കേരളത്തില്‍ പി.എം.ശ്രീ നടപ്പിലാക്കപ്പെടുമ്പോള്‍, SFI ഓര്‍ക്കുന്നുണ്ടാവും, SFI ഉള്‍പ്പെടെയുള്ള സംഘടനകളുടെ നേതൃതത്തില്‍ നടത്തിയ മാര്‍ച്ചിന്റെ പ്രധാന നിര്‍ദ്ദേശമായിരുന്നു പി.എം.ശ്രീ നടപ്പിലാക്കരുത് എന്ന്. കേരളത്തില്‍ സിപിഎം ഇത് ലംഘിച്ചപ്പോള്‍ SFI മൗനത്തിലാണ്. AISF ഉയര്‍ത്തിയ ആര്‍ജ്ജവമായ നിലപാട് പോലും SFI ക്ക് ഇല്ലാതെ പോയി.

SFI ഉള്‍പ്പെടുന്ന സി.പി.എമ്മിന് രാജ്യത്ത് ആകെ ഭരണമുള്ള സംസ്ഥാനമാണ് കേരളം. കേരളത്തില്‍ LDF സര്‍ക്കാര്‍ സംഘപരിവാര്‍ അജണ്ട നടപ്പിലാക്കുമ്പോള്‍ മൗനത്തിലായ SFI, ലക്ഷോപലക്ഷം വിദ്യാര്‍ത്ഥികളെ വഞ്ചിച്ച് നിങ്ങള്‍ തുടരുന്ന മഹാമൗനത്തിന് കാലം ഒരിക്കലും മാപ്പ് തരില്ലെന്നും പി വി അഹമ്മദ് സാജു പറഞ്ഞു.

സംസ്‌കൃതം വകുപ്പ് മേധാവി സിഎന്‍ വിജയകുമാരി വിപിന്‍ വിജയന്റെ പി എച്ച് ഡി തീസിസിനും, ഒപ്പണ്‍ ഡിഫന്‍സിനും എതിരെ ഗുരുതര പരാമര്‍ശങ്ങളാണ് വൈസ് ചാന്‍സലര്‍ക്ക് നല്‍കിയ കത്തില്‍ ഉന്നയിക്കുന്നത്. പിച്ച്ഡി തീസിസ് ആയിപോലും പരിഗണിക്കാന്‍ കഴിയാത്തതാണ് വിപിന്‍ വിജയന്‍ സമര്‍പ്പിച്ചത്.

സംസ്‌കൃതം എഴുതാനോ വായിക്കാനോ പോലും അറിയില്ല. ഓപ്പണ്‍ ഡിഫന്‍സില്‍ ചോദ്യങ്ങള്‍ക്ക് മലയാളത്തിലോ സംസ്‌കൃതത്തിലോ ഇംഗ്ലീഷിലോ ഉത്തരമില്ല. ഇത്തരം ഗവേഷണങ്ങള്‍ ഒരു വിദഗ് സമിതികൊണ്ട് പരിശോധിപ്പിക്കണമെന്നും കത്തില്‍ ആവശ്യപ്പെടുന്നു.

വിപിനിന് പിഎച്ച്ഡി നല്‍കാനുള്ള മൂല്യനിര്‍ണയ സമിതി ചെയര്‍മാന്റെ ശിപാര്‍ശ അടുത്ത സിന്‍ഡിക്കേറ്റ് യോഗത്തില്‍ പരിഗണിക്കാനിരിക്കെയാണ് കത്ത് പുറത്തുവന്നത്. ആരോപണങ്ങളാല്‍ വൈസ് ചാന്‍സിലര്‍ അന്വേഷണത്തിന് ഉത്തരവിട്ടു.

