നല്ല നേതാക്കളില്ലാത്തത് കൊണ്ടാണ് രാഷ്ട്രീയ കൊലപാതകങ്ങള്‍ പെരുകുന്നത്. നേതാക്കള്‍ ആക്രമിക്കപ്പെടാത്തത് കൊണ്ടാണ് കൊല നിലക്കാത്തത്. ‘അഭിപ്രായ വ്യത്യാസങ്ങളുണ്ടാകും. എന്നാല്‍, അപ്പോഴൊക്കെ വെട്ടുകയും കുത്തുകയും ചെയ്താല്‍ എങ്ങനെ മുന്നോട്ടുപോകും. ഭാവിതലമുറക്ക് ഇവിടെ സമാധാനത്തോടെ ജീവിക്കുന്നതിനുള്ള അന്തരീക്ഷമൊരുക്കണം. ഈ കൊലപാതകങ്ങളൊന്നും കൈയബദ്ധങ്ങളല്ല. നേരത്തേ ലിസ്റ്റിട്ട് കൊലപ്പെടുത്തുകയാണ്’, മാമുക്കോയ പറഞ്ഞു.

‘ഇവിടെ കൊല്ലപ്പെടുന്നത് വളരെ പാവപ്പെട്ട ചെറുപ്പക്കാരാണ്. നമ്മള്‍ പരസ്പരം വെട്ടി മരിക്കാനുള്ളവരല്ല. സ്‌നേഹത്തോടെയും സമാധാനത്തോടെയും ഐക്യത്തോടെയും ഒന്നിച്ച് ജീവിച്ച് മരിക്കാനുള്ളവരാണ്. ഹര്‍ത്താല്‍ ഉള്‍പ്പെടെയുള്ള ഭീകര സമരമുറകള്‍ എല്ലാ പാര്‍ട്ടികളും ഒഴിവാക്കണം. പണ്ടത്തെ നേതാക്കള്‍ എഴുത്തുകാരും കലാകാരന്മാരുമായിരുന്നു. അതില്ലാത്തതിന്റെ ഭവിഷ്യത്താണ് ഇപ്പോള്‍ അനുഭവിക്കുന്നതെന്നും മാമുക്കോയ പറഞ്ഞു.

കണ്ണൂരിലും മണ്ണാര്‍ക്കാടുമായി കഴിഞ്ഞ മാസം രണ്ടുപേരാണ് കൊല്ലപ്പെട്ടത്. യൂത്ത് കോണ്‍ഗ്രസ് പ്രവര്‍ത്തകന്‍ ശുഹൈബിന്റെ വധത്തില്‍ അറസ്റ്റിലായത് സി.പി.എം പ്രവര്‍ത്തകരും സഫീറിന്റെ കൊലപാതകത്തില്‍ അറസ്റ്റിലായത് സി.പി.ഐ പ്രവര്‍ത്തകരുമാണ്.

മണ്ണാര്‍ക്കാട് നഗരസഭാ കൗണ്‍സിലറാണ് സിറാജുദ്ദീന്‍. ഈ മാസം 25ന് രാത്രിയാണ് സഫീറിനെ (23) നഗരമധ്യത്തിലെ വസ്ത്രവ്യാപാര സ്ഥാപനത്തില്‍ കയറി മൂന്നംഗ സംഘം കുത്തിക്കൊന്നത്. സംഭവവുമായി ബന്ധപ്പെട്ട് അഞ്ച് പേരെ പോലീസ് കസ്റ്റഡിയിലെടുത്തിരുന്നു. കേസില്‍, നിയമസഭയില്‍ ഉള്‍പ്പെടെ പ്രതിപക്ഷം പ്രതിഷേധം ശക്തമാക്കിയിട്ടുണ്ട്.

പോസ്റ്റിന്റെ പൂര്‍ണ്ണരൂപം:

കാനം ആദര്‍ശ പ്രസംഗം നിര്‍ത്തണം.

