മൈതാനത്ത് എതിരാളികളെ തകര്‍ത്തെറിഞ്ഞ് തോല്‍പിച്ചെത്തുന്ന ടീം നായകന്മാര്‍ സാധാരണ പറയുന്ന ഡയലോഗാണ് ദ് ബോയ്‌സ് ഹാവ് പ്ലെയ്ഡ് റിയലി വെല്‍ (നമ്മുടെ പിള്ളേര്‍ നന്നായി കളിച്ചു) എന്ന്.

പുല്‍വാമയില്‍ ഭീകരാക്രമണം നടത്തിയവര്‍ക്ക് ഇന്ത്യ നല്‍കിയ കടുത്ത മറുപടിയെ മുന്‍ ഇന്ത്യന്‍ ഓപ്പണര്‍ വിരേന്ദര്‍ സെവാഗ് വിശേഷിപ്പിച്ചതും അതേ ഡയലോഗ് വെച്ച്.

ട്വിറ്ററിലാണ് സെവാഗ് കുറഞ്ഞ വാക്കുകളില്‍ ഇങ്ങനെ കുറിച്ചത്. ‘ദ് ബോയ്‌സ് ഹാവ് പ്ലെയ്ഡ് റിയലി വെല്‍’.
ഒരു ലക്ഷത്തിലധികം പേര്‍ ട്വീറ്റ് ലൈക്ക്് ചെയ്തിട്ടുണ്ട്. കാല്‍ ലക്ഷത്തോളം പേര്‍ ഈ ട്വീറ്റ് റീട്വീറ്റ് ചെയ്തിട്ടുമുണ്ട്.

ശ്രീലങ്കയിലെ ഭൂരിപക്ഷമായ ബുദ്ധമതത്തിലെ തീവ്രവാദികള്‍ മുസ്‌ലിംകള്‍ക്കെതിരെ വന്‍ അക്രമങ്ങളാണ് അഴിച്ചു വിടുന്നത്. ചരിത്ര പ്രസിദ്ധമായ കാന്‍ഡി നഗരത്തില്‍ മുസ്ലിം ഉടമസ്ഥതയിലുള്ള കടകളും വ്യാപാര സ്ഥാപനങ്ങളും കെട്ടിടങ്ങളും ആക്രമിക്കപ്പെട്ടു. മധ്യ പ്രവിശ്യയിലെ അക്രമങ്ങളെ തുടര്‍ന്ന് കഴിഞ്ഞ ദിവസം അടിയന്തരാവസ്ഥ പ്രഖ്യാപിച്ചിരുന്നു.

സ്വന്തം രാജ്യത്ത് ന്യൂനപക്ഷങ്ങള്‍ക്കെതിരെ നടക്കുന്ന അക്രമങ്ങളെ അപലപിച്ച് കുമാര്‍ സംഗക്കാര ട്വിറ്ററില്‍ കുറിച്ചതിങ്ങനെ:

‘ശ്രീലങ്കയിലുള്ള ആരെയും അവരുടെ മതത്തിന്റെയോ വംശത്തിന്റെയോ പേരില്‍ അരികുവല്‍ക്കരിക്കുകയോ ഭീഷണിപ്പെടുത്തുകയോ അപായപ്പെടുത്തുകയോ ചെയ്യരുത്. നാം ഒരു രാജ്യവും ഒരു ജനതയുമാണ്. സ്‌നേഹവും വിശ്വാസവും സ്വീകാര്യതയുമായിരിക്കണം നമ്മുടെ പൊതു മന്ത്രം. വംശീയതക്കും അക്രമത്തിനും സ്ഥാനമില്ല. നിര്‍ത്തൂ… ഒന്നിച്ചു നില്‍ക്കൂ, ശക്തരായി നില്‍ക്കൂ…’

No one in Sri Lanka can be marginalized or threatened or harmed due to their ethnicity or religion. We are One Country and One people. Love, trust and acceptance should be our common mantra. No place for racism and violence. STOP. Stand together and stand strong.

— Kumar Sangakkara (@KumarSanga2) March 7, 2018

ഫേസ്ബുക്കില്‍, അക്രമത്തെ അപലപിച്ചു കൊണ്ടുള്ള വീഡിയോയും സംഗക്കാര പോസ്റ്റ് ചെയ്തു. സിംഹള ഭാഷയിലുള്ള വീഡിയോയില്‍ മത, ജാതി ഭേദമന്യേ സാഹോദര്യം പുലര്‍ത്താനും അക്രമങ്ങള്‍ അവസാനിപ്പിക്കാന്‍ അദ്ദേഹം ആവശ്യപ്പെട്ടു.

മറ്റൊരു ഇതിഹാസ താരമായ മഹേല ജയവര്‍ദെനയും ശക്തമായ ഭാഷയിലാണ് അക്രമങ്ങളെ അപലപിച്ചത്.

