sbi-sbt merger – Chandrika Daily https://www.chandrikadaily.com Thu, 12 Jul 2018 07:46:58 +0000 en-US hourly 1 https://wordpress.org/?v=5.8.12 https://www.chandrikadaily.com/wp-content/uploads/2020/08/chandrika-fav.jpeg sbi-sbt merger – Chandrika Daily https://www.chandrikadaily.com 32 32 നോട്ട് നിരോധനം; ഓവര്‍ ടൈം തുക എസ്.ബി.ഐ തിരിച്ചുപിടിക്കുന്നു https://www.chandrikadaily.com/sbi-take-extra-allowance-from-employees-when-the-paid-it-demonetization-time.html https://www.chandrikadaily.com/sbi-take-extra-allowance-from-employees-when-the-paid-it-demonetization-time.html#respond Thu, 12 Jul 2018 07:42:15 +0000 http://www.chandrikadaily.com/?p=94106 ന്യൂഡല്‍ഹി: നോട്ട് നിരോധനം നടപ്പാക്കിയ 2016ല്‍ കൂടുതല്‍ സമയം ജോലി ചെയ്തതിന് ശമ്പളത്തിനുപുറമെ നല്‍കിയ അധികതുക തിരിച്ചുപിടിക്കാന്‍ സ്റ്റേറ്റ് ബാങ്ക് ഓഫ് ഇന്ത്യ (എസ്.ബി.ഐ) നിര്‍ദേശം നല്‍കി. എസ്.ബി.ഐയില്‍ ലയിക്കുന്നതിനു മുമ്പ് അസോസിയേറ്റ് ബാങ്കുകളായിരുന്നപ്പോള്‍ നല്‍കിയ തുകയാണ് തിരിച്ചുപിടിക്കാന്‍ ആവശ്യപ്പെട്ടിരിക്കുന്നത്. എസ്.ബി.ഐ ശാഖകളിലെയും അഞ്ച് അനുബന്ധ ബാങ്കുകളിലെയും ജീവനക്കാര്‍ക്ക് നല്‍കിയ തുക തിരിച്ചുപിടിക്കാന്‍ വിവിധ സോണുകള്‍ക്ക് നിര്‍ദേശം നല്‍കി. 70,000ത്തോളം ഓഫീസര്‍മാരും മറ്റ് ജീവനക്കാരുമാണ് അനുബന്ധ ബാങ്കുകള്‍ ലയിപ്പിക്കുമ്പോള്‍ എസ്.ബി.ഐയില്‍ ഉണ്ടായിരുന്നത്.

2017 ഏപ്രില്‍ ഒന്നിനായിരുന്നു ലയനം യാഥാര്‍ത്ഥ്യമായത്. സ്റ്റേറ്റ് ബാങ്ക് ഓഫ് പട്യാല, സ്റ്റേറ്റ് ബാങ്ക് ഓഫ് ഹൈദരാബാദ്, സ്റ്റേറ്റ് ബാങ്ക് ഓഫ് മൈസൂര്‍, സ്റ്റേറ്റ് ബാങ്ക് ഓഫ് ട്രാവന്‍കൂര്‍, സ്റ്റേറ്റ് ബാങ്ക് ഓഫ് ബിക്കാനീര്‍ ആന്റ് ജെയ്പൂര്‍ എന്നീ ബാങ്കുകളാണ് എസ്.ബി.ഐയുമായി ലയിച്ചത്. നോട്ട് നിരോധിച്ച കാലയളവില്‍, 2016 നവംബര്‍ 14നും ഡിസംബര്‍ 30നും ഇടയില്‍ വൈകീട്ട് 7 മണി കഴിഞ്ഞും ജോലി ചെയ്ത ജീവനക്കാര്‍ക്കാണ് പ്രതിഫലമായി കൂടുതല്‍ തുക നല്‍കിയത്. ഓഫീസര്‍മാര്‍ക്ക് 30,000 രൂപയോളവും ക്ലരിക്കല്‍ ജീവനക്കാര്‍ക്ക് 17,000 രൂപയോളവുമാണ് അധികമായി നല്‍കിയത്. നല്‍കിയ തുക തിരിച്ചുപിടിക്കാനുള്ള നീക്കത്തിനെതിരെ ജീവനക്കാരുടെ സംഘടന രംഗത്തെത്തിയിട്ടുണ്ട്.