ഫീസ് വര്‍ധന ഉണ്ടാകില്ലെന്ന ഉറപ്പ് അട്ടിമറിക്കപ്പെട്ടെന്ന് ആരോപിച്ചാണ് സമരം. പിഎം ശ്രീ പദ്ധതിയില്‍ വിദ്യാഭ്യാസ വകുപ്പിനെതിരെ എഐഎസ്എഫ്, എഐവൈഎഫ് എന്നിവര്‍ സമരം ശക്തിപ്പെടുത്തുന്നതിനിടയിലാണ് എസ്എഫ്‌ഐ കൃഷിവകുപ്പിനെതിരായ സമരം തുടങ്ങുന്നത്. പിഎം ശ്രീ പദ്ധതിയില്‍ ധാരണാപത്രം ഒപ്പിട്ട നിലപാട് വിദ്യാഭ്യാസവകുപ്പും മന്ത്രിയും തിരുത്തണമെന്നാവശ്യപ്പെട്ടാണ് എഐവൈഎഫ് പ്രതിഷേധം.

ഇടതുപക്ഷ നിലപാടുകള്‍ക്കും നയങ്ങള്‍ക്കുമെതിരായിട്ടാണ് പിണറായി സര്‍ക്കാര്‍ പി.എം ശ്രീയില്‍ ഒപ്പിട്ടത്. മന്ത്രി ശിവന്‍കുട്ടിയുടെ പാര്‍ട്ടിയുടെ ജനറല്‍ സെക്രട്ടറി ഈ വിഷയത്തില്‍ നയം വ്യക്തമാക്കിയതാണ്. ജനറല്‍ സെക്രട്ടറിക്ക് ബോധ്യമായ പ്രശ്‌നം ശിവന്‍കുട്ടിക്ക് ബോധ്യമാകാത്തത് എന്താണെന്നത് സംശയാസ്പദമാണ്. ദേശീയ വിദ്യാഭ്യാസ നയത്തില്‍ സിലബസ് അടക്കമുള്ള കാര്യങ്ങളില്‍ എഐവൈഎഫ് ആശങ്ക വ്യക്തമാക്കിയിട്ടുള്ളതാണ്.

ഇന്ത്യയുടെ ചരിത്രത്തെയും ഡാര്‍വിന്റെ പരിണാമ സിദ്ധാന്തത്തെയും മാറ്റിനിര്‍ത്തിയാണ് ദേശീയ വിദ്യാഭ്യാസ നയത്തില്‍ പഠിപ്പിക്കുന്നത്. സമൂഹത്തെ വാര്‍ത്തെടുക്കേണ്ട വിദ്യാഭ്യാസ രംഗത്ത് ആര്‍എസ്എസിന്‌റെ തിട്ടൂരം നടപ്പിലാക്കുന്ന നയം പ്രാബല്യത്തില്‍ കൊണ്ടുവരാനുള്ള ശ്രമത്തെ എഐവൈഎസും എഐഎസ്എഫും എതിര്‍ക്കാനാണ് തീരുമാനിച്ചിട്ടുള്ളത്. അതുകൊണ്ടു തന്നെ ഈ പോരാട്ടം അവസാനിപ്പിക്കുകയില്ല. ഫണ്ടാണ് വിഷയമെങ്കില്‍ സുപ്രിംകോടതിയെ സമീപിക്കുകയോ, ചര്‍ച്ചകള്‍ നടത്തുകയോ ആണ് ചെയ്യേണ്ടിയിരുന്നത്. ഫണ്ടിന്റെ പേരുപറഞ്ഞ് കാലങ്ങളായി പടുത്തുയര്‍ത്തിയ കേരളത്തിന്റെ വിദ്യാഭ്യാസ നേട്ടങ്ങളെ തകര്‍ക്കാനുള്ള പരിശ്രമത്തെ ചെറുത്തു തോല്‍പിക്കണമെന്ന് തന്നെയാണ് പാര്‍ട്ടി തീരുമാനം – ശ്രീജിത്ത് വ്യക്തമാക്കി. പദ്ധതിയില്‍ സര്‍ക്കാര്‍ ഒപ്പുവച്ചതിന് പിന്നാലെ എഐഎസ്എഫും എഐവൈഎഫും അടക്കമുള്ള സംഘടനകള്‍ പ്രതിഷേധവുമായി രംഗത്തെത്തിയിരുന്നു.

