നിലവിൽ സുപ്രീം കോടതി 50 ശതമാനമായി ഉയർത്തിയ സംവരണ പരിധി 75 ശതമാനമായി ഉയർത്തണമെന്നാണ് അദ്ദേഹത്തിന്റെ ആവശ്യം. 1990-ൽ പട്ടികജാതി, പട്ടികവർഗ, പിന്നോക്ക വിഭാഗങ്ങൾക്കുള്ള സംവരണം 69 ശതമാനമായി ഉയർത്തിയ തമിഴ്‌നാടിനെ ചൂണ്ടിക്കാണിച്ച പവാർ, എന്തുകൊണ്ട് മഹാരാഷ്ട്രയ്ക്ക് അത് ചെയ്യാൻ കഴിയില്ലെന്ന് ചോദിച്ചു.

‘സംവരണ ക്വാട്ടയിലെ 50% പരിധി മറികടക്കാൻ ഒരു സർക്കാരിനും കഴിയില്ല എന്നതാണ് പ്രശ്നം. ഒരു സംസ്ഥാനത്തിന് കൂടുതൽ സംവരണം വേണമെങ്കിൽ പാർലമെൻ്റിൽ നിയമനിർമാണം നടത്തി മാറ്റങ്ങൾ വരുത്തേണ്ടിവരും, ‘ അദ്ദേഹം പറഞ്ഞു. എന്നാൽ, മഹാരാഷ്ട്ര തെരഞ്ഞെടുപ്പിന് തൊട്ടുമുമ്പ് എന്തിനാണ് പവാർ വിഷയം ഉന്നയിക്കുന്നതെന്നും മുഖ്യമന്ത്രിയായിരിക്കെ പ്രശ്നം പരിഹരിക്കാൻ അദ്ദേഹം എന്താണ് ചെയ്തതെന്ന് വ്യക്തമാക്കണമെന്നും ശിവസേന ആവശ്യപ്പെട്ടു.

പവാറിൻ്റെ പ്രസ്താവനയെ വഞ്ചിത് ബഹുജൻ അഘാഡി നേതാവ് പ്രകാശ് അംബേദ്കർ വിമർശിച്ചു. ക്വാട്ട പരിധി 75% ആയി ഉയർത്തണമെന്ന ആവശ്യം പവാറിൻ്റെ ബുദ്ധിയില്ലായ്മയുടെ സൂചനയാണെന്നും നാഷണലിസ്റ്റ് കോൺഗ്രസ് പാർട്ടിയുടെയും കോൺഗ്രസിൻ്റെയും നേതാക്കൾ അടങ്ങുന്ന സഹകരണ മേഖലയ്ക്ക് എപ്പോൾ ക്വാട്ട ആനുകൂല്യം നൽകുമെന്നും അദ്ദേഹം ചോദിച്ചു.

‘ഇത് പവാറിന്റെ ബുദ്ധിയില്ലായ്മയാണ്. സംവരണം ഒരു വികസന പ്രശ്നമല്ല. ഇത് ഒരു സമൂഹത്തെ ഉന്നതിയിലേക്ക് എത്തിക്കുന്നതായാണ്,’ അംബേദ്കർ പറഞ്ഞു. 75% സംവരണം ആവശ്യപ്പെടുന്നത് പൗരന്മാർക്ക് സുരക്ഷിതമായ ജീവിതം നൽകാനുള്ള ഉത്തരവാദിത്തത്തിൽ നിന്ന് ഒളിച്ചോടുന്നതിന് തുല്യമാണെന്ന് അംബേദ്കർ പറഞ്ഞു.

അതേസമയം, നിയമസഭാ തെരഞ്ഞെടുപ്പിന് മാതൃകാ പെരുമാറ്റച്ചട്ടം നിലവിൽ വരുന്നതിന് മുമ്പ് ഒ.ബി.സി വിഭാഗത്തിന് കീഴിലുള്ള സമുദായത്തിന് സംവരണം നൽകിയില്ലെങ്കിൽ അധികാരത്തിലുള്ളവരെ വെറുതെ വിടില്ലെന്ന് മറാത്ത ക്വാട്ട ആക്ടിവിസ്റ്റ് മനോജ് ജാരങ്കെ പറഞ്ഞു.