‘ശ്രീലങ്കയില്‍ നടക്കുന്ന അക്രമ സംഭവങ്ങളെ ശക്തമായി അപലപിക്കുന്നു. ഇതില്‍ ഉള്‍പ്പെട്ടവരെ മത-വംശ ഭേദമന്യേ നീതിക്കു മുന്നില്‍ കൊണ്ടുവരണം. 25 വര്‍ഷത്തോളം നീണ്ടുനിന്ന ആഭ്യന്തര യുദ്ധത്തിലൂടെയാണ് ഞാന്‍ വളര്‍ന്നത്. അതുപോലൊരു സാഹചര്യം അടുത്ത തലമുറയ്ക്ക് ഉണ്ടാകാന്‍ ഞാന്‍ ആഗ്രഹിക്കുന്നില്ല.’ – മഹേല ട്വിറ്ററില്‍ കുറിച്ചു.

I strongly condemn the recent acts of violence & everyone involved must be brought to justice regardless of race/ religion or ethnicity. I grew up in a civil war which lasted 25 years and don’t want the next generation to go through that.

— Mahela Jayawardena (@MahelaJay) March 7, 2018

ശ്രീലങ്കയിലെ അക്രമ സംഭവങ്ങള്‍ വിഷമമുണ്ടാക്കുന്നുവെന്നും അക്രമങ്ങളിലെ പ്രതികളെ നിയമത്തിനു മുന്നില്‍ കൊണ്ടുവരണമെന്നും സനത് ജയസൂര്യ ട്വിറ്ററില്‍ കുറിച്ചു. ‘ശ്രീലങ്കയിലെ ജനങ്ങള്‍ ബുദ്ധിശാലികളാവണം. ബുദ്ധിമുട്ടേറിയ സമയങ്ങളെ കൂട്ടമായി നിന്ന് നേരിടണം’ – സനത് ജയസൂര്യ അഭിപ്രായപ്പെട്ടു.

Disgusting and sickening to see the acts of violence in Sri Lanka. I condemn strongly and to bring the involved culprits to justice. I request people of Sri Lanka to be wise and stay together in these tough times

— Sanath Jayasuriya (@Sanath07) March 7, 2018

ബി.ജെ.പി സര്‍ക്കാര്‍ അധികാരത്തിലേറിയ ശേഷം നടന്ന നിരവധി വംശീയ അതിക്രമങ്ങളെപ്പറ്റി ഒരക്ഷവും മിണ്ടാന്‍ ഇന്ത്യയിലെ ‘സെലിബ്രിറ്റി’കളായ ക്രിക്കറ്റര്‍മാര്‍ തയ്യാറായിട്ടില്ല. അതേസമയം, ന്യൂനപക്ഷങ്ങളെ പ്രതിക്കൂട്ടില്‍ നിര്‍ത്താനും സംഘ് പരിവാറിനെ വെള്ളപൂശാനുമുള്ള ശ്രമം ഇവരില്‍ നിന്നുണ്ടാകാറുമുണ്ട്. ഈയിടെ അട്ടപ്പാടിയില്‍ മധു കൊല്ലപ്പെട്ടപ്പോള്‍ പ്രതികളായ മുസ്ലിം ചെറുപ്പക്കാരുടെ പേരുകള്‍ മാത്രം ഉദ്ധരിച്ചു കൊണ്ടുള്ള സേവാഗിന്റെ ട്വീറ്റ് ഏറെ വിമര്‍ശിക്കപ്പെട്ടിരുന്നു. വിവാദമുയര്‍ന്നതിനെ തുടര്‍ന്ന് അദ്ദേഹം മാപ്പു പറയുകയും ട്വീറ്റ് പിന്‍വലിക്കുകയും ചെയ്തു. എന്നാല്‍ ഇതാദ്യമായല്ല സേവാഗ് സംഘ് പരിവാര്‍ അജണ്ട ഏറ്റെടുക്കുന്നത്. മുമ്പ്, യുദ്ധത്തിനെതിരെ പ്രതികരിച്ച മുന്‍ സൈനികന്റെ മകളെയും സേവാഗ് വ്യക്തിപരമായി അധിക്ഷേപിച്ചിരുന്നു.

കശ്മീരി ജനതയെ സ്ഥിരമായി അധിക്ഷേപിക്കാറുള്ള ഗൗതം ഗംഭീര്‍, സംഘ് പരിവാറിന് പ്രിയപ്പെട്ട സോഷ്യല്‍ മീഡിയാ സാന്നിധ്യങ്ങളിലൊന്നാണ്.

ത്രിപുരയില്‍ ബി.ജെ.പി അധികാരം പിടിച്ചതിനു ശേഷം നടക്കുന്ന അക്രമ സംഭവങ്ങളില്‍ ഇന്ത്യന്‍ ക്രിക്കറ്റര്‍മാര്‍ പ്രതികരിച്ചതായി അറവില്ല. നേരത്ത, കനയ്യ കുമാറിനെ പിന്തുണച്ച് പ്രസ്താവന നടത്തിയ സുരേഷ് റെയ്‌നക്കെതിരെ ക്രിക്കറ്റ് വൃത്തങ്ങളില്‍ നീക്കങ്ങള്‍ നടക്കുന്നതായി റിപ്പോര്‍ട്ടുകളുണ്ടായിരുന്നു.