കേരള, കാലിക്കറ്റ്, എം.ജി കുസാറ്റ് തുടങ്ങിയ സര്‍വകലാശാലകളിലെ വിദ്യാര്‍ത്ഥികള്‍ അപേക്ഷകര്‍ ആയിരുന്നുവെങ്കിലും നിയമനം ലഭിച്ച 38 പേര്‍ കുഫോസില്‍ നിന്നും അടുത്തിടെ പഠനം പൂര്‍ത്തിയാക്കിയവരാണ് എന്നതാണ് ദുരൂഹത വര്‍ദ്ധിക്കാനുള്ള കാരണം. റാങ്ക് പട്ടികയിലുള്ള 110 പേരില്‍ 93 പേരും കുഫോസിലെ വിദ്യാര്‍ഥികളാണ്. കുഫോസിലെ മുന്‍ രജിസ്ട്രാര്‍, നിലവിലെ രജിസ്ട്രാര്‍, കേരള സര്‍വകലാശാലയിലെ സിപിഎം അധ്യാപക സംഘടന സെക്രട്ടറി കൂടിയായ അസിസ്റ്റന്റ് പ്രൊഫസര്‍ എന്നിവരായിരുന്നു ഇന്റര്‍വ്യൂ ബോര്‍ഡിലെ അംഗങ്ങള്‍. എഴുത്തു പരീക്ഷയില്‍ കുഫോസിലെ വിദ്യാര്‍ത്ഥികള്‍ക്ക് മാത്രം കൂടുതല്‍ മാര്‍ക്ക് ലഭിച്ചതോടെ അവര്‍ റാങ്കില്‍ മുന്നിലെത്തിയതിലെ ദുരൂഹതയാണ് ആക്ഷേപങ്ങള്‍ക്ക് കാരണമായത്.
ചോദ്യപേപ്പര്‍ തയ്യാറാക്കിയത് കുഫോസിലെ തന്നെ അധ്യാപകരാണെന്നാണ് വിവരം.

കാലിക്കറ്റ് സര്‍വകലാശാല ഡിഎസ്‌യു തെരഞ്ഞെടുപ്പിലും വോട്ടെണ്ണല്‍ കേന്ദ്രത്തിലും പുറത്തും വലിയ സംഘര്‍ഷമാണ് വെള്ളിയാഴ്ച നടന്നത്. സംഘര്‍ഷത്തില്‍ 20ലേറെ പേര്‍ക്ക് പരിക്കേറ്റു. റിട്ടേണിങ് ഓഫീസര്‍ ഒപ്പിടാത്ത ബാലറ്റ് പേപ്പര്‍ പരിഗണിക്കരുതെന്ന യുഡിഎസ്എഫ് ആവശ്യത്തെ തുടര്‍ന്നാണ് വോട്ടെണ്ണുന്നതിനിടെ തര്‍ക്കം തുടങ്ങിയത്. പിന്നീടത് സംഘര്‍ഷത്തിലേക്ക് നീങ്ങുകയായിരുന്നു. സംഘര്‍ഷം കനത്തതോടെ പൊലീസ് ലാത്തിവീശി. നിരവധി കെഎസ്‌യു പ്രവര്‍ത്തകര്‍ക്ക് പരിക്കേറ്റിട്ടുണ്ട്.

യു.ഡി.എസ്.എഫിന്റെ കൊടിതോരണങ്ങളും പ്രചാരണ ബോർഡുകളും തകർത്തു. വടിവാൾ ഉൾപ്പെടെ മാരകായുധങ്ങൾ നേരത്തെ കൈയിൽ കരുതിയാണ് എസ്.എഫ്.ഐക്കാർ എത്തിയത്. നിരവധി പ്രവർത്തകർക്ക് വെട്ടേറ്റു. ചോര വാർന്ന് ഗുരുതരാവസ്ഥയിലായ പ്രവർത്തകരെ ആശുപത്രിയിലെത്തിക്കാൻ എത്തിയ ആംബുലൻസും എസ്.എഫ്.ഐക്കാർ തടഞ്ഞു. പോലീസിന്റെ സാന്നിധ്യത്തിലായിരുന്നു അക്രമം. പ്രദേശത്ത് സംഘർഷാവസ്ഥ തുടരുകയാണ്.

