സര്‍വേശ്വര സോമയാജലു യെച്ചൂരിയുടെയും കല്‍പകത്തിന്റെയും മകനായി 1952 ഓഗസ്റ്റ് 12ന് ചെന്നൈലാണ് ജനിച്ചത്. യെച്ചൂരി എസ്എഫ്‌ഐലൂടെയാണ് സിപിഎം രാഷ്ട്രീയത്തിലേക്കെത്തുന്നത്. 1974ല്‍ എസ്എഫ്‌ഐയില്‍ അംഗമായ യെച്ചൂരി 1978ല്‍ സംഘടനയുടെ അഖിലേന്ത്യ പ്രസിഡന്റായി. ഡല്‍ഹി സെന്റ് സ്റ്റീഫന്‍സ് കോളേജില്‍ നിന്ന് ബിരുദ പഠനത്തിനു ശേഷം ജെഎന്‍യുവില്‍ നിന്ന് സാമ്പത്തിക ശാസ്ത്രത്തില്‍ ഫസ്റ്റ് ക്ലാസില്‍ ബിരുദാനന്തര ബിരുദം നേടി.

പിഎച്ച്ഡിക്ക് ചേര്‍ന്നെങ്കിലും അടിയന്തരാവസ്ഥകാലത്ത് അറസ്റ്റിലായതിനെ തുടര്‍ന്ന് പഠനം പൂര്‍ത്തിയാക്കാനായില്ല. അടിയന്തരാവസ്ഥയ്ക്കു ശേഷം ജെഎന്‍യു യൂണിയന്റെ പ്രസിഡന്റായി. 1980ല്‍ സിപിഎമ്മിലെത്തി. 1985ല്‍ സിപിഎം കേന്ദ്രകമ്മിറ്റിയിലേക്ക് തിരഞ്ഞെടുക്കപ്പെട്ട യെച്ചൂരി 1992 മുതല്‍ സിപിഎം പോളിറ്റ് ബ്യൂറോ അംഗമാണ്. 2015ല്‍ വിശാഖപട്ടണത്ത് നടന്ന 21ാം പാര്‍ട്ടി കോണ്‍ഗ്രസില്‍ ദേശീയ സെക്രട്ടറിയായി.

തൃണമൂല്‍ കോണ്‍ഗ്രസ്, ലാലു പ്രസാദ് യാദവിന്റെ രാഷ്ട്രീയ ജനതാദള്‍, അഖിലേഷ് യാദവിന്റെ സമാജ്‌വാദി പാര്‍ട്ടി, നിതീഷ് കുമാറിന്റെ ജനതാദള്‍ യുണൈറ്റഡ്, ചന്ദ്രബാബു നായിഡുവിന്റെ തെലുങ്കുദേശം പാര്‍ട്ടി, മായാവതിയുടെ ബഹുജന്‍ സമാജ്‌വാദി പാര്‍ട്ടി തുടങ്ങിയ പാര്‍ട്ടികള്‍ക്കെല്ലാം ഭാരത് ജോഡോ യാത്രക്ക് ക്ഷണം ലഭിച്ചിട്ടുണ്ട്.

ഏതെങ്കിലും വിഷയത്തിലുള്ള അഭിപ്രായ പ്രകടനങ്ങള്‍ അപകീര്‍ത്തികരമായ പരാമര്‍ശമെന്ന പേരില്‍ ആര്‍ക്കെതിരെയും പൊലീസിന് സ്വമേധയാ കേസെടുക്കാന്‍ അനുമതി നല്‍കുന്നതാണ് പുതിയ നിയമം. ഭരണഘടന ഉറപ്പ് നല്‍കുന്ന അഭിപ്രായ സ്വാതന്ത്ര്യത്തിന്റെ ലംഘനാണ് പൊലീസ് ആക്ട് ഭേദഗതി.