Virender Sehwag has so much to learn from Sangakkara. https://t.co/VgD1ukZSib

— Jai (@singh_jaiveeer) March 7, 2018

Well said Kumar…Truly like a leader..More importantly we believe what you say because that’s how you were in public life as a sports person. Hope others of your ilk speak up like this against social injustice ..

— verghese cherian (@varkki1) March 8, 2018

• Read Also: വീരൂ നിങ്ങളോടെനിക്ക് ബഹുമാനമുണ്ടായിരുന്നു….ഇനിയില്ല

അപൂര്‍ണമായ വിവരത്തെ തുടര്‍ന്നാണ് കൂടുതല്‍ പേരുകള്‍ വിട്ടു പോയതെന്ന് സേവാഗ് പറഞ്ഞു. വര്‍ഗ്ഗീയത ഉദ്ദേശിച്ചിട്ടില്ലെന്നും എല്ലാ കൊലയാളികളും മതത്താല്‍ വിഭജിക്കപ്പെട്ടിരിക്കുകയും അക്രമാസക്തമായ മാനസികാവസ്ഥകൊണ്ട് യോജിക്കുകയും ചെയ്തിരിക്കുകയാണെന്നും അദ്ദേഹം പറഞ്ഞു.

• Read Also: മധുവിന്റെ കൊലപാതകം: മുസ്‌ലിം വിദ്വേഷ ട്വീറ്റുമായി സെവാഗ്

‘ഒരു കിലോ അരിയാണ് മധു മോഷ്ടിച്ചത്, എന്നാല്‍ ഇതിന്റെ പേരില്‍ ഉബൈദ്, ഹുസൈന്‍, അബ്ദുല്‍ കരീം എന്നിവരുടെ നേതൃത്വത്തില്‍ പാവപ്പെട്ട ആദിവാസി യുവാവിനെ മര്‍ദ്ദിച്ച് കൊല്ലുകയായിരുന്നു. സംസ്‌കാര സമ്പന്നമായ സമൂഹത്തിനിത് അപമാനകരമാണ്’ എന്നാണ് സേവാഗ് ട്വീറ്റ് ചെയ്തത്.

കുറ്റാരോപിതരിലെ മുസ്ലിം പേരുകള്‍ മാത്രം ട്വീറ്റ് ചെയ്ത് വര്‍ഗ്ഗീയത സൃഷ്ടിക്കാനാണ് സേവാഗ് ശ്രമിച്ചതെന്ന് ആരോപണമുയര്‍ന്നു. ഇതേ തുടര്‍ന്നാണ് താരം ക്ഷമാപണവുമായെത്തിയത്.

https://twitter.com/virendersehwag/status/967428117324320768

നിങ്ങള്‍ എതിരാളികളെ തകര്‍ത്തെറിയുന്നത് കണ്ടാണ് ഞാന്‍ വളര്‍ന്നത്. കളിയില്‍ നിങ്ങളുടെ പേടിയില്ലാത്ത സമീപനത്തിന്റെ ഒരു ആരാധകനായിരുന്നു ഞാനും. നിങ്ങളുടെ സമകാലീനരുടെ അതേ മാന്യത കളത്തിലും പുറത്തും നിങ്ങള്‍ കാണിക്കുമെന്ന് ഞാന്‍ കരുതുകയും ചെയ്തിരുന്നു.പക്ഷേ അവിടെയെനിക്ക് നിരാശനാകേണ്ടിവന്നു…

വീരൂ നിങ്ങളോടെനിക്ക് ബഹുമാനമുണ്ടായിരുന്നു….ഇനിയില്ല.

നിര്‍ഭാഗ്യകരമായിരുന്നു, ഏറ്റവും കുറഞ്ഞത് അങ്ങനെയെങ്കിലും പറയണം..ഞങ്ങള്‍ക്കതിനെ , ഒരു തലച്ചോറില്ലാത്ത ജനക്കൂട്ടം ചെയ്തതിനെ ന്യായീകരിക്കാന്‍ യാതൊരു താല്പര്യവുമില്ല.ഒരിക്കലും നടക്കരുതാത്തതായിരുന്നത്.

മറ്റ് ചിലയിടങ്ങളിലെപ്പോലെയല്ലായിരുന്നു ഇവിടം. ഞങ്ങള്‍ക്ക് ഇത്തരം സംഭവങ്ങള്‍ താരതമ്യേന പുതുമയായിരുന്നു. നിങ്ങളിപ്പൊ ചെയ്തതുപോലെയുള്ള ഒന്നിലധികം ആക്രമണങ്ങളെ, ഇവിടെ രാഷ്ട്രീയ മത വേര്‍തിരിവുകളുണ്ടാക്കാന്‍ ശ്രമിക്കുന്ന ആക്രമണങ്ങളെ ഞങ്ങള്‍ ഒന്നിച്ച് നിന്നാണെതിര്‍ത്തത്.