തെരഞ്ഞെടുപ്പിന് മുമ്പ് നടന്ന ധാരണ തെരഞ്ഞെടുപ്പിന് ശേഷം ജനറൽ സീറ്റുകളിലേക്ക് മത്സരിച്ചപ്പോഴും തുടർന്നു. മൂന്ന് ക്ലാസ് പ്രതിനിധികൾ മാത്രമുള്ള ഫ്രട്ടേണിറ്റി സ്ഥാനാർത്ഥിക്ക് ജനറൽ ക്യാപ്റ്റൻ സ്ഥാനത്തേക്ക് വോട്ട് ചെയ്തത് എസ്.എഫ്.ഐ പ്രതിനിധികൾ. പകരം ചെയർമാൻ സ്ഥാനം ഉൾപ്പെടെ വിവിധ സീറ്റുകളിൽ ഫ്രട്ടേണിറ്റി എസ്.എഫ്.ഐയെ പിന്തുണച്ചു. എസ്.എഫ്.ഐയുടെ മുൻ നേതാവ് പി.എം ആർഷോ മണ്ണാർക്കാട്ട് ക്യാമ്പ് ചെയ്താണ് ഈ സഖ്യത്തിന് ചുക്കാൻ പിടിച്ചത്.

കാലിക്കറ്റ് യൂണിവേഴ്‌സിറ്റിക്ക് കീഴിലുള്ള വിവിധ ക്യാമ്പസുകളിൽ എസ്.എഫ്.ഐ-ഫ്രട്ടേണിറ്റി ബന്ധം പ്രകടമായിരുന്നു. എസ്.എഫ്.ഐക്കെതിരെ നിരന്തരം ശബ്ദമുയർത്തുന്ന ഫ്രട്ടേണിറ്റിക്കാരും യാതൊരു മനസ്സാക്ഷിക്കുത്തുമില്ലാതെ ഈ അവിശുദ്ധ ബാന്ധവത്തിന് മുന്നിൽ തലകുനിച്ചു. കാലിക്കറ്റ് യൂണിവേഴ്‌സിറ്റിക്ക് കീഴിലുള്ള നിരവധി ക്യാമ്പസുകളിൽ ഈ ബന്ധത്തിലൂടെ എസ്.എഫ്.ഐക്ക് സീറ്റുകൾ ലഭിച്ചു.

ജിനോ ജോണിന്‍റെ കുറിപ്പ്

ടോം ഇമ്മട്ടി പറഞ്ഞ കെഎസ്‍യുവിൻ്റെ ചെഗുവേര..! രൂപേഷ് പീതാംബരൻ പറഞ്ഞതിലാണ് ശെരി. എൻ്റെ പ്രിയ സുഹൃത്ത് ടോം ഇമ്മട്ടി പറഞ്ഞതിലാണ് നുണ.. ഒരു മെക്സിക്കൻ അപാരത എന്ന സിനിമക്ക് കാരണമായത് 2010 ൽ എറണാകുളം മഹാരാജാസ് കോളേജിൽ കെഎസ്‍യു ചെയർമാനായ എൻ്റെ ജീവിത കഥയാണ്. സിനിമ ഇറങ്ങി 8 വർഷത്തിനിപ്പുറം രൂപേഷ് പീതാംബരൻ പറഞ്ഞതിലാണ് ശെരി. രുപേഷ് പീതാംബരൻ പറഞ്ഞത് നുണയാണെന്ന് പറയുന്ന സിനിമയുടെ സംവിധായകൻ, എൻ്റെ പ്രിയ സുഹൃത്ത് ടോം ഇമ്മട്ടി പറയുന്നതിലാണ് നുണയുള്ളത്.