കോണ്‍ഗ്രസ് നാളെ മുംബൈയില്‍ സംഘടിപ്പിക്കുന്ന മുന്‍പ്രധാനമന്ത്രി രാജീവ് ഗാന്ധിയുടെ ജന്‍മവാര്‍ഷിക ആഘോഷങ്ങളില്‍ എൻസിപി (എസ്പി) നേതാവ് ശരദ് പവാറും ശിവസേന (യുബിടി) തലവൻ ഉദ്ധവ് താക്കറെയും പങ്കെടുക്കും.

മഹാരാഷ്ട്ര പ്രദേശ് കോൺഗ്രസ് കമ്മിറ്റിയും (എംപിസിസി) മുംബൈ റീജിയണൽ കോൺഗ്രസ് കമ്മിറ്റിയും (എംആർസിസി) സെൻട്രൽ മുംബൈയിലെ ഷൺമുഖാനന്ദ ഹാളിൽ സംഘടിപ്പിക്കുന്ന കൺവെൻഷനിൽ കോൺഗ്രസ് അധ്യക്ഷൻ മല്ലികാർജുൻ ഖാർഗെ, മഹാരാഷ്ട്രയുടെ എഐസിസി ചുമതലയുള്ള രമേശ് ചെന്നിത്തല എന്നിവർക്കൊപ്പം പവാറും താക്കറെയും വേദി പങ്കിടും. മുൻ കോൺഗ്രസ് അധ്യക്ഷൻ കൂടിയായ രാജീവ് ഗാന്ധിയുടെ ജന്മസ്ഥലമാണ് മുംബൈ.ജന്മവാർഷികത്തോടനുബന്ധിച്ച് നിരവധി പരിപാടികളാണ് കോൺഗ്രസ് മുംബൈയിൽ ആസൂത്രണം ചെയ്തിരിക്കുന്നത്. ബാന്ദ്ര കുർള കോംപ്ലക്‌സിൽ പാർട്ടി റാലി നടത്തും.

മഹാരാഷ്ട്ര കോണ്‍ഗ്രസ് പ്രസിഡന്‍റ് നാനാ പടോലെ, കോണ്‍ഗ്രസ് ലെജിസ്ലേച്ചര്‍ പാര്‍ട്ടി ലീഡര്‍ ബാലാസാഹേബ് തോറാട്ട്, വിധാൻസഭയിലെ പ്രതിപക്ഷ നേതാവ് വിജയ് വഡേത്തിവാർ, മുംബൈ കോൺഗ്രസ് അധ്യക്ഷയും എംപിയുമായ വർഷ ഗെയ്ക്വാദ് എന്നിവരും കണ്‍വെന്‍ഷനില്‍ പങ്കെടുക്കും. വരാനിരിക്കുന്ന മഹാരാഷ്ട്ര നിയമസഭാ തെരഞ്ഞെടുപ്പിനായി എംവിഎ ഘടകകക്ഷികളായ കോൺഗ്രസ്, എൻസിപി (എസ്‌പി), ശിവസേന (യുബിടി) എന്നിവക്കിടയിൽ നടന്നുകൊണ്ടിരിക്കുന്ന ചർച്ചകളുടെ പശ്ചാത്തലത്തിലാണ് കണ്‍വെന്‍ഷന്‍ നടക്കുന്നത്.

സഖ്യ കക്ഷികള്‍ തമ്മിലുള്ള ഏകോപനം വര്‍ധിപ്പിക്കുന്നതിനായി എംവിഎ സഖ്യം കഴിഞ്ഞ ആഴ്ച മുംബൈയിൽ നേതാക്കളുടെയും ഭാരവാഹികളുടെയും സംയുക്ത യോഗം നടത്തിയിരുന്നു. തെരഞ്ഞെടുപ്പിൽ എംവിഎയുടെ മുഖ്യമന്ത്രി മുഖം ആരാണെന്ന് മുൻകൂട്ടി പ്രഖ്യാപിക്കണമെന്ന് താക്കറെ യോഗത്തിൽ സഖ്യത്തോട് ആവശ്യപ്പെട്ടിരുന്നു. മുഖ്യമന്ത്രി സ്ഥാനത്തേക്ക് കോൺഗ്രസിൽ നിന്നോ എൻസിപിയിൽ നിന്നോ (എസ്പി) ഏത് നേതാവിനെയും പിന്തുണയ്ക്കാൻ തയ്യാറാണെന്നും അദ്ദേഹം വ്യക്തമാക്കിയിരുന്നു.