സര്‍ക്കാറിനും സിപിഎമ്മിനും എതിരായ മാധ്യമവിമര്‍ശനങ്ങളെ ഇല്ലാതാക്കുക എന്ന ഉദ്ദേശ്യത്തോടെയാണ് പുതിയ നിയമം കൊണ്ടുവന്നിരിക്കുന്നത്. മാധ്യമങ്ങളെ ഭയപ്പെടുത്തി നിശബ്ദരാക്കാനാണ് സര്‍ക്കാറിന്റെ നീക്കം.

സീതാറാം യെച്ചൂരിയ്ക്ക് പുറമെ സ്വരാജ് അഭിയാന്‍ നേതാവ് യോഗേന്ദ്ര യാദവ്, സാമ്പത്തിക വിദഗ്ദന്‍ ജയതി ഘോഷ്, ഡല്‍ഹി യൂണിവേഴ്‌സിറ്റി പ്രൊഫസറും ആക്ടിവിസ്റ്റുമായ അപൂര്‍വാനന്ദ്, ഡോക്യുമെന്ററി സംവിധായകന്‍ രാഹുല്‍ റോയ് എന്നിവരുടെ പേരുകളാണ് അനുബന്ധ കുറ്റപത്രത്തില്‍ ഉള്‍പ്പെടുത്തിയിരിക്കുന്നത്.

ഡല്‍ഹി പൊലീസിനെ ഉപയോഗിച്ച് പ്രതിപക്ഷത്തെ നിശബ്ദമാക്കാനാണ് കേന്ദ്രസര്‍ക്കാരിന്റെ നീക്കമെന്ന് യെച്ചൂരി പ്രതികരിച്ചു. പ്രതിപക്ഷത്തിന്റെ പ്രതിഷേധങ്ങളെ ബിജെപി ഭയക്കുന്നു. നിശബ്ദമാക്കാന്‍ ശ്രമിച്ചാലും പൗരത്വ നിയമ ഭേദഗതി പോലുള്ളവയെ ഇനിയും ശക്തമായി എതിര്‍ക്കും. ചോദ്യങ്ങളെ കേന്ദ്രസര്‍ക്കാര്‍ ഭയപ്പെടുന്നു. ചോദ്യങ്ങളെ ഭയപ്പോലെടുന്നതിനാലാണ് പ്രധാനമന്ത്രി വാര്‍ത്താസമ്മേളനം നടത്താത്തതും വിവരാവകാശ നിയമപ്രകാരമുള്ള ചോദ്യങ്ങള്‍ക്ക് പോലും മറുപടി നല്‍കാത്തത്. അധികാരം ഉപയോഗിച്ചു പ്രതിപക്ഷത്തെ നിശ്ശബ്ദരാക്കാനുള നീക്കം അനുവദിക്കാന്‍ കഴിയില്ലെന്നും യെച്ചൂരി പറഞ്ഞു.

ഷഹീന്‍ ബാഗ് അടക്കമുള്ള പൗരത്വ നിയമത്തിനെതിരായ പ്രതിഷേധങ്ങളെ ഇല്ലാതാക്കാനാണ് സംഘപരിവാര്‍ ആസൂത്രിതമായി കലാപം നടത്തിയത്. കേന്ദ്രമന്ത്രി അനുരാഗ് ഠാക്കൂര്‍, ബിജെപി നേതാവ് കപില്‍ മിശ്ര തുടങ്ങിയവരുടെ ആഹ്വാനപ്രകാരമായിരുന്നു സംഘപരിവാര്‍ തീവ്രവാദികള്‍ ഡല്‍ഹിയില്‍ അഴിഞ്ഞാടിയത്. എന്നാല്‍ കലാപത്തെക്കുറിച്ച് അന്വേഷിച്ച ഡല്‍ഹി പൊലീസ് അന്വേഷണം വഴിതിരിച്ചുവിട്ട് കുറ്റം മുഴുവന്‍ പൗരത്വ വിരുദ്ധ പ്രക്ഷോഭകരുടെ മേല്‍ ചാര്‍ത്തുകയായിരുന്നു. ഇതിന്റെ തുടര്‍ച്ചയായാണ് പ്രതിപക്ഷ നേതാക്കളെ പ്രതി ചേര്‍ക്കാനുള്ള നീക്കം.

