രാത്രി 12 മണിയൊടെ നാല് പൊലീസുകാര്‍ കതക് മുട്ടിയെന്നും എന്തിനാണ് വന്നതെന്ന് ചോദിച്ചപ്പോള്‍ തിരഞ്ഞെടുപ്പുമായി ബന്ധപ്പെട്ട വിഷയങ്ങളാണ് എന്നാണ് പറഞ്ഞതെന്നും ഷാനിമോള്‍ വ്യക്തമാക്കി.

ഐഡി കാര്‍ഡ് ചോദിച്ചപ്പോള്‍ പൊലീസ് കാണിക്കാന്‍ തയ്യാറായില്ലെന്നും ഷാനിമോള്‍ പറഞ്ഞു. യൂണിഫോം ഇടാത്തവരടക്കം ഉണ്ടായിരുന്നുവെന്നും നിയമപരമായി തെറ്റാണെന്ന് പറഞ്ഞിട്ടും വനിതാ പൊലീസ് പരിശോധന നടത്തിയെന്നും ഷാനിമോള്‍ പറയുന്നു.

എന്നാല്‍ പരിശോധനയില്‍ ഒന്നും ലഭിക്കാത്തതിനാല്‍ രേഖാമൂലം എഴുതിത്തരാന്‍ ആവശ്യപ്പെട്ടപ്പോള്‍ പൊലീസ് വിസമ്മതിച്ചതെന്നും ഷാനിമോള്‍ പറഞ്ഞു. മുറിയിലുള്ള വസ്ത്രങ്ങള്‍ ഉള്‍പ്പെടെയുള്ള സാധനങ്ങള്‍ വലിച്ചുവാരിയിട്ട് പരിശോധന നടത്തിയെന്ന് ഷാനിമോള്‍ പറഞ്ഞു. വളരെ മോശം പെരുമാറ്റമാണ് പൊലീസില്‍ നിന്ന് ഉണ്ടായതെന്നും അവര്‍ വ്യക്തമാക്കി.

മൂന്നര പതിറ്റാണ്ടായി രാഷ്ട്രീയത്തിലുണ്ടെന്നും സ്ത്രീ എന്ന രീതിയില്‍ സ്വത്വബോധത്തെ ചോദ്യം ചെയ്ത നടപടിയാണുണ്ടായതെന്നും ഷാനിമോള്‍ പറഞ്ഞു.

68851 വോട്ടുകളാണ് യു.ഡി.എഫ് നേടിയത്. 66896 വോട്ടുകള്‍ എല്‍.ഡി.എഫും 16295 വോട്ടുകള്‍ എന്‍.ഡി.എയും നേടി.

വോട്ടെണ്ണലിന്റെ ഒരു ഘട്ടത്തിലും എല്‍.ഡി.എഫ് സ്ഥാനാര്‍ഥിക്ക് മുന്നോട്ടുവരാന്‍ സാധിച്ചിരുന്നില്ല. മണ്ഡലത്തില്‍ എല്‍.ഡി.എഫിന് മേല്‍ക്കൈ ഉണ്ടായിരുന്ന സ്ഥലങ്ങളിലും ഷാനിമോള്‍ ഉസ്മാനാണ് മുന്നേറിയത്. തുടക്കം മുതല്‍ തന്നെ ഷാനിമോള്‍ ഉസ്മാന് അരൂരില്‍ വോട്ടുനിലയില്‍ ലീഡ് ഉണ്ടായിരുന്നു.

ലോക്‌സഭാ തെരഞ്ഞെടുപ്പില്‍ 648 വോട്ടുകളുടെ ഭൂരിപക്ഷമാണ് അരൂരില്‍ ഷാനിമോള്‍ ഉസ്മാന്‍ സ്വന്തമാക്കിയിരുന്നത്. ഈ നേട്ടം കൂടി പരിഗണിച്ചായിരുന്നു അരൂരില്‍ ഷാനിമോളെ ഇത്തവണ സ്ഥാനാര്‍ഥിയായി നിര്‍ത്തിയതും. ഈ നീക്കം ഫലം കണ്ടതിന്റെ സന്തോഷത്തിലാണ് യു.ഡി.എഫ് ക്യാമ്പ്.

