പ്രിയപ്പെട്ട പഴയിടം ,അങ്ങ് ഇനിയും കലോല്‍സവ ടെന്‍ഡറിംഗില്‍ പങ്കെടുക്കണം എന്നു തന്നെയാണ് ആഗ്രഹം. അങ്ങയുടെ അദ്ധ്വാനത്തെയും അതിലെ പ്രാവീണ്യത്തെയും മാനിക്കുന്നു. വെജിറ്റേറിയന്‍ ഭഷണത്തിന്റെ സാത്വികത എന്നതിനോട് വിയോജിക്കുകയും ചെയ്യുന്നു.നോണ്‍ വെജ് മെനു ആണെങ്കില്‍ അങ്ങ് കായികോത്സവത്തിനു ചെയ്തതു പോലെ താങ്കളും ടെന്‍ഡര്‍ കൊടുക്കണം. അതൊരു ‘ബ്രാന്‍ഡിംഗ് ‘ ഭീഷണിയാണോ എന്ന് തീരുമാനിക്കേണ്ടത് അങ്ങാണ്.
ആശയങ്ങളെ ആളുകളില്‍ കെട്ടി ആളിനെയല്ല തല്ലിക്കൊല്ലേണ്ടത്. ഹിന്ദുത്വത്തിനെതിരെ എന്നാല്‍ ഹിന്ദുക്കള്‍ക്കെതിരെ എന്ന നരേഷന്‍ ഫാസിസ്റ്റു യുക്തിയാണ്. കല സമം വെജിറ്റേറിയന്‍ എന്ന ശുദ്ധി സങ്കല്‍പങ്ങളെ ചോദ്യം ചെയ്യുന്നത് അതിനു പിന്നിലെ ദൃഢീകരിക്കപ്പെട്ട ജാതി ബോധ്യങ്ങളെ ( പിയര്‍ ബോര്‍ദ്രുന്റെ ഭാഷയില്‍ റീഃമ, ഗ്രാംഷിയുടെ ഭാഷയില്‍ സാമാന്യബോധം) വിമര്‍ശിക്കുന്നത് ഒരു വ്യക്തിയിലേക്ക് ചുരുക്കുന്നതാണ് കണ്ടത്. 16 വര്‍ഷത്തെ കോണ്‍ട്രാക്റ്റ് ഉപേക്ഷിച്ച് അങ്ങ് പോയി മറ്റൊരാള്‍ അയാള്‍ നായരോ നായാടിയോ എത്തിയാലും ഇതേ മെനുവാണെങ്കില്‍ ഇതേ ചോദ്യം ആവര്‍ത്തിച്ചു കൊണ്ടേയിരിക്കും. നല്ല നിലയില്‍ സതി അനുഷ്ഠിച്ചതില്‍ നിന്ന്, തൊട്ടുകൂടായ്മയില്‍ നിന്ന്, ജാതി അടിമത്തത്തില്‍ നിന്ന് ഒക്കെ പൊരുതിയും ചോദിച്ചും ഒക്കെയാണ് മനുഷ്യര്‍ ആ നിലകളെ താണ്ടിയത്. വൈവിധ്യങ്ങളുടെ ആഘോഷമാണ് ജനാധിപത്യത്തിന്റെ രുചി.
വിജയന്‍ മാഷ് പറഞ്ഞതുപോലെ കുട്ടിയെ പുറത്താക്കിയാലും ചോദ്യം അവിടെ തുടരും എന്നു മാത്രം. NB : മുന്നു വര്‍ഷം മുമ്പുള്ള അഭിമുഖവുമായി എത്തുന്നവരോട് കുട്ടികള്‍അവര്‍ക്കാഗ്രഹമുള്ളിടത്തോളം നോണ്‍ വെജ് ആയി തുടരും, ഞാനും.’

