യ സുരക്ഷാ പദ്ധതിയില്‍ നിന്നും അഞ്ചര കോടിയോളം രൂപയുടെ ആനുകൂല്യങ്ങള്‍ വിതരണം ചെയ്യുന്നതിന്റെ ഔപചാരികമായ ഉദ്ഘാടനം സെപ്റ്റംബര്‍ 18 ന് വെള്ളിയാഴ്ച്ച മൂന്ന് മണിക്ക് പാണക്കാട് വെച്ച് നടക്കുന്ന ചടങ്ങില്‍ സംസ്ഥാന മുസ്ലിംലീഗ് പ്രസിഡണ്ട് സയ്യിദ് ഹൈദരലി ശിഹാബ് തങ്ങള്‍ നിര്‍വഹിക്കും. കെഎംസിസി സൗദി നാഷണല്‍ കമ്മിറ്റി പ്രസിഡണ്ട് കെ പി മുഹമ്മദ്കുട്ടി അധ്യക്ഷത വഹിക്കും.

ചടങ്ങില്‍ മുസ്ലിംലീഗ് നേതാക്കളയായ പി കെ കുഞ്ഞാലികുട്ടി എം പി, സയ്യിദ് സാദിഖലി ശിഹാബ് തങ്ങള്‍ , ഇ ടി മുഹമ്മദ്ബഷീര്‍ എംപി , പി വി അബ്ദുല്‍ വഹാബ് എംപി , കെ പി എ മജീദ് , എം കെ മുനീര്‍ എം എല്‍ എ , സയ്യിദ് മുനവ്വറലി ശിഹാബ് തങ്ങള്‍, എം സി മായിന്‍ഹാജി, അബ്ദുല്‍റഹ്മാന്‍ കല്ലായി, ആബിദ് ഹുസ്സൈന്‍ തങ്ങള്‍ എം എല്‍ എ, ഉമ്മര്‍ പാണ്ടികശാല, പി കെ ഫിറോസ് , അഡ്വ യു എ ലത്തീഫ് തുടങ്ങിയവര്‍ പങ്കെടുക്കും.

കൊവിഡ് 19 ബാധിച്ച് മരണപ്പെട്ട 22 പേരടക്കം 2020 വര്‍ഷത്തില്‍ സുരക്ഷാ പദ്ധതിയില്‍ അംഗങ്ങളായിരിക്കെ മരണപ്പെട്ട എണ്‍പത്തി ഒന്ന് പേരുടെ ആശ്രിതര്‍ക്ക് ആറ് ലക്ഷം രൂപവീതവും, പദ്ധതി കാലയളവില്‍ മാരക രോഗങ്ങള്‍ക്ക് ചികിത്സ തേടിയ നൂറ്റി പത്തോളം അംഗങ്ങള്‍ക്ക് ചികിത്സാ ആനുകൂല്യങ്ങളുമടക്കം അഞ്ചര കോടിയോളം രൂപയാണ് വിതരണം ചെയ്യുന്നത്.

സൗദി മണലാരണ്യത്തില്‍ ജീവിതം തള്ളി നീക്കുന്ന ഏറ്റവും ദുര്‍ബലരായ ജനസമൂഹത്തിന് ജാതി മത രാഷ്ട്രീയ വേര്‍ത്തിരിവുകള്‍ക്കതീതമായി, കഴിഞ്ഞ ആറു വര്‍ഷത്തിനിടയില്‍ പതിനഞ്ചു കോടിയോളം രൂപ വിതരണം ചെയ്തിട്ടുള്ള പ്രവാസലോകത്തെ ഏറ്റവും വലിയ പരസ്പ്പര സഹായ പദ്ധതിയിയാണ് കെഎംസിസി സൗദി നാഷണല്‍ കമ്മറ്റിയുടെ സാമൂഹ്യ സുരക്ഷാ പദ്ധതി. ഈ വര്‍ഷത്തെ ആനുകൂല്യങ്ങളടക്കം ഇതുവരെ ഇരുപത് കോടി രൂപയിലധികം ആനുകൂല്യങ്ങളാണ് വിതരണം ചെയ്തതെന്ന് കെഎംസിസി നേതാക്കള്‍ വിശദീകരിച്ചു .സുരക്ഷാ പദ്ധതിയുടെ പ്രവര്‍ത്തനങ്ങള്‍ ക്രോഡീകരിക്കുന്നതിനും സുഗമമായ നടത്തിപ്പിനുമായി കോഴിക്കോട് കേന്ദ്രീകരിച്ച് കെഎംസിസി കേരള ട്രസ്റ്റ് എന്ന പേരില്‍ റെജിസ്‌ട്രേഡ് ട്രസ്റ്റ് പ്രവര്‍ത്തിച്ച് വരുന്നുണ്ട്.