സ്വന്തം പാര്‍ട്ടി ഗുണ്ടകള്‍
മണ്ണാര്‍ക്കാട്ട് ഒരു എം.എസ്.എഫ് നേതാവിനെ കുത്തി കൊന്നതിനും പുനലൂരില്‍ ഒരു പ്രവാസിയെ ആത്മഹത്യയിലേക്ക് തള്ളിവിട്ടതിനും സി.പി.ഐ സംസ്ഥാന സെക്രട്ടറി കാനം രാജേന്ദ്രന്‍ ഉത്തരം പറയണം.
സി.പി.എം. ജീര്‍ണ്ണതക്കെതിരെ വലിയ വായില്‍ സംസാരിക്കുന്നയാളാണ് കാനം.
പാര്‍ട്ടി അണികള്‍ കൊല്ലും കൊലപാതകവും നടത്താന്‍ വല്യേട്ടന് പഠിക്കുന്നത് കണ്ടില്ലെന്ന് നടിക്കുകയാണ് കാനം ഇപ്പോള്‍ ചെയ്യുന്നത്.

സി.പി.ഐ ഇക്കാലത്തും ഇങ്ങനെയോ എന്ന് ജനം മൂക്കത്ത് വിരല്‍ വെച്ച് ചോദിക്കുന്ന ഈ സംഭവങ്ങളില്‍ കാനം നിലപാട് വ്യക്തമാക്കണം.
ആളാവാന്‍ വേണ്ടിയാണ് കാനം തങ്ങളെ എതിര്‍ക്കുന്നതെന്നാണ് സി.പി.എം പറയുന്നത്. അതല്ലെന്ന് തെളിയിക്കാനുള്ള ബാധ്യത സി.പി.ഐ സെക്രട്ടറിക്കുണ്ട്.
പൊലിഞ്ഞു പോയ രണ്ടു വിലപ്പെട്ട ജീവനുകള്‍ക്ക് സമാധനം പറഞ്ഞിട്ടു മാത്രം മതി, ഇനി കാനത്തിന്റെ ആദര്‍ശ പ്രഘോഷണം..

പോസ്റ്റിന്റെ പൂര്‍ണ്ണരൂപം:

ചുകപ്പ് ഭീകരത തന്നെ!!

മനസ്സ് പിടയുന്നു; മുസ്ലിം ലീഗ് പതാക പിടിച്ചതിന്റെ പേരില്‍ കുന്തിപ്പുഴയില്‍ ഞങ്ങളുടെ പ്രിയ അനുജന്‍ സഫീറിനെ കമ്മ്യൂണിസ്റ്റു കാപാലികര്‍ കൊലക്കത്തിക്കിരയാക്കിയിരിക്കുന്നു!!
ഇന്നാ ലില്ലാഹ്!!

ഇരുപത്തി രണ്ടു വയസ്സ് മാത്രം പ്രായമുള്ള ഒരു ചെറുപ്പക്കാരന്റെ നെഞ്ചില്‍ കത്തിയിറക്കാന്‍ കൊലയാളികളുടെ കയ്യില്‍ ആയുധം വെച്ച് കൊടുത്തു പറഞ്ഞയച്ച സി പി ഐയുടെ ക്രിമിനല്‍ നേതാക്കള്‍ വല്യേട്ടനോട് മത്സരിക്കുകയാണ്!!

അധികാരത്തിന്റെ ഹുങ്കില്‍ കമ്മ്യൂണിസ്റ്റുകള്‍ തങ്ങളുടെ തനിനിറം പുറത്തു കാണിക്കുന്നത് തുടര്‍ന്നാല്‍ ശക്തമായ ജനാധിപത്യ പ്രതിരോധം നേരിടേണ്ടി വരും!!

പ്രിയ സഹോദരന്‍ സഫീറിന്റെ മരണത്തില്‍ വേദനിക്കുന്ന സിറാജുദ്ധീന്‍ സാഹിബിന്റെയും കുടുമ്പത്തിന്റെയും വേദനയില്‍ പങ്കു ചേരുന്നു!