സ്‌കൂള്‍, ഇതര കലോല്‍സവങ്ങള്‍ക്കും പൊതുപരിപാടികള്‍ക്കും സര്‍ക്കാര്‍ നിയോഗിച്ചിരുന്ന പാചകവിദഗ്ധന്‍ പഴയിടം മോഹനന്‍നമ്പൂതിരിയെ ഇടതുസര്‍ക്കാര്‍ പൂര്‍ണമായും ഒഴിവാക്കും. ഇതുസംബന്ധിച്ച് നേരത്തെ തന്നെ ആലോചനയുണ്ടായിരുന്നെങ്കിലും ഈ വര്‍ഷത്തെ കലോല്‍സവത്തോടെ അത് നടപ്പാക്കുകയായിരുന്നു. പഴയിടം വെജിറ്റേറിയന്‍ ഭക്ഷണം മാത്രമാണ് പാചകം ചെയ്യുന്നതെന്ന് കാരണം പറഞ്ഞാണ് ഇദ്ദേഹത്തെ ഒഴിവാക്കാന്‍ നേരത്തെ തീരുമാനിച്ചത്. ഇതിനായി പല വിധത്തില്‍ അദ്ദേഹത്തില്‍ സമ്മര്‍ദമുണ്ടായിരുന്നുവെന്ന് സൂചനയുണ്ട്. ഇത് ഈ കലോല്‍സവത്തില്‍ പ്രകടമാകുകയാണുണ്ടായത്. മന:പൂര്‍വം ഇതൊരു വിവാദമാക്കിയെടുത്ത് അദ്ദേഹത്തെക്കൊണ്ടുതന്നെ പിന്മാറ്റം പ്രഖ്യാപിപ്പിക്കുകയായിരുന്നു തന്ത്രം. അത് മനസ്സിലാക്കി അദ്ദേഹം സ്വയം ഒവിവാകുകയായിരുന്നു. 16 വര്‍ഷമായി സ്‌കൂള്‍ കലോല്‍സവത്തിന് പാചകം ഒരുക്കിയിരുന്ന പഴയിടം നമ്പൂതിരിയുടെ ഭക്ഷണം എല്ലാവിഭാഗക്കാര്‍ക്കും ഇഷ്ടമായിരുന്നു. ഇത് കാരണം ഇദ്ദേഹത്തെ കലോല്‍സവത്തില്‍നിന്ന് ഒഴിവാക്കല്‍ എളുപ്പമായിരുന്നില്ല. അതാണ് രണ്ടുവര്‍ഷം മുമ്പേ നിശ്ചയിച്ചിട്ടും പദ്ധതി നടപ്പാകാതെ പോയത്. എന്നാല്‍ ഇടതുപക്ഷക്കാരനായ അശോകന്‍ ചെരുവിലിനെക്കൊണ്ട് ഇത്തവണ മാസംഭക്ഷണം ആവശ്യപ്പെടുവിച്ച് പദ്ധതി നടപ്പാക്കുകയായിരുന്നു. കലോല്‍സവം കോഴിക്കോടായതിനാല്‍ പ്രത്യേക മതവിഭാഗത്തിന്റെ തലയിടാമെന്നും പദ്ധതിയിട്ടു.

