ചിറ്റൂരില്‍ ഉള്‍ഭാഗത്തായി സ്ഥിതി ചെയ്യുന്ന സ്വകാര്യ സ്‌കൂളിന്റെ നടത്തിപ്പുകാരന്‍ പ്രിന്‍സിപ്പളായ മഹാരാജ നായിഡു തന്നെയാണ്. താമസിച്ചെത്തിയതിന് വസ്ത്രമഴിച്ച് ക്ലാസ്മുറിക്ക് പുറത്ത് കൈകള്‍ പൊക്കി നില്‍ക്കാന്‍ പ്രിന്‍സിപ്പളാണ് പറഞ്ഞതെന്ന് മാതാപിതാക്കള്‍ ആരോപിക്കുന്നു. ഗൃഹപാഠങ്ങള്‍ ചെയ്തുവരാത്ത കുട്ടികള്‍ക്ക് നേരെയും ഇത്തരം ശിക്ഷാനടപടികളുണ്ടെന്ന് മാതാപിതാക്കള്‍ പറയുന്നു. സംഭവത്തെ തുടര്‍ന്ന് സ്‌കൂളിന് മുന്നില്‍ മാതാപിതാക്കള്‍ പ്രതിഷേധ പ്രകടനം നടത്തി.

നഗ്‌നരാക്കി അപമാനിച്ചതായി വിദ്യാര്‍ത്ഥികള്‍ അവരുടെ മാതാപിതാക്കളോട് പറഞ്ഞു. മാതാപിതാക്കള്‍ പൊലീസില്‍ പരാതി നല്‍കിയിട്ടുണ്ട്. ജില്ലാ വിദ്യാഭ്യാസ ഓഫീസറും റീജിയനല്‍ ജോയിന്റ് ഡയറക്ടറും സ്‌കൂളിലെത്തി ഇരകളുമായി സംസാരിച്ചതിന്റെ അടിസ്ഥാനത്തില്‍ സ്‌കൂളിന്റെ അംഗീകാരം റദ്ദാക്കി. സ്‌കൂള്‍ കറസ്‌പോണ്ടന്റ് നാഗരാജു നായിഡുവിനെ പോലീസ് അറസ്റ്റ് ചെയ്തു.

കുറ്റക്കാര്‍ക്കെതിരെ എത്രയും വേഗം നടപടിയുണ്ടാവുമെന്ന് സ്‌കൂളില്‍ അന്വേഷണം നടത്താനെത്തിയ വിദ്യാഭ്യാസ ഓഫീസര്‍ ലീല റാണി പറഞ്ഞു.

അതേസമയം വിദ്യാഭ്യാസ ഓഫീസറും സ്‌കൂള്‍ അധികൃതരുമായി ചേര്‍ന്ന് സംഭവം ഒതുക്കിതീര്‍ക്കാന്‍ ശ്രമിക്കുകയാണെന്നും ആരോപണമുണ്ട്.

തൃശൂര്‍ വിലങ്ങന്നൂര്‍ സെന്റ് ആന്റണി വിദ്യാപീഠം സ്‌കൂളിലെ വിദ്യാര്‍ത്ഥി കൃഷ്ണനന്ദയാണ് മുഖമടിച്ച് വീണത്. വീഴ്ചയില്‍ കുട്ടിയുടെ രണ്ടു പല്ല് ഇളകി വീണു. മോണ അകത്തേക്ക് തള്ളിപ്പോയി വായില്‍ നിന്നും രക്തം വന്നതോടെ കുട്ടിയെ ക്ലാസ് ടീച്ചര്‍ ക്ലാസിന്റെ ഒരു ഭാഗത്ത് കിടത്തി. എന്നാല്‍ ആവശ്യമായ ചികിത്സ നല്‍കിയില്ലെന്നാണ് മാതാപിതാക്കളുടെ പരാതി.

കുട്ടിയെ ശ്രദ്ധിക്കാതിരുന്ന സ്‌കൂള്‍ അധികൃതര്‍ക്കും അധ്യാപകര്‍ക്കുമെതിരെ നടപടിയെടുക്കണമെന്നാവശ്യപ്പെട്ട് മാതാപിതാക്കള്‍ ബന്ധുക്കള്‍ മനുഷ്യാവകാശ കമ്മീഷനും പൊലീസിനും പരാതി നല്‍കി.

ഒരു മണിക്കൂറിലധികം രക്തം ഒലിപ്പിച്ചു കിടന്ന കുട്ടിയെ സ്‌കൂള്‍ അധികൃതര്‍ ആസ്പത്രിയില്‍ കൊണ്ടു പോയില്ലെന്നാണ് മാതാപിതാക്കള്‍ പരാതിയില്‍ പറയുന്നത്.

നെഞ്ചുവേദനയും പല്ലുവേദനയും അനുഭവപ്പെടുന്ന കുട്ടി ഇപ്പോള്‍ കിടപ്പിലാണ്. എന്നാല്‍ കുട്ടിക്ക് പരിക്കേറ്റ വിവരം മാതാപിതാക്കളെ അറിയിച്ചിരുന്നുവെന്നാണ് സ്‌കൂള്‍ അധികൃതര്‍ നല്‍കുന്ന വിശദീകരണം. മാതാപിതാക്കളുടെ പരാതിയില്‍ സ്‌കൂള്‍ അധികൃതരോട് ഹാജരാകാന്‍ പീച്ചി പൊലീസ് ആവശ്യപ്പെട്ടിട്ടുണ്ട്.