സഊദിക്ക് സമാന സാഹചര്യം നമ്മള്‍ ചൈനയിലും കണ്ടു. താരങ്ങള്‍ കരിയറിന്റെ അവസാനം എത്തുമ്പോള്‍ വലിയ തുകയ്ക്ക് അവരെ ചൈനയിലേക്ക് എത്തിച്ചു. പക്ഷേ ചൈനീസ് ഫുട്‌ബോളിന് ഉയര്‍ച്ച ഉണ്ടായില്ല. കിലിയന്‍ എംബാപ്പയും എര്‍ലിങ് ഹാളണ്ടും സഊദിയിലേക്ക് പോകാന്‍ ആഗ്രഹിക്കുന്നില്ലെന്നും യുവേഫ പ്രസിഡന്റ് വ്യക്തമാക്കി.

ചാമ്പ്യന്‍സ് ലീഗ് ഫൈനലിന് സഊദി വേദിയാകുമെന്ന വാര്‍ത്തകളും സെഫറിന്‍ നിഷേധിച്ചു. ഫൈനല്‍ വേദി തീരുമാനിക്കുന്നത് യുവേഫയാണ്. ആരുടെയും താല്‍പ്പര്യങ്ങള്‍ക്ക് അനുസരിച്ച് വേദി മാറ്റാന്‍ കഴിയില്ല. സഊദി ലീഗിലേക്ക് മാധ്യമ ശ്രദ്ധ ലഭിക്കുന്നത് യൂറോപ്പ്യന്‍ ഫുട്‌ബോളിന് ഭീഷണി അല്ലെന്നും അലക്‌സാണ്ടര്‍ സെഫറിന്‍ കൂട്ടിച്ചേര്‍ത്തു.

പോര്‍ച്ചുഗല്‍ ഇതിഹാസം ക്രിസ്റ്റ്യാനോ റൊണാള്‍ഡോയ്ക്ക് പിന്നാലെ വന്‍താര നിരയാണ് യൂറോപ്പ് വിട്ട് സഊദി ലീഗിലേക്ക് എത്തിയിരുന്നു. കരീം ബെന്‍സീമ, നെയ്മര്‍ ജൂനിയര്‍, റോബര്‍ട്ടോ ഫിര്‍മിനോ, സാദിയോ മാനെ തുടങ്ങിയ താരങ്ങള്‍ ഇപ്പോള്‍ സഊദി ലീഗിലെ ക്ലബുകളിലാണ്. തുടര്‍ന്നാണ് സഊദി ക്ലബുകളെ ചാമ്പ്യന്‍സ് ലീഗില്‍ ഉള്‍പ്പെടുത്തണമെന്ന ആവശ്യം ഉയര്‍ന്നത്.

ഖത്തര്‍ ലോകകപ്പില്‍ മൊറോക്കോ സെമി വരെ എത്തിയതില്‍ നിര്‍ണാക പങ്കു വഹിച്ച താരമാണ് ബോനോ. ക്വാര്‍ട്ടര്‍ വരെയുള്ള മത്സരങ്ങളില്‍ ഒരു ഗോള്‍ മാത്രമായിരുന്നു ബോനോ വഴങ്ങിയത്. 2020 ലാണ് ബോനോ സെവിയയിലേക്ക് എത്തിയത്. 141 മത്സരങ്ങള്‍ സ്പാനിഷ് ക്ലബിനു വേണ്ടി ബോനോ കളിച്ചിട്ടുണ്ട്. 58 മത്സരങ്ങളില്‍ ക്ലീന്‍ ഷീറ്റ് സ്വന്തമാക്കി. 2020ല്‍ യുവേഫ യൂറോപ്യന്‍ ലീഗ് ചാമ്പ്യന്മാരായ സെവിയ ടീമില്‍ ബോനോ ഉണ്ടായിരുന്നു.

സെവിയ്യില്‍ 2025 വരെ യാസിന് കരാര്‍ ഉണ്ട്. എന്നാല്‍ ഖത്തര്‍ ലോകകപ്പിലെ തകര്‍പ്പന്‍ പ്രകടനം താരത്തിന്റെ മൂല്യം ഉയര്‍ത്തുകയായിരുന്നു. ഖത്തര്‍ ലോകകപ്പിന് പിന്നാലെ റയല്‍ മാഡ്രിഡും ബയേണ്‍ മ്യൂണിച്ചും താരത്തെ നോട്ടമിട്ടിരുന്നു. അവിടെ നിന്നാണ് പണം കൊടുത്ത് യാസിനെ അല്‍ ഹിലാല്‍ പോക്കറ്റിലാക്കുന്നത്. മൂന്ന് വര്‍ഷമാകും ഹിലാലിലെ യാസിന്റെ സേവനം.