സുരക്ഷാ പദ്ധതിയുടെ 2021 വര്‍ഷത്തെ അംഗത്വ പ്രചാരണ പ്രവര്‍ത്തനങ്ങള്‍ ഒക്ടോബര്‍ ഒന്നിന് ആരംഭിച്ച്, ഡിസംബര്‍ പതിനഞ്ചിന് അവസാനിക്കും. പദ്ധതിയില്‍ ഭാഗവാക്കാവുന്നതിന് താല്പര്യമുള്ള പ്രവാസികള്‍ സൗദി കെ.എം.സി.സി നാഷണല്‍ കമ്മറ്റിയുടെ കീഴ്ഘടകങ്ങള്‍ മുഖേനെ നടപടികള്‍ പൂര്‍ത്തീകരിക്കേണ്ടതാണ്. www .mykmcc.org എന്ന സംഘടനയുടെ ഔദ്യോഗിക വെബ്‌സൈറ്റിലൂടെയും അംഗത്വം പുതുക്കുവാന്‍ സാധിക്കുന്നതാണ്.

കോവിഡിന്റെ പിടിയിലകപ്പെട്ടു ലോകം വിറങ്ങലിച്ചു നില്‍ക്കുമ്പോള്‍ പ്രവാസ ലോകത്ത് കാരുണ്യകടല്‍ തീര്‍ത്ത കെഎംസിസി സമാനതകളില്ലാത്ത ജീവ കാരുണ്യപ്രവര്‍ത്തങ്ങള്‍ക്കാണ് സൗദി നാഷണല്‍ കമ്മിറ്റി നേതൃത്വം നല്‍കിയത്. സൗദിയില്‍ വിവിധ ഘടകങ്ങള്‍ നടത്തിയത് കോടികണക്കിന് രൂപയുടെ റിലീഫ് പ്രവര്‍ത്തനങ്ങളാണ്. ഓണ്‍ലൈന്‍ വാര്‍ത്ത സമ്മേളനത്തില്‍ കെഎംസിസി സൗദി നാഷണല്‍ കമ്മിറ്റി പ്രസിഡണ്ട് കെ പി മുഹമ്മദ്കുട്ടി, വര്‍ക്കിങ് പ്രസിഡണ്ട് അഷ്‌റഫ് വേങ്ങാട്ട് ,ജനറല്‍ സെക്രട്ടറി ഖാദര്‍ ചെങ്കള, ട്രഷറര്‍ കുഞ്ഞിമോന്‍ കാക്കിയ, സുരക്ഷാപദ്ധതി ചെയര്‍മാന്‍ അഷ്‌റഫ് തങ്ങള്‍ ചെട്ടിപ്പടി, ഹജ്ജ് സെല്‍ ചെയര്‍മാന്‍ അഹമ്മദ് പാളയാട്ട് , സുരക്ഷാ പദ്ധതി കോ ഓര്‍ഡിനേറ്റര്‍ റഫീഖ് പാറക്കല്‍ എന്നിവര്‍ പങ്കെടുത്തു.