അതേ സമയം കേരളത്തിനു പുറത്ത് നിന്ന് ഒരുപാട് കഥകള്‍ ഞങ്ങള്‍ കേള്‍ക്കുകയും ചെയ്തിരുന്നു. നിങ്ങളൊരുപക്ഷേ കേട്ടുകാണില്ല…

ദുരഭിമാനക്കൊലകളുടെ കഥകള്‍
പശുവിന്റെ പേരിലുള്ള പീഢനവും കൊലയും
സിനിമയുടെ പേരില്‍ കുഞ്ഞുങ്ങള്‍ ആക്രമിക്കപ്പെടുന്നു
ഓക്‌സിജന്‍ കിട്ടാതെ ശിശുമരണം. അത് തടയാന്‍ ശ്രമിച്ച ഡോക്ടര്‍ക്ക് ശിക്ഷ
ശിശുപീഢകനെ തുറന്ന് വിടാന്‍ ദേശീയപതാക വഹിച്ചുകൊണ്ട് പ്രതിഷേധ റാലി

ഒരേസമയം ആശ്വാസവും അഭിമാനവും തോന്നിയിരുന്നു, ഇവിടെ അതൊന്നും നടക്കുന്നില്ലല്ലോ എന്നോര്‍ത്ത്. ഒരു നിമിഷം അലസമായിരുന്നപ്പൊ ഇത് സംഭവിച്ചു. ഞങ്ങള്‍ കൂടുതല്‍ ശ്രദ്ധിക്കേണ്ടിയിരുന്നു…അതില്‍ വീഴ്ച വന്നതില്‍ ആത്മാര്‍ഥമായ ദുഖവുമുണ്ട്

പക്ഷേ മറ്റിടങ്ങളിലെപ്പോലല്ല. ഞങ്ങള്‍ കുറ്റവാളികളുടെ ഒപ്പം നില്‍ക്കില്ല. നിയമം അതിന്റെ വഴി സ്വീകരിക്കും. കുറ്റവാളികള്‍ നിയമപരമായി ശിക്ഷിക്കപ്പെടുമെന്ന് ഉറപ്പുവരുത്തും.

പക്ഷേ നിങ്ങള്‍ ചെയ്തതും തെറ്റുതന്നെ. നിങ്ങള്‍ അയാളുടെ ചിത്രം നിങ്ങളുടെ രാഷ്ട്രീയത്തിനായി ഉപയോഗിക്കാന്‍ ശ്രമിച്ചു. ഞങ്ങളതിനെ അയാള്‍ ആക്രമിക്കപ്പെട്ടപ്പോള്‍ സെല്‍ഫി എടുത്തതിനോടേ ഉപമിക്കാനാവൂ. മതത്തിന്റെ നിറം ചേര്‍ക്കാന്‍ ശ്രമിക്കുകയാണു താങ്കള്‍ ചെയ്തത്. ചില പേരുകള്‍ മാത്രം ചേര്‍ക്കാന്‍..

ഈ പ്രശ്‌നത്തില്‍ വര്‍ഗീയതയില്ല. പ്രശ്‌നവും പരിഹാരവും കണ്ടെത്താന്‍ ഞങ്ങള്‍ ശ്രമിക്കും. അങ്ങനെയാണ് കേരളം ഒന്നാമതെത്തിയത്..അവിടെ തുടരാന്‍ പോവുന്നതും അങ്ങനെയായിരിക്കും. അതില്‍ നിന്ന് ശ്രദ്ധ മാറ്റുന്ന ഒന്നും ഞങ്ങളാഗ്രഹിക്കുന്നില്ല..അത് നിങ്ങളായാലും..

നിങ്ങളുടെ ഓരോ റണ്ണിനും ഞങ്ങള്‍ ആര്‍പ്പുവിളിച്ചതാണ്…ഇപ്പോള്‍ നിങ്ങളെന്താണു ചെയ്തതെന്ന് നോക്കൂ…

ഞാന്‍ നിങ്ങളെ ബഹുമാനിച്ചിരുന്നു..
ഇപ്പോഴില്ല…

പാവപ്പെട്ട ആദിവാസി യുവാവ് മധു ഒരു കിലോ അരികിലോ മോഷ്ടിച്ചതിന് ഉബൈദ് , ഹുസൈന്‍ , അബ്ദുല്‍കരീം എന്നിവരുടെ മര്‍ദ്ദനത്തില്‍ ദാരുണമായി കൊല്ലപ്പെട്ടു. പ്രബുദ്ധ സമൂഹത്തിന് ഇത് അപമാനമാണ്, എനിക്ക് ലജ്ജ തോന്നുന്നു. ഒരു വ്യത്യാസവുമില്ല. സെവാഗ് ട്വീറ്റ് ചെയ്തു.