അതേസമയം സെര്‍ബിയന്‍ ഫുട്ബോള്‍ താരം അലക്സാണ്ടര്‍ മിട്രോവിച്ചിനെയാണ് അല്‍ ഹിലാല്‍ അടുത്തതായി നോട്ടമിടുന്നത്. നിലവില്‍ ഇംഗ്ലീഷ് പ്രീമിയര്‍ ലീഗ് ക്ലബ്ബ് ഫുള്‍ഹാം എഫ്.സിയുടെ താരമാണ് മിട്രോവിച്ച്. ഫുള്‍ഹാമിനായി 206 മത്സരങ്ങളില്‍ നിന്ന് 111 ഗോളുകള്‍ നേടിയ താരം ഉജ്വല ഫോമിലാണ്.

കഴിഞ്ഞ സീസണില്‍ മാത്രം പതിനാല് പ്രീമിയര്‍ ലീഗ് ഗോളുകളാണ് താരം നേടിയത്. മിട്രോവിച്ചുമായി ബന്ധപ്പെട്ട കരാര്‍ അന്തിമ ഘട്ടത്തിലാണെന്നും ഉടന്‍ തന്നെ ഔദ്യോഗിക പ്രഖ്യാപനം വരുമെന്നാണ് അറിയുന്നത്. നേരത്തെ ഒരു കരാര്‍ ഹിലാല്‍ മുന്നോട്ടുവെച്ചെങ്കില്‍ ഫുള്‍ഹാമിന് താത്പര്യമില്ലായിരുന്നു. എന്നാല്‍ നെയ്മറെ ഹിലാല്‍ ടീമില്‍ എത്തിച്ചതോടെ മുന്നേറ്റ നിരക്ക് ഊര്‍ജം പകരാന്‍ ഒരാള്‍ കൂടി വേണമെന്ന നിര്‍ബന്ധമാണ് മിഡ്രോവിച്ചിന്റെ പിന്നാലെ ശക്തമായി കൂടാന്‍ കാരണം. കരാര്‍ എത്രയെന്ന് ഇപ്പോള്‍ വ്യക്തമല്ല.

2017ല്‍ ബാഴ്‌സലോണയില്‍നിന്നാണ് നെയ്മര്‍ പി.എസ്.ജിയില്‍ എത്തുന്നത്. ഫുട്‌ബോള്‍ വിപണിയിലെ മികച്ച കരാറുകളിലൊന്നാണ് അന്ന് നെയ്മറിന് ലഭിച്ചിരുന്നത്. പിന്നാലെ മെസിയും ക്ലബിനൊപ്പം ചേര്‍ന്നു. നെയ്മര്‍ മെസി എംബാപ്പെ ഭരണമായിരുന്നു പിന്നീട് പി.എസ്.ജിയില്‍. എന്നാല്‍, പി.എസ്.ജി കണ്ണുവെച്ച ചാമ്പ്യന്‍സ് ട്രോഫി പാരീസില്‍ എത്തിക്കാന്‍ ഈ സഖ്യത്തിനായില്ല. ഇതോടെയാണ് വമ്പന്‍ തുക ചെലവാക്കി ഇവരെ ക്ലബില്‍ നിലനിര്‍ത്തേണ്ടതില്ലെന്ന തരത്തിലേക്ക് പി.എസ്.ജി മാനേജ്‌മെന്റ് ആലോചിക്കുന്നതും മെസിയുടെ പുറത്താകലിലേക്കു കാര്യങ്ങള്‍ എത്തിയതും. മെസിക്കുനേരെ കാണികള്‍ കൂവുന്ന സാഹചര്യംവരെ പാരീസില്‍ ഉണ്ടായി.

കിലിയന്‍ എംബാപ്പെയും പി.എസ്.ജി വിട്ടു മറ്റു ക്ലബുകളില്‍ ചേക്കാറാന്‍ നീക്കം നടത്തുന്നുണ്ട്. അടുത്ത വര്‍ഷം അവസാനിക്കാനിരിക്കുന്ന കരാര്‍ പുതുക്കില്ലെന്നു നേരത്തെ താരം വ്യക്തമാക്കിയിരുന്നു. ഇതിനുശേഷം ക്ലബ് താരവുമായി ഇടഞ്ഞുനില്‍ക്കുകയാണ്. താരത്തെ സീസണ്‍ തീരുംമുന്‍പ് തന്നെ വില്‍ക്കാനാണ് ക്ലബ് നീക്കം. റയല്‍ മാഡ്രിഡിലേക്കു കൂടുമാറാന്‍ താരവും ആഗ്രഹിക്കുന്നു. സൗദി ക്ലബുകള്‍ താല്‍പര്യമറിയിച്ച് എത്തിയെങ്കിലും തല്‍ക്കാലം അങ്ങോട്ടില്ലെന്നു വ്യക്തമാക്കിയിരിക്കുകയാണ് എംബാപ്പെ. അതിനിടെ, പി.എസ്.ജിയും താരവും തമ്മില്‍ ചര്‍ച്ച നടത്തി പ്രശ്‌നങ്ങള്‍ പറഞ്ഞുതീര്‍ന്നതായും റിപ്പോര്‍ട്ടുണ്ട്.

