‘ഇതെന്റെ അവസാന സീസണാണ്, കളിക്കാരെനെന്ന നിലയില്‍ ഇതാണ് ഉചിതമായ സമയം. ഭാവിയെക്കുറിച്ച് ആശങ്കയില്ല, ചിലപ്പോള്‍ ഒന്നു രണ്ടു വര്‍ഷംകൂടി കളത്തില്‍ തുടരാനുള്ള ശേഷി എന്നിലുണ്ട്. ഫുട്‌ബോളിനോടുള്ള അഭിനിവേശത്തിനോട് ഇന്നും യാതൊരു കുറവുമില്ല. യുവന്റസുമൊത്ത് ഒരുചാമ്പ്യന്‍സ് ലീഗ് കീരിടമെന്ന സ്വപ്‌നം യാഥാര്‍ത്ഥ്യമായാല്‍, ഫിഫ ക്ലബ് ലോകകപ്പ്‌വ രെ ചിലപ്പോള്‍ തുടര്‍ന്നേക്കും’ – ബുഫണ്‍ പറഞ്ഞു.

അഞ്ച് ലോകകപ്പുകളില്‍ രാജ്യത്തിനായി ഇറ്റലിയുടെ കാവല്‍കുപ്പായമണിഞ്ഞ ബുഫണ്‍, 2006 ലോകപ്പില്‍ ഇറ്റലി ചാമ്പ്യന്മാരാകുന്നതില്‍ നിര്‍ണായക പങ്കുവഹിച്ചു. ഫ്രാന്‍സിനെതിരായ കലാശപ്പോരിലെ ഷൂട്ടൗട്ടില്‍ പ്രകടിപ്പിച്ച അസാമാന്യ മികവ് ബുഫണിനെ ഫൈനലിലെ താരമാക്കി. റഷ്യന്‍ലോകകപ്പ് പ്ലേ ഓഫില്‍ സ്വീഡന്റെ വെല്ലുവിളി മറികടന്ന് ഒരിക്കല്‍കൂടി രാജ്യത്തിനായി വലകാക്കാം എന്ന ആത്മവിശ്വാസത്തിലാണ് ബുഫണ്‍.

1995-ല്‍ ഇറ്റാലിയന്‍ ക്ലബ് പാര്‍മയിലൂടെയാണ് ബുഫണ്‍ പ്രൊഫഷണല്‍ ഫുട്‌ബോളില്‍ അരങ്ങേറ്റം കുറിക്കുന്നത്. കുറഞ്ഞകാലം കൊണ്ടുതന്നെ മികച്ച പ്രകടനം പുറത്തെടുത്ത ബുഫണ്‍ ഫുട്‌ബോള്‍ പണ്ഡിറ്റുകളുടേയും ആരാധകരുടെയും ഇഷ്ട കീപ്പറായി. 2001-ല്‍ റെക്കോര്‍ഡ് ട്രാന്‍സ്ഫര്‍ ഫീയോടെ യുവന്റസിലെത്തി. തുടര്‍ന്ന് നാലുവട്ടം യുവന്റസ് സീരി എ നേടി. 2006-ല്‍ വാതുവെയ്പ്പ്-ഒത്തുകളി വിവാദവുമായി ബന്ധപ്പെട്ട് യുവന്റസ് രണ്ടാം ഡിവിഷനിലേക്ക് തഴയപ്പെട്ടപ്പോള്‍ ക്ലബിനൊപ്പം നിന്നു. തൊട്ടടുത്ത സീസണില്‍ സീരി എയിലേക്ക് ക്ലബ് മടങ്ങിയെത്തിയങ്കിലും പീന്നിടു ആറുവഷം വേണ്ടിവന്നു ബുഫണിനും യുവന്റസനും സീരി എ കീരിടം മുത്തമിടാന്‍. പിന്നീടങ്ങോട്ട് തുടര്‍ച്ചയായ ആറുതവണ സീരി എ കീരിടം യുവന്റസ് നിലനിര്‍ത്തിയപ്പോള്‍ ബുഫണ്‍ എന്ന കാവല്‍ക്കാരന്റെ പ്രകടനം വിലമതിക്കാനാവത്തതായിരുന്നു.

2006-ലെ ബാലണ്‍ ഡി ഓര്‍ പുരസ്‌കാര മത്സരത്തില്‍ രണ്ടാം സ്ഥാനം കരസ്ഥമാക്കിയ ബുഫണ്‍, 2012ല്‍ യുവേഫയുടെ ക്ലബ് പ്ലെയര്‍ ഓഫ് ദി ഇയര്‍ പുരസ്‌കാരം നേടിയതോടെ ഈ നേട്ടത്തിലെത്തുന്ന ആദ്യ ഗോള്‍കീപ്പറായി. 27 വര്‍ഷം നീണ്ടുനിക്കുന്ന കളിജീവിത്തതില്‍ ആയിരത്തിലധികം മത്സരങ്ങളില്‍ കളിച്ചിട്ടുണ്ട്. ഇതില്‍ ക്ലബ് തലത്തില്‍ തുടര്‍ച്ചയായ പന്ത്രണ്ടു മത്സരങ്ങളില്‍ ഗോള്‍ വഴങ്ങാത്തത് മറ്റൊരു ലോക റെക്കോര്‍ഡാണ്. ദേശീയ ടീമിനായി 173 മത്സരങ്ങള്‍ പൂര്‍ത്തിയാക്കിയ ബുഫണ്‍ തന്നെയാണ് ഇറ്റലിക്കുവേണ്ടി ഏറ്റവുമധിക മത്സരങ്ങളില്‍ രാജ്യതിനുവേണ്ടി ബൂട്ടുകെട്ടിയത്.