ശരദ് പവാര്‍ ബിജെപി ചേരിയിലുള്ള അജിത് പവാറുമായി കൂടിക്കാഴ്ച നടത്തിയത് രാഷ്ട്രീയ ചര്‍ച്ചയ്ക്കു വഴിവച്ച സാഹചര്യത്തിലാണ്, മഹാരാഷ്ട്ര വികാസ് അഘാഡിയില്‍ ഭിന്നിപ്പുണ്ടെന്നു വ്യക്തമാക്കി കോണ്‍ഗ്രസ് നേതാവ് തന്നെ രംഗത്തുവന്നത്. ഇത്തരം സംഭവങ്ങള്‍ ജനങ്ങളില്‍ ആശയക്കുഴപ്പമുണ്ടാക്കുമെന്ന് നാനാ പട്ടോളെ പറഞ്ഞു.

പൂനെയില്‍ ബിസിനസ് പ്രമുഖന്റെ വീട്ടില്‍ വച്ചാണ് ശരദ് പവാറും അജിത് പവാറും തമ്മിലുള്ള കൂടിക്കാഴ്ച നടന്നത്. കൂടിക്കാഴ്ചയ്ക്കു ശേഷം അജിത് പവാര്‍ മാധ്യമങ്ങളെ ഒഴിവാക്കി മടങ്ങുന്നതിന്റെ വിഡിയോ ദൃശ്യങ്ങള്‍ പുറത്തുവന്നിരുന്നു.

കോണ്‍ഗ്രസ് കേന്ദ്ര നേതൃത്വത്തെ പുതിയ സംഭവ വികാസങ്ങള്‍ അറിയിച്ചിട്ടുണ്ടെന്ന് നാനാ പട്ടോളെ വ്യക്തമാക്കി. ഹൈക്കമാന്‍ഡ് സ്ഥിതിഗതികള്‍ സസൂക്ഷ്മം നിരീക്ഷിക്കുന്നുണ്ട്. ഇന്ത്യാ മുന്നണിയുടെ അടുത്ത യോഗത്തില്‍ ഇതു ചര്‍ച്ചയാവും. ശിവസേനാ നേതാവ് ഉദ്ധവ് താക്കറെയുമായി താന്‍ ഇക്കാര്യം സംസാരിക്കുമെന്നും നാനാ പട്ടോളെ അറിയിച്ചു.

ബിജെപിയോടു ചേരാന്‍ സമ്മര്‍ദമുണ്ടെന്നും എന്നാല്‍ അതിനു വഴങ്ങില്ലെന്നുമാണ്, രാഷ്ട്രീയ വിവാദമായ കൂടിക്കാഴ്ചയ്ക്കു ശേഷം ശരദ് പവാര്‍ പ്രതികരിച്ചത്.

288 അംഗങ്ങളുള്ള മഹാരാഷ്ട്ര നിയമസഭയില്‍ നിലവില്‍ 45 കോണ്‍ഗ്രസ് എംഎല്‍എമാരുണ്ട്. എന്‍സിപിയില്‍ വിമതനീക്കം നടന്നതോടെ നേരത്തെയുള്ള 53 എംഎല്‍എമാരില്‍ നിന്ന് എണ്ണം കുറഞ്ഞു. കഴിഞ്ഞ വര്‍ഷം ഏക്‌നാഥ് ഷിന്‍ഡെയുടെ വിമതനീക്കത്തിന് മുന്‍പ് 56 എംഎല്‍എമാരുണ്ടായിരുന്ന ശിവസേന ഇപ്പോള്‍ 16 ലേക്ക് ചുരുങ്ങി.