പീഡനപരാതി അറിയില്ലെന്ന് മുന്‍ ജനറല്‍ സെക്രട്ടറിയായ പ്രകാശ് കാരാട്ട് പറഞ്ഞു. ശശിക്കെതിരെ നടപടിക്ക് നിര്‍ദ്ദേശിച്ചിട്ടില്ലെന്ന് പി.ബിയും അറിയിച്ചു. പീഡനപരാതി കിട്ടിയിട്ടില്ല. പരാതി ഉണ്ടെങ്കില്‍ സംസ്ഥാന ഘടകമാണ് സ്വീകരിക്കേണ്ടതെന്നും പി.ബി പറഞ്ഞു. പീഡനപരാതി കിട്ടിയോ എന്ന് വ്യക്തമാക്കാതെയായിരുന്നു പി.ബിയുടെ വാര്‍ത്താകുറിപ്പ്. വിഷയത്തില്‍ പ്രതികരിക്കാനില്ലെന്ന് ബൃന്ദകാരാട്ടും  പ്രതികരിച്ചു.

പരാതി ലഭിച്ചിരുന്നുവെന്നും പരാതി പരിഗണിക്കേണ്ടത് സംസ്ഥാന കമ്മിറ്റിയാണെന്നും യെച്ചൂരിയും പറഞ്ഞിരുന്നു. അതേസമയം, മൂന്നാഴ്ച്ച മുമ്പ് തന്നെ പരാതി ലഭിച്ചിരുന്നുവെന്ന് സി.പി.എം സംസ്ഥാന സെക്രട്ടറി കൊടിയേരി ബാലകൃഷ്ണന്‍ പറഞ്ഞു. പരാതി പൊലീസിന് നല്‍കേണ്ടതായിരുന്നുവെങ്കില്‍ അങ്ങനെ ചെയ്‌തേനെ. പാര്‍ട്ടിയില്‍ പരിഹരിക്കേണ്ട പ്രശ്‌നമായതിനാലാണ് പാര്‍ട്ടിക്ക് നല്‍കിയത്. പരാതിയില്‍ നടപടി തുടങ്ങിയെന്നും കൊടിയേരി കൂട്ടിച്ചേര്‍ത്തു.

അതിനിടെ, ഡി.വൈ.എഫ്.ഐ നേതാക്കള്‍ കൊടിയേരിയുമായി കൂടിക്കാഴ്ച്ച നടത്തി. എ.എന്‍ ഷംസീര്‍, എം സ്വരാജ് എന്നിവര്‍ ഏ.കെ.ജി സെന്ററിലെത്തി കൊടിയേരിയെ
കണ്ടു ചര്‍ച്ച നടത്തുകയായിരുന്നു. സംഭവത്തില്‍ ഡി.വൈ.എഫ്.ഐക്ക് പരാതി ലഭിച്ചിട്ടില്ലെന്നും കൂടുതല്‍ വിവരങ്ങള്‍ അറിഞ്ഞ് പ്രതികരിക്കാമെന്നും സ്വരാജ് പ്രതികരിച്ചു.

രണ്ടാഴ്ച്ച മുമ്പാണ് ബൃന്ദാകാരാട്ടിന് വനിതാ നേതാവ് പരാതി നല്‍കിയത്. നടപടി വരാത്തതിനാല്‍ സീതാറാം യെച്ചൂരിക്ക് പരാതി നല്‍കുകയായിരുന്നു. തുടര്‍ന്ന് അവൈലിബില്‍ പി.ബി ചേര്‍ന്ന ശേഷം അന്വേഷണം പ്രഖ്യാപിച്ചുവെന്നായിരുന്നു വാര്‍ത്ത. രണ്ട് സംസ്ഥാന സെക്രട്ടേറിയേറ്റ് അംഗങ്ങളടങ്ങുന്ന പ്രത്യേക സമിതിയെ കേന്ദ്ര നേതൃത്വം അന്വേഷണത്തിന് നിയോഗിച്ചിട്ടുണ്ടെന്നും ഒരു വനിതാ നേതാവും അന്വേഷണ സമിതിയിലുണ്ടെന്നും റിപ്പോര്‍ട്ടുകളുണ്ടായിരുന്നു. എന്നാല്‍ ഇത് തള്ളി പി.ബി രംഗത്തുവരികയായിരുന്നു.