]]> https://www.chandrikadaily.com/sbi-take-extra-allowance-from-employees-when-the-paid-it-demonetization-time.html/feed 0 പഴയ എസ്ബിടി ഇടപാടുകാര്‍ക്ക് എസ്ബിഐ ചെക്ക്ബുക്ക് നിര്‍ബന്ധം https://www.chandrikadaily.com/sbi-sbt-chequebook.html https://www.chandrikadaily.com/sbi-sbt-chequebook.html#respond Thu, 07 Sep 2017 09:10:08 +0000 http://www.chandrikadaily.com/?p=43000 തിരുവനന്തപുരം: പഴയ എസ്ബിടി ഇടപാടുകാര്‍ക്ക് പുതിയ ചെക്ക്ബുക്ക് നിര്‍ബന്ധമാക്കി എസ്ബിഐ. എസ്ബിടി-എസ്ബിഐ ലയനം പൂര്‍ത്തിയായ സാഹചര്യത്തിലാണ് നടപടി. പഴയ ചെക്ക് ലീഫ് കൈവശമുള്ളവര്‍ എസ്ബിഐ ചെക്കിലേക്ക് എത്രയും പെട്ടെന്നു മാറണമെന്ന് ബാങ്ക് അധികൃതര്‍ അറിയിച്ചു. നേരത്തെ എസ്ബിടി ചെക്കുകളുടെ കാലാവധി ജൂലൈ വരെയായിരുന്നു നല്‍കിയിരുന്നത്. ഇത് പിന്നീട് നീട്ടിനല്‍കുകയായിരുന്നു. പഴയ എസ്ബിടി ചെക്കുകള്‍ പാസായി പോവുകയും ചെയ്തു. എന്നാല്‍ ഈ മാസം അവസാനത്തോടെ പഴയ ചെക്കുകള്‍ പാസാക്കാനാവില്ല. ഐഎഫ്എസ് കോഡ് സംബന്ധിച്ചും ചെറിയ മാറ്റം സംഭവിച്ചിട്ടുണ്ട്. ശാഖയില്‍ അന്വേഷിച്ച് പുതിയ കോഡ് ഉപയോഗിക്കണമെന്നും എസ്ബിഐ വക്താവ് അറിയിച്ചു.

]]> https://www.chandrikadaily.com/sbi-sbt-chequebook.html/feed 0 എസ്ബിടി ഇന്ന് രാത്രി നിശ്ചലമാകും; എ.ടി.എം, ഇന്റര്‍നെറ്റ്, മൊബൈല്‍ ബാങ്കിങുകളെ ബാധിക്കും https://www.chandrikadaily.com/sbt-sbi-2.html https://www.chandrikadaily.com/sbt-sbi-2.html#respond Fri, 21 Apr 2017 04:59:57 +0000 http://www.chandrikadaily.com/?p=26688 മുംബൈ: എസ്ബിഐയുമായുള്ള ലയനവുമായി ബന്ധപ്പെട്ട് ഇന്നു രാത്രി എസ്ബിടി സേവനങ്ങള്‍ നിശ്ചലമാകും. എസ്ബിടി ഇടപാടുകാരുടെ എടിഎം, ഇന്റര്‍നെറ്റ്, മൊബൈല്‍ ബാങ്കിങ് സംവിധാനത്തെ സാരമായി ബാധിക്കും. ഇന്നു രാത്രി 11.15 മുതല്‍ നാളെ രാവിലെ 11.30 വരെ ഈ സേവനങ്ങള്‍ ലഭ്യമാവില്ല. എസ്ബിടി-എസ്ബിഐ ലയന നടപടികള്‍ പുരോഗമിക്കുന്ന