Madhu stole 1 kg rice. A mob of Ubaid , Hussain and Abdul Kareem lynched the poor tribal man to death. This is a disgrace to a civilised society and I feel ashamed that this happens and kuch farak nahi padta. pic.twitter.com/LXSnjY6sF0

— Virender Sehwag (@virendersehwag) February 24, 2018

മധുവിനെ മര്‍ദ്ദിച്ച സംഭവത്തില്‍ നാല്‍പതോളം പേര്‍ പങ്കെടുത്തെന്നും അതില്‍ പന്ത്രണ്ട് പേര്‍ക്കെതിരെ കൊലക്കുറ്റം ചുമത്തിയെന്നുമുള്ള റിപ്പോര്‍ട്ടുകള്‍ പുറത്തു വന്നിരിക്കെയാണ് ആക്രമണ സംഘത്തിലെ മൂന്നു മുസലിം പേരുകള്‍ മാത്രം പരാമര്‍ശിച്ചിട്ടുള്ള സെവാഗിന്റെ മുസ്‌ലിം വിരുദ്ധത തുറന്നു കാട്ടുന്ന ട്വീറ്റ്. നേരത്തെ കാശ്മീര്‍ വിഷയങ്ങളിലടക്കം സംഘ് പരിവാര്‍ അനുകൂല നിലപാടുകള്‍ സ്വീകരിച്ചു വരുന്ന താരത്തിന്റെ മുസ്‌ലിം വിരുദ്ധത ഒരിക്കല്‍ കൂടി മറനീങ്ങി പുറത്തുവന്നിരിക്കുകയാണ്.

സെവാഗിന്റെ ട്വീറ്റ് ഏറ്റുപിടിച്ച ചിലര്‍ മുസ്‌ലികള്‍ മധുവിനെ കൊന്നു എന്ന ഹാഷ് ടാഗുകളുമായി ട്വിറ്ററില്‍ രംഗത്തെത്തിയിട്ടുണ്ട്. എന്നാല്‍ ഈ ക്രൂരതയിലും വര്‍ഗീയത പ്രചരിപ്പിക്കുന്ന താരത്തിനോട് കള്ളം പറയുന്നത് നിര്‍ത്തൂ എന്നുള്ള മറുപടികളും ചിലര്‍ കുറിച്ചു. ആരെ തൃപ്തിപ്പെടുത്താനാണ് ഈ വര്‍ഗീയ വിദ്വേഷ ശ്രമമെന്നാണ് ചിലരുടെ ചോദ്യം.

Madhu stole 1 kg rice. A mob of Ubaid , Hussain and Abdul Kareem lynched the poor tribal man to death. This is a disgrace to a civilised society and I feel ashamed that this happens and kuch farak nahi padta. pic.twitter.com/LXSnjY6sF0

— Virender Sehwag (@virendersehwag) February 24, 2018

He is trying to make it a communal color

— DANIEL (@keralaputras) February 24, 2018

Hello, there. When are you getting your reward? https://t.co/Oxi9rgBW4l

— Yeh Log ! (@yehlog) February 24, 2018

മധു കൊലപ്പെട്ട സംഭവത്തില്‍ കഷി-മത-രാഷ്ട്രീയ ഭേദമന്യ കേരള ജനത ഒരേ സ്വരത്തില്‍ കുറ്റവാളികള്‍ക്ക് തക്കതായ ശിക്ഷ കൊടുക്കണമെന്നും മധുവിന് നീതി ഉറപ്പാക്കണമെന്നാവിശ്യവുമായി രംഗത്തെത്തുമ്പോള്‍ സംഘ് പരിവാര്‍ പേജുകളും ഗ്രൂപ്പുകളും വിഷയത്തില്‍ രാഷ്ട്രീയ മുതലെടുപ്പ് തുടരുകയാണ്.

ന്യൂഡല്‍ഹി : ഇന്ത്യന്‍ നായകന്‍ വിരാട് കോഹ്‌ലി ഇതിഹാസ താരം സച്ചിന്‍ തെണ്ടുല്‍ക്കറുടെ റെക്കോര്‍ഡ് മറി കടക്കുമെന്ന് മുന്‍ ഇന്ത്യന്‍ വെടികെട്ട് ബാറ്റ്‌സ്മാന്‍ വീരേന്ദര്‍ സെവാഗ്. ഏകദിനത്തില്‍ ഏറ്റവും കൂടുതല്‍ സെഞ്ച്വറി നേടുന്ന താരമെന്ന റെക്കോര്‍ഡാണ് സച്ചിനെ പിന്തള്ളി കോഹ്‌ലി തന്റെ പേരിലാക്കുമെന്ന് സെവാഗ് പ്രവചിച്ചത്.

നിലവില്‍ 49 സെഞ്ച്വറിയുമായി ഏകദിന ക്രിക്കറ്റില്‍ ഏറ്റവും കൂടുതല്‍ സെഞ്ച്വറി സച്ചിന്റെ പേരിലാണ്. കഴിഞ്ഞ ദിവസം ദക്ഷിണാഫ്രിക്കക്കെതിരെ അവസാന ഏകദിനത്തിലും സെഞ്ച്വറി കുറിച്ചതോടെ വിരാട് കോഹ്‌ലിയുടെ സെഞ്ച്വറി നേട്ടം 35 ആയി. വെറും 208 മത്സരങ്ങളില്‍ നിന്നാണ് ഇന്ത്യന്‍ നായകന്‍ ഇത്രയും സെഞ്ച്വറികള്‍ അടിച്ചു കൂടിയത്. അതേസമയം 463 മത്സരങ്ങള്‍ വേണ്ടിവന്നു സച്ചിന് 49 സെഞ്ച്വറികള്‍ നേടാന്‍. നിലവിലെ ഫോമില്‍ ഏകദിന ക്രിക്കറ്റിലെ ഏറ്റവും കൂടുതല്‍ സെഞ്ച്വറി നേടുന്ന താരമെന്ന ഖ്യാതി സച്ചിനെ പിന്തള്ളി കോഹ്‌ലി തന്റെ പേരിലാക്കുമെന്ന് പല വിദഗ്ധരും അഭിപ്രായ പ്രകടനം നടത്തുന്നതിനിടെയാണ് സച്ചിനെ കോഹ്‌ലി പിന്തള്ളുമെന്നും ഏകദിന കരിയറില്‍ കോഹ്‌ലിയുടെ എത്ര സെഞ്ച്വറി അടിക്കുമെന്നും സെവാഗ് പ്രവചിച്ചത്.