അതേസമയം തെരഞ്ഞെടുപ്പ് വന്നാല്‍ മത്സരിക്കാന്‍ തയ്യാറാണെന്ന നിലപാട് യെച്ചൂരി സ്വീകരിച്ചതായാണ് സൂചന.ത്രിപുര മുന്‍ മുഖ്യമന്ത്രി മണിക് സര്‍ക്കാറിന്റെ പേരും ജനറല്‍ സെക്രട്ടറി സ്ഥാനത്തേക്ക് പരിഗണിക്കുന്നുണ്ട്. ജനറല്‍ സെക്രട്ടറി സ്ഥാനത്തേക്ക് തെരഞ്ഞെടുപ്പ് ഉണ്ടായാല്‍ രഹസ്യ വോട്ടെടുപ്പിനാവും നടക്കുക

നിലവിലെ പിബിയിലും കേന്ദ്ര കമ്മിറ്റിയിലും മാറ്റം വരണമെന്നാണ് യെച്ചൂരിയും ബംഗാള്‍ ഘടകവും ആവശ്യപ്പെടുന്നത്. കേന്ദ്ര കമ്മറ്റിയില്‍ എത്തിയവരെ മാറ്റി പുതിയവരെ നിയമിക്കണമെന്നാണ് ഇവരുടെ ആവശ്യം. അതേസമയം, കേന്ദ്ര കമ്മിറ്റിയില്‍ മാറ്റം വരുത്തേണ്ടെന്ന നിലപാടിലാണ് കാരാട്ട് പക്ഷത്തിനും കേരളഘടകത്തിനും. പല സംസ്ഥാനങ്ങളിലും ജനറല്‍ സെക്രട്ടറിമാര്‍ മാറിയതിനാല്‍ കേന്ദ്ര കമ്മിറ്റിയില്‍ മാറ്റം വേണമെന്നാണ് യെച്ചൂരിയുള്‍പ്പടെയുളളവരുടെ ആവശ്യം. അതിനിടെ, എസ്.രാമചന്ദ്രന്‍ പിള്ളക്ക് പ്രായത്തിന്റെ ഇളവ് നല്‍കി തുടരാന്‍ അനുവദിക്കണമെന്ന് കാരാട്ട് പക്ഷവും വാദിച്ചു.

പിബിയിലും കേന്ദ്രകമ്മിറ്റിയിലും പുതുമുഖങ്ങള്‍ വരുന്നത് ഇരുസമിതികളിലും തങ്ങള്‍ക്ക് ഇപ്പോഴുള്ള ഭൂരിപക്ഷത്തെ ബാധിക്കാമെന്നാണു കാരാട്ട്പക്ഷത്തിന്റെ വിലയിരുത്തല്‍. കേന്ദ്ര കമ്മിറ്റിയിലെയും പിബിയിലെയും ഭൂരിപക്ഷം ഉപയോഗിച്ച് ജനറല്‍ സെക്രട്ടറി എന്ന രീതിയില്‍ തന്നെ പ്രവര്‍ത്തിക്കാനോ തന്റെ നയങ്ങള്‍ നടപ്പിലാക്കാനോ പാര്‍ട്ടി അനുവദിക്കുന്നില്ലെന്ന് യെച്ചൂരി നേരത്തെ പരാതിപ്പെട്ടിരുന്നു. ആയതിനാല്‍ ഭൂരിപക്ഷം പഴയ രീതിയില്‍ തുടര്‍ന്നാല്‍ തനിക്കു പാര്‍ട്ടിയെ മുന്നോട്ടുകൊണ്ടുപോകുക എളുപ്പമല്ലെന്നാണു യച്ചൂരിയുടെ വിലയിരുത്തല്‍. അതിനാല്‍, പിബിയിലും സിസിയിലും സമഗ്രമായ അഴിച്ചുപണിയാണ് യെച്ചൂരി ലക്ഷ്യം വെക്കുന്നത്.