രണ്ടു പ്രാവശ്യം പിന്നില്‍ നിന്ന ശേഷം സുസോ, ഹാന്റനോവിച്ച് (സെല്‍ഫ്) എന്നിവരുടെ ഗോളില്‍ മിലാന്‍ തിരിച്ചുവന്നെങ്കിലും 90-ാം മിനുട്ടില്‍ ഇക്കാര്‍ഡിയുടെ പെനാല്‍ട്ടി ഗോളിന് മറുപടി നല്‍കാന്‍ സ്വന്തം ഗ്രൗണ്ടില്‍ എവേ മത്സരം കളിച്ച എല്‍ റോസനേരിക്കായില്ല. ഇതോടെ നിലവിലെ ചാമ്പ്യന്മാരായ യുവന്റസിനെയും ലാസിയോയെയും പിന്തള്ളി ഇന്റര്‍ പോയിന്റ് പട്ടികയില്‍ രണ്ടാം സ്ഥാനത്തേക്ക് മുന്നേറി.

28-ാം മിനുട്ടില്‍ വലതുഭാഗത്തു നിന്ന് ആന്റോണിയോ കണ്‍ട്രേവ ബോക്‌സിലേക്ക് നല്‍കിയ പന്തില്‍ ഓടിക്കയറി അവസാന സ്പര്‍ശം നല്‍കിയാണ് ഇക്കാര്‍ഡി അക്കൗണ്ട് തുറന്നത്. 56-ാം മിനുട്ടില്‍ ഫാബിയോ ബൊറിനിയുടെ പാസ് സ്വീകരിച്ച് ബോക്‌സിനു പുറത്തുനിന്നുള്ള തന്ത്രപരമായ ഫിനിഷിലൂടെ സുസോ എ.സി മിലാനെ ഒപ്പമെത്തിച്ചു. 63-ാം മിനുട്ടില്‍ പെരിസിച്ചിന്റെ പാസില്‍ നിന്ന് ഇക്കാര്‍ഡി ലീഡുയര്‍ത്തിയെങ്കിലും 81-ാം മിനുട്ടില്‍ ഇന്റര്‍ കീപ്പര്‍ ഹാന്‍ഡനോവിച്ചിന്റെ അബദ്ധം എ.സി മിലാന് അനുഗ്രഹമായി. 90-ാം മിനുട്ടില്‍ ലഭിച്ച പെനാല്‍ട്ടി പിഴവില്ലാതെ ലക്ഷ്യത്തിലെത്തിച്ച് അര്‍ജന്റീനാ താരം, അവസാന ചിരി ഇന്ററിന്റേതാക്കി.

സ്വന്തം ഗ്രൗണ്ടില്‍ കരുത്തരായ ലാസിയോയോട് തോല്‍വി വഴങ്ങിയതാണ് യുവന്റസിന് തിരിച്ചടിയായത്. 23-ാം മിനുട്ടില്‍ ഡഗ്ലസ് കോസ്റ്റയിലൂടെ മുന്നിലെത്തിയിരുന്നെങ്കിലും രണ്ടാം പകുതിയില്‍ സിറോ ഇമ്മൊബിലിയുടെ ഇരട്ട ഗോളുകള്‍ ലാസിയോക്ക് നിര്‍ണായക ജയം സമ്മാനിച്ചു. എ.എസ് റോമയെ അവരുടെ തട്ടകത്തില്‍ ഒരു ഗോളിന് വീഴ്ത്തി തുടര്‍ച്ചയായ എട്ടാം ജയത്തോടെ നാപോളി ലീഗിലെ ഒന്നാം സ്ഥാനം നിലനിര്‍ത്തി. ലോറന്‍സോ ഇന്‍സിനെ ആണ് നിര്‍ണായക ഗോള്‍ നേടിയത്.

എട്ട് കളിയില്‍ നിന്ന് 24 പോയിന്റോടെ നാപോളിയാണ് സീരി എയില്‍ ഒന്നാം സ്ഥാനത്ത്. ഇന്റര്‍ (22), ലാസിയോ (19), യുവന്റസ് (19) ടീമുകളാണ് പിന്നാലെ. മിലാന്‍ (12) പത്താം സ്ഥാനത്താണ്.