അടൂര്‍ ഗോപാലകൃഷ്ണനെതിരെ എസ്.സി/ എസ്.ടി കമീഷനും മ്യൂസിയം പൊലീസിനുമാണ് പരാതി ലഭിച്ചത്. പരാതിയില്‍ പത്തുദിവസത്തിനകം റിപ്പോര്‍ട്ട് നല്‍കാന്‍ കമീഷന്‍ പൊലീസിനോട് ആവശ്യപ്പെട്ടിരുന്നു.

ഇക്കാര്യത്തില്‍ പബ്ലിക് പ്രോസിക്യൂട്ടറോട് പൊലീസ് നിയമോപദേശം തേടുകയായിരുന്നു. മുഴുവന്‍ പ്രസംഗവുമടങ്ങിയ വിഡിയോ ക്ലിപ് അടക്കം നല്‍കിയാണ് നിയമോപദേശം തേടിയത്. മുഴുവന്‍ പ്രസംഗവും പരിശോധിക്കുമ്പോള്‍ പരാതിക്കാരന്‍ ഉന്നയിക്കുന്ന ആക്ഷേപം നിലനില്‍ക്കുന്നതല്ല എന്നാണ് പൊലീസിന് ലഭിച്ച നിയമോപദേശം.

ആരെയെങ്കിലും അദ്ദേഹം അധിക്ഷേപിക്കുകയോ ഫണ്ട് നല്‍കരുതെന്ന് പറയുകയോ ചെയ്യുന്നില്ല. അതിനാല്‍ പരാതിയില്‍ ഉന്നയിച്ചിട്ടുള്ള വകുപ്പുകള്‍ പ്രകാരം കേസെടുക്കാന്‍ കഴിയില്ല.

അതേസമയം, അടൂര്‍ ഗോപാലകൃഷ്ണനെതിരെ പട്ടികജാതി-വര്‍ഗ പീഡന നിരോധനമുള്‍പ്പെടെ നിയമങ്ങളനുസരിച്ച് കേസെടുക്കണമെന്നാവശ്യപ്പെട്ട് കേരള സ്റ്റേറ്റ് ദലിത് ലീഡേഴ്സ് കൗണ്‍സില്‍ കേന്ദ്ര കമ്മിറ്റി ജനറല്‍ സെക്രട്ടറി ഐ.കെ. രവീന്ദ്രരാജ് മുഖ്യമന്ത്രിക്കും ഡി.ജി.പിക്കും പരാതി നല്‍കി.

സിനിമ നയരൂപീകരണത്തിന്റെ ഭാഗമായി സര്‍ക്കാര്‍ സംഘടിപ്പിച്ച സിനിമ കോണ്‍ക്ലേവിലാണ് വിവാദ പരാമര്‍ശവുമായി അടൂര്‍ ഗോപാലകൃഷ്ണന്‍ രംഗത്തെത്തിയത്.

കഴിഞ്ഞദിവസം പട്ടികജാതി, പട്ടികവര്‍ഗ വിഭാഗങ്ങള്‍ക്കെതിരായ അതിക്രമങ്ങളില്‍ പ്രതികളെ ഉടന്‍ അറസ്റ്റ് ചെയ്യുന്നതിനുള്ള വ്യവസ്ഥയ്‌ക്കെതിരെ സുപ്രീംകോടതി വിധി പുറപ്പെടുവിച്ചിരുന്നു. ഇതിനെതിരെ നിയമത്തില്‍ ഭേദഗതി വരുത്തിയാണു കേന്ദ്ര സര്‍ക്കാര്‍ ഇടപെട്ടത്.
ഈ ഭേദഗതി കേന്ദ്രസര്‍ക്കാര്‍ പിന്‍വലിക്കണമെന്നാണു ഓള്‍ ഇന്ത്യ ബ്രാഹ്മണ്‍ മഹാസഭയുള്‍പ്പെടെ 38 സംഘടനകളുടെ ആവശ്യം. അല്ലാത്തപക്ഷം വരാനിരിക്കുന്ന തെരഞ്ഞെടുപ്പികളില്‍ ബി.ജെ.പി ഇതിന്റെ പ്രത്യാഘാതം അനുഭവിക്കുമെന്നും സംഘടനകള്‍ മുന്നറിയിപ്പു നല്‍കി.