സാഹചര്യത്തിലാണ് നടപടി. ലയനത്തിനു പിന്നാലെ, എസ്ബിടി ഇടപാടുകാരുടെ എല്ലാ അക്കൗണ്ട് വിവരങ്ങളും എസ്ബിഐയുടെ കമ്പ്യൂട്ടര്‍ ശൃംഖലയിലേക്ക് കൈമാറുന്ന പ്രവൃത്തി ഇന്നും നാളെയുമായി നടക്കും. ഇന്ത്യന്‍ ചരിത്രത്തില്‍ തന്നെ നടക്കുന്ന ഏറ്റവും വലിയ ഡാറ്റ കൈമാറ്റമാണിത്. കോര്‍പ്പറേറ്റ്, സംസ്ഥാന/കേന്ദ്ര സര്‍ക്കാര്‍ അക്കൗണ്ടുകളുടെ ഇടപാടുകള്‍ ഇന്നു രാത്രി എട്ടു മുതല്‍ തന്നെ തടസ്സപ്പെടും. ഡാറ്റ കൈമാറ്റം പൂര്‍ണമാകുന്നതോടെ എസ്ബിടി ഇടപാടുകാര്‍ക്ക് എസ്ബിഐയുടെ എല്ലാ സേവനങ്ങളും ലഭ്യമാകും. ഇതോടൊപ്പം എസ്ബിഐ അടുത്തിടെ ഏര്‍പ്പെടുത്തിയ മിനിമം ബാലന്‍സില്ലെങ്കില്‍ പിഴയെന്ന പരിഷ്‌കാരവും മറ്റു ഫീസും പഴയ എസ്ബിടി ഇടപാടുകാര്‍ക്കും ബാധകമാകും. അഞ്ച് അനുബന്ധ ബാങ്കുകളില്‍ എസ്ബിടിയുമായാണ് എസ്ബിഐയുടെ ആദ്യ ഡാറ്റ കൈമാറ്റം. തുടര്‍ന്നുള്ള ആഴ്ചകളില്‍ മറ്റ് അനുബന്ധ ബാങ്കുകളുടെ ഡാറ്റ എസ്ബിഐയുമായി സംയോജിപ്പിക്കുന്നതിനാല്‍ മെയ് 27 വരെ എസ്ബിഐ ഇടപാടുകള്‍ ഇടക്കിടെ തടസ്സപ്പെടാനിടയുണ്ട്. ഈ മാസം ഒന്നു വരെ ലയനം നിലവില്‍ വന്നെങ്കിലും ഡാറ്റ കൈമാറ്റത്തോടെയാണ് എസ്ബിടി ഇടപാടുകാര്‍ എസ്ബിഐ ശൃംഖലയുടെ ഭാഗമാകുന്നത്.

]]> https://www.chandrikadaily.com/sbt-sbi-2.html/feed 0 പലിശനിരക്ക് കുറച്ച് എസ്ബിഐ; മാറ്റം ഭവനവായ്പ ഉള്‍പ്പെടെയുള്ളവയില്‍ പ്രതിഫലിക്കും https://www.chandrikadaily.com/sbi-cuts-base-rate-by-15-bps-keeps-mclr-unchanged.html https://www.chandrikadaily.com/sbi-cuts-base-rate-by-15-bps-keeps-mclr-unchanged.html#respond Mon, 03 Apr 2017 12:09:19 +0000 http://www.chandrikadaily.com/?p=24949 മുംബൈ: പലിശനിരക്കില്‍ 0.15% ന്റെ കുറവു വരുത്തി രാജ്യത്തെ ഏറ്റവും വലിയ ബാങ്കായ എസ്ബിഐ. ഇതോടെ അടിസ്ഥാന പലിശനിരക്ക് 9.1 ശതമാനമായി. പുതിയ നിരക്ക് ഏപ്രില്‍ ഒന്നുമുതല്‍ പ്രാബല്യത്തില്‍വന്നു. ഭവനവായ്പ ഉള്‍പ്പെടെയുള്ളവയുടെ പലിശ കുറവ് മാറ്റം കൊണ്ടുവരും.

