കലോത്സവത്തിന്റെ ആദ്യ ദിനം തന്നെ മൂല്യനിര്‍ണയം നടത്തുന്നവരെപറ്റി പരാതിഉയരുകയും രണ്ട് പേരെ വണ്ടിക്കൂലി കൊടുത്ത് പറഞ്ഞു വിടുകയും ചെയ്തു. ചെലവ് ചുരുക്കലിന്റെ ഭാഗമായി വിധികര്‍ത്താക്കളുടെ എണ്ണവും ചുരുക്കിയതോടെ പരസ്പര ബന്ധമില്ലാത്ത ഇനങ്ങളില്‍ പോലും ഒരാള്‍ തന്നെ വിധികര്‍ത്താവായെത്തി. രാഷ്ട്രീയ പശ്ചാത്തലം പരിഗണിച്ച് കലയില്‍ വേണ്ടത്ര അവഗാഹമില്ലാത്തവരെ തട്ടിക്കൂട്ടി ജഡ്ജ്‌മെന്റിന് നിശ്ചയിക്കുകയായിരുന്നു. പ്രളയത്തിന്റെ പേരില്‍ എല്ലാ ചെലവുകളും ചുരുക്കിയ സംഘാടകര്‍ വിധികര്‍ത്താക്കളുടെ പ്രതിഫല തുകയില്‍ ഒരു മാറ്റവും വരുത്തിയതുമില്ല.

മത്സരാര്‍ത്ഥികള്‍ക്ക് മാര്‍ക്കിട്ടതില്‍ അപാകതയുണ്ടെന്നാരോപിച്ച് ഹൈസ്‌കൂള്‍ തബല സംഗീത വേദിയില്‍ ജഡ്ജിമാരെ രക്ഷിതാക്കളും അധ്യാപകരും ചേര്‍ന്ന് ആദ്യ ദിനത്തില്‍ ബന്ദികളാക്കിയിരുന്നു. മുഹമ്മദന്‍സ് എല്‍പി സ്‌കൂളില്‍ നടന്ന മത്സരത്തില്‍ പതിനാല് വിദ്യാര്‍ഥികളായിരുന്നു മത്സരിച്ചതെങ്കിലും രണ്ടു പേര്‍ക്ക് മാത്രമായിരുന്നു എ ഗ്രേഡ് ലഭിച്ചത്. നല്ല നിലവാരത്തില്‍ പരിപാടി അവതരിപ്പിച്ച വിദ്യാര്‍ഥികളെ ജഡ്ജിമാര്‍ ഇകഴ്ത്തുകയായിരുന്നുവെന്നാരോപിച്ച രക്ഷിതാക്കളും അധ്യാപകരും ജഡ്ജിമാരെ തടഞ്ഞു വെക്കുകയായിരുന്നു. രണ്ടാം ദിനത്തിലായിരുന്നു കൂടിയാട്ട മത്സരത്തിന് പരിശീലകനെ ജഡ്ജസായി നിശ്ചയിച്ചതിനെ തുടര്‍ന്ന് മത്സാര്‍ഥികളുടെയും രക്ഷിതാക്കളുടെയും പ്രതിഷേധമുണ്ടായത്. ആദ്യദിനത്തില്‍ തന്നെ പരിശീലന്‍ ജഡ്ജസായി വരാന്‍ സാധ്യതയുണ്ടെന്ന് കാണിച്ച് ഡി.പി.ഐക്ക് പരാതി ലഭിച്ചിരുന്നു. തുടര്‍ന്ന് അങ്ങനെ സംഭവിക്കില്ലെന്ന് ഡി.പി.ഐ ഉറപ്പുകൊടുത്തിരുന്നുവെങ്കിലും അത് ലംഘിക്കപ്പെട്ടു. ആദ്യ ദിനം നടന്ന ദഫ്മുട്ട് മത്സരത്തിന് ഒരു വനിതയെ വിധികര്‍ത്താവാക്കിയതും ബഹളത്തിന് കാരണമായി. ഒപ്പന മത്സരത്തിന് വിധിനിര്‍ണയിച്ചവരെയാണ് ദഫ്മുട്ട് വേദിയിലും വിധികര്‍ത്താവായി ഇരുത്തിയത്. പരിശീലകരടക്കം ഈ നടപടിക്കെതിരെ രംഗത്ത് വന്നു.

