ഇയാളെ കോടതിയില്‍ ഹാജരാക്കി റിമാന്‍ഡ് ചെയ്തു. കൂടാതെ പീഡനത്തിനായി ഉപയോഗിച്ച ബൈക്ക് ടാക്സിയും പൊലീസ് പിടിച്ചെടുത്തിട്ടുണ്ട്. റിപ്പോര്‍ട്ട്പ്രകാരം തിങ്കളാഴ്ച വൈകിട്ട് യുവതി സുഹൃത്തിനെ കാണാന്‍ പോകുന്നതിനായി ബൈക്ക് ടാക്സി ബുക്ക് ചെയ്തു. രാത്രി വീട്ടിലേക്ക് മടങ്ങുമ്പോള്‍ അതേ ഡ്രൈവറാണ് യാത്രയ്ക്കായി എത്തിയതും.

യാത്രാമധ്യേ വിജനമായ വഴിയിലൂടെ പോകുമ്പോള്‍ ശിവകുമാര്‍ യുവതിയെ കടന്നുപിടിച്ച് ലൈംഗികമായി പീഡിപ്പിച്ചു. സംഭവത്തിനുശേഷം പ്രതി യുവതിയെ വീട്ടിനടുത്ത് ഇറക്കിവിട്ട് രക്ഷപ്പെട്ടു. ഭീതിയിലായ യുവതി ഉടന്‍ ഭര്‍ത്താവിനെ വിവരം അറിയിക്കുകയും പിന്നാലെ ഇരുവരും ചേര്‍ന്ന് പള്ളിക്കരണ പൊലീസ് സ്റ്റേഷനില്‍ പരാതി നല്‍കുകയും ചെയ്തു. പൊലീസ് പ്രതിയെ കുറച്ച് മണിക്കൂറിനുള്ളില്‍ തന്നെ പിടികൂടി.

യുവതിയുടെ മൊഴിയും മെഡിക്കല്‍ പരിശോധനാ ഫലങ്ങളും അടിസ്ഥാനമാക്കി ലൈംഗിക പീഡന വകുപ്പുകള്‍ പ്രകാരം കേസെടുത്തതായി അന്വേഷണ സംഘം അറിയിച്ചു. സംഭവത്തില്‍ കൂടുതല്‍ അന്വേഷണം പുരോഗിമിക്കുകയാണ്. നഗരത്തിലെ ബൈക്ക് ടാക്സി സേവനങ്ങളിലെ സുരക്ഷാ സംവിധാനങ്ങള്‍ ശക്തിപ്പെടുത്തേണ്ടതുണ്ടെന്ന് പൊലീസ് ചൂണ്ടിക്കാട്ടി.

ചാലക്കുടി കെഎസ്ആര്‍ടിസി ബസ് സ്റ്റാന്റില്‍ വച്ച് ഷാജു മോശമായി പെരുമാറിയെന്നാണ് വിദ്യാര്‍ഥിനിയുടെ പരാതി. ഇന്നലെ ഉച്ചയ്ക്ക് 2.30നാണ് സംഭവം നടക്കുന്നത്. വിദ്യാര്‍ഥിനി കോയമ്പത്തൂരിലേക്ക് പോകാനായി ബസ് സ്റ്റാന്റിലെത്തിയപ്പോഴായിരുന്നു സംഭവം. അപമര്യാദയായി പെരുമാറുകയും തുടര്‍ന്ന് കുട്ടി ഒച്ചവച്ചു.

കുട്ടി കരയുന്നത് കേട്ട് ആളുകള്‍ ശ്രദ്ധിക്കാന്‍ തുടങ്ങിയപ്പോള്‍ ഇയാള്‍ ഒരു ഓട്ടോറിക്ഷയില്‍ കയറി രക്ഷപ്പെടാന്‍ ശ്രമിച്ചു. നാട്ടുകാര്‍ ചേര്‍ന്ന് ഇയാളെ പിടിച്ചുനിര്‍ത്തുകയായിരുന്നു. നാട്ടുകാര്‍ തന്നെയാണ് ചാലക്കുടി പൊലീസിനെ വിളിച്ചുവരുത്തി ഇയാളെ കൈമാറിയത്. ഷാജുവിനെതിരെ പോക്‌സോ ഉള്‍പ്പെടെയുള്ള വകുപ്പുകള്‍ ചുമത്തിയേക്കും.