ഇടതുപക്ഷത്തുനിന്ന് അവരുടെ തന്നെ ആളുകള്‍ കലോല്‍സവങ്ങളില്‍ പാചകം ഏറ്റെടുക്കാനായി സമ്മര്‍ദം ചെലുത്തിയിരുന്നു. ഇത് നടപ്പാക്കിയാല്‍ പ്രതിഷേധം വ്യാപകമാകും. വെജിറ്റേറിയന്‍ ഭക്ഷണം തയ്യാറാക്കാന്‍ തന്നെ ഇടതുപക്ഷത്തിന്റെ സഹയാത്രികര്‍ തയ്യാറായിരുന്നു. അതിനായി ടെന്‍ഡര്‍ വിളിപ്പിക്കാനും സമ്മര്‍ദമുണ്ടായി. മുമ്പ് എം.എല്‍.എ ക്വാര്‍ട്ടേഴ്‌സില്‍ കാന്റീന്‍ എടുത്ത് നടത്തിയിരുന്ന കരാറുകാരനാണ് ഇതിനായി സി.പി.എമ്മിലും നേതാക്കളിലും സമ്മര്‍ദം ചെലുത്തിയത്. അദ്ദേഹത്തിന് ഇത്തവണ സ്‌കൂള്‍ കലോല്‍സവത്തില്‍ വെജ് ഭക്ഷണം കരാര്‍ നല്‍കാമെന്ന ്പാര്‍ട്ടി സംസ്ഥാനകമ്മിറ്റിയംഗം ഉറപ്പുകൊടുക്കുകയും ചെയ്തിരുന്നു .അദ്ദേഹത്തിന് പക്ഷേ പാര്‍ട്ടിയെക്കൊണ്ട് സമ്മതിപ്പിക്കാനായില്ല. മന്ത്രി ശിവന്‍കുട്ടിയുടെ അടുത്തയാളാണ് ഈ കരാറുകാരന്‍. ഇപ്പോള്‍ തിരുവനന്തപുരത്ത് വലിയ ഹോട്ടലെടുത്ത് നടത്തിവരികയാണിയാള്‍. ഇനി മുതല്‍ നോണ്‍വെജ് ഭക്ഷണം കലോല്‍സവങ്ങളില്‍ ഉള്‍പെടുത്തുകയും കരാര്‍ ടിയാന് നല്‍കാനുമാണ ്പ്ലാന്‍. വന്‍തുകയാണ് ഇതിനായി ഓഫര്‍ചെയ്തിരിക്കുന്നത്. പഴയിടത്തിന്റെ ജാതിയും മറ്റും പറഞ്ഞ് വിവാദമുണ്ടാക്കിയത് ഇതിനാണെന്നാണ് ഇപ്പോള്‍ വ്യക്തമാകുന്നത്. പഴയിടത്തിന് ഇക്കാര്യത്തില്‍ സര്‍ക്കാരിനെതിരെ പലതും പറയാനുണ്ടെങ്കിലും അദ്ദേഹം മൗനം പാലിക്കുന്നത് ഇനിയും വിവാദം വലിച്ചുനീട്ടരുതെന്ന് കരുതിയാണ്.സ്‌കൂള്‍ കലോല്‍സവത്തിലെ സംഗീതദൃശ്യപരിപാടിയും സമാനമായി നല്‍കിയെങ്കിലും അതും വിവാദത്തിലാകുകയായിരുന്നു.

കോവിഡ് സമയത്ത് മെഡിക്കല്‍ അനുബന്ധഉപകരണങ്ങള്‍ വാങ്ങിയതില്‍ വന്‍വിലക്കൂടുതലുണ്ടായതും അഴിമതി നടന്നതും പാര്‍ട്ടിയും മുഖ്യമന്ത്രിയും അറിഞ്ഞെന്ന ്‌വ്യക്തമായതോടെ ഇതിന് പിന്നിലും ഉന്നതരുടെ കൈകളാണ് സംശയിക്കപ്പെടുന്നത്. സൈബര്‍ സഖാക്കളുടെ ഭാഗത്തുനിന്ന് പഴയിടം മാറി, പുതിയിടം വരട്ടെ എന്ന രീതിയിലുള്ള കാപ്‌സ്യൂളുകള്‍ ഇറങ്ങുന്നതും പാര്‍ട്ടിയുടെ നിര്‍ദേശത്താലാണ്.

ആകെയുടെ 239 ൽ 119 ഇനങ്ങളാണ് ഇതുവരെ പൂർത്തിയായത്. ഹൈസ്‌കൂള്‍ ജനറല്‍ വിഭാഗത്തില്‍ 96ല്‍ 49ഉം ഹയര്‍സെക്കന്‍ഡറി വിഭാഗത്തില്‍ 105ല്‍ 50, ഹൈസ്‌കൂള്‍ അറബിക് – 19ല്‍ 11, ഹൈസ്‌കൂള്‍ സംസ്‌കൃതം – 19ല്‍ 9ഉം ഇനങ്ങളാണ് പൂര്‍ത്തിയായത്.

മൂന്നാം ദിനമായ ഇന്ന് 55 മത്സരങ്ങൾ വേദി കയറും. തിരുവാതിരക്കളി, കുച്ചുപ്പുടി, അറബനമുട്ട്, വട്ടപ്പാട്ട്, മാപ്പിളപ്പാട്ട്, തുള്ളൽ.. തുടങ്ങിയ ഇനങ്ങളാണ് വേദിയിലെത്തുക. എല്ലാ വേദികളിലും രാവിലെ 9 മണിയോടെ തന്നെ മത്സരങ്ങൾ ആരംഭിക്കും.