കൃസ്റ്റിയാനോ റൊണാള്‍ഡോയുടെ പാത പിന്‍പറ്റി വന്‍കിട താരങ്ങളില്‍ പലരും സഊദി ക്ലബുകള്‍ വാഗ്ദാനം ചെയ്യുന്ന കോടികിലുക്കത്തില്‍ അങ്ങോട്ട് ഒഴുകുമ്പോള്‍ പ്രീമിയര്‍ ലീഗില്‍ കളിക്കാന്‍ താരങ്ങളെ കിട്ടില്ല എന്നാണ് പെപ് പേടിക്കുന്നത്. യൂറോപ്പില്‍ ട്രാന്‍സ്ഫര്‍ വിന്‍ഡോ അവസാനിക്കാനിരിക്കുന്നു. അതിന് ശേഷം മൂന്നാഴ്ച്ചയോളം സഊദിയില്‍ ട്രാന്‍സ്ഫര്‍ വാതില്‍ തുറന്ന് കിടക്കും. ആ കാലയളവില്‍ ഏതെല്ലാം താരങ്ങള്‍ അങ്ങോട്ട് ഒഴുകുമെന്ന ഭീതി പ്രീമിയര്‍ ലീഗ് പരിശീലകര്‍ക്കെല്ലാമുണ്ട്. ക്ലോപ്പെയും പെപ്പും ഇത് തുറന്ന് പ്രകടിപ്പിച്ചപ്പോള്‍ മാഞ്ചസ്റ്റര്‍ യുനൈറ്റഡ് പരിശീലകന്‍ എറിക് ടെന്‍ ഹാഗ് അത്തരത്തിലൊരു ഭീതി പങ്ക് വെക്കുന്നില്ല. സഊദി ഒരു തരത്തിലും യൂറോപ്പിനെ ബാധിക്കില്ല എന്ന പക്ഷത്താണ് അദ്ദേഹം. എറിക് ടെന്‍ ഹാഗുമായി തെറ്റിയാണ് റൊണാള്‍ഡോ സഊദിയിലേക്ക് പോയത്. ഇതിനെ പിന്തുടര്‍ന്നാണ് ഈ സീസണില്‍ വലിയ താരങ്ങളുടെ ഒഴുക്കുണ്ടായത്.

കരീം ബെന്‍സേമയിലാണ് സീസണിലെ ഒഴുക്ക് തുടങ്ങിയത്. അതിപ്പോള്‍ സാദിയോ മാനേയിലെത്തി നില്‍ക്കുന്നു. അല്‍ നസര്‍, അല്‍ ഇത്തിഹാദ്, അല്‍ ഇത്തിഫാഖ്, അല്‍ അഹ്‌ലി, അല്‍ ഹിലാല്‍ തുടങ്ങിയ ക്ലബുകളിലേക്കാണ് കൂടുതല്‍ താരങ്ങളെത്തിയത്. നഷ്ടങ്ങളേറെയും ലിവര്‍പൂളിനും. അവരുടെ നായകന്‍ ജോര്‍ദ്ദാന്‍ ഹെന്‍ഡേഴ്‌സണ്‍ ഉള്‍പ്പെടെയുളളവരാണ് റിയാദിലേക്ക് വിമാനം കയറിയത്.

ബയേണ്‍ ടീം ഇപ്പോള്‍ പ്രീസീസണ്‍ ക്യാമ്പിനായി ജപ്പാനിലാണ്. മാനേ അവര്‍ക്കൊപ്പമുണ്ടെങ്കിലും ജപ്പാന്‍ ക്ലബായ കവാസ്‌ക്കിക്കെതിരായ മല്‍സരത്തില്‍ അദ്ദേഹത്തെ ഉള്‍പ്പെടുത്തിയിരുന്നില്ല. അവസാന സീസണിലാണ് ലിവര്‍പൂളില്‍ നിന്നും 35 ദശലക്ഷം ഡോളറിന് മാനേ ബയേണിലെത്തിയത്. എന്നാല്‍ ലിവര്‍ നിരയില്‍ കത്തി കളിച്ചിരുന്ന മാനേക്ക് ആ ഫോമിന്റെ നാലയലത്ത് എത്താന്‍ ബയേണില്‍ കഴിഞ്ഞിരുന്നില്ല. ലിറോയ് സാനേയുമായുണ്ടായ വഴക്കിനെ തുടര്‍ന്ന് ക്ലബും താരവും കൂടുതല്‍ അകന്നു. ബുണ്ടസ് ലീഗില്‍ 38 മല്‍സരങ്ങളില്‍ കളിച്ചിരുന്നു.