തങ്ങള്‍ യോഗ്യരാണെന്ന് കാണിച്ച് വിധികര്‍ത്താക്കളാവാന്‍ താല്‍പര്യമുള്ളവരുടെ അപേക്ഷ സ്വീകരിക്കുകയല്ലാതെ വിദ്യാഭ്യാസ വകുപ്പ് അവരുടെ കഴിവ് വിലയിരുത്താത്തതാണ് പ്രശ്‌നങ്ങള്‍ സൃഷ്ടിക്കുന്നതെന്ന് ഹിന്ദി മത്സരങ്ങള്‍ക്ക് വിധികര്‍ത്താവായെത്തിയ പ്രമുഖ കോളജ് അധ്യാപിക പറയുന്നു. ഹിന്ദി സാഹിത്യമത്സരങ്ങള്‍ക്ക് വിധികര്‍ത്താവായി എത്തിയ ഒരു റിട്ട.കോളജ് അധ്യാപകന്‍ പത്തു മത്സരങ്ങളിലാണ് വിധിനിര്‍ണയം നടത്തിയത്. ഇയാള്‍ക്ക് പല ഇനങ്ങളുമായി യാതൊരു ബന്ധവുമില്ലെന്ന് ആരോപണമുയര്‍ന്നിട്ടുണ്ട്. മറ്റു രണ്ടു വിധികര്‍ത്താക്കളും ഇയാളും നല്‍കിയ മാര്‍ക്കുകളില്‍ വന്‍ അന്തരവും പ്രകടമായിരുന്നു. ഇടത് അനുഭാവി എന്നതായിരുന്നു ഇയാളുടെ പ്രധാന യോഗ്യതയെന്നും ആരോപണമുണ്ട്. ആദ്യ മൂന്ന് സ്ഥാനങ്ങള്‍ ഒഴിവാക്കി ഗ്രേഡ് മാത്രം ഏര്‍പ്പെടുത്തിയതും വിധിനിര്‍ണയത്തിന്റെ കൃത്യതയെ സാരമായി ബാധിച്ചു.

തുടർച്ചയായ 12 വർഷം കുത്തകയാക്കി വെച്ചിരുന്ന കലാകിരീടമാണ് കോഴിക്കോടിന് നഷ്ടമാവുന്നത്. പാലക്കാടിൻ്റെ മൂന്നാം കിരീട നേട്ടമാണിത്. 2006ല്‍ എറണാകുളത്ത് നടന്ന കലോത്സവത്തിലാണ് പാലക്കാട് ആദ്യമായി കപ്പ് നേടുന്നത്. 2015ല്‍ കോഴിക്കോടുമായി കപ്പ് പങ്കിടുകയും ചെയ്തു. സമാപന ദിവസത്തെ മത്സരങ്ങൾ തിങ്കളാഴ്ച്ച പുലർച്ചെ ഒരു മണിക്കാണ് സമാപിച്ചത്. വേദി അഞ്ചിലെ ഹയർ സെക്കണ്ടറി മാർഗംകളിയാണ് ഏറ്റവുമൊടുവിൽ സമാപിച്ചത്. ഹൈസ്കൂൾ വിഭാഗം യക്ഷഗാന മത്സര ഫലം പുലർച്ചെ രണ്ടരയോടെ പ്രഖ്യാപിച്ചതോടെ കിരീട വിജയികളും നിശ്ചയിക്കപ്പെട്ടു. മലപ്പുറം-895, എറണാകുളം-886, ആലപ്പുഴ-870, കൊല്ലം-862 തിരുവനന്തപുരം-858, കാസര്‍ക്കോട്-839, വയനാട്-834, കോട്ടയം-829 പത്തനംതിട്ട-770, ഇടുക്കി-706 എന്നിങ്ങനെയാണ് മറ്റു ജില്ലകളുടെ പോയന്റ് നില. ഹൈസ്‌കൂള്‍ വിഭാഗത്തിൽ പാലക്കാടും (434), ഹയര്‍ സെക്കണ്ടറി വിഭാഗത്തിൽ (498) കോഴിക്കോടും ചാമ്പ്യൻമാരായി. അറബിക് സാഹിത്യോത്സവ കിരീടം കോഴിക്കോട്, മലപ്പുറം, കണ്ണൂര്‍, വയനാട്, തൃശൂര്‍, പാലക്കാട് ജില്ലകള്‍ (95) പങ്കിട്ടു. സംസ്‌കൃതോത്സവത്തില്‍ 95 പോയന്റുകള്‍ വീതം നേടിയ പാലക്കാട്, കോഴിക്കോട്, തൃശൂര്‍, എറണാകുളം, കണ്ണൂര്‍ ജില്ലകള്‍ സംയുക്ത ചാമ്പ്യൻമാരായി. സംസ്ഥാന കലോത്സവത്തിൻ്റെ വജ്ര ജൂബിലി പതിപ്പിന് സപ്ത ഭാഷ സംഗമ ഭൂമിയായ കാസർകോട് ആതിഥ്യമരുളും. 1991ലാണ് കാസർക്കോട് അവസാനമായി കലോത്സവത്തിന് വേദിയൊരുക്കിയത് .