ഏകദിന കരിയറില്‍ വിരാട് കോഹ്‌ലി എത്ര സെഞ്ച്വറി നേടുന്നമെന്ന ട്വിറ്ററില്‍ ആരാധകന്റെ ചോദ്യത്തിന് മറുപടി പറയുകയായിരുന്നു സെവാഗ്. കോഹ്‌ലി 62 സെഞ്ച്വറി നേടുമെന്നാണ് ചോദ്യത്തിന് മറുപടിയായി സെവാഗ് ട്വിറ്ററില്‍ കുറിച്ചത്. നേരത്തെ സച്ചിന്‍ തെണ്ടുല്‍ക്കറും സെഞ്ച്വറി നേട്ടത്തില്‍ വിരാട് കോഹ്‌ലി തന്നെ പുറകിലാകുമെന്ന് പ്രവചിച്ചിരുന്നു.

62 https://t.co/B7R3UmnRIV

— Virender Sehwag (@virendersehwag) February 16, 2018

അതേസമയം ടെസ്റ്റിലും സച്ചിന്‍ തന്നെയാണ് ഏറ്റവും കൂടുതല്‍ സെഞ്ച്വറികള്‍ നേടിയ താരം. 200 മത്സരങ്ങളില്‍ നിന്നും 51 സെഞ്ച്വറിയാണ് സച്ചിന്റെ പേരിലുള്ളത്. വിരാട് കോഹ്‌ലിക്ക് 66 മ്ത്സരങ്ങളില്‍ നിന്നായി 21 സെഞ്ച്വറികളാണുള്ളത്. ദക്ഷിണാഫ്രിക്കയുടെ ജാക്വിസ് കാലിസ് (45), മുന്‍ ഓസീസ് നായകന്‍ റിക്കി പോണ്ടിങ് (41) എന്നിവരാണ് സച്ചിന്റെ തൊട്ടു പിന്നില്‍. നിലവില്‍ കളിക്കുന്ന താരങ്ങളില്‍ 32 സെഞ്ച്വറിയുമായി ഇംഗ്ലണ്ടിന്റെ അലസ്റ്റിര്‍ കുക്കും ദക്ഷിണാഫ്രിക്കയുടെ ഹാഷിം അംല(28)യുമാണ് സച്ചിന്റെ നേട്ടത്തിന് വെല്ലുവിളി ഉയര്‍ത്തുന്ന പ്രധാന താരങ്ങള്‍.

ഷോലയിലെ ‘ഗബ്ബര്‍ സിങെ’ന്ന കഥാപാത്രത്താല്‍ പ്രശസ്തനായ നടന്‍ അംജത്ഖാന്റെ ജന്മ
വാര്‍ഷികത്തിലാണ് സെവാഗ് അനശ്വര പ്രതിനാകന് ആശംസ നേര്‍ന്നത്. ട്വിറ്ററിലൂടെയായിരുന്നു ക്രിക്കറ്റ് താരത്തിന്റെ ആശംസ.

Birth anniversary tributes to the most iconic negative character , Nritya Sangeet Premi – Gabbar Singh #AmjadKhan pic.twitter.com/4Qmfb74jbD

— Virender Sehwag (@virendersehwag) November 12, 2017

“നൃത്ത്യ-സംഗീത-പ്രേമിയും, പ്രശസ്ത പ്രതിനായക കഥാപാത്രവുമായ ഗബ്ബര്‍ സിങിന്; അംജദ് ഖാന്…
ജന്മവാര്‍ഷിക ആശംസകള്‍” എന്നായിരുന്നു ട്വീറ്റ്.

അതേസമയം, ജി.എസ്.ടി വിഷയത്തില്‍ രാഹുല്‍ ഗാന്ധിയുടെ ‘ഗബ്ബര്‍ സിങ് ടാക്‌സ്’ പ്രയോഗം വിവാദമായിതിനിടെ വന്ന സെവാഗിന്റെ ഗബ്ബര്‍ സിങ് ട്വീറ്റ് സോഷ്യല്‍ മീഡിയയില്‍ രാഷ്ട്രീയ ചര്‍ച്ചക്കും കാരണമായി. സെവാഗിന്റെ ട്വീറ്റിനു താഴെ ജി.എസ്.ടി വിഷയത്തില്‍ നിരവധി പേരാണ് പോസ്റ്റ് ചെയ്തത്.
ട്വിറ്റല്‍ ഹാസ്യ ട്വീറ്റുകള്‍ നിര്‍മിക്കുന്നതില്‍ പേരുകേട്ട സെലിബ്രിറ്റിയാണ് സെവാഗ്. താരത്തിന്റെ പോസ്റ്റുകളില്‍ എല്ലാം ഒളിഞ്ഞിരിക്കുന്ന നര്‍മ്മമുണ്ടാകാറുണ്ട്്. അതിനാല്‍ തന്നെ ജി.എസ്.ടി വിവാദത്തിനിടെയുള്ള ഗബ്ബര്‍ സിങ്് ട്വീറ്റ് വിവാദമാകുകയാണ്.

a amazing character ….rahul gandhi GST!!””