2016ല്‍ എല്‍.ഡി.എഫ് നേടിയ മണ്ഡലത്തിലാണ് ഉപതെരഞ്ഞെടുപ്പിലൂടെ ഷാനിമോള്‍ ഉസ്മാന്‍ തെരഞ്ഞെടുക്കപ്പെട്ടത്.

കേരളം ഉള്‍പ്പെടെ 18 സംസ്ഥാനങ്ങളിലായി 51 നിയമസഭാ മണ്ഡലങ്ങളിലാണ് തിങ്കളാഴ്ച ഉപതിരഞ്ഞെടുപ്പ് നടന്നത്. ഒപ്പം, മഹാരാഷ്ട്ര, ഹരിയാന നിയമസഭാ തിരഞ്ഞെടുപ്പുകളും നടന്നു. മഹാരാഷ്ട്ര, ബീഹാര്‍ സംസ്ഥാനങ്ങളിലെ ഓരോ ലോക്‌സഭാ മണ്ഡലത്തിലും തിങ്കളാഴ്ച ആയിരുന്നു വോട്ടെടുപ്പ്. എല്ലായിടത്തെയും വോട്ടെണ്ണല്‍ ഇന്ന് നടക്കും.

അരൂര്‍: ഷാനിമോള്‍ ഉസ്മാനെതിരെ അപകീര്‍ത്തികരമായ പരാമര്‍ശം നടത്തിയ മന്ത്രി ജി.സുധാകരനെതിരെ പ്രതിഷേധവുമായി വി.ടി ബല്‍റാം എം.എല്‍.എ. ഇന്നലെ തൈക്കാട്ടുശേരിയിലെ കുടുംബ യോഗത്തിലായിരുന്നു മന്ത്രിയുടെ വിവാദ പരാമര്‍ശം. പൂതനമാര്‍ക്ക് ജയിക്കാനുള്ള സ്ഥലമല്ല അരൂരെന്ന് ജി. സുധാകരന്‍ പറഞ്ഞു. ഇതിനെതിരെയാണ് ബല്‍റാം രംഗത്തെത്തിയത്. തെരഞ്ഞെടുപ്പില്‍ എതിര്‍പക്ഷത്ത് മത്സരിക്കുന്ന സ്ത്രീകളെ ഹീനമായി അധിക്ഷേപിക്കുന്ന സി.പി.എം നേതാക്കളുടെ പതിവുശൈലിയുടെ ഭാഗം തന്നെയാണ് ജി.സുധാകരന്റെ ഷാനിമോള്‍ ഉസ്മാനെതിരായ പരാമര്‍ശമെന്ന് ബല്‍റാം പറഞ്ഞു.

ബല്‍റാമിന്റെ ഫെയ്‌സ്ബുക് കുറിപ്പ് ഇങ്ങനെ:

തെരഞ്ഞടുപ്പില്‍ തങ്ങളുടെ എതിര്‍പക്ഷത്ത് മത്സരിക്കുന്ന സ്ത്രീകളെ ഹീനമായി അധിക്ഷേപിക്കുന്ന സി.പി.എം നേതാക്കളുടെ പതിവ് ശൈലിയുടെ ഭാഗം തന്നെയാണ് അരൂരില്‍ ഷാനിമോള്‍ ഉസ്മാനെതിരെ മന്ത്രി ജി സുധാകരന്റെ വകയായി ഇത്തവണ ഉണ്ടായിരിക്കുന്നത്. മുന്‍പ് മലമ്പുഴയില്‍ വി.എസ് അച്യുതാനന്ദനും ആലത്തൂരില്‍ എ വിജയരാഘവനും ചെയ്തതും ഇതുതന്നെ.

നവോത്ഥാന കേരളം ഭരിക്കുന്ന മന്ത്രി എന്നതിനപ്പുറം സി.പി.എം നേതാവ് കൂടിയാണ് സുധാകരന്‍ എന്നതുകൊണ്ട് സാംസ്‌ക്കാരിക, മാധ്യമ മേഖലകളില്‍ നിന്നൊന്നും ഇതിനെതിരെ ഒരു വാക്ക് പോലും ഉയര്‍ന്നുവരില്ല എന്ന് നമുക്കറിയാം. എന്നാല്‍ അരൂരിലെ സാധാരണക്കാരുടെ പ്രതിഷേധം ഉയരുക തന്നെ ചെയ്യും, ജനാധിപത്യത്തിന്റെ ഭാഷയില്‍, ജനവിധിയുടെ രൂപത്തില്‍.