പോസ്റ്റിന്റെ പൂര്‍ണ്ണരൂപം:

കൊല്ലപ്പെട്ട മണ്ണാര്‍ക്കാട് മണ്ഡലം എം.എസ്.എഫ് ഭാരവാഹിയായ സഫീറിനെ മോര്‍ച്ചറിയില്‍ ഒരു നോക്കു കണ്ടു. പിതാവും മുനിസിപ്പല്‍ കൗണ്‍സിലറുമായ സിറാജ് സാഹിബിനെയും സഹോദരനെയും ആശ്വസിപ്പിക്കാന്‍ വാക്കുകളില്ല. സി.പി.ഐയുടെ ഗുണ്ടാ സംഘമാണ് ഈ ചെറുപ്പക്കാരനെ വെട്ടിയും കുത്തിയും കൊലപ്പെടുത്തിയത്. മണ്ണാര്‍ക്കാട് നഗരമധ്യത്തില്‍ ജോലി ചെയ്യുന്ന കടയില്‍ കയറിയാണ് ഈ ക്രൂര കൃത്യം അവര്‍ നടപ്പാക്കിയത്. മുമ്പ് ഇവരുടെ വീട്ടിലേക്ക് ബോംബെറിഞ്ഞ് കൊല്ലാന്‍ ശ്രമിച്ചപ്പോഴും സഫീറിനെ തലക്ക് പരിക്കേല്‍പ്പിച്ചപ്പോഴും പോലീസ് നിഷ്‌ക്രിയമായത് കൊണ്ടാണ് ഇപ്പോള്‍ ഗുണ്ടകള്‍ക്ക് അഴിഞ്ഞാടാന്‍ അവസരമുണ്ടായത്.

ആസൂത്രിത കൊലപാതകമാണിത്. വധശിക്ഷ നടപ്പിലാക്കാന്‍ സി.പി.ഐയുടെ ജില്ലാ സമ്മേളനം കഴിയുന്നത് വരെ കാത്തിരുന്നതാണ് പ്രതികള്‍. സമ്മേളനത്തിന് തൊട്ടു മുമ്പ് ഇനി പ്രശ്‌നങ്ങളൊന്നുമുണ്ടാക്കില്ലെന്ന് പറഞ്ഞ് സഫീറിനെ കെട്ടിപ്പിടിച്ച് ‘ഒത്തുതീര്‍പ്പ് ‘ നടത്തിപ്പിരിഞ്ഞ് പോയത് നാടകമായിരുന്നു. സമ്മേളനം കഴിഞ്ഞ് തീര്‍ക്കാമെന്ന് കണക്കു കൂട്ടിയിട്ടാണവര്‍ പോയത്. അതാണിപ്പോള്‍ നടപ്പാക്കിയത്.

ഒറ്റത്തെറ്റേ അവന്‍ ചെയ്തുള്ളൂ. സംഘടനാ പ്രവര്‍ത്തനത്തില്‍ സജീവമായിരുന്നു. സി.പി.ഐയുടെ ഗുണ്ടകള്‍ ഭീഷണിപ്പെടുത്തിയിട്ടും അവന്‍ പിന്‍മാറിയില്ല. 22 വയസ്സേ പ്രായമുള്ളൂവെങ്കിലും ധീരനായിരുന്നു. അതിനാണവര്‍ കൊന്നു തള്ളിയത്.

കൊന്നവരെ മാത്രമല്ല, കൊല്ലിച്ചവരെയും നിയമത്തിന്റെ മുന്നില്‍ കൊണ്ടുവരണം. അതിനായി,
ജനാധിപത്യത്തില്‍ വിശ്വസിക്കുന്ന, അക്രമ രാഷ്ട്രീയത്തിനെതിരു നില്‍ക്കുന്ന എല്ലാവരുടെയും പിന്തുണയുണ്ടാവണം.