— kunwar aditya singh (@kunwaradityasi3) November 12, 2017

woow my favorite pic.twitter.com/6TCepVCI4D

— Narendra Modi (@PM_Narendermodi) November 12, 2017

Gabbar singh tax

— JAKI (@ZAQIMALIKJAKI) November 12, 2017

#GST

— Jomon Chacko (@jomonkc) November 12, 2017

മോദി സര്‍ക്കാറിന്റെ പുതിയ നികുതി സമ്പ്രദായമായ ജി.എസ്.ടിയെ പരിഹസിച്ചായിരുന്നു കോണ്‍ഗ്രസ് ഉപാധ്യക്ഷന്‍ രാഹുല്‍ഗാന്ധിയുടെ ‘ഗബ്ബര്‍ സിങ് ടാക്‌സ്’ പ്രയോഗം വന്നത്. തുടര്‍ന്ന് രാഹുന്റെ പരിഹാസം സോഷ്യല്‍ മീഡിയയില്‍ വൈറലാവുകയായിരുന്നു.

ജി.എസ്.ടി(ഗുഡ്സ് ആന്റ് സര്‍വീസ് ടാക്സ്)യെ ‘ഗബ്ബര്‍ സിങ് ടാക്‌സ്’ എന്നാണ് രാഹുല്‍ പരിഹസിച്ചത്. ചരക്കു സേവന നികുതിയെ, വന്‍ കൊള്ളക്കാരനായ ‘ഷോലെ’യിലെ വില്ലന്‍ കഥാപാത്രത്തോട് രാഹുല്‍ ഉപമിച്ചതാണ് പ്രയോഗം വൈറലാക്കിയത്.

രണ്ടു വര്‍ഷത്തേക്കാണ് ബി.സി.സി.ഐ രവി ശാസ്ത്രിയെ ചുമതലപ്പെടുത്തുന്നത്. 2019-ല്‍ ഇംഗ്ലണ്ടില്‍ നടക്കുന്ന ലോകകപ്പ് വരെ അദ്ദേഹം ടീമിനെ പരിശീലിപ്പിക്കും. ക്യാപ്ടന്‍ വിരാട് കോഹ്ലിയും സൗരവ് ഗാംഗുലിയും സെവാഗിന് അനുകൂലമായി നിലപാടെടുത്തെങ്കിലും ഇന്ത്യന്‍ ടീമിനൊപ്പം നേരത്തെ പ്രവര്‍ത്തിച്ച പരിചയവും സീനിയോറിറ്റിയും ശാസ്ത്രിക്ക് അനുകൂലമാവുകയായിരുന്നു. ബി.സി.സി.ഐ ഭരണസമിതിയുടെ പിന്തുണയും രവി ശാസ്ത്രിക്കായിരുന്നു എന്നാണ് സൂചന.

ക്യാപ്ടന്‍ വിരാട് കോഹ്ലിയുമായുള്ള അഭിപ്രായ വ്യത്യാസത്തെ തുടര്‍ന്ന് അനില്‍ കുംബ്ലെ രാജിവെച്ച ഒഴിവിലാണ് രവിശാസ്ത്രി നിയമിതനാവുന്നത്. ഐ.സി.സി ചാമ്പ്യന്‍സ് ട്രോഫിയോടെ കാലാവധി അവസാനിച്ച കുംബ്ലെയോട് വിന്‍ഡീസ് പര്യടനത്തിലും തുടരാന്‍ ബി.സി.സി.ഐ ആവശ്യപ്പെട്ടിരുന്നെങ്കിലും വെറ്ററന്‍ താരം രാജി വെക്കുകയായിരുന്നു.

ചാമ്പ്യന്‍സ് ട്രോഫിയോടെ കുംബ്ലെയുടെ കാലാവധി തീരാനിരിക്കെയാണ് ബിസിസിഐ പുതിയ പരിശീലകനുള്ള അപേക്ഷ ക്ഷണിച്ചത്. ഒരു വര്‍ഷത്തെ കരാര്‍ നീട്ടി നല്‍കാന്‍ കുംബ്ലെ ആവശ്യപ്പെടാന്‍ സാധ്യതയുണ്ടെന്നും അതിനാല്‍ കുംബ്ലെക്ക് ഒരു മികച്ച എതിരാളി എന്ന നിലയാണ് സെവാഗിനെ ബിസിസിഐ പരിഗണിക്കുന്നതെന്നറിയുന്നു. ഐസിസിയുമായുള്ള ബിസിസിഐ തര്‍ക്കത്തില്‍ കുംബ്ലെ ഇടപെട്ടതാണ് മുന്‍ സ്പിന്‍ ബൗളറോട് ക്രിക്കറ്റ് ബോര്‍ഡിന് അതൃപ്തി തോന്നാന്‍ കാരണം.