വനിതാ കമ്മിഷന്‍, ദലിത് കമ്മിഷന്‍, ന്യൂനപക്ഷ കമ്മിഷന്‍ പോലെ സവര്‍ണ കമ്മിഷനും വേണമെന്നു ബ്രാഹ്മണ്‍ മഹാസഭ ദേശീയ പ്രസിഡന്റ് കമലേഷ് തിവാരി പ്രതിഷേധത്തില്‍ സംസാരിക്കവെ ആവശ്യപ്പെട്ടു. രാജ്യത്തെ 85 ശതമാനം ജനങ്ങളെയും ബി.ജെ.പി ചതിച്ചുവെന്നും അതിന്റെ പ്രത്യാഘാതം നേരിടേണ്ടിവരുമെന്നും തിവാരി പറഞ്ഞു. ജനങ്ങളുടെ താല്‍പര്യം മനസ്സിലാക്കാത്ത ആര്‍എസ്എസ് മേധാവി മോഹന്‍ ഭഗവത് സംസാരിക്കുന്നതെന്നും മോഹന്‍ ഭഗവത് മാനസിക തകരാറിനു ചികിത്സ തേടണമെന്നും തിവാരി കൂട്ടിച്ചേര്‍ത്തു.

ചീഫ് ജസ്റ്റിസ് ദീപക് മിശ്രയെ അഭിസംബോധന ചെയ്തുള്ള നിവേദനം സംഘടനകള്‍ ഗവര്‍ണര്‍ക്കു കൈമാറി. പട്ടികജാതി, പട്ടികവര്‍ഗ നിയമത്തിലെ ഭേദഗതിക്കെതിരെ ശക്തമായ സമരത്തിലാണു യുപിയില്‍ വിവിധ സംഘടനകള്‍. യു.പിയിലെ ബരബങ്കി ജില്ലയിലെ വിവിധ ഭാഗങ്ങളില്‍ വോട്ടുചോദിച്ചു മന്ത്രിമാര്‍ ഗ്രാമങ്ങളിലേക്കു പ്രവേശിക്കരുതെന്ന പോസ്റ്ററുകള്‍ പതിച്ചിട്ടുണ്ട്.

വോട്ടുചോദിച്ചു മന്ത്രിമാര്‍ ഗ്രാമങ്ങളില്‍ വന്നിട്ട് എന്തെങ്കിലും ദോശകരമായി സംഭവിച്ചാല്‍ അതിനു മന്ത്രിമാര്‍ തന്നെയായിരിക്കും ഉത്തരവാദികളെന്നാണ് പോസ്റ്ററുകളില്‍ എഴുതിയിരിക്കുന്നത്.