സംസ്ഥാന നിയമസഭയില്‍ ഏത് പാര്‍ട്ടിക്കാണ് ഏറ്റവും കൂടുതല്‍ അംഗബലം ഉള്ളത് എന്നതിനെ അടിസ്ഥാനമാക്കിയാവും പ്രതിപക്ഷ നേതാവിന്റെ കാര്യത്തില്‍ തീരുമാനമെടുക്കുക എന്ന് കോണ്‍ഗ്രസ് നിയമസഭ കക്ഷി നേതാവ് ബാലാസാഹിബ് തോറാട്ട് കഴിഞ്ഞ ദിവസം പറഞ്ഞിരുന്നു. കോണ്‍ഗ്രസ് എംഎല്‍എമാര്‍ സുരക്ഷിതരാണെന്നും അദ്ദേഹം പറഞ്ഞു.

വെള്ളിയാഴ്ച കൂറുമാറിയ അജിത് പവാറിന് പകരക്കാരനായി ജിതേന്ദ്ര അവാദിനെ പ്രതിപക്ഷ നേതാവായി എന്‍സിപി പ്രഖ്യാപിച്ചതിന് പിന്നാലെയാണ് ആവശ്യവുമായി കോണ്‍ഗ്രസ് രംഗത്തെത്തിയത്. ഈ വിഷയത്തില്‍ കോണ്‍ഗ്രസുമായി മത്സരിക്കേണ്ട കാര്യമില്ലെന്നും എന്‍സിപിക്ക് അംഗസംഖ്യ കുറവാണെങ്കില്‍ പുതിയ പ്രതിപക്ഷ നേതാവ് കോണ്‍ഗ്രസില്‍ നിന്നാകുമെന്നും എന്‍സിപി സംസ്ഥാന അദ്ധ്യക്ഷന്‍ ജയന്ത് പാട്ടീല്‍ പറഞ്ഞു.

പ്രസ്താവനയ്ക്ക് രാഷ്ട്രീയ മാനങ്ങളുണ്ടെന്നാണ് വിലയിരുത്തപ്പെടുന്നത്. നേരത്തെ, മുതിര്‍ന്ന ബിജെപി നേതാവ് ഏക്‌നാഥ് ഖാട്‌സെ എന്‍സിപിയിലേക്ക് ചേക്കേറിയിരുന്നു. ഇതിന് പിന്നാലെയാണ് പങ്കജയുടെ പേരും പറഞ്ഞു കേട്ടിരുന്നത്. കരിമ്പു കര്‍ഷകരുമായുള്ള ചര്‍ച്ചയ്ക്ക് ശേഷം പവാറിനെ പ്രശംസിച്ച് പങ്കജയും രംഗത്തെത്തിയിരുന്നു.

മഹാരാഷ്ട്ര ഉപമുഖ്യമന്ത്രിയായിരുന്ന ഗോപിനാഥ് മുണ്ടെയുടെ മകളാണ് പങ്കജ മുണ്ടെ. ദേവേന്ദ്ര ഫഡ്‌നാവിസ് മന്ത്രിസഭയില്‍ വനിതാ ശിശുക്ഷേമ വകുപ്പു മന്ത്രിയായിരുന്നു.

അതേസമയം, സംസ്ഥാനത്ത് പുതിയ സര്‍ക്കാര്‍ നിലവില്‍ വന്നില്ലെങ്കില്‍ മഹാരാഷ്ട്രയില്‍ രാഷ്ട്രപതി ഭരണം കൊണ്ടുവരുമെന്ന ഭീഷണിയുമായി ബിജെപി രംഗത്ത്. നവംബര്‍ 7 നകം പുതിയ സര്‍ക്കാര്‍ നിലവില്‍ വന്നില്ലെങ്കില്‍ മഹാരാഷ്ട്ര രാഷ്ട്രപതി ഭരണത്തിലേക്ക് പോകുമെന്ന് ബിജെപിയുടെ മുതിര്‍ന്ന നേതാവും മുന്‍ ധനമന്ത്രിയുമായ സുധീര്‍ മുങ്കന്തിവാര്‍ വെള്ളിയാഴ്ച പറഞ്ഞു.