എന്നാല്‍ പരിശീലനകനാവാന്‍ അപേക്ഷ അയക്കാന്‍ ആവശ്യപ്പെട്ട് ആരും തന്നെ സമീപിച്ചിട്ടില്ലെന്ന് സെവാഗ് പ്രതികരിച്ചു. സച്ചിന്‍ ടെന്‍ഡുല്‍ക്കര്‍, സൗരവ് ഗാംഗുലി, വി.വി.എസ് ലക്ഷ്മണന്‍ എന്നിവരടങ്ങിയ മൂന്നംഗ ക്രിക്കറ്റ് സമിതിയാവും പരിശീലകനെ തെരഞ്ഞെടുക്കുന്നത്. ഇത് സുപ്രീം കോടതിയുടെ ഇടക്കാല ഭരണസമിതി നിയോഗിച്ച നോമിനിയുടെ മേല്‍നോട്ടത്തിലാവും നടക്കുക.

Virat retires tomorrow. Old ships never die, their spirits live on.#INSViraat -serving Indian Navy for 30 yrs to be decommissioned tomorrow pic.twitter.com/8i9cNnsEC8

— Virender Sehwag (@virendersehwag) March 5, 2017

എന്നാല്‍ ട്വീറ്റ് തുടര്‍ന്ന് വായിക്കുന്നതോടെ ആരാധകരുടെ ആശങ്ക ചിരിയിലേക്ക് വഴിമാറും. ലോകത്തിലെ തന്നെ ഏറ്റവും പഴക്കമേറിയ യുദ്ധവിമാന വാഹിനിയായ ഇന്ത്യയുടെ ഐഎന്‍എസ് വിരാടിന് വ്യത്യസ്തമായ ഒരു വിടവാങ്ങള്‍ നല്‍കിയതാണ് സെവാഗിനേയും ഒപ്പം കോലിയേയും കുഴക്കിയത്. ഇന്ത്യയുടെ യുദ്ധക്കപ്പലായ ഐ.എന്‍.എസ് വിരാട് ഡീക്കമ്മീഷന്‍ ചെയ്യുന്നതിനെക്കുറിച്ചായിരുന്നു സെവാഗിന്റെ ട്വീറ്റ്.

എന്നാല്‍ ആശങ്കയിലായ ആരാധകരേയും കുറ്റപ്പെടുത്താനാവാത്തതാണ് നിലവിലെ സാഹചര്യം. ഓസീസിനെതിരായ പരമ്പരയിലെ ആദ്യ ടെസ്റ്റ് മത്സരത്തില്‍ ഇന്ത്യന്‍ ടീമിന്റെ മോശം പ്രകടനത്തിന് വിരാട് കോലിക്ക് ഏറെ വിമര്‍ശനങ്ങള്‍ നേരിട്ടിരുന്നു. ഈ സാഹചര്യത്തില്‍ വിരമിക്കല്‍ സംബന്ധിച്ച സെവാഗിന്റെ ട്വീറ്റ് കൂടി കണ്ടതാണ് കോലി ആരാധകരെ പരിഭ്രാന്തരാക്കിയത്.

@virendersehwag the 1st 3 words gave me a heart attack!!

— Megha Agarwal (@meghaaagarwal) March 5, 2017

@virendersehwag main to dar hi gaya ki kohli retire ho raha hai , kam se kam match to poora kar leta

— Yograj (@Yajnasen) March 5, 2017

ഇന്ന് ഡികമ്മിഷന്‍ പഴയ കപ്പലുകള്‍ ഒരിക്കലും മരിക്കില്ലെന്നും അവരുടെ ഓര്‍മകള്‍ എന്നും ജീവിക്കുമെന്നു സെവാഗ് ട്വീറ്റില്‍ പറയുന്നു. ഇന്ത്യന്‍ നാവികസേനയ്ക്ക് വേണ്ടി 30 വര്‍ഷം നീണ്ടുനിന്ന വിരാചിന്റെ സേവനത്തെ സെവാഗ് അഭിനന്ദിക്കുകയും ചെയ്തു.

ലോകത്തിലെ പ്രവര്‍ത്തനക്ഷമമായ ഏറ്റവും പഴക്കമേറിയ വിമാനവാഹിനി യുദ്ധക്കപ്പല്‍ എന്ന ഗിന്നസ് റെക്കോഡുമായാണ് വിരാട് സേനയില്‍ നിന്ന് വിരമിക്കുന്നത്.

മൂന്ന് പതിറ്റാണ്ടുകാലം രാജ്യത്തെ സേവിച്ച ഇന്ത്യന്‍ നാവികസേനയുടെ ഭാഗമായിരുന്ന വിരാട്, 27തവണ ഭൂഗോളംചുറ്റിയ ലോകത്തിലെതന്നെ ഏകയുദ്ധക്കപ്പലാണ്.