വർഷങ്ങൾക്ക് മുൻപ് ഈ കാര്യം പറഞ്ഞ് എറണാകുളം മഹാരാജാസ് കോളേജിൻ്റെ മുന്നിൽ വന്ന് എന്നെ നേരിൽ കണ്ട ടോം ഇമ്മട്ടിയുടെ അന്നത്തെ മുഖവും, പിന്നീട് സിനിമ ഇറങ്ങി കഴിഞ്ഞാൽ സിനിമക്ക് കാരണമായ എൻ്റെ യഥാർത്ഥ കഥയെ കുറിച്ച് പത്രമാധ്യമങ്ങളിൽ പരസ്യം ചെയ്യുമെന്ന് പറഞ്ഞ ടോം ഇമ്മട്ടിയുടെ വാക്കുകളും ഇന്നും മനസിലുണ്ട്…

പ്രണവ് മോഹൻലാലിനെ നായകനാക്കി ഞാൻ സംവിധാനം ചെയ്യാനുറച്ച് എഴുതി കൊണ്ടിരിക്കുന്ന കാലം.താൻ ചെയ്യാൻ പോകുന്ന ഒരു മെക്സിക്കൻ അപാരത സിനിമയിലേക്ക് എൻ്റെ ജീവിത കഥ എടുത്തോട്ടെയെന്ന് , ടോം വന്ന് ആവശ്യപ്പെട്ടപ്പോൾ ഞാൻ സമ്മതിച്ചു.

എൻ്റെ സംവിധായകമോഹം ഉള്ളിലൊതുക്കി യാതൊരു സങ്കോചവുമില്ലാതെ ഞാൻ സിനിമയുടെ തിരക്കഥാ രചനയുമായി ബന്ധപ്പെട്ട് വർഷങ്ങളോളം താങ്കൾക്കൊപ്പം നിന്നു.. അന്ന്, ഏറ്റവും അടുത്ത സുഹൃത്ത് രക്ഷപ്പെട്ട് കാണമെന്ന് ആത്മാർത്ഥമായി ആഗ്രഹിച്ചത്… ഇപ്പോൾ തെറ്റായി പോയെന്ന് ഞാനിപ്പോൾ മനസ്സിലാക്കുന്നു..ആദ്യം കെഎസ്‍യു ക്കാരൻ ചെയർമാനാകുന്ന റിയൽ ലൈഫ് സിനിമാ കഥ, പിന്നീട് സ്വതന്ത്രൻ ചെയർമാനാകുന്ന സിനിമാ കഥ, പിന്നീട്, വീണ്ടും കെഎസ്‍യു ക്കാരൻ ചെയർമാനാകുന്ന സിനിമാക്കഥാ, പിന്നീട് പ്രൊഡ്യൂസറെ കിട്ടുന്നില്ലെന്നും പ്രൊജക്ട് ഓണാകുന്നില്ലെന്നും, പടം ഹിറ്റാകാൻ വേണ്ടിയാണെന്നും പറഞ്ഞ് എസ്എഫ്ഐക്കാരൻ ചെയർമാനാകുന്ന ട്വിസ്റ്റ്ഡ് സിനിമയായി ഇറങ്ങിയ കഥ. ഇങ്ങനെ നമ്മൾ എഴുത്തുമായി എത്ര വർഷങ്ങൾ ഒരുമിച്ചുണ്ടായിരുന്നു. സുഹൃത്തുക്കൾ ജീവിതവും പ്രൊഫഷനും രക്ഷപ്പെടാനായി അവരുടെ സിനിമ ജീവിതത്തിന് എൻ്റെ രാഷ്ട്രീയ നിലപാടുകൾ കാരണമാകാണ്ടെന്നും കരുതി.