ശിവമോഗ: ദളിത് പ്രക്ഷോഭത്തി ല്‍ പ്രധാനമന്ത്രി നരേന്ദ്ര മോദിക്കെതിരെ ആഞ്ഞടിച്ച് കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി. എസ്.സി, എസ്.ടി പീഡനം തടയല്‍ നിയമം ലഘൂകരിച്ച വിഷയത്തില്‍ മോദി ഒരു വാക്കു പോലും മിണ്ടാത്തത് എന്തുകൊണ്ടാണെന്ന് അദ്ദേഹം ചോദിച്ചു.
കര്‍ണാടക നിയമസഭാ തെരഞ്ഞെടുപ്പിന്റെ അഞ്ചാം ഘട്ട പ്രചാരണത്തിനായി ശിവമോഗയിലെത്തിയതായിരുന്നു അദ്ദേഹം. രോഹിത് വെമുല കൊല്ലപ്പെട്ടു. ഗുജറാത്തിലെ ഉനയില്‍ ദളിതുകള്‍ ക്രൂരമായ പീഡനത്തിനിരയായി പക്ഷേ പ്രധാനമന്ത്രി ഒരക്ഷരം പോലും ഉരിയാടിയില്ല. ദളിതുകള്‍ക്കും ആദിവാസികള്‍ക്കുമെതിരായ അതിക്രമം വര്‍ധിക്കുന്നതിനിടയില്‍ എസ്.സി, എസ്.ടി നിയമം ലഘൂകരിച്ചു എന്നിട്ടും അദ്ദേഹം മിണ്ടുന്നില്ല.
കര്‍ണാടക മാത്രമാണ് ദളിതുകള്‍ക്കുള്ള ഫണ്ട്് വേണ്ട രീതിയില്‍ വിനിയോഗിച്ചിട്ടുള്ളതെന്നും അദ്ദേഹം കൂട്ടിച്ചേര്‍ത്തു. യെദ്യൂരപ്പയുടെ ജന്മനാട്ടില്‍ വന്‍ജനാവലിയാണ് രാഹുലിനെ സ്വാഗതം ചെയ്തത്. യെദ്യൂരപ്പ ജയില്‍ പക്ഷിയാണെന്ന് പറഞ്ഞ രാഹുല്‍ യെദ്യൂരപ്പയെ പോലുള്ള അഴിമതിക്കാരെ പ്രോത്സാഹിപ്പിക്കുകയാണ് പ്രധാനമന്ത്രി ചെയ്യുന്നതെന്നും കുറ്റപ്പെടുത്തി. മോദി മുതല്‍ ഷാ വരെ ബി.ജെ.പിയില്‍ അഴിമതിക്കാര്‍ക്കു കുടപിടിക്കുകയാണ്. അഴിമതിയെ കുറിച്ച് മോദി ഇപ്പോള്‍ സംസാരിക്കാറില്ല.
ജെറ്റ്‌ലിയുടെ മകള്‍ വായ്പ തട്ടിപ്പുകാരന്‍ നീരവ് മോദിക്കു വേണ്ടി പ്രവര്‍ത്തിക്കുന്നതായും അദ്ദേഹം ആരോപിച്ചു. അതിനിടെ പെട്രോള്‍, ഡീസല്‍ വില വര്‍ധനവില്‍ കേന്ദ്ര സര്‍ക്കാറിനെ രൂക്ഷമായി പരിഹസിച്ച് മുഖ്യമന്ത്രി സിദ്ധരാമയ്യ രംഗത്തെത്തി. ട്വിറ്ററിലൂടെയായിരുന്നു സിദ്ധുവിന്റെ ട്രോ ള്‍. യു.പി.എ സര്‍ക്കാറിന്റെ കാലത്ത് ക്രൂഡ് ഓയില്‍ 114 ഡോളറിലെത്തിയപ്പോള്‍ വില വര്‍ധിപ്പിച്ചതിനെതിരെ സമരം നടത്തിയ മോദിയും അമിത് ഷായും നിലവില്‍ 68 ഡോളര്‍ മാത്രം ക്രൂഡോയില്‍ വിലയായ സമയത്ത് റെക്കോര്‍ഡ് വില വര്‍ധനവുണ്ടായിട്ട് അറിയാത്തത് എന്തു കൊണ്ടെന്നും അദ്ദേഹം ചോദിച്ചു.
പാവപ്പെട്ടവരും ഇടനിലക്കാരുമൊന്നും ഈ രാജ്യത്തുള്ളത് മോദിയും ഷായും അറിഞ്ഞില്ലേ എന്നും അദ്ദേഹം ചോദിച്ചു. അതിനിടെ കുറുബ മഠാധിപതിയെ കാണാനുള്ള അമിത് ഷായുടെ ശ്രമം പാളി. ഭഗല്‍കോട്ട് ജില്ലയിലെ ബദാമിയിലുള്ള ശിവയോഗി മഠാധിപതിയുമായി കൂടിക്കാഴ്ച നടത്താന്‍ അമിത് ഷാ നേരത്തെ തന്നെ അനുമതി തേടിയിരുന്നെങ്കിലും അദ്ദേഹത്തെ കാണാന്‍ മഠാധിപതി തയാറായില്ല. അമിത് ഷാ മഠം വിട്ടതിന് ശേഷം മഠാധിപതി കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി, മുഖ്യമന്ത്രി സിദ്ധരാമയ്യ എന്നിവരെ മഠത്തിലേക്ക് സ്വാഗതം ചെയ്യുകയും ചെയ്തു. സിദ്ധരാമയ്യ ഉള്‍പ്പെടുന്ന വിഭാഗമാണ് കുറുബ. അതേ സമയം ഹാവേരിയിലെ കംഗിനാലെയില്‍ ഒ.ബി.സി റാലിക്കെത്തിയ അമിത് ഷായെ വരവേറ്റത് ശൂന്യമായ കസേരകളാണ്.