ഒക്ടോബര്‍ 21 ലെ നിയമസഭാ തെരഞ്ഞെടുപ്പ് ഫലം കഴിഞ്ഞ് എട്ട് ദിവസത്തിന് ശേഷവും സര്‍ക്കാര്‍ രൂപീകരണത്തില്‍ പുരോഗതി കാണാത്തതിനാലാണ് മന്ത്രിയുടെ പരാമര്‍ശം.

ഇന്നലെ സര്‍ക്കാര്‍ രൂപീകരണ വിഷയത്തില്‍ ശിവസേന പ്രതിനിധികള്‍ ഗവര്‍ണറെ കണ്ടിരിന്നു. ആദിത്യ താക്കറെയുടെ നേതൃത്വത്തിലുള്ള സംഘമാണ് ഗവര്‍ണര്‍ ഭഗത് സിങ് കോശിയാരിയെ രാജ്ഭവനിലെത്തി കണ്ടത്. സംസ്ഥാനത്തെ വരള്‍ച്ച ബാധിത പ്രദേശങ്ങള്‍ക്കാവശ്യമായ ഫണ്ട് ലഭ്യമാക്കണമെന്ന് കൂടിക്കാഴ്ചയില്‍ ഗവര്‍ണറോട് ആവശ്യപ്പെട്ടതായി സംഘത്തിലുണ്ടായിരുന്ന നിയമസഭാ കക്ഷി നേതാവ് ഏകനാഥ് ഷിന്‍ഡെ പറഞ്ഞു. ഗവര്‍ണറെ കാണും മുമ്പ് ശിവസേന നിയമസഭാ കക്ഷി യോഗം ചേര്‍ന്ന് ഷിന്‍ഡെയെ കക്ഷി നേതാവായി തെരഞ്ഞെടുത്തിരുന്നു. മുഖ്യമന്ത്രി പദത്തിന്റെ കാര്യത്തില്‍ 50-50 ഫോര്‍മുല അംഗീകരിക്കുന്നത് വരെ വിട്ടുവീഴ്ച വേണ്ടെന്ന നിലപാട് ശിവസേന ഇന്നലെയും ആവര്‍ത്തിച്ചു.

ശിവസേന വിചാരിച്ചാല്‍ മഹാരാഷ്ട്രയില്‍ സ്ഥിരതയുള്ള സര്‍ക്കാര്‍ രൂപികരിക്കാനുള്ള പിന്തുണ ലഭിക്കുമെന്ന് പാര്‍ട്ടി നേതാവ് സഞ്ജയ് റാവത്ത് പറഞ്ഞു. ശിവസേനയുടെ മുഖ്യമന്ത്രി മഹാരാഷ്ട്ര ഭരിക്കണമെന്നാണ് ജനങ്ങള്‍ താല്‍പ്പര്യപ്പെടുന്നതെന്നും സഞ്ജയ് റാവത്ത് പറഞ്ഞു.