കെഎസ്‍യു കഥ എസ്എഫ്ഐ ആയി മാറാൻ ഞാനും അവസാനം ഓകെ പറഞ്ഞു. പക്ഷെ, ഞാൻ കാണിച്ച സുഹൃത്ത് ബന്ധത്തോടുള്ള ആത്മാർത്ഥത സിനിമ ഇറങ്ങിയപ്പോൾ കാണിക്കാൻ എൻ്റെ പ്രിയ സുഹൃത്ത് മറന്നുപോയി. സിനിമക്ക് മുൻപ് എന്നോട് പറഞ്ഞതുപോലെ ഒരു മെക്സിക്കൻ അപാരത സിനിമക്ക് കാരണമായ യഥാർത്ഥ കഥ, എൻ്റെ ലൈഫ് സ്റ്റോറിയാണെന്ന കാര്യം പത്രമാധ്യമങ്ങളിൽ കൊടുക്കുമെന്ന് പറഞ്ഞത് പാഴ്‌വാക്കായി മാറി. സിനിമയുടെ വലിയ വിജയത്തിൽ മതി മറന്ന് നിന്നപ്പോൾ.., ആ സിനിമ നടക്കാനും വലിയ വിജയത്തിനും കാരണക്കാരനായ എന്നെ അദ്ദേഹം വിസ്മരിച്ചു പോയി. ആ മറവിക്ക് ഞാൻ കൊടുക്കേണ്ടി വന്ന വിലയെന്താണെന്ന് ഞാനിപ്പോൾ പറയുന്നില്ല.

ഇത്രയും വർഷം ടോം ഇമ്മട്ടി പറയുമെന്ന് ഞാൻ ആഗ്രഹിച്ച കാര്യം, അതിൽ അഭിനയിച്ച രുപേഷ് പീതാംബരാനാണ് ഇപ്പോൾ പറഞ്ഞത്., അതിനെ നുണയാക്കി മാറ്റിയ സംവിധായകൻ ടോം ഇമ്മട്ടിയാണ് ഇപ്പോൾ നുണ പറയുന്നത്. അത് ആരെ തൃപ്തിപ്പെടുത്താനാണെങ്കിലും അത് ശുദ്ധ പോക്കിരിത്തരമാണ്. ഏറ്റവും വലിയ തെളിവ് ഞാനായി ഇവിടെ നിലനിൽക്കുന്നിടത്തോളം കാലം.. കാലം മായ്ക്കാത്ത ചരിത്രമായി മഹാരാജാസിലെ കെഎസ്‍യുവിൻ്റെ വിജയം നിലനിൽക്കുന്നിടത്തോളം കാലം… സത്യത്തെ നുണയാക്കി മാറ്റാൻ കുറച്ച് പാടുപെടുമെന്ന് ഞാനും ടോമിനെ ഓർമ്മിപ്പിക്കുന്നു.

എന്ന്…. മഹാരാജാസിലെ ടോം ഇമ്മട്ടിയുടെ സ്വന്തം കെഎസ്‍യു ചെഗുവേര..

കൊടിമരം കൊണ്ട് പോകുന്നത്തിന്റെ സിസിടിവി ദൃശ്യം പുറത്തുവന്നിരുന്നു. ഈ മാസം 13നാണ് കേസിനാസ്പദമായ സംഭവം നടന്നത്. എസ്എഫ്‌ഐ ജില്ലാ സെക്രട്ടറിയേറ്റ് അംഗം റിധിന്‍, ചേലക്കര ഏരിയ പ്രസിഡന്റ് ശ്രുതികേഷ്, വള്ളത്തോള്‍ നഗര്‍ ഏരിയ സെക്രട്ടറി കണ്ണന്‍ എന്നിവരെയാണ് പൊലീസ് അറസ്റ്റ് ചെയ്തത്.

ചേലക്കര മണ്ഡലം കോണ്‍ഗ്രസ് പ്രസിഡന്റ് വിനോദ് പന്തലാടിയുടെ പരാതിയിലാണ് ചേലക്കര പൊലീസ് കേസെടുത്ത് അന്വേഷണം നടത്തി പ്രതികളെ അറസ്റ്റ് ചെയ്തത്. പൊതുസമാധാന ലംഘനവും, ലഹളയും ഉണ്ടാക്കണമെന്ന ഉദ്ദേശ്യത്തോടുകൂടിയാണ് എസ്എഫ്‌ഐ പ്രവര്‍ത്തകര്‍ കൊടിമരം എടുത്തുകൊണ്ടുപോയതെന്നും, മുന്‍പ് കെഎസ്യുവിന്റെ കൊടിയും ഇത്തരത്തില്‍ ആരോ എടുത്തുകൊണ്ടുപോയതായി പരാതിയുള്ളതായും എഫ്‌ഐആറില്‍ പറയുന്നു.