തൈക്കാട്ടുശേരിയിലെ കുടുംബയോഗത്തിലാണ് ജി സുധാകരന്‍ അധിക്ഷേപ പരാമര്‍ശം നടത്തിയത്. ഇത്തവണ എറണാകുളത്ത് നിന്ന് കുറച്ച് സുഹൃത്തുക്കളെ കൊണ്ടുവന്ന് കള്ളപ്രചാരണം നടത്തുകയാണെന്നും സുധാകരന്‍ കൂട്ടിച്ചേര്‍ത്തു. നവോത്ഥാനം പറഞ്ഞ് സ്ത്രീ സംരക്ഷണത്തിന് മുറവിളി കൂട്ടുന്ന ഇടതുപക്ഷം തെരഞ്ഞെടുപ്പ് സമയത്ത് നവോത്ഥാനം മറന്നുപോകുന്നതിന്റെ മറ്റൊരു ചിത്രമാണിത്. ലോക്‌സഭാ തെരഞ്ഞെടുപ്പ് സമയത്ത് രമ്യാ ഹരിദാസ് എം.പി ക്കെതിരെ സിപിഎം നേതാവ് വിജയരാഘവന്‍ വിവാദ പരാമര്‍ശം നടത്തിയിരുന്നു.

ആലപ്പുഴയില്‍ യു.ഡി.എഫ് സ്ഥാനാര്‍ഥി ഷാനിമോള്‍ ഉസ്മാന്‍ പരാജയപ്പെട്ടത് പരിശോധിക്കാന്‍ പ്രത്യേക സമിതിയെ ചുമതലപ്പെടുത്തും. സമിതി അംഗങ്ങളെ കെ.പി.സി.സി അധ്യക്ഷന്‍ തീരുമാനിക്കും. കെ.പി.സി.സി നേതൃയോഗത്തിലാണ് ഇത് സംബന്ധിച്ച് തീരുമാനം കൈക്കൊണ്ടത്.
പ്രളയ സെസ് ചുമത്താനുള്ള സര്‍ക്കാര്‍ തീരുമാനം അംഗീകരിക്കാനാവില്ല. ജനങ്ങളോട് കാണിക്കുന്ന ക്രൂരതയാണിത്.
ശബരിമല വിഷയത്തില്‍ കോണ്‍ഗ്രസിന്റെ നിലപാട് ജനങ്ങള്‍ പൂര്‍ണമായും അംഗീകരിച്ചുവെന്നതിന്റെ തെളിവായാണ് ജനവിധിയെ പാര്‍ട്ടി നോക്കിക്കാണുന്നത്. ബി.ജെ.പിയും ആര്‍.എസ്.എസും തങ്ങളെ വഞ്ചിച്ചുവെന്ന ബോധ്യം ഭൂരിപക്ഷ സമുദായത്തില്‍പെട്ടവര്‍ക്ക് അല്‍പം വൈകിയിട്ടാണെങ്കിലും വന്നിട്ടുണ്ട്.

ശബരിമല വിധിയില്‍ പുനഃപരിശോധനാ ഹരജി നല്‍കണമെന്ന് ആദ്യമായി ആവശ്യപ്പെട്ടത് കോണ്‍ഗ്രസ് ആയിരുന്നു. ശബരിമല വിധിയുണ്ടായപ്പോള്‍ രണ്ട് തവണ പാര്‍ലമന്റെ് സമ്മേളിച്ചിട്ടുപോലും ഇതുസംബന്ധിച്ച് ഒരു നിയമനിര്‍മാണം നടത്തുന്ന കാര്യത്തില്‍ ബി.ജെ.പി ദയനീയമായി പരാജയപ്പെട്ടുവെന്നും മുല്ലപ്പള്ളി വ്യക്തമാക്കി.