രാജ്യത്തെ അഞ്ച് അനുബന്ധ ബാങ്കുകളും ഭാരതീയ മഹിളാ ബാങ്കും ലയിപ്പിച്ചതോടെ 500 മില്യണ്‍ ഉപഭോക്താക്കളുമായാണ് ഇപ്പോള്‍ എസ്ബിഐ പ്രവര്‍ത്തിക്കുന്നതെന്ന് ചെയര്‍മാന്‍ അരുന്ധതി ഭട്ടാചാര്യ അറിയിച്ചു. 740 മില്യണ്‍ അക്കൗണ്ടുകളും 500 ടെറാ ബൈറ്റ് ഡേറ്റാ ബേസുമാണ് ഇപ്പോള്‍ എസ്ബിഐക്ക് ഉള്ളത്. 4850 മണിക്കൂറിനുള്ളിലാണ് ഈ നേട്ടം എസ്ബിഐ കൈവരിച്ചത്.

]]> https://www.chandrikadaily.com/sbi-cuts-base-rate-by-15-bps-keeps-mclr-unchanged.html/feed 0 ലയനം: അടച്ചുപൂട്ടേണ്ട എസ്ബിടി ശാഖകളുടെ പട്ടിക തയാര്‍ https://www.chandrikadaily.com/sbi-sbt.html https://www.chandrikadaily.com/sbi-sbt.html#respond Wed, 14 Dec 2016 04:17:43 +0000 http://www.chandrikadaily.com/?p=12990 തിരുവനന്തപുരം: എസ്ബിഐയുമായി ലയിക്കുമ്പോള്‍ അടച്ചു പൂട്ടേണ്ട എസ്ബിടി ശാഖകളുടെ പട്ടിക തയാര്‍. സംസ്ഥാനത്തുടനീളം 204 ശാഖകളാണ് പൂട്ടാന്‍ ആലോചിക്കുന്നത്. പട്ടിക ഒരു മാസം മുമ്പ് തന്നെ തയാറാക്കിയിരുന്നതായാണ് വിവരം. എസ്ബിഐയുടെയും എസ്ബിടിയുടെയും ശാഖകള്‍ ഒന്നിച്ചു വരുന്ന സ്ഥലത്തെ എസ്ബിടി ശാഖകളാണ് പൂട്ടുന്നവയില്‍ കൂടുതലായുള്ളത്. ഇരു ബാങ്കുകളുടെയും തിരുവനന്തപുരത്തെ ആസ്ഥാനത്ത് ഉന്നത നേതൃത്വം നടത്തിയ ചര്‍ച്ചയിലാണ് പൂട്ടേണ്ട ശാഖകളുടെ പട്ടിക തയാറായത്. ശാഖകളുടെ യുക്തിപൂര്‍വമായ ക്രമീകരണം എന്നാണ് ശാഖ വെട്ടിചുരുക്കലിനെ നേതൃത്വം വിശേഷിപ്പിക്കുന്നത്. ക്രമീകരണം നടത്തിയാലും ആര്‍ക്കും തൊഴില്‍ നഷ്ടമുണ്ടാവില്ലെന്നാണ് ബാങ്ക് നേതൃത്വം ഉറപ്പുനല്‍കുന്നത്. എന്നാല്‍ ജീവനക്കാര്‍ക്ക് സ്വയംവിരമിക്കല്‍ (വിആര്‍എസ്) പ്രഖ്യാപിച്ചതോടെ കൂടുതല്‍ ആശങ്കയിലായിരിക്കുകയാണ് ബാങ്ക് ഉദ്യോഗസ്ഥര്‍. 55 വയസ്സോ ഇരുപത് വര്‍ഷം സര്‍വീസോ ഉള്ളവര്‍ക്ക് സ്വയം വിരമിക്കലിന് അപേക്ഷിക്കാമെന്നാണ് നിര്‍ദേശം. നിലവിലെ കണക്കനുസരിച്ച് 204 ശാഖകള്‍ പൂട്ടിയാല്‍ 2500 ജീവനക്കാര്‍ അധികമാകുമെന്നാണ് എസ്ബിടി എംപ്ലോയീസ് യൂണിയന്റെ വിലയിരുത്തല്‍. ഇത് നിരവധി പേരുടെ തൊഴില്‍ സുരക്ഷിതത്വത്തിന് വെല്ലുവിളിയായേക്കും. അതേസമയം അടച്ചുപൂട്ടുന്ന ബാങ്ക് ശാഖകളിലെ ജീവനക്കാരുടെ പുനര്‍വിന്യാസം അടിയന്തരമായി നടപ്പാക്കുമെന്നാണ് വിവരം. എസ്ബിഐ-എസ്ബിടി ലയനത്തിലൂടെ ഇടപാടുകാര്‍ക്ക് യാതൊരു വിധത്തിലുമുള്ള തടസ്സം നേരിടില്ലെന്ന് ബാങ്ക് അധികൃതര്‍ അറിയിച്ചിട്ടുണ്ട്.