വിദ്യാര്‍ഥികള്‍ക്ക് ഗ്രേസ് മാര്‍ക്ക് നഷ്ടമാകരുതെന്നു വ്യക്തമാക്കി കലോല്‍സവ നടത്തിപ്പിനുളള നടപടികള്‍ക്കു മുഖ്യമന്ത്രി പിണറായി വിജയന്‍ തത്വത്തില്‍ അംഗീകാരം നല്‍കി. കലോത്സവം ഏത് രീതിയില്‍ നടത്തണമെന്ന് തീരുമാനത്തിന് ശേഷം ഇതിനായുള്ള ഉത്തരവ് ഇന്ന് പുറത്തിറങ്ങും.

പ്രളയത്തിന്റെ പശ്ചാത്തലത്തില്‍ ഒരു വര്‍ഷത്തേക്ക് സര്‍ക്കാര്‍ എല്ലാവിധ ആഘോഷങ്ങളും ഒഴിവാക്കാനാണ് മുമ്പ് തീരുമാനിച്ചിരുന്നത്. സ്‌കൂള്‍, സര്‍വകലാശാലാ കലോത്സവങ്ങള്‍, അന്താരാഷ്ട്ര ചലച്ചിത്രമേള, വിനോദസഞ്ചാര വകുപ്പിന്റേതടക്കം എല്ലാ വകുപ്പുകളുടെയും ആഘോഷങ്ങള്‍ എന്നിവ ഇതിലുള്‍പ്പെടും. ഈ മേളകള്‍ക്കായി നിശ്ചയിച്ച തുക മുഖ്യമന്ത്രിയുടെ ദുരിതാശ്വാസനിധിയിലേക്ക് നല്‍കണമെന്നായിരുന്നു തീരുമാനം.

എല്ലാ മേളകളും ഒരുവര്‍ഷത്തേക്ക് വേണ്ടെന്ന നിര്‍ദേശമടങ്ങിയ കുറിപ്പ് അമേരിക്കയിലേക്ക് പോകുന്നതിന് മുമ്പാണ് മുഖ്യമന്ത്രി പ്രിന്‍സിപ്പല്‍ സെക്രട്ടറിക്ക് കൈമാറിയത്. തുടര്‍ന്ന് മുഖ്യമന്ത്രിയുടെ നിര്‍ദേശപ്രകാരം പൊതുഭരണ വകുപ്പ് പ്രിന്‍സിപ്പല്‍ സെക്രട്ടറി ബിശ്വനാഥ് സിന്‍ഹയായിരുന്നു ഈ ഉത്തരവിറക്കിയത്. ഇക്കാര്യം മന്ത്രിസഭാ യോഗത്തില്‍ ചര്‍ച്ച ചെയ്തിരുന്നില്ല. ആഘോഷങ്ങള്‍ മാറ്റിവയ്ക്കുന്നതിനെതിരേ മന്ത്രിമാരുടെ ഇടയില്‍ത്തന്നെ എതിര്‍പ്പ് ശക്തമായിരുന്നു. സ്‌കൂള്‍ കലോത്സവം ഒഴിവാക്കാനുള്ള തീരുമാനത്തിനെതിനെതിരെ ശക്തമായ എതിര്‍പ്പാണ് ഉയര്‍ന്നിരുന്നത്.

പ്രളയ ദുരിതാശ്വാസ ഫണ്ട് കണ്ടെത്തുന്നതിന്റെ പേരില്‍ സംസ്ഥാന സ്‌കൂള്‍ കലോത്സവം ഒഴിവാക്കുകയാണെങ്കില്‍ കലാപ്രതിഭകള്‍ക്കായി എം.എസ്.എഫ് വേദിയൊരുക്കുമെന്ന് എം.എസ്.എഫ് സംസ്ഥാന പ്രസിഡണ്ട് മിസ്ഹബ് കീഴരിയൂര്‍ നേരത്തെ വ്യക്തമാക്കിയിരുന്നു. സംസ്ഥാന വ്യാപകമായി എം.എസ്.എഫ് ‘മാറ്റ്’ കലോത്സവങ്ങള്‍ സംഘടിപ്പിക്കമൈന്നായിരുന്നു എം.എസ്.എഫ് പ്രസിഡണ്ട് അറിയിച്ചത്. കലോത്സവം നടത്താന്‍ ഇടപെടണമെന്നാവശ്യപ്പെട്ട് വിദ്യാഭ്യാസ മന്ത്രിക്ക് എം.എസ്.എഫ് നിവേദനം നല്‍കിയിരുന്നു്. ഏറെക്കാലമായി കഠിനാധ്വാനം ചെയ്യുന്ന കലാപ്രതിഭകളുടെ പ്രതീക്ഷയാണ് കലോത്സവമെന്നും അത് ഇല്ലാതാക്കരുതെന്നുമാണ് അദ്ദേഹം ആവശ്യപ്പെട്ടത്.