പോസ്റ്റിന്റെ പൂര്‍ണ്ണരൂപം:

കേരളത്തിലെ ചോരക്കളിക്ക് ശമനമില്ല. എല്‍ ഡി എഫിന്റെ രക്തദാഹത്തിന് ഇന്നലെ ഇരയായത് മണ്ണാര്‍ക്കാട് കുന്തിപ്പുഴ സ്വദേശി സഫീര്‍(22) ആണ്. സിപിഐയുടെ ഗുണ്ടകളാണ് ഈ കൊലപാതകത്തിന് പിന്നില്‍. ജീവിതത്തിന്റെ ഏറ്റവും സുന്ദരമായ കാലത്തിലൂടെ കടന്നുപോകുന്ന ചെറുപ്പക്കാരുടെ ജീവിതമാണ് എല്‍ഡിഎഫ് അവസാനിപ്പിച്ച് കളയുന്നത്. പ്രിയ ഷുഹൈബിനു പിന്നാലെ സഫീറും. അക്രമരാഷ്ട്രീയത്തിന് അറുതി വേണം. എല്‍ഡിഎഫ് കൊലക്കത്തി ഉപേക്ഷിക്കണം.എല്‍ഡിഎഫിന്റെ അക്രമരാഷ്ട്രീയത്തിനെതിരെ ജനരോഷം ഉണരണം. കൊല്ലാന്‍ വേണ്ടി മാത്രമുള്ള കൂട്ടുകെട്ടായി ഇടതു മുന്നണി മാറിക്കഴിഞ്ഞു. സഫീറിന്റെ ഓര്‍മകള്‍ക്ക് മുന്നില്‍ ആദരാഞ്ജലി…

കൊലപാതക കാരണം വ്യക്തിവൈരാഗ്യമെന്ന് പൊലീസ് പറഞ്ഞു. സഫീറിന്റെ ശരീരത്തില്‍ അഞ്ചു കുത്തുകളേറ്റിട്ടുണ്ട്. അക്രമികള്‍ എത്തിയത് ഓട്ടോറിക്ഷയിലാണെന്നും പൊലീസ് പറയുന്നു. അതേസമയം, കൊലപാതകത്തില്‍ പ്രതിഷേധിച്ച് മുസ്‌ലിം ലീഗ് മണ്ണാര്‍ക്കാട് നടത്തുന്ന ഹര്‍ത്താല്‍ തുടങ്ങി.

മണ്ണാര്‍ക്കാട് നഗരമധ്യത്തില്‍ ഇന്നലെയാണ് സംഭവം. ഞായറാഴ്ച രാത്രി ഒമ്പതു മണിയോടെ കോടതിപ്പടിയിലെ സ്വന്തം തുണിക്കടയില്‍ കയറി ഒരു സംഘമാളുകള്‍ സഫീറിനെ കുത്തുകയായിരുന്നു. സഫീറിനെ കുത്തിയ ശേഷം അക്രമി സംഘം ഓടി രക്ഷപ്പെടുകയായിരുന്നു. പരിക്കേറ്റ സഫീറിനെ വട്ടമ്പലത്തെ സ്വകാര്യ ആസ്പപത്രിയില്‍ പ്രവേശിപ്പിച്ചെങ്കിലും മരണപെട്ടു. എം.എസ്.എഫ് മുനിസിപ്പല്‍ സെക്രട്ടറിയും, നിയോജക മണ്ഡലം പ്രവര്‍ത്തകസമിതി അംഗവുമാണ് സഫീര്‍. ഫാത്തിമയാണ് മാതാവ്. മൃതദേഹം വട്ടമ്പലം സ്വകാര്യ ആസ്പത്രി മോര്‍ച്ചറിയില്‍ സൂക്ഷിച്ചിരുക്കുകയാണ്.

കൊലപാതകത്തെ തുടര്‍ന്ന് സംഘര്‍ഷാവസ്ഥ നിലനിക്കുകയാണ്. സ്ഥലത്തു പോലീസ് കാവലേര്‍പ്പെടുത്തി. നേരത്തെ സിറാജുദീന്റെ വീടിനു നേരെ സ്‌ഫോടക വസ്തു എറിഞ്ഞ സംഭവവുണ്ടായിരുന്നു.