ചന്ദ്രിക കലയാട്ടം@കോഴിക്കോട്

കോഴിക്കോട്:സംസ്ഥാന സ്‌കൂള്‍ കലോല്‍സവവേദിയില്‍ അച്ചാര്‍ വിറ്റ പണവുമായി കോടതിയില്‍ പോയിട്ടും ജലാലുദ്ദീന് രക്ഷയില്ല. കുച്ചിപ്പുടിയിലും നാടോടിനൃത്തത്തിലും മല്‍സരിക്കാനായി ചെന്നെങ്കിലും വേദിക്കടുത്തുനിന്ന് തിരിഞ്ഞുപോരേണ്ടിവന്നു. കാരണം ജില്ലാതലത്തില്‍ യോഗ്യതയില്ലാത്തതിനാലെന്ന്. ഇതോടെ രണ്ടുദിവസമായി കുച്ചിപ്പുടിയുടെയും നാടോടിനൃത്തത്തിന്റെയും വേഷങ്ങളണിഞ്ഞ് പ്രധാനവേദിയില്‍ അലഞ്ഞുനടക്കേണ്ട ഗതികേടിലാണ് ജലാലൂദ്ദീന്‍ എന്ന കോവളത്തുകാരന്‍. ബാപ്പയും ഉമ്മയും ഗുരുക്കളും പരിശ്രമിച്ചിട്ടും രക്ഷയില്ല. ഒടുവില്‍ ഭരതനാട്യത്തില്‍ നാളെ ഭാഗ്യപരീക്ഷണത്തിന് കാത്തിരിക്കുകയാണ് ജലാലൂദ്ദീന്‍. തിരുവനന്തപുരം കോവളം മരുതൂര്‍കോണം വി.എച്ച്.എസ്.എസ്.എസ്സിലെ പ്ലസ്ടു വിദ്യാര്‍ത്ഥിക്ക് ഇനി മല്‍സരിക്കാന്‍ വര്‍ഷങ്ങളുമില്ല. അടുത്ത വര്‍ഷം കോളജിലേക്കായിരിക്കും. വിഴിഞ്ഞം സ്വദേശിയായ സുധീര്‍ഖാന്‍ അടുത്തിടെയാണ് കോവളം വെങ്ങാനൂരിലെ വാടകവീട്ടിലേക്ക് മാറിയത്. അച്ചാറുണ്ടാക്കി കടകളിലെത്തിച്ച് വ്യാപാരം നടത്തുകയാണ് കുടുംബം.
ജില്ലാതലത്തില്‍ തഴയപ്പെട്ടതിനെതിരെ കോടതിയില്‍ അപ്പീല്‍ പോയിട്ടും രക്ഷയില്ലാത്ത അവസ്ഥയിലാണ് ജലാലുദ്ദീന്‍. ജില്ലാതലത്തില്‍ വിധിനിര്‍ണയത്തിലെ അപാകതയാണ് തഴയപ്പെടുന്നതിന് കാരണമെന്നാണ് പല രക്ഷിതാക്കളും പറയുന്നത്. കോവളം

മൂന്നുവയസ്സുമുതല്‍ കലാപരിശീലനത്തിലുള്ള ജലാലുദ്ദീന്റെ മോഹമാണ് കോഴിക്കോട്ടെ കലോല്‍സവവേദിയില്‍ പൊലിഞ്ഞത്. ഇതോടെ തകര്‍ന്നുപോയൊന്നുമില്ല ജലാല്‍. ഉല്‍സാഹത്തോടെ ഭരതനാട്യത്തിന്റെ ഒരുക്കത്തിലാണീ മിടുക്കന്‍. സുധീര്‍ഖാനാണ് പിതാവ്. മാജിത മാാതവും. സുധീറിന്റെ നൃത്തതാല്‍പര്യമാണ് ജലാലുദ്ദീനിലെ കലയെ ഊട്ടിവളര്‍ത്തിയത്.

കാര്‍പ്പെറ്റ് വിരിച്ച വേദിയില്‍ കളിക്കാന്‍ ബുദ്ധിമുട്ടാണെന്ന് നേരത്തെ അറിയിച്ചിരുന്നു. ഇത് അവഗണിച്ചാണ് പരിപാടി നടത്തിയതെന്ന് പ്രതിഷേധക്കാര്‍ പറയുന്നു. പരിക്കേറ്റ വിദ്യാര്‍ഥിയെ ആശുപത്രിയിലേക്ക് മാറ്റി. നിലവില്‍ മത്സരം നിര്‍ത്തിവെച്ചിരിക്കുകയാണ്.