മന്ത്രിസഭയില്‍ നിര്‍ണായക വകുപ്പുകള്‍ ലഭിച്ചാല്‍ തങ്ങളുടെ ആവശ്യങ്ങളില്‍ നിന്നും പിന്‍മാറുമെന്ന റിപ്പോര്‍ട്ടുകള്‍ ശിവസേന തള്ളി. 50-50 ഫോര്‍മുല എന്ന ആവശ്യത്തില്‍ ഉറച്ച് നില്‍ക്കുന്നതായി ശിവസേന നേതാവ് സഞ്ജയ് റാവത്ത് പറഞ്ഞു. ശിവസേനക്കാരന്‍ മുഖ്യമന്ത്രിയാവുന്നതിന് ആവശ്യമെങ്കില്‍ കാത്തിരിക്കണമെന്നായിരുന്നു പുതുതായി തെരഞ്ഞെടുക്കപ്പെട്ട അംഗങ്ങളോട് പാര്‍ട്ടി അധ്യക്ഷന്‍ ഉദ്ദവ് താക്കറേയുടെ ആഹ്വാനം. ഇതോടെ അധികാര തര്‍ക്കം ഉടന്‍ തീരുമെന്ന ബി.ജെ.പി പ്രതീക്ഷകള്‍ക്ക് മങ്ങലേറ്റു. അതേ സമയം കോണ്‍ഗ്രസ്-എന്‍.സി.പി പാര്‍ട്ടികളുമായി ശിവസേന ബന്ധപ്പെടുന്നുണ്ടെന്ന കാര്യം പാര്‍ട്ടി നേതാക്കള്‍ വ്യക്തമാക്കി.
ബി.ജെ.പിയുടെ പ്രശ്‌നം തങ്ങള്‍ക്ക് അറിയാമെങ്കിലും തങ്ങള്‍ക്ക് തങ്ങളുടെ പാര്‍ട്ടിയെ മുന്നോട്ടു കൊണ്ടു പോകേണ്ടതുണ്ടെന്നായിരുന്നു ഉദ്ദവ് താക്കറേയുടെ പ്രതികരണം. നിലപാടില്‍ വ്യക്തത വരുത്തുന്നത് വരെ ബി.ജെ.പിയുമായി ചര്‍ച്ചക്കില്ലെന്നും അമിത് ഷായും താനുമായി എന്ത് കരാറാണ് ഉണ്ടാക്കിയതെന്ന് അറിയില്ലെന്ന് പറയുന്ന മുഖ്യമന്ത്രി ഫഡ്‌നാവിസ് ആദ്യം അക്കാര്യത്തില്‍ വ്യക്തത വരുത്തുകയാണ് വേണ്ടതെന്നും ഉദ്ദവ് താക്കേറെ പറഞ്ഞു. കോണ്‍ഗ്രസ് നേതാക്കള്‍ എന്‍.സി.പി അധ്യക്ഷന്‍ ശരത് പവാറുമായി ഇന്നലെ കൂടിക്കാഴ്ച നടത്തി.

കഴിഞ്ഞ ലോക്‌സഭാ തെരഞ്ഞെടുപ്പിന് മുമ്പ് നരേന്ദ്ര മോദിക്കെതിരായ ജനവികാരം വലിയ തോതില്‍ ഉണ്ടായിരുന്നു. എന്നാല്‍ പുല്‍വാമ ഭീകരാക്രമണത്തില്‍ സൈനികര്‍ കൊല്ലപ്പെട്ടതോടെ ആ വികാരം പോയിക്കിട്ടി. ആ ആനുകൂല്യത്തിലാണ് മോദി വീണ്ടും അധികാരത്തിലെത്തിയത്-പവാര്‍ വ്യക്തമാക്കി.

ജനങ്ങള്‍ക്ക് എന്‍.സി.പിയിലുള്ള പ്രതീക്ഷ വര്‍ധിക്കുകയാണെന്നും പവാര്‍ പറഞ്ഞു. കോണ്‍ഗ്രസുമായി എന്‍.സി.പി സഖ്യമുണ്ടാക്കിയിട്ടുണ്ട്. ബഹുജന്‍ വികാസ് അഗാദി, സമാജ്വാദി പാര്‍ട്ടി തുടങ്ങിയ ചെറുപാര്‍ട്ടികളെയും ഒപ്പം കൂട്ടാനുള്ള ശ്രമം നടത്തിവരികയാണെന്നും അദ്ദേഹം വ്യക്തമാക്കി.