കോണ്‍ഗ്രസ് ബന്ധം വേണമെന്നല്ല അടവ് നയം വേണമെന്നാണ് താന്‍ പറഞ്ഞത്. കേരളത്തില്‍ കോണ്‍ഗ്രസ്സാണ് മുഖ്യശത്രുവെങ്കിലും അഖിലേന്ത്യാ തലത്തില്‍ അതല്ല അവസ്ഥയെന്ന് യെച്ചൂരി ചൂണ്ടിക്കാട്ടി. ഹിന്ദുരാഷ്ട്രം സ്ഥാപിക്കാനാണ് ആര്‍ എസ് എസ് ശ്രമിക്കുന്നത്. ഇതിനെതിരെ ശക്തമായ ചെറുത്തു നില്‍പ് വേണമെന്നും  കരളത്തിലെ സഖാക്കള്‍ പാര്‍ട്ടി പരിപാടി വായിക്കണമെന്നും യെച്ചൂരി ഓര്‍മ്മിപ്പിച്ചു. എ.എന്‍. ഷംസീറിന്റേയും മുഹമ്മദ് റിയാസിന്റേയും പേരെടുത്ത് പറഞ്ഞാണ് യെച്ചൂരി മറുപടി നല്‍കിയത്. ഗൂഗിളില്‍ സെര്‍ച്ച് ചെയ്താല്‍ കിട്ടുന്ന കാര്യങ്ങളല്ല താന്‍ പറഞ്ഞതെന്നും യെച്ചൂരി പരിഹസിച്ചു.

കേരളത്തിലെ മുഖ്യശത്രു കോണ്‍ഗ്രസാകാം. എന്നാല്‍ രാജ്യത്തെ മുഖ്യശത്രു ബി.ജെ.പിയാണ്. താനും പിണറായി വിജയനും പറഞ്ഞതിലെ വ്യത്യാസം കണ്ടെത്തലല്ല പ്രതിനിധികളുടെ ചുമതല. ആര്‍.എസ്.എസ് എന്ന സംഘടന ‘ഹിന്ദുരാഷ്ട്രം’ എന്ന ലക്ഷ്യവുമായാണ് മുന്നോട്ടു പോകുന്നത്. ഇതിന് തടയിടണം. താന്‍ പറഞ്ഞത് യെച്ചൂരി എന്ന വ്യക്തിയുടെ നിലപാടല്ലെന്നും വര്‍ഷങ്ങള്‍ക്ക് മുന്‍പ് എഴുതി വെച്ച പാര്‍ട്ടി പരിപാടിയാണെന്നും അദ്ദേഹം കൂട്ടിച്ചേര്‍ത്തു.

മതേതര കക്ഷികളുമായുള്ള സഹകരണം ബിജെപിയെ വളര്‍ത്തുമെന്ന വാദത്തിന് കഴമ്പില്ല. യുപിഎയെ പിന്തുണച്ചപ്പോള്‍ പാര്‍ട്ടിയ്ക്ക് ഒന്നും സംഭവിച്ചിട്ടില്ലെന്നും യെച്ചൂരി വ്യക്തമാക്കിയതായി ഒരു സ്വകാര്യ ചാനലിന് നല്‍കിയ അഭിമുഖത്തിലാണ് യെച്ചൂരി കാരാട്ട് പക്ഷത്തിന്റെ വാദങ്ങളെ തള്ളി വീണ്ടും രംഗത്തെത്തിയത്. കോണ്‍ഗ്രസുമായി ഒരു നീക്കുപോക്കും വേണ്ടെന്ന് സിപിഎം കേന്ദ്രകമ്മിറ്റി തീരുമാനിച്ചിരുന്നു. പാര്‍ട്ടി കോണ്‍ഗ്രസിലേക്ക് കാരാട്ടിന്റെ രേഖമതിയെന്നുമായിരുന്നു തീരുമാനം.