]]> https://www.chandrikadaily.com/sbi-sbt.html/feed 0 എസ്ബിടി ഇല്ലാതാവാന്‍ ദിവസങ്ങള്‍ മാത്രം; ജീവനക്കാര്‍ക്ക് സ്വയംവിരമിക്കല്‍ പദ്ധതി https://www.chandrikadaily.com/sbt-sbi-vrs-for-officials.html https://www.chandrikadaily.com/sbt-sbi-vrs-for-officials.html#respond Tue, 13 Dec 2016 06:10:56 +0000 http://www.chandrikadaily.com/?p=12859 തിരുവനന്തപുരം: എസ്ബിഐയുമായുള്ള ലയനത്തെത്തുടര്‍ന്ന് പ്രതിസന്ധിയിലായ എസ്ബിടി ജീവനക്കാരുടെ ജോലി സ്ഥിരതയില്‍ ആശങ്ക ഉയരുന്നു. എസ്ബിടി ജീവനക്കാര്‍ക്ക് സ്വയം വിരമിക്കല്‍ പദ്ധതി സംബന്ധിച്ച് റിപ്പോര്‍ട്ടുകള്‍ പുറത്തുവന്നതാണ് പുതിയ പ്രശ്‌നങ്ങള്‍ക്കിടയാക്കിയിരിക്കുന്നത്. ലയനം നടപ്പാക്കുമ്പോള്‍ ജീവനക്കാരെ കുറക്കില്ലെന്ന ഉറപ്പില്‍ വെള്ളം ചേര്‍ക്കലാണ് പുതിയ തീരുമാനമെന്ന് ബാങ്ക് ഉദ്യോഗസ്ഥരുടെ സംഘടനകള്‍ ആരോപിച്ചു. 55 വയസ് തികയുകയോ ഇരുപത് വര്‍ഷം സര്‍വീസ് പൂര്‍ത്തിയാക്കുകയോ ചെയ്തവര്‍ക്ക് വി.ആര്‍.എസിന് അപേക്ഷിക്കാമെന്നാണ് ബോര്‍ഡ് ഓഫ് ഡയറക്ടേഴ്‌സിന്റെ നിലപാട്. ഓഫീസര്‍മാര്‍ക്കും മറ്റു ജീവനക്കാര്‍ക്കും ഒരുപോലെ ബാധകമാണെന്നാണ് ബോര്‍ഡ് ഓഫ് ഡയറക്ടേഴ്‌സ് പറയുന്നത്. അതേസമയം എസ്ബിടിക്കു പുറമെ നാല് അനുബന്ധ ബാങ്കുകളില്‍ കൂടി വിആര്‍എസ് ഏര്‍പ്പെടുത്താന്‍ സര്‍ക്കാര്‍ ആലോചിക്കുന്നതായാണ് വിവരം.

]]> https://www.chandrikadaily.com/sbt-sbi-vrs-for-officials.html/feed 0