ശിവസേനയുമായുള്ള സഖ്യ വിഷയത്തില്‍ പ്രതികരിച്ച ശരത് പവാര്‍, ഇവിഎം സംബന്ധിച്ച് വിഷയത്തില്‍ രാജ് താക്കറെ സോണിയ ഗാന്ധിയെ കണ്ടതായും വോട്ടിങ് മെഷീന്‍ ഉപയോഗിച്ച് തെരഞ്ഞെടുപ്പ് നടത്തുന്നതില്‍ പ്രതിഷേധിച്ച് നിയമസഭാ തെരഞ്ഞെടുപ്പ് ബഹിഷ്‌കരിക്കാന്‍ രാജ് താക്കറെയുടെ എംഎന്‍എഎസ് ആലോചിക്കുന്നുണ്ടെന്നും പവാര്‍ പറഞ്ഞു. പ്രാദേശിക പാര്‍ട്ടികളുമായി സീറ്റ് വിഭജനം സംബന്ധിച്ച് എന്‍സിപിയും കോണ്‍ഗ്രസും ചര്‍ച്ച നടത്തും. മണ്ഡലവും സ്ഥാനാര്‍ത്ഥികളും സംബന്ധിച്ചുള്ള വിവരങ്ങള്‍ അടുത്ത ദിവസങ്ങളില്‍ പ്രഖ്യാപിക്കും. വോട്ടിങ് മെഷീനിന്റെ പേരില്‍ തെരഞ്ഞെടുപ്പ് തങ്ങള്‍ ബഹിഷ്‌കരിക്കില്ലെന്നും പവാര്‍ പറഞ്ഞു. ദേശീയതലത്തില്‍ ഒരു പാര്‍ട്ടികളും ഇങ്ങനെ തീരുമാനിച്ചിട്ടില്ല.

എംഎന്‍എസ്സിന്റെ പല നേതാക്കളുമായും സഖ്യചര്‍ച്ച നടത്തിയിരുന്നു. എന്‍സിപിയിലെയും മറ്റു പാര്‍ട്ടികളിലെയും നേതാക്കളെ പ്രലോഭിപ്പിച്ചു അടര്‍ത്തിയെടുക്കാന്‍ ബിജെപി ശ്രമം നടത്തുകയാണ്. പ്രതിപക്ഷത്തെ ഇല്ലാതാക്കാനാണ് ബിജെപി ശ്രമം. എന്‍സിപി നേതാക്കള്‍ പാര്‍ട്ടി വിടുന്നതിന് പിന്നില്‍ പ്രവര്‍ത്തിച്ചത് മുഖ്യമന്ത്രി ദേവേന്ദ്ര ഫട്‌നാവിസ് ആണെന്നും പവാര്‍ ആരോപിച്ചു. പലരെയും നിര്‍ബന്ധിച്ചാണ് പാര്‍ട്ടിയില്‍ നിന്ന് കൊണ്ടുപോകുന്നത്. കേന്ദ്ര സര്‍ക്കാര്‍ അന്വേഷണ ഏജന്‍സികളെ വെച്ച് ഇവരില്‍ സമ്മര്‍ദ്ദം ചെലുത്തുന്നുണ്ടെന്നും പവാര്‍ ആരോപിച്ചു. മൂന്ന് നേതാക്കളാണ് ഈ ആഴ്ച്ച എന്‍സിപി വിട്ടത്.

റാഫേല്‍ വിമാനങ്ങള്‍ വാങ്ങുന്ന കാര്യത്തില്‍ മോദിയുടെ ഉദ്ദേശശുദ്ധിയെ സംശയിക്കേണ്ടെന്നായിരുന്നു പവാറിന്റെ പ്രസ്താവന. ഇതേത്തുടര്‍ന്ന് നിരവധി പേര്‍ എന്‍.സി.പി പാര്‍ട്ടിയില്‍ നിന്ന് രാജിവെച്ചിരുന്നു. ഇതിനു പിന്നാലെയാണ് നിലപാട് തിരുത്തി പവാര്‍ രംഗത്തെത്തിയത്. മഹാരാഷ്ട്രയില്‍ ഒരു പാര്‍ട്ടി യോഗത്തില്‍ സംസാരിക്കവെയാണ് പവാര്‍ നിലപാട് മാറ്റിയത്.

ആദ്യം 650 കോടി വില നിശ്ചയിച്ചിരുന്ന വിമാനത്തിന്റെ വില 1600 കോടിയായി ഉയര്‍ന്നത് എങ്ങനെയാണെന്ന് കേന്ദ്രസര്‍ക്കാര്‍ വ്യക്തമാക്കണമെന്നും ശരദ് പവാര്‍ ആവശ്യപ്പെട്ടു.