സീതാറാം യെച്ചൂരിയുടെ പ്രമേയം 31 നെതിരെ 55 വോട്ടിനാണ് കേന്ദ്ര കമ്മിറ്റി തള്ളിയത്. യെച്ചൂരിയും ബംഗാള്‍ ഘടകവും മുന്നോട്ട് വയ്ക്കുന്ന സഹകരണ നിലപാടിനെ പ്രകാശ് കാരാട്ടും കേരള ഘടകവും ശക്തമായി എതിര്‍ത്തതാണ് വോട്ടിങ്ങിലേക്ക് നീങ്ങിയത്. കോണ്‍ഗ്രസുമായി സഹകരണം സംബന്ധിച്ച് അനുകൂല നിലപാടുണ്ടായില്ലെങ്കില്‍ ബംഗാള്‍ ഘടകം കൂടുതല്‍ കടുത്ത പ്രതിസന്ധിയിലേക്ക് പോയേക്കും. ഈ സാഹചര്യം ഒഴിവാക്കാനായി വെള്ളിയാഴ്ച രാത്രി വൈകി പോളിറ്റ് ബ്യൂറോ യോഗം ചേര്‍ന്നെങ്കിലും സമവായം കണ്ടെത്താനായില്ല.

സിപിഎം പോളിറ്റ് ബ്യൂറോയിലും തങ്ങളുടെ നിലപാടില്‍ പ്രകാശ് കാരാട്ടും കേരളത്തില്‍ നിന്നുളള പ്രതിനിധികളും ഉറച്ചുനിന്നതാണ് കാരണം. ചര്‍ച്ചയില്‍ പങ്കെടുത്ത 61 അംഗങ്ങളില്‍ 31 പേര്‍ കോണ്‍ഗ്രസുമായി യാതൊരു സഹകരണവും പാടില്ലെന്ന അഭിപ്രായമാണ് രേഖപ്പെടുത്തിയത്. അതേസമയം 26 പേര്‍ നീക്കുപോക്കുകള്‍ വേണമെന്ന് ആവശ്യപ്പെട്ടു. നാലംഗങ്ങള്‍ ഇക്കാര്യത്തില്‍ സമവായമാണ് ആവശ്യം എന്ന നിലപാടെടുത്തു. ഭൂരിപക്ഷം തങ്ങള്‍ക്കാണെന്ന് ഉറപ്പായതോടെ ഇക്കാര്യത്തില്‍ വോട്ടെടുപ്പിലേക്ക് പോകാമെന്ന് കോണ്‍ഗ്രസ് വിരുദ്ധ ചേരി ആവശ്യപ്പെടുകയായിരുന്നു.

അതേ സമയം വോട്ടെടുപ്പ് ഒഴിവാക്കാന്‍ സീതാറാം യെച്ചൂരി കിണഞ്ഞ് പരിശ്രമിച്ചിരുന്നു. എന്നാല്‍ കടുത്ത നിലപാടില്‍ നിന്ന് പിന്നോട്ടില്ലെന്ന് എതിര്‍പക്ഷവും വ്യക്തമാക്കിയതോടെയാണ് വോട്ടെടുപ്പിന് വഴിതെളിഞ്ഞത്. നിയമസഭാ ഉപതെരഞ്ഞെടുപ്പില്‍ തൃണമൂല്‍ വന്‍ ജയം നേടിയപ്പോള്‍ ബി.ജെ.പിക്കും പിന്നിലായി മൂന്നാം സ്ഥാനത്തേക്ക് സി.പി.എം പിന്തള്ളപ്പെട്ടിരുന്നു. ഇതോടെയാണ് വീണ്ടും കോണ്‍ഗ്രസ് സഖ്യത്തിന്റെ പ്രസക്തി ചൂണ്ടിക്കാട്ടി യെച്ചൂരി രംഗത്തു വന്നത്.