ആലപ്പുഴ സെന്റ് ജോസഫ് ഗേള്‍സ് എച്ച്..എസ്.എസിലെ ഒമ്പതാം ക്ലാസുകാരിയായ അസ്‌ന.എസ്.ടി ദില്‍കീബാത് ലബോകര്‍ എന്ന ഹബീബ് ജാലിയുടെ വരികള്‍ ആലപിച്ചാണ് സദസിനെ കയ്യിലെടുത്തത്. ഇതേ സ്‌കൂളിലെ പ്ലസ് വണ്‍ വിദ്യാര്‍ഥിനിയായ അസ്മി ഗുലാം അലിയുടെ ചുപ്‌കേ ചുപ്‌കേ രാത്ദിന്‍ എന്ന് തുടങ്ങുന്ന വരികളാണ് പാടിയത്. പി.എസ്.സിയില്‍ സെക്ഷന്‍ ഓഫീസറായ സ്വലാഹുദ്ദീന്റെയും അധ്യാപികയായ ടിനുവിന്റെയും മകളാണ് അസ്‌നി.

ലളിതഗാനം, സംഘഗാനം എന്നിവയിലും അസ്‌നക്ക് എ ഗ്രേഡുണ്ട്. മുന്‍ നഗരസഭ കൗണ്‍സിലറും (മുസ്‌ലിംലീഗ്) ലജ്‌നത്ത് സ്‌കൂള്‍ അധ്യാപികയുമായ ഹസീന അമാനിന്‍െയും റെയില്‍വേയില്‍ ലോക്കോ പൈലറ്റായ അന്‍വര്‍ ഹുസൈന്റെയും മകളാണ് അസ്മി.

എച്ച്.എസ്. വിഭാഗത്തില്‍ 51ഉം എച്ച്.എസ്.എസ് വിഭാഗത്തില്‍ 45 പോയിന്റും നേടി 96 പോയിന്റോടെ കോഴിക്കോട് രണ്ടാംസ്ഥാനത്തും, എച്ച്.എസ്. വിഭാഗത്തില്‍ 49ഉം എച്ച്.എസ്.എസ് വിഭാഗത്തില്‍ 43 പോയിന്റുമായി 92 പോയിആതിഥേയ ജില്ലയായ തൃശൂരാണ് മൂന്നാംസ്ഥാനത്ത്. എച്ച്.എസ്. വിഭാഗത്തില്‍ 51ഉം എച്ച്.എസ്.എസ് വിഭാഗത്തില്‍ 41 പോയിന്റുമായി 92പോയിന്റുമായി മലപ്പുറമാണ് നാലാംസ്ഥാനത്ത്. അറബി കലോത്സവത്തില്‍ എച്ച്.എസ്. വിഭാഗത്തില്‍ 15 പോയിന്റോടെ പാലക്കാട്, കോഴിക്കോട്, തൃശൂര്‍ എന്നീജില്ലകളാണ് ഒന്ന്, രണ്ട് മൂന്ന് സ്ഥാനങ്ങളില്‍.

കലോത്സവം ഉദ്ഘാടനം ചെയ്യാന്‍ മുഖ്യമന്ത്രി പിണറായി വിജയന്‍ എത്തില്ലെന്നറിഞ്ഞതോടെ ചടങ്ങുകള്‍ ഏറെ വൈകിയത് മത്സരഫലത്തെയും ബാധിച്ചു. ഘോഷയാത്ര ഉപേക്ഷിച്ച ഉദ്ഘാടന ചടങ്ങില്‍ സൂര്യ കൃഷ്ണമൂര്‍ത്തിയുടെ നേതൃത്വത്തില്‍ തേക്കിന്‍കാട് മൈതാനിയിലെ വിവിധ മരചുവടുകളില്‍ നടത്തിയ ദൃശ്യവിസ്മയത്തിന് തണുത്ത പ്രതികരണമായിരുന്നു. ഇന്ന് 24 വേദികളിലായി മത്സരഫലം വരുന്നതോടെ ലീഡ് മാറിമറിയാന്‍ സാധ്യതയുണ്ട്.