sexualharrasement – Chandrika Daily

സുഹൃത്തിന്‍റെ മകളെ പീഡിപ്പിച്ച വനിതാ ശിശു വികസന വകുപ്പിലെ ഉദ്യോഗസ്ഥനും കൂട്ടുനിന്ന ഭാര്യയ്ക്കുമെതിരെ കേസ്

webdesk15 — Sun, 20 Aug 2023 09:40:12 +0000

ഡൽഹിയിൽ സുഹൃത്തിന്‍റെ പ്രായപൂര്‍ത്തിയാകാത്ത മകളെ പീഡിപ്പിച്ച വനിതാ ശിശു വികസന വകുപ്പിലെ ഉദ്യോഗസ്ഥനും ഭാര്യയ്ക്കുമെതിരെ കേസ്. അച്ഛൻ മരിച്ചശേഷം ഉദ്യോഗസ്ഥൻ്റെ സംരക്ഷണയിലായിരുന്നു പെൺകുട്ടിയാണ് പീഡനത്തിന് ഇരയായി ഗര്‍ഭിണിയായത്.പെണ്‍കുട്ടിയുടെ പിതാവിന്‍റെ മരണത്തിന് പിന്നാലെ 2020ലാണ് പന്ത്രണ്ടാം ക്ലാസുകാരിയായ പെണ്‍കുട്ടിയുടെ സംരക്ഷണം ഉദ്യോഗസ്ഥന്‍ ഏറ്റെടുക്കുന്നതത് .പിന്നാലെ ഇയാള്‍ കുട്ടിക്കെതിരായ അതിക്രമം തുടങ്ങി. പെണ്‍കുട്ടി ഗര്‍ഭിണിയാണെന്ന് വ്യക്തമായതോടെ ഉദ്യോഗസ്ഥന്‍റെ ഭാര്യ പെണ്‍കുട്ടിക്ക് ഗര്‍ഭഛിദ്രത്തിനുള്ള മരുന്നുകള്‍ നല്‍കി പീഡനം മൂടിവയ്ക്കാന്‍ ശ്രമിക്കുക്കുകയും ചെയ്തു.ഗര്‍ഭമലസിപ്പിക്കാനുള്ള മരുന്ന് കഴിച്ചതിന് പിന്നാലെ സുഖമില്ലാതായ കുട്ടിയെ ചികിത്സയ്ക്കായി ആശുപത്രിയിലെത്തിച്ചപ്പോഴാണ്പീഡന വിവരം പുറത്തറിയുന്നത്.

കെഎസ്ആർടിസി ബസ്സിൽ യുവതിയോട് മോശം പെരുമാറ്റം; കൊടുവള്ളി സ്വദേശി അറസ്റ്റിൽ

webdesk15 — Sat, 24 Jun 2023 04:46:37 +0000

കോഴിക്കോട്: കെഎസ്ആർടിസി ബസിൽ യുവതിയോട് മോശമായി പെരുമാറിയതിന് യുവാവ് അറസ്റ്റിൽ. കൊടുവള്ളി സ്വദേശി കച്ചേരിക്കുന്നുമ്മൽ റിഷാൽ ആണ് പിടിയിലായത്.പുലർച്ചെ കോഴിക്കോട് നിന്ന് തൃശ്ശൂർ പോവുകയായിരുന്ന കെഎസ്ആർടിസി ബസ്സിൽ വെച്ചാണ് സംഭവം. അടുത്തിരുന്ന യുവതിയോട് റിഷാൽ മോശമായി പെരുമാറുകയായിരുന്നു. സംഭവത്തെ തുടർന്ന് ചങ്ങരംകുളം പൊലീസെത്തി ഇയാളെ കസ്റ്റഡിയിൽ എടുത്തു. പിന്നീട് നടത്തിയ ചോദ്യം ചെയ്യലിൽ വയനാട് അമ്പലവയലിലെ ഒരു വീട്ടിൽ നിന്ന് കാപ്പി ചാക്കുകൾ മോഷ്ടിച്ച കേസിലെ മൂന്നാം പ്രതിയാണ് ഇയാൾ എന്ന് പൊലീസ് കണ്ടെത്തി. അന്ന് ഇയാളെ പിടികൂടാനായി പൊലീസ് എത്തിയപ്പോൾ റിഷാൽ പുഴയിലേക്ക് ചാടി രക്ഷപ്പെടുകയായിരുന്നു.പ്രതിക്കായി അന്വേഷണം തുടരുന്നതിനിടെയാണ് മറ്റൊരു കേസിൽ അറസ്റ്റിലായത്. ചങ്ങരംകുളം പോലീസ് ജാമ്യം നൽകിയ ശേഷം അമ്പലവയൽ പോലീസെത്തി ഇയാളെ കസ്റ്റഡിയിൽ വാങ്ങി വയനാട്ടിലേക്ക് കൊണ്ട് പോയി.